Connect with us

کوید۱۹

په ترکیه کې پر کرونا ویروس د اخته کسانو شمېر۳۰ سلنه ډېر شوی

خپور شوی

 په

(Last Updated On: مرغومی ۷, ۱۴۰۰)

د ترکیې روغتیا وزارت نه یوازې د اومیکرون له خپرېدو خبرداری وکوي، بلکې څرګندوي، چې د دوشنبې پر ورځ پر کروناویروس د اخته کېدو ورځنی شمېر ۳۰ سلنه لوړ شوی هم دی.

د ترکیې د ورځنيو قضیو کچه په ډسمبر میاشت کې څه نا څه ۲۰۰۰۰ وه ، چې د اکتوبر پر پرتله له ۳۰۰۰۰ څخه راټیټه شوې ده.

دغه راز رویټرز راپور ورکړی، چې د کرونا ویروس له کبله د مړینو شمېر د دوشنبې پر ورځ ۱۵۷ ته راټیټ شوی، چې یوه ورځ مخکې ۱۷۳ و.

د روغتیا وزیر فخرالدین کوکا د دوشنبې پر ورځ ناوخته ټویټ وکړ، چې: د کرونا  اومیکرون د نورو بڼو په پرتله خورا ګړندی خپریږي. تاسې باید ډېر پام وکړئ او د پیاوړي کېدو واکسین تر سره کړئ.

د اوونۍ په پای کې کوکا څرګنده کړې وه، چې په ترکیه کې د کرونا ویروس ۱۰ سلنه پېښې د اومیکرون او د ډسمبر پر ۱۱ د اومیکرون شپږ پېښې اعلان شوې وې.

رویټرز راپور ورکړی، چې تېره اوونۍ په ترکیه کې دننه ترک واکس واکسین جوړ او ترکي چارواکو یې د بېړني پلي کولو اجازه ترلاسه کړه.

ترکیې تر دې دمه د چین سینوواک او د فایزر شرکت واکسین ۱۲۹ میلیون خوراکه پلي کړي دي.

دا په داسې حال کې ده، چې د اومیکرون بڼه لومړۍ په آفریقا کې ولیدل شوه او بیا د اروپایي هېوادونو په ګدون نورو وچو ته هم د خپرېدو په درشل کې ده.

کوید۱۹

د نیوزیلینډ لومړۍ وزیره پر کرونا ویروس اخته شوه

خپور شوی

په

توسط

(Last Updated On: غویی ۲۴, ۱۴۰۱)

د نیوزیلینډ د لومړي وزیرې دفتر په ډاګه کړې، چې د جسینډا آرډرن کتنه ښیي، چې د کرونا ویروس له نښو برخمنه شوې ده.

د نیوزیلینډ د لومړۍ وزیرې له دفتره په ډاګه شوې، چې جسینډا آرډرن به د کرونا ویروس له کبله د دوشنبې او سې شنبې په ورځو کې له پارلماني ناستو بې برخې وي؛ خو هغه به امریکا ته ټاکل شوی سوداګریز سفر ونځنډوي.

د نیوزیلینډ لومړۍ وزیرې د جمعې له ماښام راپدیخوا د کرونا ویروس لږې نښې درلودې او نن سهار یې د ویروس لپاره مثبته کتنه تر سره کړه، چې پایله یې مثبته وه؛ د مې تر ۳۱ مې نېټې به په قرنطین کې وي او خپل رسمي مسوولیتونه له لرې ترسره کوي.

د لومړۍ وزیرې مرستیال ګرانټ رابرټسون نن په رسنیو کې تر ټاکل شوې نېټې د نوي لومړي وزیر په توګه اعلان شوی دی.

Continue Reading

کوید۱۹

نیویارک ښار له کرونا ویروس څخه ورپېښ ګواښ منځنۍ کچې ته لوړوي

خپور شوی

په

توسط

(Last Updated On: غویی ۱۳, ۱۴۰۱)

په نیویارک ښار کې د دوشنبې پر ورځ له کرونا ویروسه د ورپېښ ګواښ کچه له ټیټې څخه منخنۍ ته لوړه کړه او د عامې روغتیا ځینې سپارښتنې د بیا پلي کیدو وضعیت ته راغلې دي.

