Connect with us

سیمه ییز خبرونه

په هرات کې نجونو د متوسطو او لیسو د پرانیستلو غوښتنه وکړه

Published

 on

(Last Updated On: چنګاښ ۱۵, ۱۴۰۱)

په هرات کې د متوسطو او لیسو نجونو ويلي، چې یو ځل د کرونا وبا او دا ځل د اسلامي امارت د محدویت له کبله دوه کاله د زدکړو له بهیره بې برخې پاتې شوې دي.

په هرات کې د دوه نجونو لخوا د انځورګرۍ او نقاشۍ په جوړ شوي نندارتون کې داسې آثار نندارې ته ایښي، چې له یوې خوا په ټولنه کې د ماشومانو روزنې او پالنې ته د خلکو پام وراړوي او له بلې خوا د زدکړو او پوهنې پر ارزښت رڼا اچوي.

په دې نندارتون کې شپېته اثره نندارې ته وړاندې شوي دي.

په هرات کې دوه نجونو د نقاشۍ په یوه نندارتون کې خلکو او نړۍ ته داسې هڅه ښيي، چې تعلیم او تحصیل د نجونو او هلکانو اساسي حق دی.

د نندارتون جوړوونکې اسماء مهرورز وایي: زمونږ نندارتون دوه موخې لري؛ لومړۍ دا، چې ماشومان خوښ وساتل شي او وپوهیږي، چې دوی پدې ټولنه کې شتون لري او دوه یم دا، چې د نرینه وو حکومت وښیي، چې پر خپلو ګټو راونڅرخي، بلکې د ټولنې ماشومان هم د پاملرنې وړ دي.

په دې نندارتون کې هڅه شوې، چې چارواکو ته ور په زړه کړي چې د نجونو متوسطې او لیسې هم پرانیزي.

زدکړیاله لینا قادري وایي؛ زمونږ هیله دا ده، چې ښوونځي بیا پرانیستل شي؛ ځکه، چې هر ماشوم د زدکړې حق لري او تعلیم د هر ماشوم حق دی. که نرینه وي یا ښځینه، نجلۍ یا هلک وي.

زدکوونکې صدف وایي: مونږ زدکوونکي د کانکور ازموينې ته چمتووالی نيسو او مونږ نه غوښتل، چې لسم، يوولسم او دولسم ټولګي مو هسې تېر شي. مونږ له اسلامي امارت څخه غوښتنه کوو، چې د نجونو د ښوونځيو دروازې پرانيزي.

نندارتون ته راغلي کسان وايي، چې په دې شرایطو کې د داسې نندارتونونو جوړول د ماشومانو پر روحیه مثبته اغېزه کوي.

صهیب نومی زدکوونکی وایي؛ زه نن دلته راغلی یم، چې نښې وګورم او زه ډېر خوشحاله وم، چې دوی ماشومانو ته ارزښت ورکوي.

ثناء نومې زدکوونکې وایي: که مونږ بهرنيو هېوادونو ته وګورو؛ هغوی د ماشومانو وړې وړې لاسته راوړنې ښيي. مونږ هم باید خپلو ماشومانو ته دا فرصت ورکړو. زه هيله منه يم، چې په راتلونکیو څو کلونو کې به داسې شرايط برابر شي، چې زمونږ ماشومان خپل استعدادونه څرګند کړي.

افغان نجونې د داسې غونډو له لارې غواړي له یوې خوا د ژوند له ستړیاوو ځان یوې خوا ته کړي او له بلې خوا ښوونځیو ته د تلو لپاره خپلې تلوسې په ډاګه کړي.

سیمه ییز خبرونه

د اسلامي امارت مشرتابه په کندهار کې د کابل له عالمانو سره وکتل

Published

on

(Last Updated On: زمری ۱۲, ۱۴۰۱)

د کابل ولایت ۵۰ دیني عالمانو په کندهار ولایت کې د اسلامي امارت له مشرتابه سره وکتل او د ښځو پر حقونو یې هم خبرې وکړې.

د کابل میشتو دیني عالمانو د پنځوس کسیز پلاوي سفر د اسلامي امارت د مشرتابه په غوښتنه ترسره شوی، چې بنسټیزه موخه یې د پلازمېنې د اوسیدونکیو د ستونزو حل دی.

په دې غونډه کې دیني عالمانو د اسلامي شریعت په چوکاټ کې د ښځو پر حقونو او د نجونو د تعلیم پر موضوع خبرې وکړې او د اسلامي امارت مشرتابه عالمانو ته ډاډ ورکړ، چې د پلازمېنې د اوسیدونکیو ستونزو ته به پاملرنه کوي.

