Connect with us

کوید۱۹

په هند کې د کرونا نږدې ۱۶۰۰۰ نوې او ۶۸ د مړېنې پېښې ثبت شوي

Published

 on

(Last Updated On: زمری ۲۲, ۱۴۰۱)

هند د شنبې پر ورځ د روغتیا وزارت د څرګندونو له مخې په ډاګه کړې، چې په دې هېواد کې پر کرونا ویروس نږدې ۱۶۰۰۰ نوي کسان اخته شوي او ۶۸ نور مړه دي.

د سرچینې د څرګندونو له مخې، له نويو ۱۵۸۱۵اخته شویو مثبتو پېښو سره بر کرونا د اخته کسانو ټول شمېر ۴۴۲۳۹۳۷۲ ته او د مړېنې له ۶۸ نویو پېښو سره د مړینې ټول شمېر ۵۲۶۹۹۶ ته رسېدلی دی.

د روغتیا وزارت ویلي، چې په هند کې د رغیدو کچه ۹۸.۵۴ سلنه  ثبت شوې ده.

کوید۱۹

په چین کې له ترافیکي پېښې ۴۷ کرونایي ناروغانو ته مرګ و ژوبله اوښتې

Published

on

(Last Updated On: وږی ۲۷, ۱۴۰۱)

د اسوسیتید پرس د راپورونو له مخې؛ د یکشنبې پر ورځ سهار مهال یو بس، چې د چین سویل لویدیز ته یې ۴۷ کرونایي ناروغان لېږدولي وه، د یوې ترافیکي پېښې له کبله یې ۲۷ ناروغان مړه او ۲۰ نور ټپیان دي.

د ساندو د ښار پولیسو پرته له دې ، چې د کرونایي ناروغانو څخه یادونه وکړي څرګنده کړې؛ یو بس د ګوئیژو ولایت پر لویه لار چپه شوی او وی شوي، چې ټپیان تر درملنې لاندې دي.

د چین د سوداګرۍ خبري رسنۍ کایکسین د ساندو د چارواکو د څرګندونو له مخې په ډاګه کړې، چې  مسافرین پر کرونا اخته ناروغان ول، چې د ولایت له مرکز ګوئیانګ څخه لیدو لېږدول شوي دي.

د چین ګوئیانګ ښار د جمعې پر ورځ د کرونا ویروس شاوخوا ۱۸۰ نوې پېښې ثبت کړي دي. چین د صفر کرونا سخته پالیسي خوندي کړې، چې د ناروغۍ د خپرېدو د مخنیوي لپاره په ناروغۍ اخته خلک او ورسره نږدې اړیکې بېلوي.

د ګوئیژو انلاین رسنیز ګروپ د څانګې د آنلاین راپور له مخې؛ بس د سهار شاوخوا ۲:۴۰ بجې چپه شوی او د پیښې په اړه نورې څېړنې روانې دي.

Continue Reading

کوید۱۹

په کندهار کې يو ځل بيا د کرونا ناروغي زياته شوې

Published

on

(Last Updated On: وږی ۲۶, ۱۴۰۱)

روغتيایي مسوولين وایي په کندهار ولایت کې له تېرې يوې مياشتې راپدیخوا يو ځل بيا د هغو کسانو شمېر زيات شوی، چې پر کرونا اخته دي.

 د کندهار ولایت د عینو مېني په کرونا سل بستريز روغتون کې د تازه بستر شويو ځوانانو، سپين ږیرو او میرمنو شمېر ډېر شوی دی، چې ډېري یې د نازک روغتيائي وضعیت له کبله اوس تر روغتيایي څارني لاندي دي.

د کندهار د کرونا ناروغانو د درملني د ځانګړي روغتون داکتران وایي؛ دا ځل پر کرونا د اخته کسانو تر منځ د ځوانانو شمېر ډېر دی.

د کندهار عینو مېنې د کرونا روغتون داکتر عبدالباقي پناه وایي: مونږ ته په او پي دي کې دېر مریضان مراجعه کوي او ډېري یې کلينيکي اعراض او علايم لري، چې ټول کرونا وي. ډېري يي ځوانان وي او د دې ترڅنګ زمونږ د بستر د ناروغانو شمېر هم زيات شوي او هره ورځ څلور- پېنځه مریضان د بستر لپاره مراجعه کوي.

په سويلي حوزه کې د کرونا د بېړني مرکز چارواکي وایي، په کندهار کې له لږ څه ځنډ وروسته يو ځل بيا پر کرونا د اخته کسانو شمېر د زياتېدو په حال کې دی.

