Connect with us

تازه خبرونه

د تاوتریخوالي پر ځای خبرې اترې غوره لار ده – توماس ویست

خپور شوی

د

(Last Updated On: وری ۳۰, ۱۴۰۲)

د افغانستان لپاره د امریکا ځانګړي استازي د ترکیې په استانبول ښار کې له سیاستوالو او د مدني ټولنې له غړیو سره په خپله وروستۍ ناسته کې د نړیوالې ټولنې د تعامل په اړه پر خبرو اترو خپل سیمه ییز سفر پای ته ورساوه.

توماس ویسټ ويلي، چې له سیاستوالو او د مدني ټولنې له غړیو سره یې د افغانستان د ستونزو او د نړیوالې ټولنې د تعامل په اړه خبرې کړې دي.

د توماس ویست د څرګندونو له مخې؛ ټول بحثونه پدې را ټول ول، چې د ستونزې د حل لپاره سوله‌ییزې لارې چارې لټول مهم دي.

نوموړي زیاته کړې، چې د غونډې کډونوالو د ښځو او نجونو د کار او زده‌کړو د ځنډولو په اړه د اسلامي امارت د پرېکړو له کبله اندېښنې څرګندې کړې.

د توماس ویست د څرګندونو له مخې؛ د خبرو بله مهمه موضوع دا وه، چې د افغانستان د ستونزو اواري ته باید سوله‌ییز حل وموندل شي.

هغه د افغانستان له خلکو سره د امریکا پر پایېدونکې ژمنتیا، د بشري ناورین د مخنیوي او د افغانستان د راتلونکي په اړه د افغانانو ترمنځ د خبرو پر ملاتړ ټینګار کړی دی.

د افغانستان لپاره د امریکا ځانګړی استازی توماس ویست وایي: ما په استانبول کې له افغان مشرانو او افغان مدني ټولنو سره خبرې وکړې؛ له افغانستان سره د نړیوالې ټولنې د ستونزو او تعامل په اړه خبرې وشوې، مونږ باید له افغانانو سره پر مشوره خپله تګلاره ثابته کړو. زه د طالبانو له پرېکړو اندېښمن یم. په ځانګړې توګه هغه پرېکړې، چې پر بنسټ یې د زده‌کړو په برخه کې د ښځو او نجونو حقونه تر پښو لاندې شوي. بله مسله دا ده، چې سوله‌ییزه لار شته؛ خبرې اترې د حل لاره ده، نه تاوتریخوالي.

د راپورونو پر بنسټ؛ توماس ویست په ترکیه کې له افغان سیاسي شخصیتونو سره، چې صلاح الدین رباني، محمد کریم خلیلي او باتور دوستم هم په کې ول، ډېرې ناستې کړې دي.

اسلامي امارت وايي؛ په افغانستان کې مخالفې ډلې نشته، یو پیاوړی حکومت جوړ شوی او د شخصیتونو د راستنولو لپاره یې د اړیکو کمیسیون هم جوړ کړی دی.

توماس ویست د روانې میاشتې پر یوولسمه نېټه قطر، عربي متحده اماراتو او ترکیې ته خپل سفر پیل کړ، چې د امریکا د بهرنیو چارو وزارت د اعلان پر اساس نن پای ته رېدلی دی.

تازه خبرونه

د ملګرو ملتونو امنیت شورا د افغانستان په اړه غونډه جوړوي

Published

on

(Last Updated On: تله ۴, ۱۴۰۲)

ټاکل شوې، چې په دې غونډه کې به د افغانستان لپاره د ملګرو ملتونو د عمومي منشي ځانګړې استازې روزا اوتونبایوا د افغانستان او په ځانګړي توګه د ښځو د وضعیت په اړه خپلې درې میاشتنۍ ارزونې دې شورا ته وړاندې کړي.

په ملګرو ملتونو کې د افغانستان د استازولۍ چارسمبالی نصیر احمد فایق او د ملګرو ملتونو د ښځو د څانګې مشره سیما باهوس هم د غونډې ګډونوالو ته خپل معلومات وړاندې کوي.

اسلامي امارت ویاند ذبیح الله مجاهد د دې غونډې د ترسره کیدو په غبرګون کې څرګنده کړې؛ افغانستان مشروع نظام لري، امنیت او ثبات یې تامین کړی او حق لري، چې په امنیت شورا کې خپل استازي ولري او دا شورا باید پر افغانستان لګولي بندیزونه لرې کړي او د افغانستان کنګل شوې شتمنۍ  ازادې کړي.

