Connect with us

سوداگري

د راتلونکي ۱۴۰۲ مالي کال د بودجې سند چمتو شو

Published

 on

(Last Updated On: کب ۴, ۱۴۰۱)

د مالېې وزارت مسوولینو ويلي؛ د اسلامي امارت د اداري  او اقتصادي کمیسیون له کتنې وروسته به د بودجې چمتو شوی سند د توشیح  لپاره د اسلامي امارت رهبرۍ  ته وا ستول شي.

د ماليي وزارت مسوو لینو ويلي، چې د راتلونکي کال د بودجې بشپړ شوی سند به د وروستۍ  څېړنې  لپاره د اسلامي امارت د ریاست الوزرا اقتصادي او اداري کمیسیونونو ته د روا ني  اونۍ  په  بهیر کې وا ستول شي.

د مالیی وزارت ویاند که څه هم  تر اوسه د راتلونکي  کال د بودجې ارقام  ندي  په ډاګه کړي؛ خو زیاتوي، چې د روان کال د بودجې پر سند یې له تېرو  څلور میاشتو راپدیخوا کار کړی دی. د تېر کال  پر  پرتله په عمومي  کچه  کې  زیاتوالي راغلي او د هېواد په کچه هغه لسګونه  پروژو کارونه هم پیل شي، چې تراوسه نیمګړې پاتي دي.

د ماليي وزارت ویاند احمد ولي حقمل وایي: د راتلونکي کال په بودجه کې د روان  کال انکشافي بودجه زیاته ده؛ ځکه، چې اقتصادي کمیسیون پرېکړه کړې، چې په راتلونکي کال کې به د ټولو هغو پروژو کارونه پیل کړي، چې چارې یې له ۵۰ سلنې زیاتې مخکې تللي او د دې پروژو د تکمیل کیدو هڅه به کیږي.

د اقتصادي  چارو شنونکیو هم  له ماليې وزارته غوښتي، چې د راتلونکي کال د بودجې د سند او چارو د کتنې په  برخه کې  له بیړې کار وا خلي، چې د نوي کال  له پیلېدو سره سم  د بودجې د پلې کېدو بهیر پیل  او د انکشافي  پروګرامو نو پر وخت پلي کیدلو ته زمینه برابره شي. 

اقتصادي شنونکی تاج محمد تلاش وایي: د ماليې وزارت باید د راتلونکي کال د بودجې د سند د اداري بهیر د چټکتیا لړۍ نوره هم چټکه کړي، چې د نوي کال له پیل سره يي اجرايي  لړۍ  دوام  وکړي او د هغو پروژو کارونه پیل شي، چې اوس یې هم چاري له بودجې سره تړلي دي. دا به مو پر اقتصاد ښه اغېز ولري.

د مالیې وزارت زیاته کړې؛ په روان کال کې له بندیزونو سره سره تر ۱۰۰میلیارد افغانیو د عوایدو راټولیدل په دغه بهیر کې د شفافیت ښکارندويي کوي.

د دوی په خبره؛ دا او د مالیاتو له لارې نور مالي امکانات د دوی د حکومتي  لګښتونو لپاره کارېږي.

دا په داسې حال کې ده، چې نړیوال بنسټونه افغانستان له اقتصادي بحران سره مخ او  تر ۲۸ میلیون زیات افغانان مرستو ته اړ ګڼي.

سوداگري

ازبکستان او پاکستان د افغانستان له لارې د اوسپنې پټلۍ پر جوړولو خبرې وکړې

Published

on

(Last Updated On: غبرګولى ۱۳, ۱۴۰۲)

د افغانستان په چارو کې د ازبکستان د ولسمشر ځانګړي استازي عصمت الله ارګاشيف په تاشکند کې د پاکستان له استازي احمد فاروق سره د کابل – پېښور – مزارشریف د اوسپنې پټلۍ پر جوړېدو خبرې کړې دي.

د ازبکستان بهرنیو چارو وزارت په یوه خبرپاڼه کې ویلي، چې په دې کتنه کې د افغانستان پر روان وضعیت او له افغانستان سره د همکاریو د پراخولو او د نړیوالې د هڅو په اړه هم د نظر تبادله وشوه.

د پاکستان سفیر په افغانستان کې د اوږدمهاله او باثباته سولې پر رامنځته کولو او د سیمه‌ییز ادغام پر بهیر د دغه هېواد پر ونډې د ازبکستان پر مهم رول ټینګار وکړ.

د ازبکستان – افغانستان – پاکستان د اوسپنې پټلۍ د جوړولو لپاره د سړک نقشه په ۲۰۱۹ ز. کال کې د درې واړو هېوادونو د هغه وخت د چارواکو ترمنځ په تاشکند کې لاسلیک شوې ده.

دغه راز په ترکيه کې د اوسپنې وییلي کولو يوه شرکت وړانديز کړى، چې چمتو دى د کانونو په بدل کې د افغانستان لپاره د اوسپنې پټلۍ توليد کړي.

په ترکیه کې د اوسپنې وییلي کولو شرکت مشر سرکان اتامیر دې هېواد ته د افغانستان د اوسپنې پټلۍ ادارې د مشر د سفر پر مهال  په لیدنه کې ویل، چې د کاني توکو په بدل کې د اوسپنې پټلۍ د جوړولو طرحې په نورو هېوادونو کې مثبته پایله لرلې ده.

