Connect with us

تازه خبرونه

د نجونو د لیسو د تړلو لپاره کوم اسلامي دليل نشته – عباس ستانکزی

Published

 on

(Last Updated On: تله ۵, ۱۴۰۱)

په افغانستان کې د نجونو د منځنیو ښوونځیو او لیسو له تړل کېدو یو کال وروسته د بهرنیو چارو وزارت سیاسي مرستیال یو ځل بیا په ټول افغانستان کې د نجونو د ښوونځیو د پرانیستلو غوښتنه وکړه.

په کابل کې د ګرځندوى د نړيوالې ورځې د نمانځنې په مراسمو کې ویلي، چې زدکړه پر ښځو او نرينه وو فرض ده او هغه څوک، چې د نجونو د زدکړو مخالف دي او او تبعیضي چلند کوي؛ بايد شرعي دلايل وړاندې کړي.

د بهرنيو چارو وزارت سياسي مرستيال شېر محمد عباس ستانکزی وایي: تعلیم پر  نر او ښځه فرض دی؛ هیڅوک شرعي د لیل نلري او ژر باید ټولو ته د زدکړې زمینه برابره شي، چې دا د اسلامي امارت له د ندوه څخه ده او ستونزې باید د پوهنې وزارت عاجلې حل کړي.

ده په ټولو افغانانو غږ وکړ، چې د بښنې له حکم څخه ګټه پورته کړي او هېواد ته راستانه شي.

شېر محمد عباس ستانکزي له هغو سیاسیونو او افغانانو، چې له هېواده بهر دي د بېر ته راستنېدو غوښتنه وکړه.

هغه زیاته کړې، چې  په ګاونډ او سیمې هېوادونو کي غونډې او مخالفتونه نشي کولی  دوی ته ګټه ورسوي؛ ځکه، چې اسلامي امارت  به هیچاته د هېواد د نظم او امنیت د اخلال اجازه ورنکړي.

نوموړي ویلي: په تاجکستان، ویانا او ترکیه کې دا ناستې کومه ګټه نلري او تاسې بیا هم له بهرنیانو مرسته غواړئ؛ تاسې ملت استفراق کړي یاست او له پخوانیو تېرو تنو لاس واخلئ.

د اسلامي امارت د امربالمعروف او نهی عن المنکر وزارت مسوولینو بیا د زد کړو په اړه بل نظر لري او څرګندوي، چې زدکړه که د یني نه وي  بیا یې مباح بولي.

د اسلامي امارت د امربالمعروف او نهی عن المنکر وزیر مولوي خالد حنفي وایي: د نجونو تعلیم  مباح ده او که د اسلامي نظام د ګټې لپاره يي څوک کوي هغه بیا مستحب ده بیا دي وشي.

مولوي  خالد حنفي زیاتوي؛ مونږ په لومړیو کې احمد مسعود ته عذر وکړ؛ خو هغه رانغی او بغاوت يې وکړ. ولي د بغاوت څه اړتیاوه؟!

دغه راز د ګرځندوی د نړیوالې ورځې په ویاړ جوړې شوي غونډې ته د افغانستان د اسلامي امارت د رییس لوزرا اداري مرستیال عبدالسلام حنفي ویلي، چې د هېواد په ټولو ولایتونو کې کورنیو او بهرنیو سیلانیانو ته د سیاحت زمینه برا بره شوې ده.

د رییس الوزرا دوه یم مرستیال عبد السلام حنفي زیاته کړې: زمونږ په هېواد کې اوس سرتاسري امنیت ټینګ دی او په دې کې ټول افغانان او بهرني سیلانیان کولی شي د افغانستان له طبیعې ښکلا او تاریخي سیمو لیدنه وکړي.

په دې اړه د اطلاعاتو او فرهنګ وزارت سرپرست خیرالله خیرخواه وایي: مونږ کوښښ کوو د هېواد په کچه خپلو هېوادوالو ته آسانتیاوي برابرې کړو، چې د کورنیو سیلانیانو تر څنګ بهرني سیلانیان هم افغانستان ته راشي او اوس هم راغلي دي.

د اسلامي امارت مسوولین زیاتوي، چې په هېواد کې د ګرځندوی صنعت د پراختیا په  برخه کې به کورنیو او بهرنیوسیلا نیانوته آسانتیاوې زیاتې کړي، چې له دې لارې د سیمې او نړۍ د یو شمېر هېوادونو په څېر افغانستان ته هم له خپلو تاریخي او طبیعي ښکلاوو څخه د زیاتو عوایدو د ترلاسه کولو زمینه برابره شي.

تازه خبرونه

د حنا رباني کهر پر مشرۍ پاکستاني پلاوي له افغان مشرانو سره وکتل

Published

on

(Last Updated On: ليندۍ ۸, ۱۴۰۱)

د بهرنیو چارو وزارت په ستورې ماڼۍ کې د حنا رباني کهر پر مشرۍ له پاکستاني پلاوي سره د بهرنیوچاور د وزیر مولوي امیرخان متقي په مشرۍ د دې وزارت د اداري مرستیال په ګډون د رییسانو یوه ناسته ترسره شوه.

