Connect with us

تازه خبرونه

د افغانستان یو پلاوي له امریکايي پلاوي سره د خبرو لپاره دوحې ته ولاړ



(Last Updated On: چنګاښ ۸, ۱۴۰۱)

نن چارشنبه د چنګاښ ۸ د افغانستان اسلامي امارت د بهرنیو چارو وزارت د چارسمبالي مولوي امیر خان متقي پر مشرۍ یو کاري پلاوی له امریکايي چارواکو سره د خبرو لپاره د دوحې پر لوري روان شو.

له متقي سره په دې سفر کې د مالیې وزارت او د افغانستان بانک چارواکي هم مل دي.

د افغانستان د بهرنیو چارو وزارت د ویاند مرستیال حافظ ضیا احمد ويلي، دغه پلاوی به د افغانستان لپاره د امریکا له ځانګړي استازي او د امریکا د خزانې وزارت له چارواکو سره وګوري.

نوموړي زیاته کړې؛ په دې غونډه کې به پر سياسي، اقتصادي او بانکي مسايلو خبرې وشي.

د واشنګټن پوست لخوا د افغانستان د درې اعشاریه پېنځه میلیارد دالرو پانګې آزادولو ته د امریکا د لیوالتیا د راپور له خپرېدو وروسته د افغان چارواکو لوړپوړی پلاوی قطر ته روان شو.

واشنګټن پوست ویلي، چې امریکا غواړي دا درې اعشاریه پېنځه میلیارد دالر داسې آزاد کړي، چې د اسلامي امارت چارواکي پرې کنټرول ونلري.

د افغانستان بانک د کنګل شوې شتمنۍ له آزادېدو هرکلی کوي او زیاتوي، چې په دې اړه مو له امریکا سره خبرې روانې پاتې دي.

د افغانستان بانک ویاند محمد صابر مومند وایي: مونږ له ټولو هغو اقداماتو هرکلی کوو، چې پر بنسټ يې د افغانستان کنګل شوې پانګه آزاد یږي. په دې اړه مونږ له امریکا سره پخوا هم خبرې کړې وي.

د افغانستان د خصوصي  سکتور غړي او اقتصادي شنونکي د افغانستان د کنګل شوې شتمنۍ آزادیدو ته هیله مند دي او وايي، چې د هېواد په اقتصادي حالت کې به مثبت اغېز ولري.

د صنایعو او کانونو خونې عمومي مشر شېرباز کمین زاده وایي: مونږ د امریکا او افغانستان اسلامي امارت له دې هڅې هرکلی کوو او دا به د افغانستان د اقتصاد لپاره خورا ښه او  ګټوره پایله ولري او په هېواد کې به مو اقتصادي خوځښت رامنځته کړي.

اقتصادي شنونکی تاج محمد تلاش وایي: مونږ ګورو، چې د افغانستان د دغو پیسو د بندیو له کبله د افغانستان ولس له ګڼو اقتصادي ستونزو سره مخ شوی او ټول اقتصادي او پراختیایي پروګرامونه پر ټپه ولاړ دي.

افغانستان، چې نه یوازې د تېر حکومت پر مهال  په اقتصادي بحران کې ډوب و، بلکې د اسلامي امارت له بیا واکمنېدو سره امریکا د افغانستان څه باندې نهه میلیارد دالر پانګه هم کنګل کړه او دا دی په پکتیکا او خوست کې وروستیو زلزلو یو بل ناورین رامنځته کړ او امریکا اړ شوه، چې د افغانستان له زلزلې خپلو سره د ۵۵ میلیونه ډالرمرسته اعلان کړي.

دا په داسې حال کې ده، چې واشنګټن پوسټ د سې شنبې پر ورځ څرګنده کړه؛ امریکایي چارواکي د اسلامي امارت له مشرتابه سره پر یوه داسې میکانیزم کار کوي، چې حکومت د افغانستان بانک د زیرمو سرور د لوږې له ناورین سره د مبارزې لپاره وکاروي او د بشري ناورین له اغېزو پرې مخنیوی وکړي.

تازه خبرونه

په پاکستان د سند له زندانه ۴۰ افغانان خوشې شول



(Last Updated On: سلواغه ۱۸, ۱۴۰۱)

د افغانستان اسلامي امارت د مهاجرینو چارو وزارت څرګنده کړې، چې په اسلام‌آباد کې د افغانستان سفارت پر هڅو د پاکستان د سند ایالت له زندان څخه ۴۰ افغان بندیان خوشې شوي دي.

د یاد وزارت د څرګندونو له مخې؛ دغه خوشې شوي افغانان به د کندهار ولاتیت د سپین بولدک او د افغانستان له لارې به هېواد ته راستانه شي.

په دغه اعلامیه کې همداراز ټینګار شوی؛ د ۱۶۰ نورو بندیانو دوسیې هم تر څېړنې لاندې دي او ټاکل شوې، چې په درې ورځو کې خوشې او هېواد ته راستانه شي.

د مهاجرینو د وزارت د اعلامیې پر بنسټ؛ له تېرې یوې نیمې میاشتې راپدیخوا په پاکستان کې سلګونه بندیان خوشي او هېواد ته راستانه شوي دي.

