Connect with us

د هوا حالاتو بدلونونه

نړۍ ته ور پېښې اقليمي ننګونې له همغږۍ او ګډ کار پرته د حل وړ ندي – اسلامي امارت

Published

 on

(Last Updated On: لړم ۱۶, ۱۴۰۱)

په داسې حال کې، چې د نړۍ مشران د دوشنبې په ورځ په مصر کې د اقلیمي بدلون په اړه د خبرو اترو لپاره غونډه کوي؛ اسلامي امارت او په افغانستان کې د ملګرو ملتونو استازولۍ د اقلیم د بدلون د ویجاړونکيو اغیزو د مخنیوي لپاره د بېړنيو ټولنیزو هڅو غوښتنه وکړه.

افغانستان له اقلیمي بدلونونو سره د مقابلې لپاره یو له لږ چمتو شويو هېوادونو څخه دی؛ خو په نړۍ کې له اقلیمي ګواښونو سره مخ شپږم  اغېزمن ځای دی.

افغانستان له مخکې څخه طبیعي پیښو ځپلی؛ د خلکو ژوند، معیشت، کورونو او زیربناوو ته زیان رسېدلی دی.

د افغانستان اسلامي امارت د بهرنیو چارو وزارت د دوشنبې پر ورځ ویلي، چې دوی د مصر په شرم الشیخ کې د اقلیم د بدلون د اووه اویشتمې سرمشریزې ترسره کول په نړۍ کې د اوسني اقلیم ننګونو ته د حل موندلو په لور لومړی ګام ګڼي.

د اسلامي امارت په څرګندونو کې راغلي: د اقلیم د بدلون اغېزې سیاسي پولې نه پېژني؛ د حل لارې یې باید له سیاسي ملحوظاتو خپلواکې وي او د افغانستان په څیر هېوادونه، چې د اقلیم د بدلون په برخه کې هیڅ ډول منفي ونډه نلري؛ خو له منفي اغیزو سره یې مبارزه کوي، باید له پامه ونه غورزول شي.

د افغانستان اسلامي امارت د مصر په شرم الشيخ ښار کې د اقليمي بدلون د اووه ویشتمې سرمشريزې جوړېدل نړۍ ته د ور پېښو اقليمي ننګونو لپاره د حل لارو راایستلو پر لور لومړنی ګام بولي او باور لري، چې ګډې ننګونې له تفاهم، همغږۍ او ګډ کار پرته اوارېدلی نشي.

اسلامي امارت دا هم ویلي، چې یوازې سږ کال افغانستان د اقلیم د بدلون د منفي اغېزو له کبله د دوه میلیارد دالرو پر ارزښت زیانونه لیدلي دي.

د دې زیان د جبرانولو، د نورو احتمالي زیانونو د کمولو او په هېواد کې د اقتصادي ثبات د ټینګښت لپاره د ګواښمنو ټولنو د ټینګار د زیاتولو ترڅنګ، زمونږ د ملي لومړیتوبونو په رڼا کې د نړیوالې ټولنې پراختیايي مرستې اړینې دي.

په افغانستان کې د ملګرو ملتونو ټولنې هم په ډاګه کړې، چې دغه هېواد له دې مخکې هم له پرلپسې طبیعي پېښو سره مخ دی.

ملګرو ملتونو ویلي، چې دغه شته ګواښونه د کرنې پر معیشت د افغانانو د زیاتې تکیه، د افغانستان نازک ایکوسیستم، د چاپېریال خرابوالی، کمزوری ټولنیز-اقتصادي پرمختګ او له څلور لسیزو څخه د ډېرو جګړو اغېزو د اقلیم د سختې زیانمننېدو بنسټ ایښی دی.

د ملګرو ملتونو د سرمنشي د ځانګړي استازي مرستیال او د بشردوستانه همغږي کوونکي داکتر رامیز الکبروف ویلي: دا عام افغانان دي، چې د دې ټکانونو په صورت کې تر ټولو ډېر زیانمن کیږي.

