لوبی
په بامیان ولایت کې د سکي سیالیو دوهیم پړاو ترسره شو

د جمعې پر ورځ د کب پر نولسمه د باميان ولايت په مرکز چپدره کلي کې د ځوانانو ترمنځ د سکي سياليو دوهيم پړاو د افغان پیکس بنسټ پر همکارۍ ترسره شو.
په دې سياليو کې څه د پاسه سلو لوبغاړیو، چې ۹ کورنيو لوبډلو او د آستراليا، فرانسې او امريکا درې بهرنیو سکي کوونکيو برخه اخيستې وه.
په باميان ولایت کې د سکي فدراسيون مشر سيد باقر حيدري ويلي، چې د دغو سياليو له ترسره کېدو موخه په دې ولايت کې د سکي لوبو ته لیوالتیا رامنځته کول او د دې لوبو وده ده.
سید باقر حیدري په دې اړه وایي: د دغو سیالیو له ترسره کولو څخه موخه په بامیان ولایت کې دې لوبې ته د لیوالتیا رامنځته کول او د سکي لوبې وده ده؛ ځکه، چې په دې ولايت کې د سکي مينهوال ډېر شوي دي. مونږ سل لوبغاړي لرل، چې په دوه ډلو وېشل شوي وه. مسلکي سکي او دړي سکي. په مسلکي سکي کې مونږ له فرانسې، آمریکا او آسترالیا څخه درې ګډونوال درلودل.
په باميانو کې د سکي د سياليو يو تن تنظيموونکي سيد محمد ويلي، چې په دې سياليو کې د افغان پیکس مسلکي استازي مجتبی برخه لرله، چې لومړى مقام یې خپل کړ او د سيالۍ اتلولي يې وګټله. د چپدرې له ځوانانو کلب څخه هادي دوهیم او د میرشاه خواجه له کلب حسین علي درېیم مقام خپل کړ.
په پای کې د افغان پیکس بنسټ لخوا لومړی مقام ته ۶۰۰۰ افغانۍ، دوهیم مقام ته ۴۵۰۰ افغانۍ او درېیم مقام ته ۳ زره افغانۍ نغدي جایزې ورکړ شوې.
د يادونې ده، چې په باميان ولایت کې هر کال د سکي سيالۍ ترسره کېږي.
لوبی
افغانستان له پاکستان سره په ۲۰ آووریزو لوبو کې له تاریخي بریا برخمن شو

د يادې سيالي پچه پاکستان لوبډلې وګټله او لومړی يې د توپ وهنې پرېکړه وکړه او وتوانېدله، چې د ۶ لوبغاړیو پر سوځېدو خپلې سيالې افغان لوبډلې ته ۱۳۱ منډې هدف جوړ کړي.
د افغانستان لپاره فضل الحق فاروقي ۲, راشد خان درې، نوين الحق او کريم جنت یوه ـ یوه ويکته ترلاسه کړه.
دغه راز افغان لوبډلې د رحمن الله ګربز پر ۴۴ منډو وکولی شول، چې په وروستي آوور کې ياد هدف ته ځان ورسوي او دغه ستره بريا ترلاسه او افغانستان د یادې لوبې ګټونکی شي.
د یادې لوبې غوره لوبغاړی فضل الحق فاروقي ونومول شو، چې په څلور آوورونو کې یې ۱۹ منډې جوړې او دوه لوبغاړي یې وسوځول.
د افغانستان د کرېکت په تاریخ کې دا لومړی ځل دی، چې پاکستان ته یې په یوه نړیواله لړۍ کې ماتې ورکړه.
بايد يادونه وشي، چې دغه لوبې د افغانستان پر کوربتوب، د اماراتو په شارجه لوبغالي کې ترسره کېږي، چې په پيل کې افغان لوبډلې د یادو سیالیو لومړۍ او دويمه لوبه وګټله او د دوشنبې پر ورځ به وروستۍ لوبه ترسره شي.
لوبی
د ټولو سترګې د افغانستان د دوهیمې شل آووریزې لوبې بریا ته اوړي