د نیویارک پوسټ د څرګندونو له مخې؛ نیویارک ښار روغتیایي کمیشنر اشون واسان د دوشنبې پر ورځ په یوه خبري کنفرانس کې وویل: د خطر کچه؛ ځکه لوړه شوې، چې اوس په منځنۍ کچه په هرو ۱۰۰۰۰۰ خلکو کې هره ورځ له ۲۰۰ ډېرې نوې پېښې رامنځته کیږي.

نوموړي زیاته کړې، د نویو پېښو له زیاتېدو سره د نیویارک ښار خلک باید د تېرو څو اوونیو پر پرتله خورا ډېر پام وکړي.

نیویارک ټایمز راپور ورکړی، چې ښار په تېره اوونۍ کې لږ تر لږه هره ورځ ۲۴۸۹ نوې پېښې لرلې، چې د مارچ له پیل راپدیخوا په ورځني شمېر کې ۶۰۰ ډېروالی ښیي؛ خو د تېرې میاشتې پر پرتله په روغتون کې بستر کیدل او د مړینې پېښې لږ څه کمې شوې دي.

منځنۍ ​​​​یا ژیړه کچه پدې معنی ده، چې خلک باید په عامه ځایونو کې ماسک اغوستل په پام کې ونیسي او د لوړ کیفیت ماسکونو ته وده ورکړي.

Continue Reading

کوید۱۹

له نیمایي ډېر امریکایان پر کرونا ویروس اخته دي

خپور شوی

په

توسط

(Last Updated On: غویی ۷, ۱۴۰۱)

په ټوله امریکا کې شاوخوا ۵۸ سلنه وګړي او له ۷۵ سلنې ډېر لږ عمر لرونکي ماشومان پدې ناروغۍ اخته شوي دي.

د امریکا د ناروغیو د څارنې او مخنیوي مرکزونو لخوا ترسره شوې څېړنه ښيي، چې په دې هېواد کې له نیمایي ډېر وګړي لږ تر لږه یو ځل پر SARS-CoV-2 ویروس باندې اخته شوي دي.

د ۲۰۲۱ زېږدیز کال په ډسمبر کې د اومیکرون له رارسیدو مخکې د امریکا یو پر درېیمه برخه وګړيو د پخواني SARS-CoV-2 انفیکشن نښې لرلې.

د نویو معلوماتو له مخې، پر اومیکرون د هر عمر ګروپ اخته شوی؛ خو ماشومان او تنکي ځوانان، چې ډېري یې واکسین شوي ندي، د انفیکشن لوړه کچه لري. په داسې حال کې چې د ۶۵ کلنو او له دې پورته عمر لرونکي خلک، چې پوره واکسین شوي؛ لږ پر کروانا اخته دي.

د متحده ایالاتو د ناروغیو د کنټرول او مخنیوي مرکزونو مشر ډاکټر روچیل والنسکي خبریالانو ته ویلي، چې په امریکا کې پر کرونا ویروس د اخته کسانو شمېر مخ پر ډېرېدو دی، چې یوازې تېره اوونۍ ۲۲ اعشاریه ۷ سلنه ډېر شوي، چې په ورځ کې ۴۴۰۰۰ ته لوړیږي. دغه راز په روغتون کې د دویمې اوونۍ لپاره په بستر کې پاتې کېدل ۶ اعشاریه ۶ سلنه ډېر شوي دي.

دغه راز د مړینې کچه په یوه اوونۍ کې ۱۳ اعشاریه ۲ سلنې ته راکښته شوې؛ خو ټولشمېر یې یو میلیون ته نږدې کیږي.

د راپورونو له مخې د امریکا له ۶۶ سلنې څخه ډېر وګړي د کرونا پر وړاندې بشپړ واکسین شوی او نږدې ۴۶ سلنه خلکو تقویتي واکسین تر لاسه کړی.

Continue Reading

Trending

Copyright © 2022 Ariana News. All rights reserved!