دوی وایي يوازي له تېرو څو اوونيو راپدیخوا ۱۶ کسان پر کرونا اخته ناروغان له دوی سره بستر شوي؛ خو په خبره يې د هغو ناروغانو شمېر هم لسګونه ته رسيږي، چې د کرونا عادي نښي لري او د درملني له لپاره په ورځني ډول دوی ته مراجعه کوي.

په سویلي حوزه کې د کرونا د بېړني مرکز مشر داکتر جناح ابراهيمي وایي: کرونا په دې تېر يوه کال کې یعنې په لس مياشتو کې دهغې اندازه يا کوم پيک جې دي هغه ډېر کښته روان و. اوس بيا بدبختانه دغه دوه مياشتې کيږي، چې شمېر یې ډېر شوی دی.

که څه هم پر کرونا اخته کسان د دغې ناروغۍ د مخنیوي لپاره د روغتيایي سپارښتونو د مراعت غوښتنه کوی؛ خو په کندهار کې د کرونا واکسين د پېل شوي کمپاين غړي بيا له خلکو غواړي، چې له کرونا څخه د ځان ژغور‍نی لپاره د کرونا واکسین باید ولګوي.

ناروغ بسم الله وایي: هغه بله ورځ، چې مې ساه بنده شوه؛ نو ډېر په تکليف شوم؛ نوروغتون ته راغلم، چې پېچکاريانې يي راولګولې. بس څه نا څه یوه ګړۍ په تکليف وم؛ بيا ښه شوم.

د کرونا ویروس واکسیناتور عطامحمد وایي: ټول کندهار ته په ځانګړي توګه ښاري سيمو ته مونږ روغتیایي ډلې ګومارلي دي او د ښار په بېلابېلو ساحو کې هغه کسان، چې عمرونه يي له اته لس څخه لوړ وي او کرونا واکسين يي نه وي پلی کړی؛ هغو ته مونږ د کرونا واکسين لګوو.

د روغتيایي چارواکو د معلوماتو له مخې؛ په کندهار کې د تېر يو کال راپدیخوا د کرونا له درې زره زياتي مثبتي پېښي ثبت شوي، چې له کبله یې ۵۷ کسانو خپل ژوند هم له لاسه ورکړی.

مسوولين وایي د کرونا وبا له پېل يې په کندهار کې ولایت کې ۴۶۶ زره ډوزه د کرونا ضد واکسين عملي کړی او اوس هم ۱۷۶۰۰ ډوزه د کرونا واکسين په واک کې لرو.

Continue Reading

کوید۱۹

د روغتیا نړیوالې ټولنې د کرونا ویروس د درملنې دوه نوي میتودونه تصویب کړل

Published

on

(Last Updated On: وږی ۲۶, ۱۴۰۱)

د روغتیا نړیوالې ټولنې (WHO) د کرونا ویروس د ناروغانو د زیاتېدو په درشل کې د درملنې د دوه نويو میتودونو د کارولو سپارښتنه وکړه.

د روغتیا نړیوالې ټولنې د کروناویروس له کبله رامنځته شوې ناروغۍ ته دوه نوې درملنې هم تصویب کړې؛ ځکه، چې د اومیکرون د نوې بڼې د پېښو له ودې په ټوله نړۍ کې روغتیایي سیستمونه پیچلي شوي دي.

د دې ټولنې کارپوهانو د کرونا ویروس له کبله د نویو بڼو ناروغۍ او مړینې د مخنیوي لپاره باریسیینیب (baricitinib) نومي او د انتي بادي درملو sotrovimab سپارښتنه کړې ده.

د دوی د څرګندونو له مخې؛ د کرونا ویروس په نویو بڼو ناروغانو کې له کورتیکوستروئیدونو سره یوځای د دې درملو کارول د دوی د عمر د زیاتوالي او د مصنوعي تنفس کارولو د اړتیا په کمیدو کې مرسته کوي.

د هندوستان تایمز د څرګندونو له مخې، کارپوهانو د معتدلې کرونا ناروغانو لپاره د سوترویماب وړاندیز هم کړی، چې په روغتون کې د بسترکیدو ډېر خطر لري. لکه زاړه او هغه کسان چې اوږدمهاله ناروغۍ لري. د دې انتي بادي درملو کارول په ناروغانو کې دي، چې د ناروغۍ معتدل شکل لري؛ په روغتون کې یې د بستر کیدو په خطر کې د پام وړ کمښت رامنځته کوي. په هرصورت، له سپارښتنو سره سم دا درمل شاید د مړینې او مصنوعي سااخیستنې اغیز هم لږ کړي.

Continue Reading

Trending

Copyright © 2022 Ariana News. All rights reserved!