تازه خبرونه
ښایي له وتلو وروسته د تروریزم له ګواښونو سره د مقابلې لپاره امریکایي ځواکونه وساتل شي
پنټاګون په افغانستان کې د امریکايي ځواکونو له وتلو وروسته په سیمه کې د امریکایي ځواکونو د پاتې کیدو شونتیا څېړي.
د هند – پسیفک په چارو کې د امریکا د دفاع وزیر مرستیال ډیویډ هلوي د چارشنبې پر ورځ ( د غویی ۲۲) د ولسي جرګې د وسلوالو خدماتو کمېټې ناستې ته ویلي، چې د امریکا پوځي مشرتابه له افغانستان څخه د ځواکونو له وتلو وروسته له ترهګریزو ګواښونو سره د مبارزې پر وړتیا ساتلو غور کوي.
د افغانستان په ګاونډ هېوادونو کې د امریکايي ځواکونو د ځای پرځای کیدو په اړه د پوښتنې په ځواب کې نوموړي څرګنده کړې: اړینه ده، چې له تروریزم سره د مبارزې وړتیا ساتلو ته پاملرنه وکړو او لکه څنګه، چې ما مخکې یادونه کړې؛ مونږ دغه راز ګواښونه د فارس خلیج په هېوادونو کې لرو؛ خو مونږ په سیمه کې د پوځي او استخباراتي وړتیاوو پر ساتلو غور کوو. مونږ دا کار کوو، چې ګواښونه وڅارو او له مخې یې لرې کړو.
د نوموړي د څرګندونو له مخې؛ د امریکا پوځي رهبري تمه لري، چې پر افغانستان یې د الوتنې وړتیا خوندي پاتې شي.
له نوموړي مخکې د امریکا د مرکزي قومندانۍ عمومي قومندان جنرال کنت مک کینزي هم په دې اړه، چې آیا د خونړیو بریدونو یا د عملیاتو د تر سره کولو لپاره د افغانستان له ګاونډ هېوادونو سره هوکړه شوې؛ ویلي: اوسمهال هیڅ هوکړه نشته. زه به د روانې میاشتې تر پایه د دفاع وزارت د تروریزم ضد ځواکونو ته یوه طرحه وسپارم. په افغانستان کې د امریکا د اوسنۍ پوځي شبکې له لاسه ورکول او د استخباراتي وړتیاوو رامنځته کېدل به بې اغېزې نه وي.
د هند – پسیفک په چارو کې د امریکا د دفاع وزیر مرستیال نېغ په نېغه د دې پوښتنې په ځواب کې، چې آیا په سیمه کې د دوی له پاتې کېدو مخکې به له افغانستان څخه امریکایي سرتېري ووځي؛ څه ونه ویل.
نوموړی وایي: مونږ نیت لرو، چې د امن او مسوولانه وتلو په دوه جبهو کې کار وکړو. مونږ له بهرنیو چارو وزارت او معلوماتي ټولنې سره کار کوو، چې د ترهګرۍ د ګواښونو پر ضد، چې ښایي په راتلونکي کې راپورته شي؛ د مبارزې لپاره زمونږ وړتیاوې خوندي او وساتي.
له دې مخکې وال سټریټ ژورنال د باخبره سرچینو د څرګندونو له مخې څرګنده کړه، چې امریکا به له افغانستان څخه له وتلو وروسته د سرتېرو او تجهیزاتو د لېږد لپاره ازبکستان یا تاجکستان غوره کړي.
ویل کیږي، چې امریکایي چارواکي د افغان حکومت د ملاتړ او د طالبانو او نورو ځانګړیو ډلو څارنه په پام کې ونیسي.
تازه خبرونه
Mullah Baradar discusses creation of railway with Kazakh deputy PM
Mullah Abdul Ghani Baradar, deputy prime minister for economic affairs has met with Erik Zhumangarin, the Deputy Prime Minister of Kazakhstan, and discussed the establishment of a railway network from Kazakhstan to Pakistan through Turkmenistan and Afghanistan, the deputy PM’s office said in a statement.
During the meeting, Baradar emphasized the need to sign agreements to solve the banking problems of traders from both countries, the creation of Afghan-Kazakh joint companies, and the facilitation of visas for Afghan traders.
According to the statement, the Deputy Prime Minister of Kazakhstan said that the Kazakh government intends to establish a joint chamber of industry and commerce and a joint trade and labor group between the two countries, and is ready to cooperate with Afghanistan in the sectors of e-governance, industry, higher education, education, health, and banking.
تازه خبرونه
ایران او پاکستان د افغانستان په اړه ګډه اعلامیه خپره کړه
ایران او پاکستان په یوه ګډه اعلامیه کې د یو سولهییز، متحد، خپلواک او له ترهګرۍ او نشهیي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.
دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.
دوی دغه راز د سیمې د امنیت او ثبات د ډاډمنولو لپاره د سیمهییزې او نړیوالې همغږۍ د اړتیاوو پر اهمیت خبرې کړې دي.
دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.
تازه خبرونه
له ۱۰۰۰ ډېر افغان مهاجرین له پاکستان څخه جبري وایستل شول
د مهاجرینو چارو وزارت ویلي، چې د غویي پر څلورمه د سپین بولدک له فرضي کرښې څخه ۱۰۰۱ افغان مهاجرین پر جبري بڼه خپل هېواد ته راستانه شول.
د کندهار سپین بولدک سرحدي آمریت د راپور له مخې؛ ۱۹۱ کورنۍ، چې ۹۹۸ کسان دي او درې کسان نور، چې له بنده ازاد شوي؛ په جبري توګه له پاکستان څخه هېواد ته راستانه شول.
د مهاجرینو چارو وزارت د څرګندونو له مخې؛ د مهاجرینو چارو له ریاست سره له نوم لیکنې وروسته د نورو مرستو لپاره د ملګرو ملتونو عالي کمېشنرۍ، د مهاجرت او د خوړو نړیوالې ټولنې دفترونو ته ور وپېژندل شول.
دغه راز له ۱۸ کلونو کم عمره دوه کسان، چې بندیان ول د مرستې لپاره OMPO موسسې ته ور پېژندل شوي.
ویل کیږي، چې له هرې کورنۍ سره د حکومت له لوري لس – لس زره افغانۍ نغدي مرسته هم شوې ده.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
تازه خبرونه2 days ago
راشد خان د افغان بیسیم سوداګریز سفیر شو
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