سیمه ییز خبرونه
په ترکیه او سوریه کې د زلزلې له کبله د مړو شمېر له ۵۰ زره واوښت

که څه هم د ترکیې د زلزلې له کبله د مړو شمېر ۴۴ زره ۲۱۸ کسانو ته لوړ شوی؛ خو د دغه هېواد چارواکو په زلزله ځپلو ولایتونو کې د مرستې هڅې ګړندۍ کړې دي.
له بلې خوا په سوریه کې د مړه شویو کسانو شمېر تر ۵۸۰۰ کسانو رسېدلی دی.
د ترکیې چارواکو څرګنده کړې؛ د هغو کسانو لپاره، چې درې اوونۍ وړاندې د سختې زلزلې له کبله بې ځایه شوي وه، د کورونو جوړولو لومړني کارونه یې پیل کړي دي.
د ترکیې له طبیعي پېښو سره د مبارزې ادارې د جمعې پر ورځ تائید کړه، چې په هېواد کې یې د قربانیانو شمېر ۴۴۲۱۸ کسانو ته رسیدلی دی.
دغه راز زیاتوي؛ د زلزلو مرکز د قهرمان مرعش ولایت و، چې ورپسې ۹۱۳۶ کوچنۍ زلزلې شوې دي.
په ټولیز ډول په دواړو هېوادونو کې د مړو شمېر له ۵۰ زره اوښتی دی.
سوداگري
په روان کال کې د هرات کروندګرو ته د وریښمو چینجي ووېشل شول

د هرات د کرنې او مالدارۍ ریاست ويلي، چې په روان کال کې یې د ورېښمو شاوخوا ۳۶۰۰ صندوقه د وریښمو چینجي کروندګرو ته وېشلي، چې سږ کال یې پایلو ته ډېرې هیلې شته.
دا مهال د ورېښمو د چینجیو د محصول یا وریښمو تار د را ټولولو وخت دی.
سږ کال د ورېښمو د چينجيو څه باندې درې زره صندوقونه په زنده جان، انجيل، ګذرې او پښتون زرغون ولسواليو کې بزګرانو ته وېشل شوي دي.
د هرات د کرنې او مالدارۍ رياست د ترویج او مالدارۍ عمومي رییس خلیل احمد بهمنش وايي، چې ۸۰ په سلو کې د وریښمو د چنجیو پالنه په زنده جان ولسوالۍ کې ترسره کیږي.
د وریښمو د چینجیو پالنه زیارګلوونکی صنعت دی؛ کروندګر او د چینجیو پالونکي د ورېښمو تار اسانه تر لاسه کولی نهشي.
کروندګر وايي، د تېر کال پر پرتله د ورېښمو بازار پیکه دی.
د وریښمو د چینجیو په پالنه کې تر ډېره میرمنې بوختې دي.
د وریښمو چینجیو پالونکې شتابه جلال ویلي؛ د ورېښمو د چينجيو له پاللو څخه نيولې بيا د ورېښمو د تارونو د بېلولو او د ورېښمنو جامو د توليدولو چارې تر ډېره د ښځو لخوا ترسره کېږي.
سږ کال هغه کورنۍ، چې د ورېښمو چینجي یې ساتلي هيله لري، چې ښه حاصلات به ولري.
په دې صنعت بوخت کسان وايي، چې سږ کال د وریښمو بازار پیکه دی.
په هرات کې د ورېښمو صنعت شپږ سوه کلن تاریخ لري. اوس هم ډېرو کورنیو دغه پخوانی مسلک ساتلی او د ورېښمو چینجي معمولاً د توتانو پر پاڼو تغذیه کوي.
بلخ @ps
د بلخ په مرکزي روغتون کې د کانګو ناروغۍ له کبله دوه کسان مړه شول

