Connect with us

تازه خبرونه

پاکستان په افغانستان کې د اسلامي امارت له بیا جوړېدو ملاتړ نکوي ـ اشرف غني

خپور شوی

د

 د افغانستان ولسمشر اشرف غني نن (پنجشنبه د غویي ۲۳ / د کوچني اختر لومړۍ ) له لمانځه وروسته ډاډ څرګند کړ، چې پاکستان په افغانستان کې د اسلامي امارت غوښتونکی ندی.

غني د اختر له لمانځه وروسته  طالبانو ته په نغوته کې څرګنده کړې، چې د پاکستان لوی درستیز قمر باجوه پوره ډاډ ورکړی، چې په افغانستان کې د اسلامي امارت بیا رامنځته کېدل پاکستان ته ملي ګټه نلري.

ولسمشر غني زیاته کړې، چې له هېواد څخه د بهرنیو ځواکونو د وتلو او د سولې په بهیر کې د ملي اجماع له رامنځته کیدو سره په هېواد کې د جګړې د دوام کومه پلمه پاتې شوې نده. طالبان باید د سولې رامنځته شوی فرصت له لاسه ورنکړي.

د اشرف غني د څرګندونو له مخې؛ د ډیپلوماسۍ نوې پاڼه اړول شوې او طالبان باید په افغانستان کې د جګړې د پای ته رسیدو لپاره د خبرو اترو له لارې فکر وکړي.

نوموړي زیاته کړې، چې د جمهوریت لمن او د افغانستان د خلکو غېږه طالبانو ته خلاصه شوې او د ټولنې د ټولو قشرونو له منلو سره دې رښتیني بحث ته راودانګي او د ۴۱ کلن ناورین د پای ته رسېدو لپاره دې په لویه جرګه کې دې ګډون وکړي.

هغه وایي: طالبان باید یو غوراوی ولري؛ ځکه، چې زمونږ هغه د هېواد د ستونزو یوازنۍ حل سیاسي تفاهم او جوړجاړی دی او جګړه نشي کولی ستونزې حل کړي.

ولسمشر له لویدیځ او امریکا سره د ډیپلوماسۍ د نوې پاڼې د اړولو په اړه ویلي: ډاډه اوسئ، چې نړیواله همکاري په ښه او ګټوره توګه تنظیمیږي او د آسیا په زړه کې د افغانستان شتون نور هم مخ پر پیاوړتیا دی.

غني یو ځل بیا پر ټاکنو ټینګار څرګند کړی؛ خو طالبانو تراوسه د نوموړي ټاکنې منلې ندي.

ولسمشر ټینګار کړی، چې په ټاکنو کې به نه دی او نه به یې ملګري نوماندان وي.

دی وایي: جنګونو تر دې دمه د یو میلیارد ډالرو زیان هېواد ته رسولی.

هغه طالبانو ته ویلي: ستاسې پیغام څه دی او ولې ولسوالۍ ویجاړوی؟ تاسې یوه ولسوالي راوښیئ، چې د طالبانو تر بشپړې څارنې لاندې وي او یو څه یې جوړ کړي وي.

اشرف غني د طالبانو د مشر ملا هیبت الله اخندزاده د کوچني اختر د پیغام په ځواب کې ویلي: مولوي صاحب هیبت الله د پیغام له وړاندې کولو مخکې مو باید د دې ملت تاریخ ته یوځل کتلي او بیا مو له خلکو د تسلیمۍ غوښتنه کړې وای!

 ولسمشر په ارګ کې د اوربند تر چتر لاندې لمونځ ادا او بیا یې د دښمن مرمۍ ته تڼۍ ونه شلولې او د اختر مبارکي یې وړاندې کړه؛ خو د هغه اوربند په اړه، چې له پای ته رسېدو سره سم د طالبانو د جګړې د بیا پیل کیدو خبرداری ته یو ځل بیا پر روغه جوړه او پخلاینه ټینګار وکړ. په داسې حال کې، چې طالبانو یوازې اختر ولمانځه، خلکو ته یې مبارکي وړاندې کړه؛ خو د سولې، ټاکنو او جوړ جاړي په اړه یې څه ونه ویل.

تازه خبرونه

ترکیې یونان ته د اوښتو په هڅه کې ۳۵ افغان کډوال ونیول

پولیسو د عملیاتو پر مهال د ژغورنې ۱۲ واسکټونه، د ژغورنې ټوبونه او درې پمپونه هم ضبط کړي دي.

Published

on

د ترکیې پولیسو هغه  ۳۵ افغان کډوال نیولي، چې غوښتل یې د دې هېواد له شمال لویدیځ بالیکسیر ولایت څخه د سمندر له لارې یونان ته واوړي. دغه راز د کډوالو د قاچاق پر تور څلور شکمن کسان هم نیول شوي دي.

پولیسو د عملیاتو پر مهال د ژغورنې ۱۲ واسکټونه، د ژغورنې ټوبونه او درې پمپونه هم ضبط کړي دي.

د پولیسو له کړنلارو وروسته؛ له څلورو شکمنو کسانو څخه درې د محکمې پر حکم زندان ته لېږدول شوي، خو څلورم کس د قضايي څارنې لاندې خوشې شوی دی.

