Connect with us

سوداگري

هند له د افغانستان بانک سره تخنیکي همکاري کوي

خپور شوی

د

د افغانستان بانک څرګنده کړې؛ د هند حکومت له د افغانستان بانک سره تخنیکي همکارۍ ته چمتووالی په ډاګه کړی دی.

د افغانستان بانک د خبرپاڼې له مخې؛ د افغانستان بانک رییس عبدالقهار ادریس په افغانستان کې د هند د تخنیکي ماموریت له مشر بهارت کمار سره وکتل.

په دې خبرپاڼه کې راغلي؛ په دې کتنه کې دواړو لوریو پر اقتصادي وضعیت، همغږۍ او بانکي چارو خبرې وکړې.

عبدالقهار ادريس په دې کتنه کې ويلي، چې د افغانستان بانک له ټولې نړۍ سره د قوانينو په چوکات کې د اړيکو ټينګولو ته ژمن دى او غواړي په ملي او نړيواله کچه د بانکي خدمتونو د وړاندې کولو په برخه کې آسانتياوې رامنځته کړي.

ویل کیږي؛ د هند د تخنيکي ماموريت مشر ډاډ څرګند کړ، چې حکومت به يې له افغانستان سره د بانکدارۍ په برخه کې خپلې تخنيکي همکارۍ روانې ساتي.

سوداگري

د شېرخان بندر د ظرفیت لوړولو طرحه تائید شوه؛ له منځنۍ آسیا او چین سره سوداګري پراخېږي

اقتصادي کمیسیون د سې‌شنبې پر ورځ د ټرانسپورټ او هوايي چلند وزارت هغه وړاندیزونه وڅېړل او تائید کړل، چې د شېرخان بندر له لارې د سوداګرۍ د پراختیا په اړه وړاندې شوي وه. د پرېکړې له مخې، د مالیې، کورنیو چارو وزارتونه او اړوند بنسټونه به په دې بندر کې نوې بېخبناوې جوړې او شته ودانیز جوړښتونه به پراخ کړي.

Published

on

د اقتصادي کمیسیون له لوري، چې مشري یې د ریاست‌الوزراء اقتصادي مرستیال ملا عبدالغني برادر کوي؛ د شېرخان بندر د ظرفیت لوړولو طرحه د افغانستان، تاجکستان، قرغیزستان او چین ترمنځ د سوداګرۍ د پراختیا لپاره تائید شوه.

اقتصادي کمیسیون د سې‌شنبې پر ورځ د ټرانسپورټ او هوايي چلند وزارت هغه وړاندیزونه وڅېړل او تائید کړل، چې د شېرخان بندر له لارې د سوداګرۍ د پراختیا په اړه وړاندې شوي وه. د پرېکړې له مخې، د مالیې، کورنیو چارو وزارتونه او اړوند بنسټونه به په دې بندر کې نوې بېخبناوې جوړې او شته ودانیز جوړښتونه به پراخ کړي.

همدارنګه له تاجکستان سره د همغږۍ له مخې به د شېرخان بندر کاري ساعتونه زیات شي، چې د بار وړونکو موټرو د تګ راتګ او سوداګریزو راکړو ورکړو د پراختیا لپاره ډېرې آسانتیاوې برابرې شي.

اقتصادي کمیسیون د مالیې وزارت ته دنده سپارلې، چې په شېرخان بندر کې د یوه لوژستیکي مرکز د جوړولو لپاره اړینه بودجه ځانګړې کړې. دغه مرکز به ګمرکي، زېرمې، د توکو د کښته کولو او بارولو خدمتونه وړاندې کوي.

په همدې غونډه کې د ټولګټو وزارت هم موظف شو، چې د ایکو د اوسپنې‌پټلۍ دهلېز د فعالولو لپاره د افغانستان په داخل کې د اوسپنې‌پټلۍ اړین ودانیز جوړښتونو جوړ کړي. یاد دهلېز د ایران، افغانستان، تاجکستان او قرغیزستان ترمنځ رامنځته شوی دی.

له بلې خوا اقتصادي کمیسیون پرېکړه کړې، چې څو امارتي شرکتونه خپلې زړې او سکراپ اوسپنې د ملي پراختیا شرکت ته وسپاري، چې له پروسس وروسته ترې معیاري سیخ‌ګولونه تولید او د دولت په سترو پروژو کې وکارول شي.

په دې غونډه کې د ملي معیار او کیفیت ادارې ۳۷ معیارونه او ۱۲ ازمایښتي کړنلارې هم تائید شوې. دغه معیارونه د کرنیزو محصولاتو، خوراکي توکو، درملو، ساختماني توکو، مخابراتو، طبي تجهیزاتو، کیمیاوي او پلاستیکي توکو په ګډون بېلابېلې برخې رانغاړي او د هېواد د اړتیاوو او نړیوالو معیارونو له مخې چمتو شوي دي.

د غونډې په پای کې د یو شمېر تعقیبي موضوعاتو راپورونه وړاندې او اړوند ادارو ته لازمې لارښوونې وشوې. د غونډې ټولې پرېکړې د وروستۍ منظورۍ لپاره د اسلامي امارت د رهبر دفتر ته لېږل شوې دي.

Continue Reading

سوداگري

د افغانستان او ازبکستان سوداګرو د ۵۰ میلیون ډالرو پر ارزښت ۲۵ هوکړه‌لیکونه لاسلیک کړل

د سوداګرۍ او پانګونې خونې د ولایتي چارو مرستیال فیض‌احمد خوافي ویلي، چې دغه هوکړه‌لیکونه د ۱۳۰ ازبکستاني سوداګرو او پانګه‌والو، د فرغانې ولایت والي، یو شمېر سیمه‌ییزو چارواکو او د افغانستان د خصوصي سکټور د استازو په حضور کې لاسلیک شوي دي.

