Connect with us

تازه خبرونه

د کندوز د چاردرې ولسوالۍ امنیه قومندان په یو وسلوال برید کې وژل شوی

خپور شوی

د

(Last Updated On: )

سیمه ییزو سرچینو منلې، چې د کندوز د چاردرې ولسوالۍ امنیه قومندان صالح عمر د دوشنبې پر شپه د وسلوالو طالبانو په برید کې وژل شوی دی.

د سرچینې د څرګندونو له مخې؛ طالبانو د دوشنبې پر شپه د ولسوالۍ د مرکز پر پوځي مرکز برید کړی دی.

یاده سرچینه وايي: صالح عمر اړوند ځواکونو ته د مرستې رسولو په حال کې و، چې له خپلو درې نورو ساتونکیو سره د طالبانو په برید کې ووژل شو.

 سرچینې زیاته کړې، چې په اړوند پوځي اډه  کې وسلوالو طالبانو اته نور سرتېري ټپیان کړي دي.

دغه راز یوې بلې سرچینې ویلي، چې په دې برید کې د صالح عمر په ګډون لږ تر لږه ۱۰ پولیس سرتېري وژل شوي او څلور نور ټپیان دي.

دغې سرچینې هم زیاته کړې، چې طالبانو په دې پوځي اډه کې هم دوه اډې نیولي او ټول تجهیزات او وسلې یې ترلاسه کړې دي.

 د دوی د څرګندو له مخې، په دې برید کې لږ تر لږه شپږ پولیس سرتېري نیول شوي هم دي.

د کندوز د پولیسو ویاند انعام الدین رحماني ویلي؛ طالبانو د چار درې په عرب کلي کې پر دوه پوستو د دوی بریدونه شنډ کړي، چې له نښتې دوه سرتېري وژل شوي او درې نور ټپیان دي.

رحماني زیاته کړې، چې په دې برید کې پېنځه طالبان وژل شوي او درې نور ټپیان شوي دي.

هغه د چار درې د قومندان له وژل کیدو څه ونه ویل.

وسلوالو طالبانو تر دې دمه رسنیو ته څه ندي ویلي.

تازه خبرونه

ترکیې د هرات له زلزله ځپلیو سره بشري مرسته وکړه

د هرات سرې میاشتې ټولنې د رسنیو دفتر لیکلي، چې په دغو مرستو کې اوړه، خیمې، کمبلې، ویلچیرونه، روغتیايي کڅوړې او د اړتیا وړ توکي شته دي.

Published

on

(Last Updated On: )

د ترکیې حکومت د هرات زلزله ځپلیو ته د بشري مرستو د توکو یوه ټولګه رالېږلې ده.

د لویديځ زون د سرې مياشتې ټولنې دفتر په يوه خبرپاڼه کې ليکلي، چې د تورغونډۍ بندر له لارې د ترکيې د بشري مرستو نهمه ټولګه، چې شاوخوا ٦٢٠ ټنه خوراکي او غير خوراکي توکي لري؛ هرات ته را رسېدلې ده.

د هرات سرې میاشتې ټولنې د رسنیو دفتر لیکلي، چې په دغو مرستو کې اوړه، خیمې، کمبلې، ویلچیرونه، روغتیايي کڅوړې او د اړتیا وړ توکي شته دي.

دغه مرستې د لویديځ زون سرې مياشتې ټولنې ادارې ته سپارل شوې دي، چې ټاکل شوې په راتلونکیو څو ورځو کې د دغه ولايت پر زلزله ځپلیو ووېشل شي.

دې ته ورته نور خبرونه: 

د ترکیې سفیر د افغانستان سیلاب ځپلیو ته د ۶۷۰ ټنو مرستې اعلان وکړ

مرستې ورو او ناعادلانه دي – د هرات زلزله ځپلي

 

Continue Reading

تازه خبرونه

حماس د م.م د اوربند پرېکړه لیک منلی او پر جزئیاتو خبرو ته چمتو دی

ابو زهري وایي: د امریکا اوس له یوې رښتینې ازموینې سره مخ ده، چې د ملګرو ملتونو د امنیت شورا د پرېکړه لیک پر پلي کولو د اشغال او جګړې د پای ته رسولو په برخه کې خپلې ژمنې پلې کړي – رویټرز

Published

on

(Last Updated On: )

د سې شنبې پر ورځ د حماس یوه لوړپوړي چارواکي سامي ابو زهري رویټرز ویلي؛ حماس د ملګرو ملتونو امنیت شورا د اوربند پرېکړه لیک مني او چمتو دی، چې د جزئیاتو په اړه خبرې اترې وکړي او اوس واشنګټن کار دی، چې له اسرائیلو څخه د اطاعت ډاډ ترلاسه کړي.