د ملګرو ملتونو عمومي منشي درې میاشتې مخکې امنیت شورا ته په خپل راپور کې ویلي وه، چې که اسلامي امارت غواړي د نړیوالې ټولنې برخه شي باید د بشري حقونو د خوندیتوب له پاره ګامونه پورته کړي.

له دې مخکې د ملګرو ملتونو په ۷۸ عمومي اسامبله کې د اسلامي هېوادونو په ګډون د ګڼو هېوادونو مشرانو او د بهرنیو چارو وزیرانو له اسلامي امارت غوښتي وه، چې ژر تر ژره دې د ښځو پر کار او د نجونو پر زده‌کړو بندیزونه لرې کړي او د ښوونځیو او پوهنتونونو دروازې دې پرانیزي.

اسلامي امارت ویلي؛ د ملګرو ملتونو غوښتنې یې نه‌دي رد کړي او امارت هڅه کوي، چې د ستونزو د حل لاره ومومي؛ خو هېوادونه باید د ښځو مسله د وسیلې په توګه ونه‌کاروي او په مستقیمه توګه دیپلوماتیکې لارې پرانیزي، چې د اختلافونو او ستونزو د حل په اړه خبرې وشي.

Continue Reading

تازه خبرونه

TTP په افغانستان کې میشت ده او روزنیز کمپونه لري – د پاکستان لومړی وزیر

Published

on

(Last Updated On: تله ۴, ۱۴۰۲)

د پاکستان لنډمهالی لومړی وزیر انوارالحق کاکړ روانه اوونۍ ویلي وه، چې تحریک طالبان پاکستان (تي تي پي) په افغانستان کې میشت ده او ان په دغه هېواد کې روزنیز کمپونه هم لري.

په دې وروستیو کې پاکستانيو چارواکو پر‌له‌‌پسې په افغانستان کې د سخت دریځو ډلو له شتون یادونه کوي. د پاکستان د لنډمهالي حکومت لومړي وزیر ویلي؛ په افغانستان کې د پاکستانيو طالبانو په څېر سخت دریځې ډلې د اندېښنې وړ دي.

د پاکستان د لنډمهالي حکومت لومړي وزیر له تي آر تي ترکي رسنۍ سره په خبرو کې ویلي، چې په افغانستان کې د تحریک طالبان پاکستان په څېر ډلې شته او دوی دغه موضوع له کابل سره شریکه کړې ده.

انوارالحق کاکړ ویلي: مونږ د افغانستان چارسمبالي حکومت پر ستونزو خبرې نه‌کوو؛ زمونږ اندېښنه دا ده، چې د افغانستان په خاوره کې د TTP په څېر ترهګرې ډلې شته او په دې موضوع مو له هغوی سره خبرې کړې دي. د افغانستان په خاوره کې د هغوی روزنیز کمپونه شته. دا زمونږ لپاره د اندېښنې وړ خبره ده او په دې برخه کې مونږ د افغانستان له سرپرست حکومت څخه شکایت نه‌کوو؛ خو مونږ غواړو له دغه هېواد سره د ښې تګلارې له لرلو سره دغه ستونزې اوارې کړو.

دغه لوړ پوړي پاکستاني چارواکي دا هم ویلي، چې د واک د بیا ترلاسه کولو لپاره یې هیڅکله د اسلامي امارت ملاتړ نه‌دی کړی.

هغه وایي: پاکستان هیڅکله د طالبانو ملاتړ نه‌دی کړی، چې واک بېرته ترلاسه کړي، بلکې دا امریکا او د هغې متحدین ول، چې له طالبانو سره یې مرسته وکړه او متحده ایالات په دې برخه کې لوی رول لري.

اسلامي امارت په افغان خاوره کې د سخت دریځو وسلوالو ډلو شتوالی ردوي او هېوادونه ته ډاډ ورکوي، چې د افغانستان خاوره به یې پر ضد ونه‌کارول شي.

د اسلامي امارت ویاند ذبیح الله مجاهد د پاکستانیو دغه اندېښنه او ادعا ردکړې او ویلي یې دي، چې هېوادونه یې باید د خپلو ستونزو له کبله د پړې ګوته افغانستان ته ونه‌نیسي.

انوارالحق ویلي، چې  پاکستان له ترهګرۍ سره د مبارزې د هېوادونو د لیست په سر کې دی او په‌دې لار کې یې نوي زره کسان له لاسه ورکړي دي.

