کوید۱۹
په افغانستان کې د کروناویرس واکسین پلي کولو بهیر ورو شوې

د روغتیا نړیوالې ټولنې پرون چارشنبه د تلې ۱۴ وویل، چې په افغانستان کې د کرونا ویروس لپاره د واکسین کولو او کتنې بهیر د اګست له میاشتې راپدیخوا ورو شوی.
دې ټولنې زیاته کړې؛ که په افغانستان کې د کرونا واکسین پلی نشي، یو اعشاریه شپږ میلیون کرونا واکسین به تاریخ تېر شي.
دې ټولنې زیاته کړې، چې غواړي د دغې ستونزې د حل لپاره د افغانستان په ۱۶ ولایتونو کې کمپاین پیل کړي.
د روغتیا نړیوالې ټولنې له افغانستان سره ۵۰ زره د کرونا کتنې تجهیزاتو مرسته کړې او ۱۵۰ زره نور کېټونه به هم مرسته وشي.
دغه راز تېره میاشت په نیمروز ولایت کې د کرونا ویروس یو لابراتوار پرانستل شوی او تېره سې شنبه په کونړ ولایت کې ورته یو مرکز پرانستل شو.
دې ادارې زیاته کړې؛ په پروان، لغمان او کاپیسا ولایتونو کې هم د لابراتوارونو مرکزونه تر کار لاندې دي، چې له بشپړیدو سره به یې د روغتیا نړیوالې ټولنې په ملاتړ د لابراتوارونو ټول شمېر ۳۶ ته ورسیږي.
د روان کال له اګست میاشتې راپدیخوا د روغتیا نړیوالې ټولنې په ټول افغانستان کې ۳۶۰ روغتیایي مرکزونو ته درمل لیږلي، چې ۳ اعشاریه ۹ میلیون کسانو ته روغتیایي خدماتونه تر سرهشي.
کوید۱۹
په ایران کې د کرونا ویروس نږدې ۹۰۰ نوې پېښې ثبت او ۲۴ کسان مړه شوي

د ایران د روغتیا وزارت د یکشنبې پر ورځ څرګنده کړې، چې په تېرو ۲۴ ګړیو کې د کرونا ویروس څه باندې ۸۹۱ نوې پېښې ثبت شوې دي او په همدې موده کې ۲۴ کسان مړه شوي دي.
د ایران روغتیا وزارت د عامه اړیکو مرکز د یکشنبې پر ورځ ویلي: په تېرو څلیریشت ګړیو کې د کرونا ویروس پر ناروغۍ اخته ۸۹۱ نوي ناروغان پېژندل شوي دي.
یادې سرچینې زیاته کړې؛ پر کرونا ویروس د اخته ۶۱۱ کسانو روغتیايي وضعیت د اندېښنې وړ دی.
کوید۱۹
چینایانو نوی سپوږمیز کال پر کرونا اخته قربانیانو ته د روغتیا پر دعا پیل کړ

