تازه خبرونه
په بلخ ولایت کې د لومړي ځل لپاره د غلې دانې لوی بانک جوړ شو

د بلخ ولایت چارواکو ويلي، چې د غلې دانې د دې بانک له جوړېدو سره به خلکو او سوداګرو ته ډېرې اسانتياوې رامنځته او سوداګر کولی شي، چې د اوړو او غلې په پېر او پلور کې له دغه بانک څخه ګټه واخلي او د احتکار مخه ونیسي.
د بلخ ولایت مسوولینو ویلي، چې د دغه بانک د جوړېدو موخه په لوړه بیه د پلور او احتکار مخینوی دی.
د دغه بانک له جوړېدو سره به سوداګرو ته د غلې دانې په پېر او پلور کې ډېرې اسانتیاوې رامنځته شي.
د بلخ د سوداګرۍ او پانګونې خونې رییس اسدالله اسدي ويلي: د دې ډول سوداګريزو مارکیتونو جوړول د خلکو لپاره د هيلې يوه کړکۍ ده.
د مزارشريف ښار پانګوال مصطفی مومند هم ويلي: دا په هېواد کې لومړی ځل دی، چې دلته يو معياري صنف پرانيستل شو. له نېکهمرغه دا زمونږ د سوداګرو او ملت لپاره ګټور دی؛ ځکه، چې دلته نرخونه او کیفیت څارل کیږي.
د بلخ یو شمېر پانګوال د سوداګرو لپاره د ډېر نور امنیت پر برابرولو ټینګار کوي او وايي، چې په هېواد کې دننه پانګونې ته لیوالتیا زیاته شوې ده.
د بلخ د غلې دانې ټولنې رییس یوسف شهباز ویلي: د الله تعالی تر ټولو غوره نعمت امنیت دی؛ مونږ د اسلامي امارت له چارواکو منندوی یو، چې الحمدلله امنیت مو لا ښه شوی دی. مونږ یو ځل بیا د اسلامي امارت له چارواکو غوښتنه کوو، چې زمونږ د سوداګرو د خوندیتوب لپاره ډېرې نورې هڅې هم وکړي.
پانګه وال سید هاشم هاشمي هم په ډاګه کړې: تر هغې، چې حکومت همکاري ونهکړي، سوداګر نهشي کولی په خپلواکه توګه عمل وکړي. د بېلګې په توګه د محصول او مالي چارو په برخه کې د سوداګر لپاره د اسانتیاوو برابرول.
د بلخ والي مرستیال نورالهادي ابوادریس ډاډ ورکوي، چې د سوداګرو د ژوند او مال د ساتنې هڅه کوي او له پانګوالو یې غوښتي، چې په هېواد کې پانګونه وکړي.
هغه ویلي: مونږ ویاړو، چې په بلخ ولایت کې د امنیت او مدیریت پروژې لرو.
د بلخ ولایت د غلې دانې بانک په داسې حال کې جوړیږي، چې تمه ده افغانستان د غلې دانې د تولید په برخه کې پر ځان بسیا شي او د قوشتپې له ګټې اخیستنې سره به ان غنم بهر ته صادر شي.
تازه خبرونه
ملا برادر د قطر له لومړي وزیر سره وکتل
په دې کتنه کې دواړو خواوو د افغانستان او قطر د اړیکو، اقتصادي مسلو او پانګونې په اړه خبرې وکړې.

د ریاست الوزراء اقتصادي مرستیالۍ خبر ورکړی، چې نن (پنجشنبه) ملا عبدالغني برادر قطر ته د خپل سفر په بهیر کې د قطر له لومړي وزیر محمد بن عبدالرحمن آل ثاني سره ولیدل.
په دې کتنه کې دواړو خواوو د افغانستان او قطر د اړیکو، اقتصادي مسلو او پانګونې په اړه خبرې وکړې.
دا غونډه د دوه اړخیزو اړیکو د پیاوړتیا او د دواړو هېوادونو ترمنځ د اقتصادي همکارۍ د پیاوړتیا لپاره روانې هڅې روښانه کوي.
تازه خبرونه
د پاکستان له زندانونو څخه ۶۳ افغان کډوال خوشې شول
دې وزارت د پنجشنبې پر ورځ (د سلواغې پېنځهویشتمه) په یوه مطبوعاتي اعلامیه کې ویلي، چې د افغان کډوالو د ۴ کورنیو په ګډون، چې ۱۵ کسان په کې دي؛ ۴۸ نور انفرادي بندیان هم د سلواغې پر څلیریشتمه د پاکستان له بند څخه خوشې او هېواد ته راستانه شول.

