تازه خبرونه
په افغانستان کې د نورو هېوادونو پر پرتله د مطالعې کچه ټیټه ده- ستانکزی
د بهرنیو چارو وزارت سیاسي مرستیال ويلي؛ د هېواد پراختیا او پرمختګ له مطالعې سره تړلی؛ خو په افغانستان کې د نورو هېوادونو پر پرتله د مطالعې کچه ډېره ټیټه ده.
شېرمحمد عباس ستانکزي د یکشنبې پر ورځ په کابل کې د ۱۴۰۲ لمریز لېږدیز کال د چاپ شویو کتابونو د مخکتنې پر مهال څرګنده کړې: په افغانستان کې د نورو هېوادونو پر پرتله ډېر کم خلک مطاله کوي. ښايي ځينې خلک په دې باور وي، چې دلته ستونزې ډېرې وې، جګړه وه، اقتصاد کمزوری و، خلک د ډوډۍ په لټه کې دي او مطالعې او لوست ته وخت نهلري؛ خو دا ستونزې په نورو هېوادونو کې هم شته. که په نورو هېوادونو کې جګړه نهوي، لږ تر لږه فقر او بېوسي شته دی.
د شېرمحمد ستانکزي د څرګندونو له مخې؛ اوس په هېواد کې امنیت خوندي دی او ملوکالوایفي نشته. ځوانان باید د اسلامي نظام تر سیوري لاندې زدهکړې وکړي؛ ځکه له مطالعې پرته بریا ترلاسه کېدی نهشي.
د اسلامي امارت دغه چارواکي د هېواد په پراختیا او پرمختګ کې د ځوانانو رول مهم وباله او زیاتوي؛ ځوانان باید د مطالعې او څېړنې له لارې پر ځانبسیا شي.
ستانکزي ویلي: که ځوانان له کتاب لوستلو او کتابونو سره مینه پیدا کړي؛ ان شاالله ډېر ژر به ټولنه له ستونزو څخه خلاصه شي. مونږ افغانان د جګړې په ډګر کې ماشاءالله نظیر نهلرو؛ مونږ ډېر پرمختګونه لرو؛ دا ویاړ او عزت بل څوک نهلري. مونږ هڅه کوو، چې نړۍ ته ووایو؛ د اسلامي امارت له جوړیدو سره په افغانستان کې سوله او امنیت راغلی. نوره جګړه او ملوکالطوایفي نهشته؛ چور او چپاول نهشته؛ دا یو اسلامي او شرعي نظام دی.
د بهرنیو چارو وزارت سیاسي مرستیال دا هم ویلي، چې اوسمهال ډېر کتابونه له نورو هېوادونو واردېږي او د هېواد علمي او څېړنیز بنسټونه او لیکوالان باید هڅه وکړي، چې کتابونه پخپله ولولي او ځوانانو ته یې ورسوي.
د یادونې ده، چې په کابل کې د ١٤٠٢ لمریز لېږدیز کال د چاپ شويو کتابونو د مخکتنې پروګرام د اطلاعاتو او کلتور وزارت د بيهقي خپروندیې ټولنې او د نشراتو مرستیالۍ جوړ کړی و.
تازه خبرونه
په افغانستان کې د وروستیو سیلابونو له کبله ۵۴۰ کسان مړه شوي – م.م
ملګرو ملتونو ويلي؛ د افغانستان په ګڼو ولایتونو په ځانګړي توګه په بغلان، غور او فاریاب ولایتونو کې سیلابونو خلکو ته تر ټولو ډېر ځاني او مالي زیانونه اړولي دي.
په مخ پر ودې هېوادونو کې د اقليمي بحران د اغېزو د څېړلو اداره څرګندوي، چې د دغو سېلابونو له کبله درې زره کورونه بشپړه ويجاړ شوي او ۵۴۰ کسان مړه یې کړي دي.
د ملګرو ملتونو د اقلیم د بحران د اغېزو ارزونې دفتر استازې ماریا لوپز وایي: تېره اوونۍ مونږ په ټوله نړۍ کې د خطرناکو سیلابونو شاهدان وو، چې ګڼو خلکو ته یې مالي او ځاني زیانونه اړولي دي. په افغانستان کې ۵۴۰ کسان مړه شوي او ۳ زره کورونه بشپړه ویجاړ دي.
د افغانستان د ریاست الوزراء اقتصادي مرستیالۍ ويلي، چې د سیلابونو په پایله کې سلګونه کسان وژل شوي، زرګونه کورونه ویجاړ شوي او دې سیلاب یو بشري ناورین رامنځته کړی دی.
دغه راز د رییس الوزرا د اقتصاد مرستیال له دفتره يو پلاوى غور ولايت ته تللى، چې د سيمهیيزو چارواکو د څرګندونو له مخې؛ زيانمنو ته يې بېړنۍ مرستې لکه خوراکي توکي، درمل او لنډمهاله سرپناوې رسولې دي.
د غور والي وياند ويلي، په دې ولايت کې د سېلابونو د قربانيانو شمېر ٥٥ کسانو ته رسېدلى او د استوګنې درې زره کورونه یې بشپړ او زرګونه نور څه نا څه ويجاړ کړي دي.
د افغانستان د ریاست الوزراء اقتصادي مرستیالۍ ويلي؛ د سیلابونو په پایله کې سلګونه کسان وژل شوي، زرګونه کورونه ویجاړ شوي او دغه سیلاب د یوه بشري ناورین لامل شوی دی.
