Connect with us

سوداگري

له هېواده د پسونو د وړیو قاچاق به د غالیو صنعت زیانمن کړي

خپور شوی

 په

(Last Updated On: مرغومی ۲۵, ۱۴۰۰)

د افغانستان دغالیو تولیدوونکيو سرتاسري  ټولنې څرګنده کړې؛ له ماليې وزارت غوښتنه شوې، چې په ګمرکونو کې له هېواده د وړیو د قاچاق مخه ونیول شي.

د افغانستان  دغالیو تولیدوونکي وايي؛ د پسونو وړۍ، چې په غزني، زابل، فراه، کندهار او هلمند کې یې مالداران تولیدوي له افغانستان نه ګاونډ هېواد پاکستان او هند ته قاچاق کیږي او کورني تولیدونکي د اومو توکو له کمښت سره مخ دي.

دوی وايي، که د خپلو غالیو لپاره  د عراق او سعودي عربستان د وړیو له  تارونو کارواخیستل شي، چې هغه ورته څو برابره په لوړ قیمت تمامیږي.

د افغانستان د غالیو تولیدوونکی محمدنعیم ولي زاده وایي؛ زمونږ د هېواد د غالیو وړۍ پاکستان او هندوستان ته قاچاق کیږي؛ خو مونږ بیا د خپلو غالیو د اوبدلو لپاره له عراق او عربستان څخه د تار د راوړلو لپاره اړ کیږو.

د افغانستان د غالیو تولیدوونکیو  ټولنې مشر نور احمد نوري وایي: همدا اوس د یوه مټر مربع غالیو په تولید کې ۶۰۰ افغاني قیمت لوړ شوی؛ ځکه، چې مونږ خپله له نورو هېوادونو تار واردوو خپلې وړۍ مو نورو هېوادونو ته قاچاق کیږي.

د افغانستان د ماليي وزارت ويلي، چې ټولو ګمرکونو ته به خبر ورکړي، چې د وړیو په ګډون بهر ته د ټولو هغو توکو د صادراتو مخه ونیسي، چې په کورنیو تولیداتو کې کارول کیږي.

د ماليي وزارت ویاند احمد ولي حقمل وایي؛ د افغانستان اسلامي امارت به صنعت کارانو او صادروونکيو لپاره وخت ته اړتیا ده، چې دا بهیر به لږ وخت ونیسي او مونږه به دا ستونزه ژر حل کړو او قاچاق مخنیوی به هم وکړو.

د اقتصادي چارو کارپوهان وايي، که حکومت دغالیو سکتور ته جدي پاملرنه ونکړي؛ نو ښايي دا سکتور په هېواد کې له منځه ولاړ شي.

سوداگري

بهر میشتې افغان سوداګر او پانګوال دې هېواد ته راستانه شي – اسلامي امارت

خپور شوی

په

توسط

(Last Updated On: غویی ۲۸, ۱۴۰۱)
د افغانستان د لومړي وزیر مرستیال ملا عبدالغني برادر او ورسره مل پلاوي یې د سې شنبې پر ورځ په عربي متحده اماراتو کې له یو شمېر افغان سوداګرو سره وکتل او هېواد ته د بېرته ستنېدو پر امکاناتو ور سره بحث او خبرې وشوې.

د افغانستان د اسلامي امارت ویاند ملا برادر افغان سوداګرو ته څرګنده کړه: په هره برخه کې، چې تاسې پانګونې ته لیواله یاست؛ اسلامي امارت چمتو او ژمن دی، چې تاسې ته د ډاډمنې پانګونې او کار زمینه برابره کړي.

په دې کتنه کې ملا برادر سوداګرو او پانګوالو ته وويل؛ دا د اسلامي امارت مسوولیت دی، چې د پانګوالو او سوداګرو لپاره د کار آسانتیاوې رامنځته کړي او له هغو وغواړي، چې د هېواد په بيارغونه کې مرسته وکړي.

ملا برادر ډاډ څرګند کړ؛ دا زمونږ مسوولیت دی، چې تاسې او ستاسو سوداګرۍ ته ډاډمنه زمینه برابره او دا هېواد په ګډه بیا جوړ کړو.

هغه وایي: له نېکه مرغه په ​​افغانستان کې د اسلامي امارت له بیا واکمنېدو سره د اداري فساد ریښې وچې او له منځه تللې دي.

په اقتصادي چارو کې د لومړي وزیر مرستیال ملا عبدالغني برادر له ټولو هغو هېوادونو مننه وکړه، چې د افغانانو د کوربتوب هڅې کوي.

Continue Reading

سوداگري

پاکستان د کندهار د مالوچو کارخونو ۳۰ میلیون ډالر کنګل کړي

خپور شوی

په

توسط

(Last Updated On: غویی ۲۷, ۱۴۰۱)

په کندهار کې د مالوچو د پروسس کارخونو خاوندانو ویلي، چې پاکستان د دې سکټور شاوخوا ۳۰ میلیون ډالره پوروړی دی، چې اوس یې کاروبار بند کړی دی.

د کندهار د سوداګرۍ او صنايعو خونې چارواکو ويلي، پخوا به د افغانستان مالوچ پاکستان ته صادرېدل؛ خو اوس د افغانستان د مالوچو نيمايي محصولات پاکستان ته صادرېږي.

