تازه خبرونه
په خوست او پکتیکا ولایتونو کې له پرونۍ زلزلې ۲۰ کسان ټپیان او ۶۰۰ کورونه ویجاړ شوي

د پېښو پر وړاندې د مبارزې وزارت وايي؛ په افغانستان کې تېره ورځ زلزلې يو ځل بيا د خوست سپېره او د پکتيکا ولايت ګيان ولسوالۍ ولړزولې؛ شل کسان ټپيان شوي او له ۶۰۰ ډېر کورونه ویجاړ دي.
د دوشنبې ورځې له ماسپښین وروسته د پکتیکا ولایت ګیان او د خوست ولایت سپیره ولسوالۍ یو ځل بیا د ریښتر پر کچه ۵.۱ درجې زلزلې ولړزولې.
مسوولین وايي، چې تازه ۵ اعشاریه یوې درجې زلزلې د پکتیکا په ګیان او د خوست په سپیره ولسوالیو کې شل کسان ټپیان کړل او شپږ سوه هغه کورونه یې بشپړ ویجاړ کړل، چې په تېره زلزله کې یې زیان لیدلی و.
د پېښو پر وړاندې د مبارزې وزارت د عامه پوهاوي او نشراتو مشر محمد نسيم حقاني ويلي؛ د دوشنبې پر ورځ د چنګاښ پر ۲۷ په پکتیکا او خوست ولایتونو کې له رامنځته شوې زلزلې څوک مړه شوي ندي؛ خو ٢٠ کسان ټپيان دي او له ٦٠٠ ډېر کورونه ويجاړ شوي.
د پکتیکا د ګيان ولسوالۍ يو شمېر اوسیدونکي وايي، چې له زيانمنو شويو خلکو سره دې د کورونو د جوړولو په برخه کې مرستې وشي.
د پکتیکا په دې لیرې پرته سیمه کې کابو یوه میاشت مخکې د ریښتر په کچه شپږ اعشاریه دوه درجې زلزلې سلګونه کسان مړه او زرګونه کورونه یې ونړول.
د پوهنتون استاد ځمکپوه بهرام بیرم ويلي؛ د زلزلې د زیانونو د مخنیوي لپاره باید جدي تدابیر ونیول شي او پخپل وخت خلکو ته مرستې ورسیږي.
د طبیعي پیښو د مدیریت څانګوال سید عبدالباسط رحماني ټینګار کوي، چې په دې زلزله ځپلو سیمو کې د باکیفیته کورونو جوړولو ته اړتیا ده.
دې زلزلې د خوست سپیره ولسوالۍ هم لړزولې ده او خلکو ته یې مالي زیانونه اړولي دي.
د پېښو پر وړاندې د مبارزې وزارت وايي؛ اسلامي امارت د زیانمن شویو خلکو لپاره د سرپناه جوړولو پر پروګرام کار روان دی.
د پېښو پر وړاندې د مبارزې په چارو کې د دولت د وزارت د نشراتو رییس محمد نسیم حقاني ویلي؛ اسلامي امارت پر یوه داسې پلان کار کوي، چې له مخې به یې ډېر ژر زیانمنو کسانو ته د دایمي سرپناه د جوړولو چارې پیل شي.
له سیمې څخه تر لاسه شوي راپورونو په ډاګه کړې، چې د دوشنبې له ورځې راپدیخوا په دې ولسوالیو کې درې ځلې زلزله شوې ده. د سیمې خلک په وېره کې دي او د ستونزې د بنیادي حل غوښتنه کوي.
تازه خبرونه
ضمیر کابلوف له امیر خان متقي سره د ډیپلوماټیکو اړیکو د کچې پر لوړولو خبرې وکړې
د بهرنیو چارو وزارت د خپرې شوې خبرپاڼې له مخې؛ دغه راز امیر خان متقي د روسیې له فډراسیون مننه وکړه، چې په مسکو کې د سفیر پر کچه د اسلامي امارت ډیپلوماټ مني او ژمنه یې وکړه، چې د افغانستان حکومت به په نږدې راتلونکي کې مسکو لپاره د سفیر پر کچه ډیپلوماټ معرفي کړي.