نوموړي زیاته کړې؛ حماس د اوربند، د اسرائیلي ځواکونو د وتلو او د یرغمل شویو بندیانو د تبادلې په اړه د ملګرو ملتونو د امنیت شورا پرېکړه لیک مني.

ابو زهري وایي: د امریکا اوس له یوې رښتینې ازموینې سره مخ ده، چې د ملګرو ملتونو د امنیت شورا د پرېکړه لیک پر پلي کولو د اشغال او جګړې د پای ته رسولو په برخه کې خپلې ژمنې پلې کړي – رویټرز

ورته خبرونه:

د ملګرو ملتونو امنیت شورا په غزه کې د اوربند له طرحې ملاتړ وکړ

د اسرائیلو د جګړې د کابینې وزیر ګوښه شو

 

Continue Reading

تازه خبرونه

په افغانستان کې د ښځو د حقونو د وضعیت په اړه اندېښنې زیاتې شوي

Published

on

(Last Updated On: )

د ملګرو ملتونو د ښځو چارو ادارې ويلي؛ په افغانستان کې د ۲۰۲۱ کال د اګست له سیاسي بدلون وروسته د ښځو له حقونو څخه د سرغړونې کچه او اغېز بې‌ساری دی، چې د افغان ښځو ۴۰ کلن پرمختګ یې په درې کلونو کې له منځه وړی دی .
ملګرو ملتونو په خپل نوي راپور کې پر افغان ښځو د لګول شویو بندیزونو د پای ته رسولو لپاره د بېړني نړیوال اقدام غوښتنه کړې ده.
د ملګرو ملتونو د ښځو څانګې ویلي، چې یوازې په سلو کې یوه ښځه احساس کوي، چې دوی په ټولنه کې نفوذ لري او نږدې ټولو نورو ښځو د غوراوي او د خپل واک او نفوذ د له لاسه ورکولو خبره کړې ده.
د ملګرو ملتونو د ښځو د څانګې بنسټ په راپور کې راغلي: په افغانستان کې اوسنی وضعیت د جنسیتي برابرۍ پر وړاندې بې سارې ننګونې وړاندې کوي؛ د ۲۰۲۱ کال له اګست راپدیخوا طالبانو په سیسټماټیک ډول د افغانستان حقوقي بنسټونه له منځه وړي دي. په ځانګړي توګه هغه کسان، چې د جنسیت د برابرۍ او د ښځو د پیاوړتیا په برخه کې یې د پرمختګ ملاتړ کړی؛ هدف ګرځول شوي دي.
په دې څېړنه کې ملګرو ملتونو په افغانستان کې د ښځو او نجونو پر زده‌کړو محدودیتونه د میندو له مړینې سره تړلي او څرګندوي، چې له ښوونځیو څخه د یو اعشاریه یو میلیون نجونو ایستل او په پوهنتون کې د څه باندې سل زره نورو پر زده‌کړو بندیز پر اوسني نسل ناوړه اغېزې لري، چې په دې هېواد کې یې د میندو له مړینې سره مرسته کړې ده.
د اسلامي امارت د ویاند مرستیال حمدالله فطرت ویلي، چې په هېواد کې د ښځو حقوق تر بل هر وخت زیات د شریعت له مخې خوندي دي.
ملګرو ملتونو او اروپايي ټولنې ټینګار کړی، چې د ښځو د ټولنو او مدني ټولنو د پیاوړتیا او ملاتړ لپاره د اوسني وضعیت د بدلولو لپاره باید یوه بودجه په پام کې ونیول شي او د ټولو مرستو لږ تر لږه ۳۰ سلنه د جنسیتي برابرۍ او مساواتو لپاره ځانګړې شي.
دغه راز ټاکل شوې، چې د ملګرو ملتونو پر کوربتوب د افغانستان په اړه د دوحې درېیمه غونډه د روانې میاشتې په پای کې جوړه شي. له دې مخکې د بشري حقونو ټولنو له ملګرو ملتونو غوښتي وه، چې د افغان ښځو حقونه دې د دې غونډې اصلي محور وي او د ژوند په ټولو برخو کې دې د ښځو بشپړ، برابر او معنوي ګډون ډاډمن شي.

Continue Reading

Trending

Copyright © 2022 Ariana News. All rights reserved!