سیمه ییز خبرونه
په هرات کې نجونو د متوسطو او لیسو د پرانیستلو غوښتنه وکړه

په هرات کې د متوسطو او لیسو نجونو ويلي، چې یو ځل د کرونا وبا او دا ځل د اسلامي امارت د محدویت له کبله دوه کاله د زدکړو له بهیره بې برخې پاتې شوې دي.
په هرات کې د دوه نجونو لخوا د انځورګرۍ او نقاشۍ په جوړ شوي نندارتون کې داسې آثار نندارې ته ایښي، چې له یوې خوا په ټولنه کې د ماشومانو روزنې او پالنې ته د خلکو پام وراړوي او له بلې خوا د زدکړو او پوهنې پر ارزښت رڼا اچوي.
په دې نندارتون کې شپېته اثره نندارې ته وړاندې شوي دي.
په هرات کې دوه نجونو د نقاشۍ په یوه نندارتون کې خلکو او نړۍ ته داسې هڅه ښيي، چې تعلیم او تحصیل د نجونو او هلکانو اساسي حق دی.
د نندارتون جوړوونکې اسماء مهرورز وایي: زمونږ نندارتون دوه موخې لري؛ لومړۍ دا، چې ماشومان خوښ وساتل شي او وپوهیږي، چې دوی پدې ټولنه کې شتون لري او دوه یم دا، چې د نرینه وو حکومت وښیي، چې پر خپلو ګټو راونڅرخي، بلکې د ټولنې ماشومان هم د پاملرنې وړ دي.
په دې نندارتون کې هڅه شوې، چې چارواکو ته ور په زړه کړي چې د نجونو متوسطې او لیسې هم پرانیزي.
زدکړیاله لینا قادري وایي؛ زمونږ هیله دا ده، چې ښوونځي بیا پرانیستل شي؛ ځکه، چې هر ماشوم د زدکړې حق لري او تعلیم د هر ماشوم حق دی. که نرینه وي یا ښځینه، نجلۍ یا هلک وي.
زدکوونکې صدف وایي: مونږ زدکوونکي د کانکور ازموينې ته چمتووالی نيسو او مونږ نه غوښتل، چې لسم، يوولسم او دولسم ټولګي مو هسې تېر شي. مونږ له اسلامي امارت څخه غوښتنه کوو، چې د نجونو د ښوونځيو دروازې پرانيزي.
نندارتون ته راغلي کسان وايي، چې په دې شرایطو کې د داسې نندارتونونو جوړول د ماشومانو پر روحیه مثبته اغېزه کوي.
صهیب نومی زدکوونکی وایي؛ زه نن دلته راغلی یم، چې نښې وګورم او زه ډېر خوشحاله وم، چې دوی ماشومانو ته ارزښت ورکوي.
ثناء نومې زدکوونکې وایي: که مونږ بهرنيو هېوادونو ته وګورو؛ هغوی د ماشومانو وړې وړې لاسته راوړنې ښيي. مونږ هم باید خپلو ماشومانو ته دا فرصت ورکړو. زه هيله منه يم، چې په راتلونکیو څو کلونو کې به داسې شرايط برابر شي، چې زمونږ ماشومان خپل استعدادونه څرګند کړي.
افغان نجونې د داسې غونډو له لارې غواړي له یوې خوا د ژوند له ستړیاوو ځان یوې خوا ته کړي او له بلې خوا ښوونځیو ته د تلو لپاره خپلې تلوسې په ډاګه کړي.
سیمه ییز خبرونه
د پاکستان په بلوچستان ایالت کې د ښوونځي پر بس ځانمرګي برید کړی
د پاکستان پوځ او لومړي وزیر شهباز شریف په یوه بېړنۍ خبرپاڼه کې د تاوتریخوالي غندنه وکړه او “د هند نیابتي ترهګر ځواکونه” یې په دې برید کې پر لاس لرلو تورن کړل.

د سیمې چارواکو ویلي، چې د پاکستان په بلوچستان ایالت کې د ښوونځي پر یوه بس ځانمرګي د درې ماشومانو په ګډون پېنځه کسان ووژل.
رویټرز راپور ورکړ، چې د پاکستان پوځ د چارشنبې پر ورځ ویلي؛ په بلوچستان ایالت کې د حربي ښوونځي پر یوه بس د ځانمرګي برید له کبله لږ تر لږه درې ماشومان ووژل شول.
پاکستان د دې برید پړه پر هندي لاسپوڅو ډلو واچوله.
د دې ایالت د خضدار ولسوالۍ والي یاسر اقبال د پېښې په اړه ویلي: “شاوخوا ۴۰ زدهکونکي په دې بس کې سپاره او د پوځ لخوا اداره کېدونکي ښوونځي ته روان ول او څو کسان یې ټپیان هم شول.”