د بلخ ولایت روغتیايي مسوولین وايي، له تېرې یوې اوونۍ راپدیخوا په دې ولایت کې د کانګو پر ناروغۍ دوه کسان مړه شوي دي.
د بلخ د عامې روغتیا رییس په خلکو کې د دغې ناروغۍ د خپرېدو په اړه د اندېښنې پر څرګندولو ويلي، چې په تېره یوه اوونۍ کې د دغې ناروغۍ لس مثبتې پېښې ثبت شوې دي.
د دې ولایت د عامې روغتیا رییس نجيب الله توانا د کانګو تبې پر وړاندې د همغږۍ په غونډه کې وويل، چې تر اوسه پهدې ناروغۍ دوه کسان مړه شوي دي.
د بلخ ولایت د پېنځه سوه بستریز روغتون رییس داکتر نبی الله امیري ویلي؛ دغه ناروغي خطرناکه او وژونکې ده او له هېوادوالو یې غوښتي، چې له څارویو سره له اړیکو ډډه وکړي.
دغه راز د بلخ سیمهییزو چارواکو له رسنیو او د دغه ولایت د حج او اوقافو له ریاست څخه غوښتي، چې له عامې روغتیا ریاست سره دې د خبرتیا په برخه کې مرسته او همکاري وکړي.
د بلخ ولایت د کورنیو غړي، چې خپلوان یې پهدې ناروغۍ اخته شوي، له نورو ښاریانو غوښتنه کوي، چې د داکترانو لارښوونې دې جدي ونیسي.
د بلخ ولایت د اطلاعاتو او فرهنګ ریيس مولوي ذبيح الله نوراني له رسنيو وغوښتل، چې د دغې ناروغۍ د مخنيوي په اړه خلکو ته معلومات ورکړي، چې د دغې وژونکې ناروغۍ له زيانونو ځانونه خبر کړي.
د بلخ د عامې روغتیا ریاست چارواکي د کانګو تبې د خپرېدو په اړه اندېښنه څرګندوي او وايي، د لوی اختر له رارسېدو سره به د څارویو د پیر او پلور په بازارونو کې نوره ګڼه ګوڼه هم پیدا شي.
سیمه ییز خبرونه
په پاکستان کې ځانمرګي بریدکوونکي ۲۱ امنیتي ځواکونو ته مرګ و ژوبله واړوله

د شنبې پر ورځ د خیبر پښتونخوا ایالت د دیره اسماعیل خان د چاه خان په اړوند سیمه کې پر چاودیدونکیو توکو بار موټرسایکل سپاره ځانمرګي برید کوونکي د امنیتي ځواکونو کاروان پر نښه کړ؛ دوه یې ووژل او ۱۹ نور ټپیان دي.
د چارواکو د څرګندونو له مخې؛ په ټپیانو کې د درې کسانو روغتیايي حالت د اندېښنې وړ دی.
دوی وايي، ټپيان د پېښور ګډ پوځي روغتون ته لېږدول شوي دي.
ځايي رسنیو څرګنده کړې، ټوله سيمه کلابنده شوې او د قانون پلي کوونکیو ادارو د بريد په اړه پلټنې پيل کړې دي.
تر اوسه د برید پړه چا پر غاړه نهده اخیستې.
-
روغتيا4 days ago
د افغانستان د روغتیايي خدمتونو لپاره نږدې ۵۰۰ میلیون دالرو ته اړتیا ده – اوچا
-
سیمه ییز خبرونه2 days ago
په ایران کې نیول شوی بلجیمي مرستندویه د بندیانو په تبادله کې خوشې شو
-
سیمه ییز خبرونه1 day ago
په پاکستان کې ځانمرګي بریدکوونکي ۲۱ امنیتي ځواکونو ته مرګ و ژوبله واړوله
-
سیمه ییز خبرونه4 days ago
ایران د خپل نوي بالستیک توغندي مخکتنه وکړه
-
تازه خبرونه5 days ago
اسلامي امارت په بهرنیو بنسټونو کې د ښځو کاري دستورالعمل وروستي کېدو ته نږدې کړی
-
روغتيا5 days ago
اروپايي ټولنې له افغانستان سره د ۹۸ ټنو درملو او طبي توکو مرسته وکړه
-
تازه خبرونه2 days ago
هرات موزیم د تاریخي آثارو د معیاري ساتنې له ودانۍ پرته ۱۰۰ کلن شو
-
تازه خبرونه4 days ago
د پاکستان له زندانونو ۶۶ افغان بندیان خوشي او افغانستان ته راولېږدول شول