Connect with us

تازه خبرونه

له افغانستان څخه د امریکایي ځواکونو وتل مسوولانه دي ـ د امریکا لوی درستیز

خپور شوی

د

Reuters
(Last Updated On: )

د امریکا لوی درستیز جنرال مارک میلي د امریکا د ولسمشر دونالد ترمپ د تېرې اوونۍ ( تر کرسمس پورې د امریکایي سرتېرو د ایستلو) د څرګندونې د جزئیاتو په اړه څه نه دي ویلي؛ خو وایي، دوی د جګړې د پای لپاره مسوولانه پلان لري.

هغه این پي آر ته ویلي: د دې معنا دا نده، چې د دسمبر تر پایه له افغانستان څخه ټول امریکایي ځواکونه ووځي؛ مونږ مسوولانه پلان لرو. د خپلو سرتېرو د شمېر د کمولو لپاره یو لړ غوراوي شته، چې له ولسمشر سره مو پرې خبرې کړې دي.

نوموړی زیاتوي: زه په راتلونکي کې د سرتېرو د پوره شمېر په اړه څه نشم ویلی؛ خو د پوځ د لوی درستیز په توګه  نه غواړم په راتلونکيو عملیاتو کې د سرتېرو د شمېر په اړه بحث وکړم. مونږ د امریکا د ګټو لپاره د جګړې د پای ته رسولو مسوولانه پلان لرو.

جنرال میلي زیاته کړې، چې که څه هم واشنګتن هڅه کوي، چې په افغانستان کې د خپلو سرتېرو شمېر  ۵۴۰۰ ته ورسوي؛ خو د نورو سرتېرو د کمولو پرېکړه ترمپ کوي.

هغه په بشپړ ټینګار ویلي، چې د امریکايي ځواکونو وتل په دوحه کې د امریکا  او طالبانو د سیاسي هوکړه لیک له مخې ترسره کیږي.

نوموړي څرګنده کړې، چې له همدې کبله مونږ وضعیت له نږدې څارو. مونږ او زمونږ اردو په دې شرایطو کې خپلې ترټولو غوره نظامي مشورې وړاندې کوو، چې ولسمشر داډه او مسوولانه پرېکړه وکړي.

هغه په افغانستان کې د روان تاوتریخوالي په اړه ویلي؛ که اوسنی تاوتریخوالی له تېر سره پرتله شي؛ نو ښکاره ده، چې د پام وړ کمی په کې راغلی دی او دا زمونږ د مشورو پایله ده.

تازه خبرونه

پاکستان له ۲۰۲۳ کال راپدېخوا نږدې یومیلیون افغان کډوال جبري ایستلي

 د پاکستان د کورنیو چارو وزارت ویلي، چې د افغان کډوالو د جبري ایستلو لامل امنیتي اندېښنې دي.

Published

on

(Last Updated On: )

د پاکستان رسنیو راپور ورکړی، چې د بې اسنادو کډوالو او افغان تابعیت لرونکو د جبري ایستلو بهیر اوس هم چټک روان دی او له دوه میلیون ډېر افغان کډوال یې اندېښمن کړي دي.

 د پاکستان د کورنیو چارو وزارت ویلي، چې د افغان کډوالو د جبري ایستلو لامل امنیتي اندېښنې دي.

د پاکستان رسنیو څرګنده کړې، چې یوازې د شنبې پر ورځ له ۵۰۰۰ څخه ډېر افغان کډوال له سرحدي لارو جبري ایستل شوي دي.

د راډیو پاکستان د څرګندونو له مخې؛ د هغو خلکو ټولټال شمېر، چې د دې پالیسۍ له مخې له پاکستان څخه وتلي  ۹۷۱ زره ۹۶۹ ته رسیدلی دی.

دغه راز د پاکستان کورنیو چارو وزارت مرستیال طلال چوهدري په یوه وروستۍ مرکه کې ویلي، چې له پاکستان څخه د ایستلو وروستۍ نېټه به د اپریل له ۳۰ ونه غځول شي.

هغه زیاته کړې، چې امنیتي اندېښنې او په پاکستان کې د مخدره توکو د قاچاق زیاتوالی د اخراج د لویې څپې له لاملونو څخه دي.

د پاکستان کورنیو چارو وزارت مرستیال طلال چودري وایي: ” په دې برخه کې درې مسلې مهمې وې؛ له ترهګرۍ سره اړیکه، په لویو جرمي ډلو کې د یو شمېر افغان کډوالو ګډون او د مخدره توکو په قاچاق کې د ګڼ شمېر افغان وګړو د ښکېلتیا شتون.”

له پاکستان څخه د راستنېدونکي کډوال عزیزالله د څرګندونو له مخې؛ پاکستاني پولیسو هغه کسان نیولي او شړلي،  چې په پاکستان کې یې په ناکراریو کې هیڅ ونډه نه درلوده او ځینو یې حتا د سبزیو په بازار کې کار کاوه.

ځینو رسنیو دا راپور هم ورکړی، چې د پاکستان حکومت غریب کډوال نیولي او شړلي دي، نه شتمن کسان.