د پاکستان پوځ او لومړي وزیر شهباز شریف په یوه بېړنۍ خبرپاڼه کې د تاوتریخوالي غندنه وکړه او “د هند نیابتي ترهګر ځواکونه” یې په دې برید کې پر لاس لرلو تورن کړل.
د پوځ د خبرپاڼې له مخې؛ په دې برید کې لږ تر لږه درې ماشومان او دوه لویان وژل شوي دي.
هغه تورونه، چې پاکستان پر هند لګولي دي؛ هغې جګړې ته نغوته(اشاره) کوي، چې دواړو حکومتونو دوه اوونۍ وړاندې د یو بل پر وړاندې کړې وه. د هند او پاکستان لخوا پر پوځي او ملکي سیمو په متقابلو بریدونو کې لسګونه کسان وژل شوي دي.
د بلوچستان د آزادۍ پوځ (BLA) په بلوچستان کې د ډېرو بریدونو مسوولیت پر غاړه اخیستی دی. په داسې حال کې، چې اسلامآباد وايي؛ هند له دې وسلوالې ډلې ملاتړ کوي.
هند د پاکستان تورونه رد کړل.
هند په نوي ډیلي کې د پاکستان د عالي کمیشنرۍ دوهیم چارواکی هم د یوې اوونۍ په بهیر کې په دې دلیل ، چې “له خپل رسمي حیثیت څخه یې پورته افراطي هڅې کولې” هم له دندې ګوښه کړ.
ویل کیږي، چې د پاکستان شارژدافیر احضار شوی او خبرداری ورکړ شوی؛ ډاډ ترلاسه کړي، چې پاکستاني چارواکي له خپلو امتیازاتو او مقام څخه ناوړه ګټه پورته نکړي.
سیمه ییز خبرونه
د ایران پارلمان له روسیې سره سټراټیژیک تړون تصویب کړ
د روسیې ولسمشر ولادمیر پوتین او د ایران ولسمشر مسعود پزشکیان د ۲۰۲۵ کال د جنورۍ پراووهلسمه دا سټراټیژیک تړون سند لاسلیک کړی دی.

د ایران پارلمان نن (چارشنبه) د تهران او مسکو ترمنځ ۲۰ کلن سټراټیژیک تړون تصویب کړ، چې نه یوازې د دوه اړخیزو اړیکو ژوروالی ښیي، بلکې د دواړو هېوادونو ترمنځ نږدې دفاعي همکاري هم پر ګوته کوي.
د روسیې ولسمشر ولادمیر پوتین او د ایران ولسمشر مسعود پزشکیان د ۲۰۲۵ کال د جنورۍ پراووهلسمه دا سټراټیژیک تړون سند لاسلیک کړی دی.
د رویټرز د څرګندونو له مخې؛ د روسیې مقننه قوې په اپریل کې دا تړون تصویب کړ. که څه هم په دې تړون کې د متقابلې دفاع ماده نشته؛ خو دا شرط لري، چې دواړه هېوادونه د ګډو پوځي ګواښونو پر وړاندې همکاري کولی، پوځي- تخنیکي همکاري پراخولی او په ګډو پوځي روزنو کې برخه اخیستلی شي.
په ۲۰۲۲ کال کې د اوکراین د جګړې له پیل راپدېخوا ایران او روسیې خپلې پوځي اړیکې پیاوړې کړې دي.
لویدیځو هېوادونو ایران تورن کړی، چې د روسیې لخوا پر اوکراین د بریدونو لپاره توغندي او ډرونونه چمتو کوي؛ خو تهران دا تورونه رد کړي او څرګندوي، چې روسیې ته یې په اوکراین کې د کارولو لپاره وسلې ندي ورکړي.
په دې سټراتیژیک تړون کې د دواړو هېوادونو ملي او مالي محصولاتو د ترویج له لارې د بانکي او اقتصادي همکاریو پیاوړتیا ته لار اواروي.
تېره اوونۍ هم د روسیې پر مشرۍ د ایران او یوریشیا اقتصادي ټولنې ترمنځ د آزادې سوداګرۍ تړون نافذ شو؛ ورسره تعرفې کمې او سوداګري زیاته شوه، چې موخه ترې د لویدیځ له سختو بندیزونو سره مبارزه ده.
سیمه ییز خبرونه
بریټانیا، کاناډا او فرانسې د غزې په خاطر اسرائیلو ته د بندیزونو ګواښ وکړ
رویټرز راپور ورکړ، چې د اسرائیلو پوځ د جمعې پر ورځ د نويو عملیاتو د پیل اعلان وکړ او له دې د دوشنبې پر ورځ له دې مخکې نتانیاهو ویلي وه، چې اسرائیل به د ټولې غزې کنټرول تر لاسه کړي.

د بریټانیا، کاناډا او فرانسې مشرانو د دوشنبې پر ورځ ګواښ وکړ، چې که اسرائیل په غزه کې خپل نوي پوځي برید ونهدروي او د مرستو محدودیتونه لرې نکړي؛ نو پر اسرائیل به بندیزونه ولګوي.