رویترز راپور ورکړی، چې چین د یکشنبې پر ورځ د نوي سپوږمیز کال په پیل کې له خپلو هغو خلکو سره، چې تېر درې کاله یې تر ناروغۍ لاندې مړینې، فشارونه او مالي ستونزې ګاللي؛ د روغتیا او ډاډګېرنې دعا وکړه.
په بیجینګ کې له لاما عبادتځي یا معبد څخه بهر شاوخوا یو کیلومتر کتارونه وغزېدل، چې د دسمبر له پیله د کرونایي محدودیتونو له پای ته رسیدو مخکې تړلي وه؛ په زرګونه خلک خپلو عزیزانو ته د دعا کولو لپاره د وار په تمه کتار ودرېدل.
له دې مخکې چارواکو د جنورۍ له ۱۳ څخه تر ۱۹مې نېټې پورې په روغتونونو کې د کرونا له کبله د نږدې ۱۳ زره کسانو له مړینې خبر ورکړی و، چې په دې میاشت کې یا له هغې مخکې نږدې ۶۰ زره کسانو ته یې د مړینې کچه رسېدلې وه.
چینايي روغتیا پوهان وايي، چې په ټول هېواد کې د انتاناتو څپې لا دمخه لوړې شوې دي.
د چینایي چارواکو لخوا د مړینې راپور شوی شمېر هغه کسان ندي، چې په کور کې مړه شوي.
ځینو داکترانو ویلي، چې دوی د مړینې په سندونو کې د کرونا له لیکو هم ډډه کوي.
چين د جنورۍ پر ۱۴ نېټه د دسمبر له اتمې نېټې څخه د جنورۍ تر ۱۲ پورې په روغتونونو کې د کرونا له کبله د څه د پاسه ۶۰ زره کسانو له مړينې خبر ورکړ، چې د دغې ناروغۍ له پیله د ټولو مړو شويو ۵۰۰۰ کسانو څخه ډېروالی ښيي.
ځینې روغتیا پوهانو ویلي، چې سږکال به په چین کې له یو میلیون څخه ډېر خلک د دې ناروغۍ له کبله مړه شي.
بریتانیا میشت روغتیایي معلوماتو شرکت ایرفینیتي وړاندویېنه کړې، چې په دې اوونۍ کې به هره ورځ د له دې ناروغۍ د مړینې کچه ۳۶۰۰۰ ته ورسیږي.
د چين د کمونست ګوند د چارواكو د راپور له مخې، د نوي سپوږمیز كال د ۴۰ ورځني سفر په لومړيو ۱۵ ورځو كې د جنورۍ له ۷ څخه تر ۲۱ نېټې پورې شاوخوا ۱۱۰ میليون د اورګاډي مسافرينو سفرونه کړي، چې د تېر كال په پرتله ۲۸ سلنه زياتوالى ښیي.
د دولتي CCTV د راپور له مخې؛ د نوي کال په ماښام کې د ریل پټلۍ، لویو لارو، کښتیو او الوتکو له لارې ټولټال ۲۶.۲۳ میلیون سفرونه ترسره شوي، چې له ناروغۍ مخکې یې کچه نیمایي وه؛ خو د تېر کال په پرتله ۵۰.۸ سلنه زیاتوالی ښيي.
د شنبې پر ورځ د چین د ناروغیو څارنې او مخنیوي مرکز مشر ایپیدیمولوژیست وو زونیو ویلي؛ د رخصتۍ په بهیر کې شونې ده، چې د خلکو ډلهییز حرکت د وبا ناروغي خپره کړي؛ خو په نږدې وخت کې د کرونا دوهیمه څپه امکان نلري.
وو زنیو زیاته کړې، چې په راتلونکیو دوه یا درې میاشتو کې د کرونا ویروس د راګرځېدو احتمال شته؛ ځکه، چې ۸۰ سلنه خلک پدې ناروغۍ اخته شوي دي.
له هغې وروسته، چې چين د جنورۍ پر اتمه نېټه خپلې پولې بېرته پرانيستې؛ يو شمېر چينايانو هم بهر ته د تګ راتګ سفرونه کړي دي.
رویترز راپور ورکړی، چې چین د آسیا ګرځندوی سیمو ته د چینایي سیلانیانو بېرته راستنیدو لپاره هڅې کوي، چې له وبا مخکې یې پرې ۲۵۵ میلیارد دالر لګولي دي.
کوید۱۹
د روغتیا نړیوالې ټولنې د کرونا ویروس له نوې خپرېدونکې بڼې خبرداری ورکړ

د روغتیا نړیوالې ټولنې خبرداری ورکړی، چې XBB.1.5 نومی د Omicron کروناویرس نوې خپرېدونکې بڼه کشف شوې ده.
اوسمهال د دې نوې بڼې په اړه ډېر څه پېژندل شوي ندي؛ خو لومړنۍ څېړنې ښیي؛ شونې ده، چې دا نوې بڼه د Omicron کروناویرس د پخوانیو بڼو پر پرتله ډېر ساري او خپرېدونکې وي.
د روغتیا نړیوالې ټولنې د کرونا ویروس تخنیکي مشر ماریا وان کرکوف یوې خبري غونډې ته ویلي؛ مونږ د XBB.1.5 بنې د ودې د غوره والي په اړه اندېښمن یوو.
ساینس پوهان اوس هم نه پوهیږي، چې آیا دا نوې بڼه د ډېرې سختې ناروغۍ لامل کیږي یا به د اوږدمهاله کرونا جدي پایلې ولري.
څېړونکي د XBB.1.5 پر وړاندې د واکسینونو څخه د ژغورنې کچه هم څېړي. دوی وايي، چې د دوه اړخیز (mRNA) واکسین د دې نوې بڼې پروړاندې د ژغورنې غوره لار ده.
-
لوبی3 days ago
آریانا تلویزیون د هند کرکت غوره لیګ د خپرولو دیجیتل حق ترلاسه کړ
-
سیمه ییز خبرونه3 days ago
عربستان له شانګهای ټولنې سره د یوځای کېدو پرېکړه وکړه
-
روغتيا3 days ago
په چیلي کې د الوتونکیو د انفلونزا لومړنۍ انساني پېښه وپېژندل شوه
-
تازه خبرونه4 days ago
د ملګرو ملتونو امنیت شورا غړیو په افغانستان کې پر ملکي وګړیو د برید غندنه وکړه
-
تازه خبرونه4 days ago
د افغانستان په اووه ولایتونو کې ۶۴۵ کورنۍ سیلابونو ځپلي دي- اوچا
-
تازه خبرونه4 days ago
د اداینې له خپلکاره ماشینونو څخه د پیسو ایستلو نوی پروګرام پیل شو
-
سوداگري4 days ago
په تېر لمریز کال کې د افغانستان صادرات دوه میلیارد دالره ول
-
د هوا حالاتو بدلونونه3 days ago
په انترکتیکا کې د کنګلونو اوبه کېدا نړۍ ته ګواښ دی