دیني عالمانو د اسلامي امارت له مشرتابه وغوښتل، چې تعلیم ته ځانګړې پاملرنه وکړي او د اړتیا په صورت کې دې په نصاب کې هم بدلون راولي.

د کابل والي ندا محمد ندیم وایي: د دې غونډې اصلي موخه دا وه، چې د پلازمېنې ښاري ستونزې تر ستر شخصیت پورې ورسېږي او د منبر او عالمانو له لوري د هغه احکام تر خلکو ورسېږي.

له دغو عالمانو څخه یو شمېر یې وايي، چې د اسلامي امارت له مشر سره یې د ښځو د ستونزو د حل، د اسلام په چوکاټ کې د ښځو د حقونو د درناوي او د ښوونځیو د نصاب د اصلاح په اړه خبرې کړې دي.

دیني عالم عبدالحمید حماسي څرګندوي: د امیرالمومنین لپاره د مجاهد او نامجاهد تر منځ هیڅ توپیر نشته ټول رعیت دی او مساوي حقوق لري.

دا په داسې حال کې ده، چې د اسلامي امارت رهبر د دیني عالمانو په لویه غونډه کې ژمنه کړې، چې د دیني عالمانو په هره غونډه کې به ګډون کوي ​​او د دولتي ادارو د رهبرۍ لپاره به دیني عالمان ټاکي.

Continue Reading

سیمه ییز خبرونه

په کندوز ولايت کې ځانګړیو ځواکونو د داعش پر پټنځى برید تر سره کړ

Published

on

(Last Updated On: چنګاښ ۲۶, ۱۴۰۱)

تېره شپه په کندوز ولایت کې د افغانستان اسلامي امارت ځانګړیو ځواکونو د داعش پر پټنځي پوځي عملیات ترسره کړل؛ لږ تر لږه ۳ داعشیان وژل شوي او پېنځه نور یې ژوندي نیولي دي.

د افغانستان اسلامي امارت وياند ذبيح الله مجاهد وايي، چې دغه عمليات د امام صاحب ولسوالۍ په قنجغه سيمه کې ترسره شوي دي.

نوموړي زیاته کړې؛ دغې ډلې پر ازبکستان او تاجکستان د وروستیو راکټي بریدونو مسوولیت پرغاړه درلود.

په هغه ویډیو کې، چې د افغانستان اسلامي امارت اړوند سرچینو خپره کړې؛ د داعش یو نیول شوي غړي اعتراف کړی، چې پر ازبکستان او تاجکستان یې توغندي توغولي او بیا یې هم د برید سپارښتنه تر لاسه کړې وه.

Continue Reading

سیمه ییز خبرونه

د بهرنیو چارو وزارت چارسمبالي د یوه پلاوي پر مشرۍ له بدخشان ولایت لیدنه وکړه

Published

on

(Last Updated On: چنګاښ ۲۳, ۱۴۰۱)

د بدخشان سیمه‌ییز و چارواکو ويلي؛ د چارشنبې پر ورځ مولوي امیرخان متقي او ورسره مل پلاوي یې د دې ولایت د اوسيدونکیو د ستونزو د څېړلو لپاره دې ولایت ته سفر وکړ.

د بدخشان ولايت د اطلاعاتو او فرهنګ مشر معزالدين احمدي وايي؛ د ملي راډيو ټلويزيون مشر احمدالله وثيق هم له اميرخان متقي سره په دې سفر کې مل دى او د دغه ولايت د دولتي ادارو او سیمه ییزو چارواکو سره یې د خلکو پر شته ستونزو خبرې وکړې.

د معزالدین احمدي د څرګندونو له مخې، په دې سفر کې د تاجکستان او افغانستان تر منځ د پولې دواړو غاړو ته د میشتو قومونو ترمنځ د ښو اړیکو د رامنځته کولو، د ډیپلوماسۍ له لارې د سرحدي ستونزو د حل، د مجاهدینو او عامو خلکو ترمنځ د ښو اړیکو پر څرنګوالي، د خلکو د اقتصادي او ښوونیزو ستونزو پر حل او  څېړلو بحث او  خبرې شوې دي.

دا په داسې حال کې ده، چې تېره ورځ د تخار ولایت امنیتي مسوولینو له تاجکستان سره د سرحدي سیمې له امنیتي خوندیتوبه ډاډ څرګند کړی او ټینګار شوی، چې هیچا ته به اجازه ورنکړي، چې د افغانستان له خاورې تاجکستان ته ګواښ رامنځته کړي.

Continue Reading

Trending

Copyright © 2022 Ariana News. All rights reserved!