Connect with us

لوبی

د توکیو پارالمپیک لوبې به د کرونا تر چتر لاندې پیل شي

Published

 on

(Last Updated On: وږی ۲, ۱۴۰۰)

د ۲۰۲۰ پارالمپیک لوبې به نن سې شنبه د وږي ۲ په توکیو کې د کرونا ویروس د ودې او پراختیا تر چتر لاندې پیل شي.

د لوبو تنظیموونکیو ویلي، چې سیالۍ به د کرونا ویروس د خپریدو له کبله په سختو شرایطو کې ترسره شي.

د ټوکیو له ۲۰۲۰ المپیک لوبو وروسته  په جاپان کې د کرونا ویروس مثبتې پېښې د پام وړ ډېرې شوې دي.

که څه هم په ټوکیو پارالمپیک لوبو کې بهرني برخه اخیستونکي د ۲۰۲۰ المپیک لوبو په پرتله څو چنده لږ دي؛ خو جاپان اوس هم تېره اوونۍ په پرله پسې درې ورځو کې د کرونا ویروس ۲۵۰۰۰ مثبتې پېښې ثبت کړې دي.

د ټوکیو پارالمپیک لوبو تنظیموونکي وايي؛ د لوبو په بهیر کې، چې د اګست له ۲۴ څخه د سپټمبر تر ۵ پورې به روانې وي او د کرونا ویروس د خپریدو د مخنیوي لپاره به اړینې روغتیایي سپارښتنې په پام کې ونیول شي.

تنظیموونکیو دا هم ویلي، چې د کرونا ویروس آزموینه او یو لړ نور محدودیتونه لکه د لوبغاړیو او چارواکو د سفرونو او تګ راتګ محدودول د ویروس په څارنه کې ګټور ښودل شوي دي.

ویل کیږي، چې دا لوبې به هم له لیدونکیو پرته ترسره شي.

لوبی

په افغانستان کې به د ښځو د سپورت په اړه د IOC اندېښنې وڅېړل شي – اسلامي امارت

Published

on

(Last Updated On: ليندۍ ۱۷, ۱۴۰۱)

د افغانستان اسلامي امارت د چارشنبې پر ورځ څرګنده کړې، چې د المپیک نړیواله کمیته به د افغانستان له المپیک ملي کمیتې سره خپلې مرستې روانې ساتي؛ خو په هېواد کې د ښځو د سپورت پر مسله اندېښمنه ده.

اسلامي امارت دا څرګندونې د المپیک نړیوالې کمیتې د سې شنبې د ورځې د دې څرګندونې په ځواب کې کړي: دوی به له افغانستان سره خپلې مرستې بندې کړي؛ خو که په سپورتي ډګرونو کې د ښځو پر وړاندې بندیزونه لرې نشي.

د سې شنبې پر ورځ د المپیک نړیوالې کمېتې دا څرګندونې د اجرائیوي بورد له غونډې وروسته کړې دي.

اسلامي امارت په خپله اعلامیه کې ویلي، چې د افغانستان المپیک ملي کمیته او د بدني روزنې او سپورت عمومي ریاست به له اړوند خواوو سره کار وکړي، چې د المپیک نړیوالې کمیتې پر اندېښنو غور رامنځته او په دې برخه کې ستونزې ته مناسب حل وموندل شي.

د سې شنبې پر ورځ د المپیک نړیوالې کمېتې ویلي وه، چې د افغانستان د المپیک ملي کمیتې لپاره د دوی ملاتړ مشروط دی؛ ښځو ته باید په سپورتي ډګرونو کې د ګډون او په دې اړه ورته د خوندي او ټولګډونه لاسرسي زمینه برابره شي او د سپورت په اداره کې برخه واخلي.

دغې نړیوالې کمیتې دا ټینګار هم وړاندې کړی، چې په نړیوالو سیالیو کې باید د هېواد دننه او بهر افغان نرینه او ښځینه لوبډلې له ګډون برخمن شي.