Published

on

د افغانستان او ازبکستان د سوداګریزو اړیکو په غونډه کې، چې په مزارشریف ښار کې جوړه شوې وه، د دواړو هېوادونو د سوداګرو او شرکتونو ترمنځ د ۵۰ میلیون ډالرو پر ارزښت ۲۵ هوکړه‌لیکونه لاسلیک شول.

د سوداګرۍ او پانګونې خونې د ولایتي چارو مرستیال فیض‌احمد خوافي ویلي، چې دغه هوکړه‌لیکونه د ۱۳۰ ازبکستاني سوداګرو او پانګه‌والو، د فرغانې ولایت والي، یو شمېر سیمه‌ییزو چارواکو او د افغانستان د خصوصي سکټور د استازو په حضور کې لاسلیک شوي دي.

د نوموړي د څرګندونو له مخې؛ د دغو هوکړه‌لیکونو د لاسلیک موخه د سوداګریزو همکاریو پراخول، د پانګونې زیاتول او د افغانستان او ازبکستان ترمنځ د اقتصادي اړیکو پیاوړتیا ده.

دا غونډه داسې مهال جوړېږي، چې کابل او تاشکند په وروستیو کلونو کې د دواړو هېوادونو ترمنځ د اقتصادي، سوداګریزو او ټرانزیټي همکاریو پر پراختیا ټینګار کړی دی.

Continue Reading

سوداگري

ایران له افغانستان او چین سره د ګډې آزادې سوداګریزې سیمې جوړول غواړي

د ایران د جنوبي خراسان ولایت د اقتصادي چارو او مالیې عمومي رییس مرتضی ذاکریان ویلي، دا وړاندیز د درې هېوادونو د جغرافیایي، کانیزو او ټرانزیټي ظرفیتونو له مخې وړاندې شوی او د اداري او تخنیکي ارزونو بهیر یې روان دی.

Published

on

ایراني چارواکو ویلي؛ د ایران، افغانستان او چین ترمنځ د درې اړخیزې آزادې سوداګریزې ـ صنعتي سیمې د جوړولو پر طرحه کار کوي، چې اقتصادي همکارۍ پراخې، بهرنۍ پانګونې راجلبې او ټرانزیټي لارې پیاوړې شي.

د ایران د جنوبي خراسان ولایت د اقتصادي چارو او مالیې عمومي رییس مرتضی ذاکریان ویلي، دا وړاندیز د درې هېوادونو د جغرافیایي، کانیزو او ټرانزیټي ظرفیتونو له مخې وړاندې شوی او د اداري او تخنیکي ارزونو بهیر یې روان دی.

هغه د جنوبي خراسان د ځانګړې اقتصادي سیمې له چینايي اقتصادي پلاوي سره په ناسته کې ویلي، چې د ایران، افغانستان او چین لاره کولی شي د سیمې د هېوادونو ترمنځ د سوداګرۍ او اقتصادي همکاریو د پراختیا لپاره خوندي او باثباته زمینه برابره کړي.

ذاکریان زیاته کړې، چې د دې درې اړخیزې آزادې سیمې د جوړولو وړاندیز پر ۱۴۰۴لمریز لېږدیز کال په جنوبي خراسان ولایت کې د ایران د ولسمشر د سفر پر مهال د دغه ولایت د والي له‌خوا وړاندې شوی دی.

هغه ټینګار کړی، چې د دې طرحې پلي کول باید یوازې پر دولتي سرچینو ولاړ نه‌وي، بلکې د خصوصي سکټور، په ځانګړي ډول د چینايي پانګه‌والو له ظرفیتونو هم باید ګټه واخیستل شي.

د جنوبي خراسان د اقتصادي چارو او مالیې عمومي رییس له افغانستان سره د دې ولایت ګډه پوله، کانیزې زیرمې، بشري ځواک، د اقتصادي پروژو لپاره مناسبې ځمکې او ټرانزیټي لارې د سیمې له مهمو فرصتونو بللي دي.

نوموړي ویلي، افغانستان د کانیزو سرچینو، نادرو عناصرو او ټرانزیټي موقعیت له کبله او چین د پانګونې، مالي ملاتړ او ټکنالوژۍ د لېږد د وړتیا له مخې کولی شي په دې اقتصادي همکارۍ کې مهم رول ولري.

ذاکریان همداراز په جنوبي خراسان ولایت کې د چینايي پانګه‌والو د حضور له زیاتېدا خبر ورکړی او څرګندوي؛ تر اوسه د چینايي وګړو ۱۲ پانګیزې پروژې په دې ولایت کې تصویب شوي، چې له نیمایي ډېرې یې په تېرو دوه کلونو کې منظورې شوې دي.

Continue Reading
Advertisement

Trending

Copyright © 2025 Ariana News. All rights reserved!


Warning: Undefined array key "slug" in /var/www/vhosts/ariananews.af/httpdocs/wp-includes/class-wp-theme-json.php on line 2117

Warning: Undefined array key "slug" in /var/www/vhosts/ariananews.af/httpdocs/wp-includes/class-wp-theme-json.php on line 2117

Warning: Undefined array key "slug" in /var/www/vhosts/ariananews.af/httpdocs/wp-includes/class-wp-theme-json.php on line 2117