د کډوالو او راستنیدونکو چارو وزارت ويلي، چې د پاکستان له زندانونو څخه د افغان کډوالو د خوشې کولو د هڅو په لړ کې ۶۳ افغانان د پاکستان له زندانونو خوشې او هېواد ته راولېږدول شول.
دې وزارت د پنجشنبې پر ورځ (د سلواغې پېنځهویشتمه) په یوه مطبوعاتي اعلامیه کې ویلي، چې د افغان کډوالو د ۴ کورنیو په ګډون، چې ۱۵ کسان په کې دي؛ ۴۸ نور انفرادي بندیان هم د سلواغې پر څلیریشتمه د پاکستان له بند څخه خوشې او هېواد ته راستانه شول.
د کډوالو او راستنیدونکو چارو وزارت د معلوماتو له مخې؛ دا افغان کډوال د پاکستان پولیسو د قانوني اسنادو د نه لرلو له کبله نیولي وه او شپږ ورځې یې په زندانونو کې ساتلي وه.
د کډوالو او راستنیدونکو چارو وزارت زیاته کړې، چې دا کډوال د بشري مرستو له ترلاسه کولو وروسته خپلو اصلي سیمو ته لېږدول شوي دي.
په پاکستان کې د افغان کډوالو د نیولو او بندي کولو لړۍ له هغې وروسته نوره هم وغخېده، چې حکومت غیرقانوني افغان کډوالو ته د ۲۰۲۳ کال د نومبر تر لومړۍ پورې له پاکستان څخه د وتلو لپاره وروستۍ نېټه وټاکله.
تازه خبرونه
د ملګرو ملتونو امنیت شورا د کندوز ځانمرګی برید وغانده
امنیت شورا دا برید “ترهګریز” وباله او ټینګار یې وکړ، چې ترهګري په خپلو ټولو بڼو او څرګندونو کې د افغانستان او نړۍ د سولې او امنیت لپاره یو جدي ګواښ دی.

د ملګرو ملتونو امنیت شورا په کندوز ولایت کې کابل بانک ته څېرمه د سېشنبې د ورځې ځانمرګی برید په سختو ټکو کې غندلی دی.
امنیت شورا دا برید “ترهګریز” وباله او ټینګار یې وکړ، چې ترهګري په خپلو ټولو بڼو او څرګندونو کې د افغانستان او نړۍ د سولې او امنیت لپاره یو جدي ګواښ دی.
د امنیت شورا غړو ټینګار کړی، چې د دې ډول بریدونو عاملین، تنظیم کوونکي، تمویل کوونکي او ملاتړ کوونکي مسوول دي او پر محاکمه کولو یې ټینګار کړی دی.
دوی له ټولو هېوادونو غوښتي، چې په دې برخه کې له ټولو اړوند چارواکو سره په فعاله توګه د نړیوال قانون او د امنیت شورا له اړوند پرېکړو سره سم همکاري وکړي.
د یادونې ده، چې داعش په کندوز کې د هغه ځانمرګي برید مسوویت پر غاړه اخیستی، چې د سیمهییزو چارواکو د څرګندونو له مخې؛ په دې برید کې پېنځه کسان وژل شوي او اووه نور ټپیان دي.
-
لوبی4 days ago
د ۲۰۲۵آریانا سنوکر اتلولي د لومړۍ ورځې د لوبو پایلې
-
سیمه ییز خبرونه5 days ago
مصر به د عربي هېوادونو د بېړنۍ سرمشریزې کوربتوب وکړي
-
لوبی5 days ago
د آریانا سنوکر اتلولۍ مینهوال دې د لوبو په اړه لاندې اړین معلومات ولولي
-
نړۍ2 days ago
د امریکا یوه پوځي الوتکه د سانډیاګو په ساحل کې راوغوځېده.
-
سوداگري4 days ago
افغانستان ته د پاکستان صادرات ۵۰۴ میلیون ډالرو ته رسیدلي
-
لوبی2 days ago
د افغانستان کرکټ ملي لوبډله سبا (جمعه) له پاکستان سره مخ کیږي
-
لوبی3 days ago
د ۲۰۲۵ آریانا سنوکر د اتلولۍ جام د دوهیمې ورځې پایلې
-
تازه خبرونه5 days ago
پاکستان به له اسلامآباد څخه زرګونه افغان کډوال وباسي