تر اوسه معلومه نده، چې په پاکستان کې څومره افغانان بندیان دي.

تېره اوونۍ په اسلام‌آباد کې د افغانستان سفارت د پاکستان له زندانونو د ۱۴۰ افغانانو د خوشي کېدو اعلان وکړ.

Continue Reading

تازه خبرونه

Millions in US dollars smuggled into Afghanistan from Pakistan daily



(Last Updated On: سلواغه ۱۸, ۱۴۰۱)

Millions of dollars are being smuggled into Afghanistan from Pakistan every day, providing some support for the fragile economy.

Muhammad Zafar Paracha, general secretary of the Exchange Companies Association of Pakistan, told Bloomberg that traders and smugglers bring as much as $5 million across the border daily, which more than covers the as much as $17 million that Afghanistan’s central bank injects into the market each week.

The illicit cash flows show how the Islamic Emirate of Afghanistan (IEA) is evading sanctions after their 2021 takeover of the country, Bloomberg reported.

For Pakistan, however, it’s contributing to the depletion of foreign reserves and adding to the downward pressure on the rupee as the currency tumbles to record lows and the economy teeters on the edge of collapse.

“Currency is being smuggled without any doubt,” Paracha told Bloomberg. “This has become quite a lucrative business.”

“Afghanistan has about a $10 to $15 million requirement on a daily basis,” said Khurram Schehzad, chief executive officer at Alpha Beta Core Solutions Pvt Ltd., a financial consultancy in Karachi. Half of this is estimated to come from Pakistan, he said.

Da Afghanistan Bank, the country’s central bank, has enough dollars in reserve to support the economy, the bank’s spokesman Haseeb Noori told Bloomberg.

However, some of it comes from the UN, which has been providing about $40 million in humanitarian aid each week since late 2021.

This cash is transported by air to Kabul each week and much of it then needs to be converted into afghani after it arrives. So even though the aid doesn’t directly benefit the IEA, the dollars ultimately end up in the central bank’s coffers, Bloomberg reported, adding that the UN wasn’t immediately available to comment.

According to the report, the afghani has gained about 5.6% against the US dollar over the past year through Monday, one of the strongest performances of any currency in the world.

This while Pakistan’s rupee has lost about 37% against the US currency over the same period, one of the largest declines. It fell about 10% in one day in late January, the biggest drop in at least two decades, as the crisis-stricken government relaxed its grip over the exchange rate in a bid to win much-needed loans from the IMF, Bloomberg reported.

However, according to Bloomberg, the smuggling of US dollars into Afghanistan really took off in the middle of last year after Afghanistan increased coal exports to Pakistan.

In addition, it has been boosted by the IEA’s ban on the use of Pakistan’s rupee as legal tender in Afghanistan, which forces exporters to trade in dollars and bring the US currency back to the country, the officials told Bloomberg.

Continue Reading

تازه خبرونه

د یوناما دفتر مشر په کابل کې د تخنیکي او مسلکي زده‌کړو له رییس سره وکتل



(Last Updated On: سلواغه ۱۸, ۱۴۰۱)

په افغانستان کې د ملګرو ملتونو د دفتر (یوناما) مشرې د تخنیکي او مسلکي زدهکړو له رییس غلام حیدر شهامت سره په کتنه کې د ښځو او نجونو پر حرفوي زدهکړو ټینګار څرګند کړ.

په افغانستان کې د ملګرو ملتونو د مرستندویه دفتر یا یوناما مشرې روزا اتونبایوا د اسلامي امارت له مسوولینو سره له لیدنو وروسته دا ځل د تخنیکي او مسلکي زده‌کړو د څانګې له مشر سره وکتل.

روزا اتونبایوا ويلي، حرفوي زده‌کړې د افغانستان د اقتصادي ودې لپاره اړینې دي او باید ښځې او نجونې له اړوند روزنې برخمنې شي.

دغه راز د تخنيکي او مسلکي زده‌کړو رييس ويلي، چې تخنيکي او مسلکي زده‌کړې د بېوزلۍ د له منځه وړلو او د هېواد د اقتصاد د ودې لپاره اغېزمنې دي.

هغه وایي: د تخنيکي او مسلکي زده‌کړو رياست په ټول افغانستان کې ٣٨٣ انستيتيوتونه او عالي لیسې لري، چې په ٢٥٠ ولسواليو کې فعاليت کوي او ٦٨٥٠ کسان لري.

په همدې حال کې یو شمېر کارپوهانو هم ويلي، چې افغانستان د ټولو په ځانګړي توګه ښځو او نجونو ته د کار زمینه برابرولو او پراختیا ته اړتیا لري او ټول نړیوال بنسټونه د افغانستان د پرمختګ لپاره رغنده رول لوبوي.

په دې کتنه کې د ملګرو ملتونو د فرهنګي او علمي سازمان (يونسکو) مشر هم حضور درلود او د هوکړه ليک پر لاسليکولو او د دواړو بنسټونو ترمنځ د ګډې کاري ډلې پر رامنځته کولو يې ټينګار څرګند کړ.

Continue Reading


Copyright © 2022 Ariana News. All rights reserved!