هغه زیاته کړې: اوس د افغانستان لپاره اقدام ته اړتیا ده. مونږ په تمه پاتې کېدی نشو؛ د افغانانو د زغم کاسه نوره ډکه شوې ده.

د اقلیمي بدلون ۲۷ ناسته د دوشنبې او سې شنبې په ورځو کې ترسره کیږي او بیا به د نومبر تر ۱۸ د وزیرانو تر غونډې روانه وي. دا به د ۱۱۰ دولتونو او حکومتونو د مشرانو راټولېدل وي.

د چینایي مشر ژی جینپینګ د پام وړ نشتوالي سره، چې هېواد یې په نړۍ کې د شنوخونو ګازونو ترټولو ډېر ککړوونکی دی.

د امریکا ولسمشر جو بایدن، چې هېواد یې د لوړ ککړوونکیو په نوملړ کې دوه یم ځای لري؛ د دې اوونۍ په وروستیو کې به له اړوند ناستې سره یوځای شي.

د هوا حالاتو بدلونونه

د ګرینلند د کنګلونو ګړندۍ اوبه کېدا به د بحري اوبو سطح لوړه کړي- څېړنه

Published

on

(Last Updated On: سلواغه ۱, ۱۴۰۱)

د چارشنبې پر ورځ د طبعیت په علمي مجله کې خپره شوې نوې څېړنه ښيي، چې له ۲۰۰۱ څخه تر ۲۰۱۱ پورې د ګرینلند د کنګل لوړه سطحه په تېرو ۱۰۰۰ کلونو کې له دېرې تودوخې سره مخ شوې، چې ورسره به د بحري اوبو سطحه هم لوړه شي.

د دغې څېړنې لیکوالانو څرګنده کړې، چې د شمالي قطب کنګلونه د نړۍ له صنعتي کېدو سره سم له ۱۹ پېړۍ راپدیخوا د ویلې کېدا له بهیر سره مخ شوي او د ۲۰ پېړۍ له پیل راپدیخوا له صنعتي بدلونونو سره مخ دي.

اټکل کیږي، چې تر ۲۱۰۰ پورې به د ویلې کېدا دا بهیر تر ۵۰ سانتي مترو پورې د نړۍ د اوبو سطحه لوړه کړي.

څېړنه ښیي، چې د نړۍ نیمایي کنګلونه به تر ۲۱۰۰ کال پورې د نړیوالې تودوخې له کبله ورک شي.

د دغه بنست کنګل پېژندونکې ماریا هولد څرګنده کړې: د هغو معلوماتو له مخې، چې مونږ د یخ له هستو ترلاسه کړي؛ اوس‌مهال پرلپسې ۱۰۰۰ کاله د کنګلونو له یوځای کېدا تېر شوي او له ۱۰۰۰ څخه تر ۲۰۱۱ پورې د ۱۰۰۰ کلونو په بهیر کې د ویلې کېدا بهیر چټک شوی دی.

په دې څېړنه کې ویل شوي، چې د یخ د ویلې کیدا بهیر د بحري اوبو  کچه ( ۰.۶ ) انچو ته لوړه کړې. دا د هغه څه پرپرتله شپږ ځله ډېر دی، چې ساینس پوهانو مخکې اټکل کړی و.

Continue Reading

د هوا حالاتو بدلونونه

پاکستان د سېلابونو د زیانونو د بیارغونې لپاره د ۱۶ میلیارد دالرو مرستې په لټه کې دی

Published

on

(Last Updated On: مرغومی ۱۹, ۱۴۰۱)
ملګري ملتونه او پاکستان د دوشنبې پر ورځ ( د مرغومي ۱۹) په ژنیو کې د پاکستان د تېر کال د سیلابونو د زیانونو د بیارغونې لپاره د مرستو راټولولو په اړه غونډه کوي.

