تازه خبرونه
د اور بند پر لومړۍ ورځ ۴ چاودنو ۲۷ کسانو ته مرګ و ژوبله اړولې
که څه هم د اوربند پر لومړۍ ورځ طالبانو او امنیتي ځواکونو پر یو بل برید ندی کړی؛ خو په کندهار، کندوز او کابل ولایتونو کې څلور چاودنو نهه کسان وژلي او ۱۸ نور ټپیان دي.
د دغو چاودنو مسوولیت تر دې دمه هیچا پر غاړه ندی اخیستی.
د وسلوالو طالبانو او امنیتي ځواکونو ترمنځ د اوربند پر لومړۍ ورځ د کومې نښتې خبر ندی ورکړ شوی؛ هېوادوال له طالبانو او حکومت غواړي، چې روان اوربند وغخوي، خکه نور خلک له جګړې ستړي شوي او غواړي له مرګ و ژوبلې خوندي ژوند وکړي.
د اوربند تر روان چتر لاندې په کندهار کې د دوه بېلابېلو ماین چاودنې له کبله اووه کسان وژل شوي او درې نور ټپیان دي او حکومتي چارواکو ویلي، چې ټول قربانیان ملکي وګړي دي.
دغه راز په کندوز کې ماین چاودنې دوه ملکي وګړي وژلي او ۱۴ نور ټپیان دي.
حکومتي سرچینو څرګنده کړې؛ د دغو چاودنو ټول قربانیان ملکي وګړي دي، چې ډېری یې ماشومان او ښځې دي.
نن سهار د کابل ولایت په کلکان ولسوالۍ کې ماین چاودنې د برښنا شرکت یو کارمند د وارداتي برښنا مزي د نښلولو پر مهال ټپي کړی دی.
د روان اوربند پرمهال اردو اعلان کړی، چې د طالبانو په څېر به درې ورځې اوربند مراعات کړي؛ خو د طالبانو جګړې او بریدونو ته هم چمتووالی لري.
صفي الله، چې د ځانګړیو ځواکونو سرتېری دی او د جګړې په ډګر کې پېنځه ځلې ټپي شوی هم دی؛ خو بیا هم وایي، چې سوله غواړي.
د کابل په قرغه کې د اختر پر لومړۍ ورځ وضعیت آرامه او خلکو ته د آسانه ساه اخیستو یو ښه فرصت دی، چې ساری یې په دې وروستیو کې لیدل شوی ندی.
امریکا، اروپایي ټولنې، ناتو او ملګرو ملتونو پر طالبانو غږ وکړ، چې اوربند ته روان وساتي، خو طالبانو ویلي، چې اوربند درې ورځنی دی او دوام به ونکړي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه4 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ2 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ4 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی5 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه4 days ago
راشد خان د افغان بیسیم سوداګریز سفیر شو
-
لوبی2 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی4 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه5 days ago
د ایران ولسمشر پر درې ورځني سفر پاکستان ته ولاړ