د افغانستان د اوسپنې پټلۍ عمومي رييس ملا بخت الرحمن شرافت د دې وړانديز په ځواب کې ويلي، چې پر دې طرحه به په کابل کې بحث وشي او که افغان حکومت ورسره هوکړه وکړي، پر وړاندې به يې عملي کار پیل کړو.

Continue Reading

سوداگري

پاکستان له افغانستان، ایران او روسیې سره د جنس پر جنس سوداګرۍ امر کړی

Published

on

(Last Updated On: غبرګولى ۱۳, ۱۴۰۲)

د پاکستان سوداګرۍ وزارت د جمعې پر ورځ څرګنده کړې، چې حکومت یې د تېلو او ګازو په ګډون د ځینو اجناسو لپاره له افغانستان، ایران او روسیې سره د جنس پر جنس سودااګرۍ سپارښتنه کړې ده.

د رویترز د څرګندونو له مخې: د پاکستان حکومت، چې د اسعارو زیرمې یې دا مهال یوازې د یوې میاشتې د وارداتو لپاره بسنه کوي؛ د اقتصادي ناورین د مدیریت لپاره، چې تېره میاشت یې د انفلاسیون کچه نږدې ۳۸ سلنې ته ورسېده، غواړي تر څارنې لاندې راولي.

د حکومت د دې امر او سپارښتنې له مخې د جون لهه لومړۍ نېټې د هغو توکو نوملړ جوړ کړی، چې تبادله کیدی شي. عامه او خصوصي بنسټونه د سوداګرۍ په میکانیزم کې د ګډون لپاره اجازې ته اړتیا لري.

د اپریل په میاشت کې له روسیې څخه د ارزانه تېلو اخیستلو لپاره د پاکستان د تېلو وزیر مصدق ملک رویترز ته ویلي، چې د دې معاملې له مخې به پاکستان یوازې اومه تېل اخلي، نه چاڼ شوي محصولات.

مصدق ملک زياته کړې، که معامله له ستونزو پرته ترسره شي؛ نو د پېرلو اندازه به هره ورځ سل زره ته لوړه شي.

د تجزیه کوونکي شرکت Kpler څرګندونې ښیې، چې پاکستان تېر کال د ورځې ۱۵۴ زره بیرله اومه تېل وارد کړي، چې د ۲۰۲۱ کال پر پرتله په کې لږ بدلون راغلی.

د می په میاشت کې، د پاکستان د پترولیم پلورونکیو اتحادیې شکایت وکړ، چې په پاکستان کې پلورل شوي دیزل تر ۳۵ سلنې پورې له ایران څخه قاچاق شوي وه.

د پاکستان حکومت افغانستان ته د اوړو، غنمو، بورې او سرې د قاچاق د مخنیوي حکم صادر کړی دی.

Continue Reading

سوداگري

اسلامي امارت د سرپل د کانونو پر استخراج د پانګونې نوی ډاډ څرګند کړ

Published

on

(Last Updated On: غبرګولى ۱۳, ۱۴۰۲)

د کانونو او پټرولیم وزارت څرګنده کړې، چې په راتلونکیو اووه میاشتو کې به د سرپل ولایت د کانونو پر استخراج ۱۴۸ میلیون دالر پانګونه وکړي.

د کانونو او پترولیم وزارت سرپرست، چې د کانونو د وضعیت او د استخراج د ارزونې په موخه سرپل ولایت ته سفر کړی؛ وايي، چې د دغه ولایت په کانونو کې ۱۴۸ میلیون دالر پانګونه کېږي.

د دغه وزارت سرپرست شهاب الدین دلاور د سرپل له اوسېدونکیو سره ژمنه وکړه، چې د دغه ولایت د قشقري د تېلو پر کانونو د ۱۴۸ میلیون دالرو پانګونې عملي کار به تر راتلونکیو اووه میاشتو پورې پیل شي.

د سرپل ولايت اوسېدونکي وايي، چې د دغه ولايت د کانونو د عوايدو پر ګټه بايد د دغه ولايت د پرمختګ لپاره د بنسټيزو پروژو کارونه وشي.

د هېواد په شمال کې سرپل ولايت د قشقري د نفتو او د ډبرو سکرو د کانونو له لرلو سره يو له هغو ولايتونو څخه دى، چې د طبيعي زېرمو له پلوه بډاى دى.

د سرپل ولایت سیمه ییز چارواکي او اوسېدونکي د دغه ولایت د پرمختګ لپاره ځانګړې غوښتنې لري.

د استخراج د چارو ګړندي کول، د استخراج په بهیر کې د لوستو ځوانانو جذبول، د دغه ولایت له کانونو څخه په ترلاسه شویو عوایدو کې د بنسټیزو  پروژو پیلول د دوی اساسي غوښتنې دي.

د کانونو او پترولیم وزیر ژمنه کوي، چې د خلکو د اساسي اړتیاوو د پوره کولو ترڅنګ به د کارموندنې په برخه کې د دغه ولایت با استعداده او مسلکي ځوانانو ته لومړیتوب ورکړي.

د هېواد په شمال کې د سرپل د ډبرو سکرو کانونه، د قشقري د نفتو کان د هېواد له مهمو طبیعي زیرمو څخه دي.

له دې مخکې د رییس الوزرا اقتصادي مرستیال ملا عبدالغني برادر دغه ولایت ته د خپل سفر پر مهال د قشقري د نفتو د استخراج چارې پیل کړې دي.

Continue Reading

Trending

Copyright © 2022 Ariana News. All rights reserved!