د پاکستان د دولت د بهرنیو چارو د وزیرې حنا رباني کهر په مشرۍ د راغلي پلاوي په ترکیب کې د افغانستان لپاره د دغه حکومت استازي محمد صادق خان او په کابل کي د پاکستان سفارت چارسمبالي عبیدالرحمن نظاماني اوګنشمېر نورو مسوولین ګډون کړی و..

د افغانستان د بهرنیو چارو وزیر مولوي امیرخان متقي راغلي پلاوي ته د ښه راغلاست ترڅنګ دوه اړخیزې اړیکې، ولسونو اوسیمې ګټورې وښودلې.

امیر خان متقي په پاکستان د افغان بنديانو د خلاصون، له یوه او بل حکومتونو د مسافرو د تلو راتلو او په لارو د اوښتو په برخه کې دسهولتونو د را منځته کولو، د تجارت او ترانزيت په برخه کي د پرمختګ او چټکتیا په اړه اړوند لوري ته یادونې وکړې.

دغه راز نوموړي په دې ناسته کې د تاپي، تاپ، اورګاډي د کرښې او نورو لویو پروژو پیل کولو ته چمتووالي وښوده او د سیاسی اړیکو، اقتصادي ودې او امنیت په اړه یې د اسلامي امارت موقف ورته څرګند کړ.

پاکستاني پلاوي په پاکستان کي د افغان مهاجرینو سره د ښه سلوک، د تګ راتګ پر لارو او د ویزو په برخه کې د ستونزو د حل په باب د همکاریو ژمنه وکړه او زیاته شوې، چې له افغانستان سره د تجارت او ترانزیت د پیاوړتیا او پراختیا په اړه به لازم ګامونه پورته کړي.

حنا رباني کهر څرګنده کړې، دا چي افغانستان او پاکستان دوه مسلمان همسایه هېوادونه دي او کلتوري مشترکات هم سره لري؛ نو دواړه حکومتونه باید یو له بل سره همکاري وکړي او دوه اړخیزې عامه ګټې خوندي وساتي.

Continue Reading

تازه خبرونه

د سعودي عربستان او ازبکستان چارواکو د افغانستان په اړه خبرې وکړې

Published

on

(Last Updated On: ليندۍ ۷, ۱۴۰۱)

د سعودي عربستان د بهرنیو چارو وزارت څرګنده کړې، چې د دغه وزارت مرستیال عبدالکریم الخریجي د افغانستان لپاره د ازبکستان له ځانګړي استازي عصمت الله ایرګاشیف سره خبرې کړې دي.

دغه وزارت نن سهار (دوشنبه د لیندۍ ۷ ) په خپل تویتر کې لیکلي، چې په دې کتنه کې د افغانستان د پرمختګونو په اړه بحث او خبرې وشوې.

د سعودي د بهرنیو چارو وزارت په دې اړه نور جزئیات ندي ورکړي.

ازبکستان یو له هغو هېوادونو څخه دی، چې د افغانستان له اسلامي امارت سره ښې اړیکې لري.

دغه هېواد له افغانستان سره په ګډه څو سترې اقتصادي پروژې هم لري.

Continue Reading

تازه خبرونه

د ملي دفاع وزارت درې نورې الوتکې هم ورغولې

Published

on

(Last Updated On: ليندۍ ۷, ۱۴۰۱)

د افغانستان اسلامي امارت د ملي دفاع وزارت چارواکو څرګنده کړې، چې د دغه وزارت په هوايي قومندانۍ کې یې درې نورې الوتکې هم له رغونې وروسته الوتنې ته چمتو کړې دي.

د دغه وزارت ویاند عنایت الله خوارزمي نن دوشنبه (د وږي ۷ ) تویت کړی: د دغه وزارت د هوايي ځواک په قومندانۍ کې درې نورې الوتکې ترمیم او فعاله شوې دي.

هغه زیاته کړې: د ملي دفاع وزارت تخنیکي ډلې او د هوایي ځواکونو د قومندانۍ د کارکوونکیو پر څلوېښت ساعته هڅو د نورو AN32-B355، AN32B350 او AN26350  ډوله الوتکې رغولي او الوتنې ته چمتو شوې دي.

عنایت الله خوارزمي ویلي؛ د ملي دفاع وزارت تخنیکي ډلې د ملي دفاع وزارت په قطعاتو او جزو وتامونو کې د نورو ویجاړیو شویو او غیر فعالو الوتکو د ترمیم او فعالولو بهیر هم روان ساتلی دی.

دا په داسې حال کې ده، چې د افغانستان دفاع وزارت له هغو پوځي الوتکو او چورلکو څخه، چې د کابل له نیولو مخکې د امریکايي پوځیانو له خوا ویجاړې شوې وې له ۳۰ ډېرې رغولي او الوتنې ته چمتو کړي دي.

Continue Reading

Trending

Copyright © 2022 Ariana News. All rights reserved!