Connect with us

نړۍ

د سعودي په مشرۍ ائتلاف د یمن پر زندان هوایي برید رد کړ

Published

 on

(Last Updated On: سلواغه ۲, ۱۴۰۰)

د سعودي رسمي خبري آژانس د شنبې پر ورځ څرګنده کړې، چې د سعودي په مشرۍ ائتلاف د یمن په صعده ولایت کې د ایران پلوه حوثي یاغیانو پر زندان برید رد کړ او وایي، چې پر اړوند ودانیو برید بند هم ندی.

د رویټرز یوه عیني شاهد ویلي؛ د جمعې په برید کې د آفریقایي مهاجرو په ګډون لږ تر لږه ۶۰ کسان وژل شوي او له دوه سوه ډېر نور ټپیان دي.

د سعودي دولتي خبري آاژانس د ائتلاف د یوه ویاند د څرګندونو له مخې ویلي؛ ائتلاف به په یمن کې د بشري چارو د همغږۍ دفتر (اوچا) او د سره صلیب نړیوالې کمیټې (آی سي آر سي) ته د حقایقو او جزئیاتو په اړه خبر ورکړي.

په یمن کې د حوثیانو د روغتیا وزیر طه المتوکل د جمعې پر ورځ ویلي، چې د سعودي پر مشرۍ ائتلاف د حوثیانو تر څارنې لاندې پر زندان هوایي برید کړی؛ ۷۰ کسان یې وژلي او لسګونه نور ټپیان دي.

د ایران او عربانو د سیالیو او نیابتي جګړو په اړه له ایران سره د عربستان د اړیکو پر عادي کولو خبرې روانې دي؛ خو د ابوظبۍ پر خاوره د حوثي یاغیانو د بې پلوټه الوتکې برید د سیمې وضعیت نور هم پېچلی کړی دی.

د یادونې ده، چې د ملګرو ملتونو عمومي منشي انټونیو ګوټیرش دغه برید غندلی او په دې اړه یې د پوره څېړنو غوښتنه کړې ده.

نړۍ

د ناروې په یوه نایټ کلب کې ۱۶ کسانو ته مرګ و ژوبله اوښتې

Published

on

(Last Updated On: چنګاښ ۴, ۱۴۰۱)

د راپورونو له مخې نن (شنبه) د ناروې د پلازمېنې اوسلو په یوه نایټ کلب او شاوخوا سړکونو کې د ډزو له کبله دوه کسان وژل شوي او ۱۴ نور ټپیان دي.

د ناروې پولیسو ويلي، له پېښې څو دقیقې وروسته یې د پېښې پر تور یو نارویژی-ایراني الاصله شکمن کس نیولی دی.

په مرکزي اوسلو کې د همجنسبازانو لندن پب نومی کلب یو له خورا نومیالیو شپنیو کلبونو څخه دی.

د ناروې د دولتي ټلویزیون خبریال اولاو روینبرګ ویلي: ما یو سړی ولید، چې له بکس سره راننوت، ټوپک یې پورته کړ او ډزې یې پیل کړې.

د برید انګیزه اوس هم څرګنده نده.

ټاکل شوې، چې اوسلو د شنبې پر ورځ د همجنسبازانو د ویاړ ځانګړي مراسم تر سره کړي.

Continue Reading

نړۍ

د پاکستان مرکزي بانک په تېلو کې د سپما لپاره خپلو کارکوونکیو ته له کوره د کار کولو سپارښتنه وکړه

Published

on

(Last Updated On: چنګاښ ۲, ۱۴۰۱)
بلومبرګ د پنجشنبې پر ورځ څرګنده کړې؛ د پاکستان مرکزي بانک له خپلو کارمندانو غوښتي، چې د تېلو د سپما کولو لپاره په اوونۍ کې دوه ورځې له کوره انلاین کار او ډېرې ناستې تر سره کړي.

د پاکستان دولتي بانک په خپل تویت کې کارکوونکیو ته ویلي، چې مجازی غونډې، د موټرو درول او د هوا د ککړتیا کمول دې غوره او سفرونه دې محدود کړي.

دغه راز ویل شوي، چې دا کار د تېلو د سپما لپاره د ټینګار وړ ګرزېدلی دی. مونږ د بانکدارۍ صنعت او خپل نور ونډوال هڅوو، چې د امکان تر حده لګښت کم کړي.

د پاکستان حکومت له دې مخکې سپارښتنه کړې، چې د کراچۍ، لاهور، اسلام آباد او راولپنډۍ په ګډون په بېلابېلو ښارونو کې د مالونو پلور او فابریکې ژر تر ژره وتړي او کاري اوونۍ یوه ورځ راکمه کړي.

د بلومبرګ په راپور کې زیاته شوې، چې د لومړي وزیر شهباز شریف ادارې له یوې میاشتې څخه په لږ وخت کې د تېلو نرخونه ۸۳ سلنه لوړ کړي؛ ځکه، چې هغه د سبسایډي مخنیوي او له پیسو نړیوال صندوق څخه مرسته تر لاسه کړي.

د پاکستان د احصائې د معلوماتو له مخې، د سویلي آسیا دې هېواد ته د انرژۍ اړتیا په لویه کچه د وارداتو له لارې پوره کیږي او د جولای – می په میاشت کې د تېلو واردات ۹۹ سلنه ډېر شوي دي.

Continue Reading

نړۍ

په اوکراین کې د روسیې جګړه ښايي کلونه وخت ونیسي – ناټو

Published

on

(Last Updated On: غبرګولى ۳۰, ۱۴۰۱)

رویټرز پرون سهار د جرمني له بیلد نومې سرچینې څخه د ناټو د عمومي منشي د خبرو له مخې څرګنده کړې؛ مونږ باید د روسیې د تېري پر وړاندې د اوکراین له خلکو دفاع وکړو، ان که د ملاتړ لګښت لوړ هم وي.

د ناټو سرمنشي ینس سټولټنبرګ ویلي، دا یوازې پوځي لګښتونه ندي؛ مونږ باید د خواړو او انرژۍ لوړ لګښتونه هم ورکړو.

هغه آلمانۍ ورځپاڼې بیلد ته څرګنده کړې؛ که د اوکراین له پوځ او ځواکونو سره پوځي مرستې زیاتې شي او اوکراینیانو ته نورې پرمختللې وسلې ورکړ شي؛ نو شونې ده، چې د دونباس سیمه د روسي ځواکونو له ولکې ووځي.

په مادرید کې د ناټو سرمشریزه، چې د روانې میاشتې په وروستیو کې جوړه شي؛ شونې ده، چې د اوکراین لپاره د مرستې پر کڅوړې هم هوکړه وشي.

نوموړي ډاډ څرګند کړی، چې له اوکراین سره به د پخوانيو وسلو په معیاري کولو کې هم مرسته وکړي.

د روان کال د فبرورۍ پر ۲۱ د روسیې ولسمشر ولادیمیر پوتین د دونباس په سیمه کې د دونیتڅک او لوهانڅک د خلکو جمهوریتونو خپلواکي پر رسمیت وپېژانده او پر لویدیځ یې د مسکو د امنیتي اندېښنو له پامه پر غورزولو نیوکه وکړه.

درې ورځې وروسته، هغه د اوکراین پر وړاندې د ځانګړو پوځي عملیاتو د پیلولو اعلان وکړ، چې د مسکو-کیف کړکېچنې اړیکې یې پر پوځي جنجال بدلې کړې او جګړه تر دې دمه راوغزېده.

Continue Reading

Trending

Copyright © 2022 Ariana News. All rights reserved!