Connect with us

تازه خبرونه

د ټرمپ حکومت د بهرنیو مرستو ځینې پروګرامونه بیا پیلوي

په راپور کې د هغو هېوادونو ترڅنګ، چې د خوراکي توکو د بېړني مرستې پروګرامونه به بیا په کې پیل شي؛ د افغانستان نوم ندی یاد شوی.

خپور شوی

د

رویټرز خبري سرچینې د ۶ باخبرو سرچینو د څرګندونو له مخې راپور ورکړی؛ د ټرمپ ادارې د سې‌شنبې پر ورځ( د وري نولسمه) پرېکړه وکړه، چې د امریکا د بهرنیو بېړنیو مرستو لږ تر لږه ۶ لغوه شوي پروګرامونه بیا پیل کړي.

په راپور کې د هغو هېوادونو ترڅنګ، چې د خوراکي توکو د بېړني مرستې پروګرامونه به بیا په کې پیل شي؛ د افغانستان نوم ندی یاد شوی.

د USAID مرستیال مدیر جرمي لوین، چې پخوا د میلیارډر ایلان ماسک د حکومت د موثریت څانګې غړی و؛ په یوه داخلي برښنالیک کې له کارمندانو وغوښتل، چې د دندې له پای ته رسولو څخه لاس واخلي.

پېنځه سرچینو رویټرز ته ویلي؛ د ټرمپ اداره هوډ لري، چې لبنان، سوریه، سومالیا، اردن، عراق او ایکوادور ته د بېړني خوراکي مرستو پروګرامونه بیا پیل کړي.

له دې موضوع خبرو دوه سرچینو ویلي، چې حکومت د آرام سمندر په سیمه کې د مهاجرت نړیوالې ټولنې ته څلور جایزې بیا پیل کړې دي.

لوین د سې‌شنبې پر ورځ د رویټرز په یوه داخلي برښنالیک کې ولیکل: “د ټولو جایزو په اړه بښنه غواړم. هغه زیاته کړې: “ډېری دخیل اړخونه حقونه لري او مونږ باید د سیالۍ لپاره د ګټو توازن وساتو- دا زما ګناه ده او زه یې مسوولیت پر غاړه اخلم.”

د بهرنیو مرستو پروګرامونو کې د کمښت له لومړني پړاو وروسته د امریکا بهرنیو چارو وزیر مارکو روبیو لخوا لغوه شوي ډېری پروګرامونه معافیتونه ترلاسه کړل.

د بهرنیو چارو وزارت ویلي، چې دا وروستۍ پرېکړه نه منعکس کوي.

د بهرنیو چارو وزارت سمدلاسه د جایزو بېرته ورکولو په اړه د تبصرې غوښتنې ته ځواب ورنکړ.

دوو سرچینو وویل چې د ځینو مرستو د بیرته ورکولو پریکړه د ادارې او کانګرس له فشار وروسته وشوه.

د خوړو نړیوال پروګرام د دوشنبې په ورځ اعلان وکړ چې متحده ایالاتو دې پروګرام ته خبر ورکړی، چې په ۱۴ هېوادونو کې د خوراکي توکو بېړنۍ مرستې بندوي او دا ګواښ یې هم کړی: “که پلي شي؛ نو دا د هغو میلیونونو خلکو لپاره د مرګ سزا کیدی شي، چې له سختې لوږې او بېوسۍ سره مخ دي.”

د امریکا بهرنیو چارو وزارت ویاند ټامي بروس د سې‌شنبې پر ورځ خبریالانو ته ویلي، چې امریکا اندېښمنه ده، چې د یمن او افغانستان لپاره د نړیوال خوراکي پروګرام تمویل حوثیانو او اسلامي امارت ته ګټه رسوي.

امریکا د اسلامي امارت او یمن له واکمنو سره مرستې بندې کړې دي. واشنګټن د دواړو هېوادونو لپاره، چې له کلونو څخه ویجاړونکې جګړې ځپلي دي؛ تر ټولو لوی مرستندوی و.

جمهوري غوښتونکي ولسمشر ډونالډ ټرمپ د جنورۍ پر شلمه د خپلې واکمنۍ د دوه‌یم پېر له پیل سره میلیارډونه ډالر بهرنۍ مرستې لغوه کړې دي، چې پروړاندې یې اعتراضي غږونه هم پورته شول.

ویل کیږي، چې رویټرز خبري سرچینې یوه ورځ مخکې راپور ورکړ؛ د ټرمپ حکومت د افغانستان، یمن، سومالیا او سوریې په ګډون له ۱۲ څخه زیاتو هېوادونو ته د ژوند ژغورنې مرستې پروګرامونه پای ته رسولي، چې ټولټال بودجه یې له ۱.۳ میلیارډ ډالرو څخه زیاته ده.