دغه راز دې دفتر له هغو هېوادونو او نړیوالو ټولنو مننه کړې، چې د افغانستان له خلکو سره یې خواخوږي څرګنده کړې او له سیلاب ځپلیو سره یې مرستې کړې دي.
په افغانستان او په ځانګړې توګه په بغلان، غور او فاریاب ولایتونو کې وروستي سیلابونه دا په ډاګه کوي، چې افغانستان د اقلیم د بدلون له کبله زیات زیانمن شوی او د نړیوالې ټولنې اوږدمهاله مرستو ته اړتیا لري.
تازه خبرونه
د افغانستان بانک چارسمبالي د م.م له مرستیالې سره پر بانکي بندیزونو خبرې وکړې
د افغانستان بانک چارسمبالي هدایت الله بدري د ملګرو ملتونو د عمومي منشي له مرستیالې روزماري ډیکارلو سره ولیدل او د افغانستان د اقتصادي وضعیت، مالي او بانکي سکټور په اړه یې ور سره خبرې وکړې.
په دې لیدنه کې هدایت الله بدري ویلي، چې د نړۍ د هېوادونو له لوري د افغانستان پر بانکي سکټور بندیزونو د هېواد پر مالي ثبات منفي اغېز کړی او ډېر زیان یې خلکو ته رسېدلی دی.
هغه زیاته کړې، چې دې چارې د خلکو د پېر ځواک کمزوری او د دې بندیزونو له کبله نړیوالو مالي او بانکي سیستمونو ته د افغانستان بانکونو لاسرسی له خنډ سره مخ شوی دی.
نوموړي ویلي: که څه هم د افغانستان بانک په ډېر ستونزمن حالت کې د بانکي سکټور د نقدینګۍ ستونزې په ښه ډول حل کړي؛ په دې برخه کې پرمختګ رامنځته او ورځ تر بلې یې وضعیت ښه کېدونکی دی.
دغه راز بدري له نړیوالو بندیزونو څخه د افغانستان د بانکي سکټور خلاصون د افغانانو بشري حق یاد کړ او دا یې د ټول ولس غوښتنه وبلله.
د ملګرو ملتونو د عمومي منشي مرستیالې روزماري ډیکارلو هم له افغانستان سره د خپلو همکاریو د دوام ژمنه وکړه او په اقتصادي وده کې یې بانکي سکټور د ارزښت وړ یاد کړ.
هغې ویلي، چې په افغانستان کې د مالي شمولیت پراختیا، د کوچنیو پورونو ورکړه، د اسلامي تمویلاتو په برخه کې د نړیوالو هېوادونو له تجربې ګټه اخیستل او د خصوصي سکټور پیاوړتیا ډېر مهم موارد دي، چې ګډ کار ته اړتیا لري.
تازه خبرونه
بیجینګ دې له کابل سره د ترهګرۍ په اړه خبرې وکړي – اسلامآباد
د پاکستان د پلان او پراختیا وزیر احسان اقبال ويلي، اسلامآباد له بیجینګ غواړي، چې له کابل سره د تروریزم پر موضوع خبرې وکړي.
احسان اقبال له امریکا غږ سره په مرکه کې، چې نن یکشنبه (د غویی دېرشمه) خپره شوې؛ ویلي، پاکستان په افغانستان کې د میشتو ترهګرو ډلو په اړه اندېښنه لري، چې له دغه هېواده بهر ترهګریز فعالیتونه کوي.
هغه زیاته کړې: هغه ترهګر، چې د چینايي کارګرانو پر وړاندې یې وروستۍ پېښه کړې هم له افغانستان راغلي؛ نو زما په اند دا د اندېښنې وړ دي. مونږ هیله لرو، چې چین به هم افغانستان قانع کړي؛ ځکه افغانان هم په سیمه کې د چین واکمنۍ ته غوږ نیسي.
دغه پاکستاني چارواکي ویلي؛ په افغانستان کې د کړکېچ له کبله پاکستان ندی توانېدلی، چې په خپلو بېخبناوو کې پانګونه وکړي.
هغه افغانستان ته په نغوته کې ویلي، چې پاکستان له چین سره هوکړه کړې، چې د چین – پاکستان اقتصادي دهلیز په پروژه کې درېیم هېواد هم شامل کړي.
دا په داسې حال کې ده، چې له دې وړاندې هم اسلامي امارت د پاکستانيو چارواکو اړوند امنیتي تورونه رد کړي.
-
سوداگري4 days ago
د صنایعو او سوداګرۍ وزارت چارسمبالي د تاتارستان له ولسمر سره وکتل
-
تازه خبرونه4 days ago
د تورخم لار لنډمهاله تړل کیږي
-
تازه خبرونه4 days ago
جاپان د افغانستان له سیلاب ځپلیو سره د بېړنیو مرستو ژمنه وکړه
-
لوبی2 days ago
راشد خان د افغان بیسیم مخابراتي شرکت رسمي سوداګریز سفیر شو
-
نړۍ4 days ago
اروپايي ټولنې روسي رسنۍ هم د بندیزونو په نوملړ کې ورزیاتې کړې
-
تحول5 days ago
تحول: له سیاسي مرستیال سره د جاپان سفارت د چارسمالي لیدنه
-
لوبی4 days ago
سرخ پوشان خوافي او سرسبز یاشلر لوبډلې د پرونیو سیالیو ګټونکې شوې
-
تازه خبرونه5 days ago
په غور ولايت کې د ژغورنې د عملیاتو پر مهال يوه پوځي چورلکه رالوېدلې