د روسیې ځانګړي استازي په کابل کې د افغانستان بهرنیو چارو وزارت له چارسمبالي( سرپرست) امیر خان متقي سره د دوه اړخیزو ډیپلوماټیکو اړیکو د کچې پر لوړولو، د اقتصادي او سوداګریزو اړیکو پراختیا او ځینو سیمهییزو مسایلو خبرې وکړې.
د بهرنیو چارو وزارت د خپرې شوې خبرپاڼې له مخې؛ دغه راز امیر خان متقي د روسیې له فډراسیون مننه وکړه، چې په مسکو کې د سفیر پر کچه د اسلامي امارت ډیپلوماټ مني او ژمنه یې وکړه، چې د افغانستان حکومت به په نږدې راتلونکي کې مسکو لپاره د سفیر پر کچه ډیپلوماټ معرفي کړي.
د افغانستان لپاره د روسیې ولسمشر ځانګړي استازي ضمیر کابلوف هم پخپل وار وویل، چې هېواد ته یې له افغانستان سره د اړیکو پراختیا اړینه ده او د همدې لپاره یې دا اقدام وکړ، چې د اړیکو د پراختیا په لار کې خنډونه لرې شي.
د هېواد د بهرنیو چارو وزارت چارسمبالي د روسیې فډراسیون له وروستي اقدام ، چې د افغانستان اسلامي امارت یې د ممنوعه ډلو له نوملړه لرې کړ؛ مننه وکړه.
کابلوف ویلي؛ په راتلونکې می میاشت کې به د کازان فورم په څنډه کې د روسیې او افغانستان د دوه اړخیز دایمي کمیسیون د کار د پیل لپاره هم ځانګړې غونډه ترسره شي.
ویل کیږي، چې دواړو لوریو د افغانستان اسلامي امارت او روسیې فډراسیون ترمنځ دوه اړخیزو اړیکو د کچې لوړوالی مهم وباله او دا یې د دواړو هېوادونو ترمنځ د اړیکو نوی پړاو یاد کړ.
تازه خبرونه
چین غواړي د افغانستان په کرنیز سکټور کې پانګونه وکړي- کرنې وزارت
د کرنې وزارت د سېشنبې پر ورځ د دې غونډې اعلان وکړ او څرګندوي، چې د چین پلاوي د افغانستان د کرنې او مالدارۍ په سکټور کې د پانګونې لپاره د بیجینګ د خصوصي سکټور پر لېوالتیا ټینګار وکړ او د ځمکو د اجارې په ګډون د آسانتیاوو له برابرولو وروسته یې د پروژو د عملي پیل لپاره د چمتووالي ډاډ ورکړ.

د کرنې، اوبو لګولو او مالدارۍ وزارت چارسمبالی(سرپرست) عطاءالله عمري په کابل کې د چین د خصوصي سکټور له پلاوي او استازو سره وکتل، چې ورسره یې د همکارۍ پراخولو، کرنې، مالدارۍ، اوبو لګولو، پانګونې او له افغانستان سره د چین د تجربو شریکولو په اړه خبرې اترې وکړي.
د کرنې وزارت د سېشنبې پر ورځ د دې غونډې اعلان وکړ او څرګندوي، چې د چین پلاوي د افغانستان د کرنې او مالدارۍ په سکټور کې د پانګونې لپاره د بیجینګ د خصوصي سکټور پر لېوالتیا ټینګار وکړ او د ځمکو د اجارې په ګډون د آسانتیاوو له برابرولو وروسته یې د پروژو د عملي پیل لپاره د چمتووالي ډاډ ورکړ.
د چین پلاوي د صنایعو او سوداګرۍ وزارت له چارسمبالي نورالدین عزیزي سره هم خبرې اترې وکړې. د دې غونډې پر مهال عزیزي ویلي، چې دوی بهرنیو پانګوالو ته ټولې آسانتیاوې برابروي.