رویټرز راپور ورکړ، چې د اسرائیلو پوځ د جمعې پر ورځ د نويو عملیاتو د پیل اعلان وکړ او له دې د دوشنبې پر ورځ له دې مخکې نتانیاهو ویلي وه، چې اسرائیل به د ټولې غزې کنټرول تر لاسه کړي.
نړیوالو کارپوهانو له دې مخکې له راتلونکي قحطۍ خبرداری ورکړی و.
د بریټانیا د حکومت په خپره شوې ګډه خبرپاڼه کې ویلي: “د اسرائیلو د حکومت لخوا ملکي وګړي له اړینو بشري مرستو بې برخې کول د منلو وړ ندي او له نړیوال بشري قانون څخه د سرغړونې خطر لري. مونږ په لویدیځه غاړه کې د ښارګوټو د پراخولو له هرې هڅې مخالفت کوو… مونږ به د نورو اقداماتو څخه د هدفمند بندیزونو په ګډون ډډه ونکړو.”
نتنیاهو یې په ځواب کې ویلي، چې “د لندن، اوټاوا او پاریس مشران د اوکټوبر پر اوومه پر اسرائیلو د نسل وژنې برید ته ډالۍ وړاندې کوي. په داسې حال کې، چې په ورته وخت کې له نورو داسې جرمونو هرکلی کوي.”
هغه زیاتوي، چې اسرائیل به تر هغه وخته له ځان دفاع کوي، چې بشپړه بریا ترلاسه شي او د جګړې د پای ته رسولو لپاره یې د اسرائیلو شرایط د پاتې یرغمل شویو خوشې کول او د غزې تړانګه بې وسلې کول بیا تکرار کړل.
اسرائیلو د مارچ له پیل راپدېخوا غزې ته د طبي توکو، خوړو او سونګ توکو د ننوتلو مخه نیولې، چې پر حماس فشار راوړي او د ۲۰۲۳ کال یرغمل خوشې کړي.
د لویدیځ درې واړو مشرانو په یوه ګډه خبرپاڼه کې ویلي: “مونږ تل د ترهګرو پر وړاندې د اسرائیلیانو له حق دفاع او ملاتړ کړی دی؛ خو د [وضعیت] دا زیاتوالی بشپړنامتناسبه دی.”
دوی ویلي، چې دوی به د نتانیاهو د حکومت “دې ناوړه کړنو” ته بېتفاوته پاتې.
دوی په غزه کې د سمدستي اوربند لپاره د امریکا، قطر او مصر له هڅو ملاتړ څرګند کړ او څرګندوي، چې دوی د شخړې د حل لپاره د دوه دولتونو د حل لارې د یوې برخې په توګه د فلسطین دولت پر رسمیت پېژندلو ته ژمن دي.
حماس له دې ګډې خبرپاڼې هرکلی وکړ او دا یې د نړیوال قانون د اصولو د بیا رغولو پر لور یو ” اړین ګام” وباله.
د غزې روغتیایي چارواکو د څرګندونو له مخې؛ د اسرائیلو ځمکنۍ او هوايي جګړې غزه ویجاړه کړې، نږدې ټول اوسیدونکي یې بې ځایه کړي او له ۵۳ زره څخه ډېر خلک، چې ډېری یې ملکي وګړي دي؛ وژل شوي.
اسرائیلو ویلي؛ جګړه د ۲۰۲۳ کال د اوکټوبر پراوومه د حماس پر مشرۍ له برید سره پیل شوه؛ په کې وسلوالو شاوخوا ۱۲۰۰ کسان ووژل، چې ډېری یې ملکي وګړي وه، او ۲۵۱ کسان یې یرغمل کړل.
-
سوداگري3 days ago
نړیوال بانک د افغان پروژو د تادیاتو په اړه څرګندونې وکړې
-
نړۍ5 days ago
د امریکا پخوانی ولسمشر جو بایډن د پروسټاټ پر سرطان اخته شو
-
نړۍ4 days ago
روسیې او اوکراین د اوربند په اړه له سمدستي خبرو اترو سره هوکړه وکړه – ټرمپ
-
سیمه ییز خبرونه4 days ago
بریټانیا، کاناډا او فرانسې د غزې په خاطر اسرائیلو ته د بندیزونو ګواښ وکړ
-
تازه خبرونه4 days ago
د اروپا بشري فورم د افغانستان د بحران پر ریښو خبرې کوي
-
روغتيا3 days ago
په افغانستان کې ساري ناروغۍ زیاتې شوي – د روغتیا نړیواله ټولنه
-
روغتيا5 days ago
د عامې روغتیا وزارت د افغانستان د میندو د مړینې د کچې په اړه د UNFPA راپور رد کړ
-
سیمه ییز خبرونه2 days ago
د پاکستان په بلوچستان ایالت کې د ښوونځي پر بس ځانمرګي برید کړی