۳۵ افغان کډوال هم د ناقانونه کډوالو مرکز ته لېږدول شوي دي.

Continue Reading

تازه خبرونه

د افغانستان او بریټانیا استازو د پاکستان او افغانستان پر اړیکو خبرې وکړې

د ارګ د خبرپاڼې له مخې؛ ملا عبدالواسع افغانستان ته د بریټانیا د بشري مرستو او د افغانستان او پاکستان ترمنځ د ستونزو د حل او د دواړو هېوادونو د اړیکو د ښه کېدا لپاره د بریټانیا او نورو دوستو هېوادونو له هڅو مننه کړې ده.

Published

on

د ریاست‌الوزراء مقام د دفتر عمومي رییس ملا عبدالواسع د ویډیوکنفرانس له لارې د افغانستان لپاره د بریټانیا له ځانګړي استازي ریچارډ لینډزي سره د سیمې د روان وضعیت، د افغانستان او پاکستان د اړیکو او د دواړو هېوادونو ترمنځ د ستونزو د حل پر لارو چارو خبرې کړې دي.

د ارګ د خبرپاڼې له مخې؛ ملا عبدالواسع افغانستان ته د بریټانیا د بشري مرستو او د افغانستان او پاکستان ترمنځ د ستونزو د حل او د دواړو هېوادونو د اړیکو د ښه کېدا لپاره د بریټانیا او نورو دوستو هېوادونو له هڅو مننه کړې ده.

نوموړي ویلي، چې اسلامي امارت د ملي ګټو او متقابل درناوي پر بنسټ له ګاونډیو، سیمه‌ییزو او نړیوالو هېوادونو سره د ښو اړیکو او ګډې همکارۍ غوښتونکی دی او د سیمې د ثبات او سولې ملاتړ کوي.

دغه راز ریچارډ لینډزي ویلي، چې بریټانیا د سیمې روان بدلونونه له نږدې څاري او د افغانستان او پاکستان ترمنځ د ستونزو د حل او د دواړو هېوادونو د اړیکو د عادي کېدا لپاره یې له دواړو لوریو سره لیدنې او سلا مشورې کړې دي.

نوموړي زیاته کړې؛ په نږدې راتلونکي کې به پاکستان ته سفر وکړي او د دغه هېواد له چارواکو سره به د اړوند موضوعاتو په اړه خبرې وکړي، چې د شته ستونزو د حل لپاره د خبرو او تفاهم زمینه برابره شي.

د ریاست‌الوزراء مقام د دفتر عمومي رییس په پای کې ټینګار کړی، چې اسلامي امارت د اقتصادمحوره بهرنۍ تګلارې په چوکاټ کې له ګاونډیو، سیمه‌ییزو او نړیوالو هېوادونو سره د ستونزو سوله‌ییز حل ته ارزښت ورکوي.

هغه زیاته کړې، چې افغانان د سولې غوښتونکي ملت په توګه د خبرو اترو له لارې د ستونزو د حل اوږده تجربه لري.

Continue Reading

تازه خبرونه

په تېرو دوه اوونیو کې له ایران او پاکستان څخه څه باندې ۹۵ زره افغانان افغانستان ته راغلي

د دې بنسټ د تازه راپور له مخې؛ ۶۴ زره او ۷۳۲ کسان، چې ۶۸ سلنه جوړوي له ایران او ۳۰ زره او ۷۵۷ کسان، چې ۳۲ سلنه کېږي؛ له پاکستان څخه افغانستان ته راغلي دي.

Published

on

 

د کډوالۍ نړیوالې ټولنې ويلي، چې د ۱۴۰۵ لمریز لېږدیز کال د لړم له درېیمې څخه تر شپاړلسمې / د ۲۰۲۶ز.کال د اوکټوبر له پنځه‌ویشتمې څخه د نومبر تر اوومې پورې ۹۵ زره او ۴۸۹ افغانان له ایران او پاکستان څخه افغانستان ته راغلي دي.

د دې بنسټ د تازه راپور له مخې؛ ۶۴ زره او ۷۳۲ کسان، چې ۶۸ سلنه جوړوي له ایران او ۳۰ زره او ۷۵۷ کسان، چې ۳۲ سلنه کېږي؛ له پاکستان څخه افغانستان ته راغلي دي.

دغه راز له افغانستان څخه د ۴۴زره او ۸۹۹ کسانو وتل هم ثبت شوي، چې له ۳۴زره او ۲۰۶ کسان ایران او ۱۰ زره او ۶۹۳ نو پاکستان ته تللي دي.

راپور ښيي، چې د اسلام‌کلا بندر د ټولو ثبت شوي راتګ ۴۰.۵ سلنې له کبله تر ټولو ډېر د تګ راتګ سرحدي بندر و. له دې وروسته د پل ابریشم بندر د ۲۵.۷ سلنې او سپین‌بولډک د ۱۷.۶ سلنې پر درلودلو دوه‌یم او درېیم ځای خپل کړی دی.

Continue Reading
Advertisement

Trending

Copyright © 2026 Ariana News. All rights reserved!