د یادونې ده، چې په تېرو درې کلونو کې ډېری چینایي شرکتونو د هېواد په کانونو کې پانګونې ته لېوالتیا ښودلې؛ خو دا لومړی ځل دی، چې چینایي پانګوال غواړي په افغانستان کې د کرنې په سکټور کې پانګونه وکړي.
تازه خبرونه
په روسیه کې د افغانستان محصولات نندارې ته وړاندې کېږي
د روسیې د اقتصادي پراختیا وزارت مشر پاول کالمیچوک د دوشنبې پر ورځ( د غویی لومړۍ) په یوه رسنیز کنفرانس کې ویلي، چې د افغانستان محصولات به د روسیې- د کازان اسلامي نړۍ په شپاړلسم اقتصادي فورم کې نندارې ته وړاندې شي، چې په راروانه می میاشت کې ترسره کیږي.

د روسیې د اقتصادي پراختیا وزارت چارواکو ویلي، چې افغان محصولات به د روسیې- د کازان اسلامي نړۍ په شپاړلسم نړیوال اقتصادي فورم کې نندارې ته وړاندې شي.
د روسیې د اقتصادي پراختیا وزارت مشر پاول کالمیچوک د دوشنبې پر ورځ( د غویی لومړۍ) په یوه رسنیز کنفرانس کې ویلي، چې د افغانستان محصولات به د روسیې- د کازان اسلامي نړۍ په شپاړلسم اقتصادي فورم کې نندارې ته وړاندې شي، چې په راروانه می میاشت کې ترسره کیږي.
هغه زیاته کړې؛ د تاتارستان حکومت منلې، چې د افغان توکو او تولیداتو د نندارتون جوړولو لپاره به اړینې آسانتیاوې برابرې کړي.
د روسي دې چارواکي ویلي، چې دا نندارتون به د افغانستان د اقتصادي وړتیاوو د پېزندلو لپاره یو ځانګړی فرصت وي.
پاول کلمیچوک وایي: “دا نندارتون به خامخا ډېر پام ځانته راواړوي؛ ځکه، چې په روسیه کې پر طالبانو (اسلامي امارت) د بندیزونو د لرې کولو پرېکړه شوې ده.”
مخکې له دې د روسیې سترې محکمې د هېواد د لوی څارنوال غوښتنه منلې وه، چې د اسلامي امارت د فعالیتونو بندیز وځنډوي.
د افغانستان لپاره د روسیې ځانګړي استازي ضمیر کابلوف هم اعلان کړی و، چې د روسیې او افغانستان ترمنځ به د دې فورم په څنډه کې یوه لویه سوداګریزه غونډه هم ترسره شي.
د کازان شپاړسم نړیوال اقتصادي فورم ‘روسیه – اسلامي نړۍ: کازان فورم’ به د می له ۱۳ څخه تر ۱۸ پورې په کازان کې ترسره شي.
-
تازه خبرونه2 days ago
آریانا هوايي شرکت چین ته د اوونیزو الوتنو له زیاتېدا خبر ورکړ
-
سیمه ییز خبرونه4 days ago
د ایران او امریکا له خبرو اترو وروسته د عمان سلطان مسکو ته سفر کوي
-
تازه خبرونه2 days ago
د افغانستان لپاره د امریکا نوې استازې یوه افغانيالاصله میرمن غوره شوه
-
تازه خبرونه4 days ago
پاکستان له ۲۰۲۳ کال راپدېخوا نږدې یومیلیون افغان کډوال جبري ایستلي
-
نړۍ4 days ago
په ټوله امریکا کې زرګونو لاریون کوونکو د ټرمپ پر ضد لاریون وکړ
-
تازه خبرونه2 days ago
په روسیه کې د افغانستان محصولات نندارې ته وړاندې کېږي
-
سیمه ییز خبرونه21 hours ago
په هندي کشمیر کې وسلوالو له ۲۰ ډېر سیلانیان ووژل
-
تازه خبرونه5 days ago
لویدیځ هېوادونه د اسلامي امارت له مخالفانو څخه د ملاتړ هڅه کوي – روسیه