دا په داسې حال کې ده، چې د شنبې پر ورځ ۶۲۳ افغان کورنۍ له پاکستان او ایران څخه هېواد ته راستنې شوې دي. دغو کورنیو هېواد ته د بېرته راستنېدو سره سم هم مرستې ترلاسه کړي؛ خو راستنیدونکي ځمکه، د کار فرصتونه او د ژوند کولو لپاره سرپناه غواړي.

Continue Reading

تازه خبرونه

د افغانستان او قزاقستان په اړیکو کې د نویو فرصتونو علمي او څېړنیزه ناسته ترسره شوه

د افغانستان بهرنیو چارو وزارت د سټراټیژیکو مطالعاتو د مرکز رییس ولي الله شاهین ویلي، چې قزاقستان د سیمې یو اغېزمن هېواد دی، چې تل یې په سیمه‌ییزو مسایلو کې سوله‌ییز رول لوبولی او څرګندوي، چې د افغانستان اسلامي امارت اقتصاد محوره بهرني سیاست هم د سیمې له هېوادونو سره د سوداګرۍ او ټرانزیټ په برخو کې د پام وړ فرصتونو او پرمختګونو د رامنځته کولو فرصت برابر کړی دی.

Published

on

(Last Updated On: )

د افغانستان بهرنیو چارو وزارت د سټراټیژیکو مطالعاتو مرکز د افغانستان او قزاقستان د اړیکو د راڅرګندیدونکو فرصتونو تر سرلیک لاندې علمي ناسته ترسره کړه، چې په کې د دواړو هېوادونو ترمنځ د اړیکو پر وروستیو پرمختګونو او شته فرصتونو بحث وشو.

د افغانستان بهرنیو چارو وزارت د سټراټیژیکو مطالعاتو د مرکز رییس ولي الله شاهین ویلي، چې قزاقستان د سیمې یو اغېزمن هېواد دی، چې تل یې په سیمه‌ییزو مسایلو کې سوله‌ییز رول لوبولی او څرګندوي، چې د افغانستان اسلامي امارت اقتصاد محوره بهرني سیاست هم د سیمې له هېوادونو سره د سوداګرۍ او ټرانزیټ په برخو کې د پام وړ فرصتونو او پرمختګونو د رامنځته کولو فرصت برابر کړی دی.

د قزاقستان د سټراټیژیکو مطالعاتو د ولسمشرۍ انسټیټیوټ رییس دوکټور یرکین توکوموف هم د افغانستان او قزاقستان ترمنځ اوسنۍ اړیکې د دواړو هېوادونو په دوه اړخیزو اړیکو کې یو نوی فصل وباله او زیاتوي، چې په نږدې راتلونکي کې به له قزاقستان څخه ډېر لوړ پوړي پلاوي افغانستان ته سفر وکړي او په بېلابېلو سکټورونو کې به د پرمختګونو لیدونکي وي.

په دې غونډه کې د بهرنیو چارو وزارت د سټراټیژیکو مطالعاتو د مرکز مشر، د قزاقستان جمهوریت د ولسمشر د سټراټیژیکو مطالعاتو د انسټیټیوټ مشر، شارژدافیر، په کابل کې د قزاقستان د سفارت یو شمیر ډیپلوماټانو او د بهرنیو چارو وزارت یو شمیر کارمندانو ګډون کړی و.

ویل کیږي، چې ګډونوالو د سیمه‌ییز اتصال او ځینو نورو موضوعاتو په اړه هم پراخ بحثونه او اندونه وړاندې کړل.

 

Continue Reading

تازه خبرونه

په افغانستان کې د ګوزڼ واکسین کمپاین سبا پیل کیږي

دې بنسټ د یکشنبې پر ورځ( د وري یودېرشمه) په ایکس پاڼه کې ولیکل، چې دا کمپاین به سبا دوشنبه پیل شي.

Published

on

(Last Updated On: )

له ګوزڼ یا پولیو څخه د پاک افغانستان بنسټ په هېواد کې د ګوزڼ واکسین کمپاین له پیل خبر ورکړ.

دې بنسټ د یکشنبې پر ورځ( د وري یودېرشمه) په ایکس پاڼه کې ولیکل، چې دا کمپاین به سبا دوشنبه پیل شي.

دې بنسټ له کورنیو غوښتي، چې خپل پېنځه کلن او له کلونو ټیټ عمره ماشومان د ګوزڼ پر وړاندې واکسین کړي.

له ګوزڼ څخه د پاک افغانستان بنسټ دا ندي ویلي، چې کمپاین به څو ورځې او په کومو ولایتونو کې ترسره شي.

افغانستان او پاکستان یوازني هېوادونه دي، چې ګوزڼ یا پولیو په کې تر اوسه له منځه نده وړل شوې.

د یادونې ده، چې د پولیو لومړۍ مثبته پېښه په ۲۰۲۵ کال کې له بادغیس ولایت څخه ثبت شوې ده.

Continue Reading
Advertisement

Trending

Copyright © 2025 Ariana News. All rights reserved!