دا په داسې حال کې ده، چې د کابل او اسلام آباد ترمنځ د ترینګلتیا له زیاتېدو وروسته په دې وروستیو کې د افغانستان لپاره د پاکستان ځانګړی استازی کابل ته راغی او د اسلامي امارت له چارواکو سره یې د دواړو هېوادونو د اړیکو پر ښه والي خبرې کړې دي.​

Continue Reading

تازه خبرونه

د افغانستان ګوښه‌کېدا د حل لاره نه‌ده – قطر

Published

on

(Last Updated On: تله ۴, ۱۴۰۲)

د قطر د لومړي وزیر د مرستیال سلاکار ماجد الانصاري ويلي، د افغانستان ګوښه‌کېدا او انزوا د حل لاره نه‌ده؛ نړۍ باید د افغانستان له اسلامي امارت سره ښکېلتیا او تعامل ولري.

انصاري له المانیتور سره په مرکه کې ویلي، چې د پخواني حکومت له ړنګېدا او د اسلامي امارت له رامنځته کېدا راپدیخوا؛ قطر نړۍ ته د یوه منځګړي په توګه څرګنده کړې، چې د افغانستان ګوښه کېدا او انزوا د حل لاره نه‌ده او د پرمختګ یوازنۍ لار ښکېلتیا ده.

نوموړی ویلي: په افغانستان کې د حکومت له ړنګېدا او هلته د طالبانو د چارسمبالي حکومت ( اسلامي امارت) له جوړېدا راپدیخوا زمونږ اصلي اندېښنه دا وه، چې نورې نړۍ ته ووایو؛ مونږ د طالبانو ( اسلامي امارت) د منزوي کولو او د دوی پر ضد مو د جګړې هڅه کړې ده.

د انصاري د څرګندونو له مخې؛ دې [هیڅ] نه‌دی بدل کړي، په افغانستان کې یې د ښځو وضعیت ښه کړی نه‌دی، په افغانستان کې یې د رادیکالۍ وضعیت ښه کړی نه‌دی. د پرمختګ یوازنۍ لار ښکېلتیا ده.

هغه زیاته کړې؛ افغانستان د دې لپاره قطر ته اړین دی، چې دوحه د افغانستان او نورو هېوادونو ترمنځ منځګړیتوب کوي.

نوموړي دا هم څرګنده کړې؛ مونږ پوره پوهیږو، چې د افغانستان وضعیت نن د نړیوالې ټولنې لپاره تعامل او ښکېلتیا ته داسې آسانه نه‌دی، چې له اوسني حکومت سره تعامل ولري؛ خو بشپړه ګوښه کېدا هم د حل لاره نه‌ده. دې کار ورنه‌کړـ کار به هم ورنه‌کړی او حکومت به تر فشار لاندې ونیسي. ګټه به نورو هغو دولتونو ته ورسیږي، چې په افغانستان کې د ښځو او ماشومانو له بشري حقونو سره ډېره لیوالتيا نه‌لري. له همدې کبله، مونږ د منځګړي په توګه خپل دریځ ساتلی دی.

نوموړي دا هم ویلي، چې ډېر هېوادونه غواړي له اسلامي امارت سره اړیکي ولري؛ خو د سیاسي دلایلو له کبله نه‌غواړي، چې اړیکه ونیسي.

د اسلامي امارت چارواکو هم پر ځلونو له قطره مننه کړې، چې له نورو هېوادونو سره د خبرو اترو د بندو دروازو د پرانستلو لپاره منځګړیتوب کوي.

د اسلامي امارت ویاند ذبیح الله مجاهد ویلي: امریکا ځینو هېوادونو ته اجازه نه ورکوي، چې په دې اړه راوړاندې شي؛ ځکه، چې د امریکا او نورو هېوادونو ترمنځ سیاسي ګټې شته او نه غواړي ځانونه په دیپلوماتیکه توګه ښکېل او له ستونزو سره مخ شي. همدا لامل دی؛ که نه، نو د افغانستان اسلامي امارت ټول هغه شرطونه پوره کړي، چې پر رسميت وپېژندل شي.

ویل کیږي، چې اوس‌مهال په افغانستان کې د قطر په ګډون د سیمې د څه باندې ۱۴ هېوادونو دیپلوماټیک ماموریتونه شته او اسلامي امارت په دغو هېوادونو کې متقابل سفارتي حضور لري.

Continue Reading

Trending

Copyright © 2022 Ariana News. All rights reserved!