د دوی په وینا، پاکستان په بېلابېلو پلمو د فابریکو د خاوندانو ۳۰ میلیونه ډالره شتمني ضبط کړې ده.

د کندهار د سوداګرۍ او صنایعو خونې مشر سید سرور اماني وايي، پاکستان د بانکدارۍ د محدودیتونو له کبله په دغه ولایت کې د فابریکو شاوخوا ۳۰ میلیون ډالره پور ندی ورکړی.

زمونږ د بانکونو سيسټم خراب دي؛ مشکل لرو، د بانکي راکړې ورکړې بندې دي. په ځانګړې توګه پاکستان له دې کاره ناسمه ګټه پورته کوي. دا پدې معنا، چې زمونږ د مالوچو د سکتور ډېرې پیسې، چې شاوخوا ۳۰ میلیون ډالره کېږي په پاکستان کې بندې دي.

نوموړي زیاته کړې؛ دا د ۲۴ کارخونو پيسې دي. پاکستانی لوري یې نه پر حواله راکوي او نه د بانک  او  ټی ټي  له لارې.

په کندهار کې د مالوچو د پروسس ۲۴ فابریکې شته، چې تېر کال یې شاوخوا ۴۰۰ زره ټنه پروسس کړې وه.

په هرحال د دې سکټور پر وړاندې د ننګونو له کبله مو سږکال د پروسس کچه یوازې ۲۰۰ زره ټنو ته راټیټ شوې ده.

د سوداګرۍ خونې مسوولین وايي، پاکستان غواړي د دغو کارخونو خاوندانو ته ستونزې جوړې کړي، چې دوی له کاروباره ووځي.

په همدې حال کې د کارخونو خاوندان وايي، صنعتي پارکونو ته د برښنا کمښت هم لویه ننګونه ده.

د مالوچو د یوې فابریکې خاوند یارمحمد رحماني ویلي: زمونږ لویه ستونزه برښنا ده، د اسلامي امارت له راتګ څخه مخکې مونږ دلته له لس میګاواټه برښنا سره جنراتورونه درلودل؛ خو اوس هغه نلرو. مونږ له لمریزې برښنا او د کجکي بند له برښنا څخه کار اخلو.

هغه زیاته کړې: د پارک شمال لوري ته يوه ورځ او بله یوه ورځ سویل لوري ته برښنا ورکول کېږي؛ ځکه، نو برېښنا زمونږ اساسي ستونزه ده.

د دوی د څرګندونو له مخې؛ که د کندهار په صنعتي املاکو کې د مالوچو د پروسس کاخونې په عادي بڼه کار وکړي، نو زرګونه نورو ته به د کار زمينه برابره او د ناقانونه کډوالۍ مخه به ونيول شي.

Continue Reading

سوداگري

افغانستان له روسیې سره صادراتي او وارداتي اړیکو ته لیوالتیا ښکاره کړه

خپور شوی

په

توسط

(Last Updated On: غویی ۲۶, ۱۴۰۱)
د افغانستان اسلامي امارت غواړي له روسیې څخه د ګازو او تېلو د پېرلو تر څنګ روسیې ته نه یوازې وچه میوه صادره کړي، بلکې غواړي د ترکمنستان، افغانستان، پاکستان او هند د ګازو پر نللیکه هم عملي ټینګار ښکاره کړي.

د بزنس سټنډرډ د څرګندونو له مخې؛ په داسې حال کې، چې د روسیې د انرژۍ لوی شرکتونه لکه ګازپروم د لویدیځ تر بندیزونو لاندې دي، په مسکو کې د اسلامي امارت نومول شوي استازي جمال ناصر غروال له روسیې سره د انرژۍ په برخه کې د همکاریو د پراخولو لپاره د افغانستان پر هوډ ټینګار کړی دی.

جمال ناصر غروال د روسيې دولتي خبري آژانس تاس ته ويلي: مونږ د سوداګرۍ او مالي چارو په برخه کې خبرې اترې کوو. مونږ له روسیې سره د اقتصادي همکاریو او اړیکو پراختیا غواړو او له روسیې څخه د تېلو اخیستلو ته لیواله یوو.

نوموړي زیاته کړې؛ دا مهال د روسیې او افغانستان د سوداګرۍ وزارتونو له لارې خبرې اترې روانې دي؛ ځکه کابل هوډ لري، چې ډېر ژر ځانګړي تړونونه لاسلیک کړي.

په مسکو کې د افغانستان د سفارت چارسمبالي ټینګار کړی، چې د اسلامي امارت حکومت د زیربناوو، ودانیو، سړکونو او نورو اړینو تاسیساتو په جوړولو کې پر روسیې تکیه کوي؛ ځکه روسیې په تېر کې له افغانستان سره په دې اړه ډاډمنې مرستې کړې دي.

هغه څرګندوي: مونږ له مسکو سره د خبرو اترو له پرمختګ سره علاقه لرو او په دې اړه غواړو په راتلونکي کې خبرې اترې ولرو.

د راپور په پای کې جمال ناصر غروال د ترکمنستان، افغانستان، پاکستان او هند (ټاپي) د ګازو نللیکې د پروژې د کار دوام تائید کړ، چې پر مټ به یې سویلي آسیا هېوادونو له مرکزي آسیا له هېوادونو سره  ونښلوي.

Continue Reading

Trending

Copyright © 2022 Ariana News. All rights reserved!