د جمعې پر ورځ د درې ۲۰ آوریزو لوبو په لومړۍ لوبه کې افغانستان، پاکستان ته تاریخي ماته ورکړه، چې ورسره سم مو افغان مینهوال د خپلې لوبډلې د دوهیمې لوبې ګټلو ته سترګې اړوي.
د ۲۰ آوریزو سیالیو دوهیمه لوبه نن یکشنبه د وري ۶ / د مارچ ۲۶ د کابل پر وخت د شپې ۸:۳۰ بجې د عربي متحده اماراتو په شارجه کرکت لوبغالي کې پیلېږي.
د جمعې پر ورځ، د افغان لوبډلې لوبډلمشر راشد خان د خپلې لوبډلې پر مشرۍ د پاکستان خلاف په شپږ ویکتو بریا ترلاسه کړه او په ۲۰ آووریزو نړیوالو لوبو کې یې د نورو پر پرتله خپله لومړۍ سیمه ییزه بریا ثبت کړه.
دمګړۍ پر پاکستان فشار دی او باید وکتل شي، چې دوی له دې ماتې څه زدهکوي!
د افغانستان کرکت بورد ويلي، د دواړو لوبډلو ترمنځ به درېیمه او وروستۍ لوبه د دوشنبې پر ورځ د وري ۷ / د مارچ ۲۷ ترسره شي.
لوبی
افغانستان له پاکستان څخه د شل آووریزو لوبو لومړنۍ بریا خپله کړه

افغانستان د جمعې پر ورځ په شارجه لوبغالي کې د درې شل آوریزو لوبو د لړۍ په لومړۍ لوبه کې پاکستان ته تاریخي ماتې ورکړه.
افغان لوبډلې د ۲۰۲۲ ز. کال د شل آووریز نړیوال جام نایب اتل پاکستان ته پر ۶ ویکتو ستره ماتې ورکړه.
پاکستان لومړی توپ وهنه وکړه او یوازې ۹۲ منډې یې جوړې کړې، چې کوربه لوبډلې په اتهلسمم آووور کې د ۶ لوبغاړیو له سوځېدو سره لوبه وګټله.
محمد نبي د پاکستان پروړاندې د ۳۸ ناسوځېدلو منډو جوړولو او پر زړه راکښوونکیو هڅو د لوبې غوره لوبغاړی ونومول شو.
د پاکستان لوبډلې د توپ وهنې په درېیم آووور کې خپله لومړۍ ویکته له لاسه ورکړه او پر ۱۷ منډو یې صایم ایوب وسوځېد.
لومړۍ ویکتې د بریا ور پرانیست او پاکستان کرار کرار خپلې ویکتې له لاسه ورکړې او افغانستان لوبه چټکه کړه. د افغانستان لپاره مجیب الرحمن غوره توپ وهنه وکړه او په ۴ آوورونو کې یې ۲/۹ منډې جوړې کړې او پاکستان یې له هڅو وغورزاوه.
د افغانستان د کرکت بورد اجرائیوي رییس نصیب خان وویل، چې غوره لوبغاړي یې غوره کړي دي. راشد خان د پاکستان پر وړاندې د ۲۰ آووریزو سیالیو په لړ کې د افغان لوبډلې لوبډلمشري کوي او پخوانی لوبډلمشر محمد نبي یې هم د لوبډلې غړی دی.
د افغانستان او پاکستان تر منځ دا لومړی ځل دی، چې په دری پرلپسې شل آووریزو سیالیو کې لوبیږي. دا دواړه لوبډلې به د دوه لوبو د ګټلو هڅه کوي، چې له افغان غالۍ جوړ جام پخپل نوم کړي.
د یادونې ده، چې د افغانستان او پاکستان د شل آووریزو سیالیو په روان لړ کې به درې لوبې کېږي؛ دوهیمه به یې د وري پر ۶ / د مارچ پر ۲۶ او وروستۍ به یې د وري پر ۷ / د مارچ پر ۲۷ تر سره شي.
-
تازه خبرونه4 days ago
په فاریاب کې یوې مور د نوي کال څلور ماشومان وزېږول
-
تازه خبرونه4 days ago
د ځانګړیو ځواکونو لومړۍ دوره د ملي دفاع د وزیر په حضور کې فارغه شوه
-
تحول5 days ago
تحول: د افغانستان په اړه د امریکا بهرني سیاست
-
سیمه ییز خبرونه4 days ago
افغان بيسیم مخابراتي شرکت په کندهار کې د مشتريانو د خدمتونو اوومه څانګه پرانسته
-
تحول4 days ago
تحول: کابل ته د ازبکستان د لوړپوړي پلاوي کاري سفر
-
تازه خبرونه3 days ago
د افغانستان خپلواکۍ ته درناوی د خلکو غوښتنه ده – متقي
-
څار5 days ago
څار: په افغانستان کې د بهرنیو ځواکونو جنګي جنایتونه
-
تازه خبرونه2 days ago
په بلخ کې سیلابونو مالي زیانونه واړول