Connect with us

تازه خبرونه

په کابل کې د اسلامي همکاریو ټولنې د دفتر بیا پرانستل سیاسي بریا ده – متقي

Published

 on

(Last Updated On: لړم ۲۲, ۱۴۰۱)

د اسلامي امارت د بهرنیو چارو وزارت ویلي، چې په افغانستان کې د اسلامي همکاریو ټولنې د سیاسي، اقتصادي او بشري همکاریو دفتر بیا پرانستل د اسلامي امارت سیاسي بریا ده.

 د اسلامي امارت د بهرنیو چارو وزیر امیرخان متقي هیله څرګنده کړې، چې د دې ټولنې د دفتر له پرانېستلو سره به له افغانستان سره د اسلامی هېوادونو سیاسی، اقتصادی او بشري همکارۍ نورې هم  پیاوړې شي.

متقي له اسلامي هېوادونو وغوښتل، چې په افغانستان کې پانګونه وکړي.

دغه راز ډاډ ورکوي، چې په افغانستان کې به د دغو هېوادونو د ټولو سفارتونو او سیاسي نمایندګیو امنیت خوندي وي.

د اسلامي همکاریو ټولنې ځانګړي استازي په افغانستان کې بشري وضعیت کړکېچن وباله او له نړیوالې ټولنې په ځانګړي توګه له اسلامي هېوادونو وغوښتل، چې له افغانستان سره مرسته او همکاري وکړي.

دغه دفتر د سعودي عربستان پر مالي مرسته په کابل کې د اسلامي امارت له بیا واکمنېدو څخه څوارلس میاشتې وروسته په رسمي بڼه پرانیستل شو.

د دغه سازمان استازیو په خپلو خبرو کې نړیوالې ټولنې په ځانګړي توګه اسلامي هېوادونو ته بلنه ورکړه، چې له افغانستان سره مرسته او همکاري وکړي.

طارق علي بخیت په افغانستان کې بشري وضعیت کړکېچن وباله او ټینګار یې وکړ، چې د افغانستان خلک اوس هم په بحران کې دي او افغانستان په ټولو برخو کې مرستو ته اړتیا لري.

د افغانستان لپاره د اسلامي همکاریو ټولنې ځانګړی استازی طارق علي بخیت وایي: له افغانستان سره د اقتصادي او بشري همکاریو د پياوړتیا لپاره د دغه دفتر پرانیستل د غړیو هېوادونو لخوا یو اړین کار و. د اسلامي همکاریو ټولنه خوښه ده، چې له افغانستان سره په روغتیا، ټولنیز پرمختګ، تعلیمي او بشري برخو کې مرستې کوي او له افغانستان څخه سیاسي ملاتړ کولی شي، چې امنیت او ثبات رامنځ ته کړي. افغانستان له بحران سره مخ دی او په ټولو برخو کې مرستې او همکارۍ ته اړتیا لري. د همدې هدف لپاره مو له افغانستان سره د مرستې لپاره یو صندوق همن جوړ کړی دی.

د بهرنیو چارو وزیر په افغانستان کې د اسلامي همکاریو د ټولنې د دفتر بیا پرانستل د اسلامي امارت سیاسي بریا بولي.

امیرخان متقي هیله څرګنده کړې، چې د دغه سازمان د دفتر له پرانېستلو سره به له افغانستان سره د اسلامی هېوادونو سیاسي، اقتصادي او بشري همکارۍ نورېهم پیاوړې شي.

مولوي متقي له اسلامي هېوادونو غواړي، چې په افغانستان کې پانګونه وکړي.

دیډاډ ورکوي، چې په افغانستان کې به د دغو هېوادونو د سفارتونو او سیاسي نمایندګیو امنیت هم خوندي وي.

کابل ته د اسلامي هېوادونو د همکارۍ ټولنې د ځانګړي استازي د سفر پر مهال د اسلامي هېوادونو د همکارۍ ټولنې لخوا په افغانستان کې د نړیوال اسلامي پوهنتون پر جوړېدو او د ۲۰۲۴ ز. کال لپاره د اسلامي هېوادونو د فرهنګي پلازمېنې په توګه د کابل د ټاکلو پر سر هم خبرې شوې دي.

د اسلامي همکاریو ټولنه په ۲۰۱۹ کال کې اعلان وکړ، چې کابل د ۲۰۲۴ کال لپاره د اسلامي هېوادونو د فرهنګي پلازمېنې په توګه غوره شوی دی.

تازه خبرونه

د اسلامي اردو پر جوړولو  منظم او داډمن کار روان دی – دفاع وزارت

Published

on

(Last Updated On: سلواغه ۵, ۱۴۰۱)

د هېواد د وسلوالو ځواکونو لوى درستيز ويلي؛ د اسلامي امارت او دفاع وزارت لخوا د اسلامي اردو پر جوړولو منظم او ډاډمن کار روان دی.

د ملي دفاع وزارت ستر درستیز فصيح الدين فطرت د مخابرې ریاست د سرتېرو د فراغت په مراسمو کې ویلي؛ اسلامي امارت او دفاع وزارت تل د یوې داسې اردو د جوړولو هحې کړي، چې د ایمان او عقیدې پر وسله سمبال وي؛ ځکه، چې د اسلامي امارت ځواکونو په همدې وسلې د نړۍ د قدرتونو پر وړاندې بریا ترلاسه کړې ده.