اسلام آباد د میلیونونه کورونو، د زرګونه کیلومتره سړکونو او ریل پټلیو د بیارغولو او د سیلابونو له کبله د رامنځته شوې بېوزلۍ د کمولو لپاره شاوخوا ۱۶ اعشاریه ۳ میلیارد دالره لګښت اټکل کړی دی.

د پاکستان لومړي وزیر شهباز شریف د یکشنبې پر ورځ تویت کړی، چې له دې شېبې څخه د ګټنې لپاره به نړۍ ته د پاکستان وضعیت روښانه کړي.

شهباز شریف دا هم په ډاګه کړې: د پاکستان خلک د بې ساري ویجاړیو اغېزمن شوي او د پاکستان د ښه راتلونکي د جوړولو لپاره د نړیوالې ټولنې د پیوستون او مهربانۍ په لټه کې دی.

د پاکستان لومړی وزیر به په دې غونډه کې د پاکستان د وضعیت د ښه کولو لپاره یوه حل لاره وړاندې کړي، چې په کې به د ملګرو ملتونو عمومي منشي او د فرانسې ولسمشر هم وینا وکړي.

په پاکستان کې د تېر کال د سپتمبر سختو بارانونو او سېلابونو لږ تر لږه ۱۷۰۰ کسان مړه او تر ۸ میلیون ډېر کسان یې بې کوره کړل.

انتونیو ګوترش، چې له سیلاب وروسته پاکستان ته ولاړ؛ د سېلاب له کبله رامنځ ته شوې ویجاړۍ د موسم وژنه نومولې وه.

Continue Reading

د هوا حالاتو بدلونونه

ناسا د ځمکې د اوبو د سروې لپاره ګډه سپوږمکۍ وتوغوله

Published

on

(Last Updated On: ليندۍ ۲۶, ۱۴۰۱)

د جمعې پر ورځ ناسا او فرانسې فضایي ادارې ته جوړې شوې سپوږمکۍ، چې د ځمکې د څه نا څه ټولو اوبو د سروې ماموریت ورپر غاړه دی؛ له ځمکې وتوغول شوه.

د دې سپوږمکې ماموریت د ناسا، فرانسې، کانادا او د انګلستان د فضايي ادارې په مرسته په ګده ترسره کیږي او غواړي، چې د ځمکې په سطحه د نږدې ټولو( جهیلونو، سیندونو، زیرمو او بحرونو) د اوبو کچه معلومه کړي.

دا سپوږمکۍ به د ځمکې له ۹۰ سلنې څخه د ډېرو اوبو لوړوالی معلوم کړي. دغه راز به د سمندرونو، جهیلونو، سیندونو او نورو زیرمو اغېز پر اقلیمی بدلونونو هم وڅېړل شي او دا به په ډاګه کړي، چې څنګه ټولنې کولی شي د طبیعي ناورینونو لکه سیلابونو لپاره ښه چمتووالی ونیسي.

د ناسا مدیر بل نیلسون ویلي: د سیندونو او بحرونو د اوبو ګرمېدل، سخته هوا، د ځنګلونو سوځېدل د اقلیمي بدلون یو څو پایلې دي، چې انسانان او ژوندي موجودات ورسره مخ دي.

د دغه ماموریت بنسټیزه موخه د ځمکې د خواږو اوبو د کچې معلومول دي. دوی به د نړۍ له ۹۵ سلنې څخه د زیاتو جهيلونو، بحرونو او د اوبو د زیرمو په اړه معلومات چمتو کړي.

د یادونې ده، چې د وخت له تېریدو سره به دا څرګندونې او معلومات وکولی شي له څېړونکیو سره مرسته وکړي، چې نه یوازې د سمندر د سطحې د اوبو لوړوالی په ښه توګه وڅاري، بلکې پر ټولنو د اقلیمي بدلون اغېزې هم په ډاګه کړي.

Continue Reading

Trending

Copyright © 2022 Ariana News. All rights reserved!