تازه خبرونه

افغانستان د امریکا وروستۍ پرېکړه د افسوس وړ وبلله او پر خبرو یې ټینګار څرګند کړ

د بهرنیو چارو وزارت د نننۍ (سې‌شنبه د کب نولسمه) خپرې شوې خبرپاڼې له مخې؛ د هیڅ هېواد وګړي په افغانستان کې د معاملې لپاره ندي نیول شوي، بلکې ځینې اشخاص له نافذه قوانینو څخه د سرغړونې پر تور نیول شوي، چې ډېری یې له قانوني پړاوونو وروسته خوشې شوي دي.

Published

on

د افغانستان اسلامي امارت بهرنیو چارو وزارت د امریکا وروستۍ پرېکړه، چې افغانستان د “ناحقه نیونو ملاتړ کوونکی هېواد” ګڼي؛ د افسوس وړ بولي او ټینګار کوي، چې د خبرو اترو له لارې دې ستونزې حل کړي.

د بهرنیو چارو وزارت د نننۍ (سې‌شنبه د کب نولسمه) خپرې شوې خبرپاڼې له مخې؛ د هیڅ هېواد وګړي په افغانستان کې د معاملې لپاره ندي نیول شوي، بلکې ځینې اشخاص له نافذه قوانینو څخه د سرغړونې پر تور نیول شوي، چې ډېری یې له قانوني پړاوونو وروسته خوشې شوي دي.

د بهرنیو چارو وزارت په خبرپاڼه کې راغلي، چې په تېر کال کې اسلامي امارت د ښه نیت له مخې د ځینو امریکایي وګړو په اړه مثبت ګامونه پورته کړي دي.

په اعلامیه کې د افغانستان او امریکا ترمنځ د خبرو اترو د آسانتیا په برخه کې د قطر رول ته هم نغوته(اشاره) شوې او د ډیپلوماټیکو چینلونو له لارې د اړیکو او د ستونزو د حل پر دوام ټینګار شوی دی.

Continue Reading

تازه خبرونه

په تورخم ښارګوټي کې له زیانمنو هټیوالو سره مرستې کیږي

اړوند پلاوي سیمه له نږدې لېدلې او څرګندوي، چې د پاکستان پوځي رژیم پر ړندو مرمیو په تورخم ښارګوټي کې د یو مارکیټ په ګډون نږدې ۱۵۰ دوکانونه سوځېدلي او توکي یې بشپړ له منځه تللي دي.

Published

on

د باختر خبري سرچینې د څرګندونو له مخې؛ د ننګرهار والي محمد نعیم آخوند د دغو زیانونو د ارزونې لپاره یو پلاوی تورخم ښارګوټي ته استولی، چې د سوداګرو د زیانونو کچه له نږدې وڅېړي او د لازم لاسنیوي لپاره یې پایلې اړوند مسوولانو ته وړاندې کړي.

اړوند پلاوي سیمه له نږدې لېدلې او څرګندوي، چې د پاکستان پوځي رژیم پر ړندو مرمیو په تورخم ښارګوټي کې د یو مارکیټ په ګډون نږدې ۱۵۰ دوکانونه سوځېدلي او توکي یې بشپړ له منځه تللي دي.

زیانمنو سوداګرو ویلي، چې له کلونو راپدېخوا یې راټوله شوې شتمني د پاکستان پوځي رژیم له منځه وړې ده .

ویل کیږي، چې د پاکستان پوځي رژیم په دې ړندو مرمیو کې پر دوکانونو سربېره جوماتونه، تورخم عمري کمپ، ملکي کورونه او ځایونه هم پر نښه شوي، چې له کبله یې یو شمېر وګړو ته مرګ ـ ژوبله اوښتې او ګڼ شمېر نور ځایي اوسېدونکي هم د خپلو مېنو پرېښودو ته اړ شوي دي.

Continue Reading

تازه خبرونه

په دوحه کې د اسلامي امارت د سیاسي دفتر د تړلو راپورونه رد شول

په دوحه کې د اسلامي امارت سیاسي دفتر په ۲۰۱۳ کال کې د افغان جګړې په اړه د خبرو اترو د آسانتیا لپاره پرانستل شو او بیا د اسلامي امارت او امریکا ترمنځ د خبرو اترو د اصلي ځای او په کې د دوحې تړون لاسلیک شو.

Published

on

دوحه نیوز په قطر کې د افغانستان د سفارت د سرچینو د څرګندونو له مخې لیکلي؛ هغه راپورونه، چې قطر په دوحه کې د اسلامي امارت د سیاسي دفتر د تړلو غوښتنه کړې؛ ناسمه ده.

په دوحه کې د اسلامي امارت سیاسي دفتر په ۲۰۱۳ کال کې د افغان جګړې په اړه د خبرو اترو د آسانتیا لپاره پرانستل شو او بیا د اسلامي امارت او امریکا ترمنځ د خبرو اترو د اصلي ځای او په کې د دوحې تړون لاسلیک شو.

د یادونې ده، چې دمګړۍ په کې د افغانستان د اسلامي امارت د سفارت اړوند چارې ترسره کیږي.

Continue Reading
Advertisement

Trending

Copyright © 2025 Ariana News. All rights reserved!