Continue Reading

لوبی

کریسټیانو رونالډود عربستان له النصر کلپ سره د یوځای کیدو خبرونه رد کړل

Published

on

(Last Updated On: ليندۍ ۱۶, ۱۴۰۱)

کریسټیانو رونالدو په النصر کلپ کې د ورګډېدو لپاره د سعودي عربستان د النصر له وړاندیز سره د خپلې هوکړې په اړه خپاره شوي خبرونه رد کړل.

د عربي رسنیو د څرګندونو له مخې، د پرتګال او سویس تر منځ د لوړې نمرې لوبې په څنډه کې رونالدو د النصر کلپد وړاندیز د منلو پهاړه د خبریالانو د پوښتنې په ځواب کې وویل: نه! زه النصر ته نه یم تللی. زه اوس په نړیوال جام راڅرخم.

له دې مخکې د اسپانيا خپرونې مارکا اعلان کړی و، چې د سعودي عربستان له النصر کلپ سره د کریسټیانو رونالدو تړون وروستی شوی دی.

د دې خپرونې د راپور له مخې، چې مخکې یې رونالدو ته د النصر له وړاندیز څخه هم خبر ورکړی و؛ دغه هوکړه په دوحه کې د رونالدو د حضور په څنډه کې د قطر د نړیوال جام په مناسبت نهايي شوه.

دغه راپور زیاته کړې، چې رونالدو به د جنورۍ له لومړۍ نېټې د سعودي عربستان په النصر کلپ کې لوبه وکړي او دوه نیم فصلونه به له دغه کلپ سره وي.

د دغه راپور له مخې، د کلني قرارداد اندازه به ۲۰۰ میلیون یورو وي؛ نو هغه به له سعودي عربستان څخه ټولټال ۵۰۰ میلیون دالره ترلاسه کړي.

دا په داسې حال کې ده، چې له مانچستر یونایتید سره د رونالدو تړون لغو شوی دی.

Continue Reading

لوبی

سویلي کوریا پرتګال ته پر ماتې ورکولو د نړیوال جام د غوراوي پړاو ته لاره پیدا کړه

Published

on

(Last Updated On: ليندۍ ۱۳, ۱۴۰۱)

د سویلي کوریا ملي لوبډلې پرتګال ۲ پر یو له ماتې سره مخ کړ او د قطر ۲۰۲۲ فیفا نړیوال جام د غوراوي دوه یم یا ۱۶ پړاو ته یې لار پیدا کړه.

پرتګال له ماتې سره سره د ریکاردو هورتا پر مټ په پېنځمه دقیقه کې یو ګول وواهه او راتلونکي ډله ییز پړاو ته یې لار وموندله.

د سویلي کوریا دوه ګولونه هی چان هوانګ او ینګ ګن کیم ووهل.

له ۲۰۱۰ کال وروسته دا لومړی ځل دی، چې سویلي کوریا د نړیوال جام له ګروپي پړاو څخه مخکې کیږي. سویلي کوریا به په ۱۶ یا غوراوي پړاو کې له برازیل سره مخ شي.

یوراګوای ۲، خو ګانا ۰

یوروګوای د ګانا پر وړاندې درېیم ګول ته اړتیا درلوده ، چې دوه یم ځای ونیسي او په H ګروپ کې سویلي کوریا له منځه یوسي؛ خو په دې کې پاتې راغلل او دواړه لوبډلې له منځه ولاړې.

سویس ۳، سربیا ۲

سویس په G ګروپ کې صربیا ته له ماتې ورکولو سره دوه یم ځای خپل کړ او د غوراوي پړاو ته ورسېده.

کامرون ۱، برازیل ۰

د دې لوبې یوازنی ګول د وینسنت ابوبکر لخوا ترسره شو؛ خو دا پایله د کامرون لپاره، چې د سویس د بریا له کبله څلور نمرې لري؛ د کامرون لپاره بسنه نکوي، چې بل پړاو ته لار ومومي.

د یادونې ده، چې په ټول افغانستان کې د ۲۰۲۲ کال د قطر فوتبال نړیوال جام سیالۍ په ژوندۍ بڼه له آریانا تلویزیون څخه خپریږي.

 

Continue Reading

Trending

Copyright © 2022 Ariana News. All rights reserved!