دغه لوړپوړي امنيتي چارواکي له فارغو شویو سرتېرو وغوښتل، چې د خلکو او هېواد خدمت ته ژمن پاتې شي او په پوره اخلاص او صداقت ګامونه پورته کړي.

د هېواد دغه لوړ پوړي دفاعي چارواکی زیاته کړې، چې د اسلامي امارت ځواکونه د اطاعت له پلوه په نړۍ کې ساری نلري.

د ده په وینا د سرتېرو لخوا د خپل مشر اطاعت د نړۍ پر زبرځواکونه بریا ته ورسول.

نوموړي په افغانستان کې د اسلامي نظام د ټينګښت لپاره د اسلامي امارت د رهبرۍ اطاعت مهم وباله.

د مخابرې ریاست دې سرتېرو درې میاشتنۍ زده‌کړې بشپړې کړې او د فراغت سندونه یې ترلاسه کړل.

Continue Reading

تازه خبرونه

اسلامي امارت په هېواد کې معیاري ښوونیزو خدمتونو ته ژمن دی

Published

on

(Last Updated On: سلواغه ۶, ۱۴۰۱)

پرون د پوهنې وزارت د پوهنې د نړیوالې ورځې په مناسبت په یوه اعلامیه کې ویلي، چې زده‌کړه د هر افغان لپاره لازمه ده او دا وزارت ژمن دی، چې په هېواد کې معیاري ښوونیز خدمتونه وړاندې کړي.

په دې اعلامیه کې ویل شوي، چې زده‌کړه د هر افغان لپاره لارمه ده او اسلامي امارت ژمن دی، چې معیاري تعلیمي خدمتونه وړاندې کړي.

په اعلامیه کې راغلي، چې نړۍ باید دغه وزارت د معیاري تعلیمي خدمتونو په وړاندې کولو کې یوازې پرې نږدي.

د پوهنې وزارت په اعلامیه کې راغلي: د پوهنې وزارت خپلو خلکو او نړیوالې ټولنې ته ډاډ ورکوي، چې اسلامي امارت تعلیم او زده‌کړه د هر افغان لپاره اړینه ګڼي، له اقتصادي محدودیتونو سره سره یې ۱۹۰۰۰ ښوونځي او ۱۳۰۰۰ دیني مدرسې پرانیستي دي او دوه نیم میلیون نجونې هم ښوونځیو ته ځي.

د امریکا د بهرنیو چارو وزارت او د ملګرو ملتونو تعلیمي او فرهنګي ټولنې یا یونسکو دواړو ویلي، چې افغان ښځې او نجونې د زده‌کړو له حقه بې برخې دي.

د یونیسکو عمومي منشي آډري ازولي وایي: یونسکو غواړي سږکال دا ورځ افغان ښځو او نجونو ته ځانګړې کړي، مونږ غواړو، چې د ښځو او نجونو د کار او زده‌کړې حقونه پرته له ځنډه دوی ته ورکړ شي. د ښځو د کار او زده‌کړې پر وړاندې جګړه باید ودرول شي؛ ځکه هره نجلۍ او هلک د زده‌کړې حق لري.

ځینې محصلینې او زده‌کوونکې  له اسلامي امارته غواړي، چې تعلیمي او تحصیلي بندیزونه لرې کړي او دوی ته درسونو ته د ستنېدو اجازه ورکړي.

یو شمېر کارپوهان وايي، چې زده‌کړو ته لاسرسی د ټولنې د هر غړي اساسي او بشري حق دی او باید دا حق له هیچا وانه خیستل شي.

اسلامي امارت پر نجونو د ثانوي او پوهنتوني زده‌کړو محدویتونه دایمي نه بولي؛ خو تمې دادي، چې په را روان پسرلي کې به د نجونو پر مخ د ښوونځیو او پوهنتونونو دروازې پرانیستل شي.

Continue Reading

تازه خبرونه

کابلوف د افغانستان پر ورستیو تحولاتو د خبرو لپاره پاکستان ته سفر کړی

Published

on

(Last Updated On: سلواغه ۵, ۱۴۰۱)

د افغانستان لپاره د پاکستان استازي محمد صادق څرګنده کړې؛ د افغانستان لپاره د روسیې ځانګړي استازي ضمیر کابلوف د سیمې پر وروستیو تحولاتو د خبرو لپاره پاکستان ته سفر کړی دی.

محمد صادق د سه شنبې پر ورځ تویت کړ، چې له کابلوف سره یې د مسکو او اسلام‌آباد ترمنځ د نږدې همکارۍ پر اړتیا هم خبرې کړې دي. هغه کابلوف د پام وړ ښه او پوه دیپلومات په توګه وستایه.

کابلوف پاکستان ته له سفر مخکې په افغانستان کې د اسلامي امارت له لوړ پوړیو چارواکو سره هم کتلي دي.

د افغانستان د بهرنیو چارو وزارت د ویاند مرستیال حافظ ضیا احمد تېره اوونۍ څرګنده کړې وه، چې کابلوف د بهرنیو چارو له وزیر امیرخان متقي سره لیدلي او ټینګار یې کړی، چې روسیه د غربي حکومتونو په څېر نیوکې نکوي.

نوموړي زیاته کړې؛ کابلوف ویلي، هېواد یې په افغانستان کې اقتصادي پرمختګ او ثبات لیدل غواړي او د افغانستان په کورنیو چارو کې د دولت پر چارواکو نیوکې او لاسوهنه نکوي.

Continue Reading

Trending

Copyright © 2022 Ariana News. All rights reserved!