Connect with us

ساینس او ​​ټیکنالوژي

چین د فضایي سټیشن د جوړولو لپاره د کاري ډلې یو بل ماموریت پیلوي

Published

 on

(Last Updated On: غبرګولى ۱۴, ۱۴۰۱)

چین به د یکشنبې پر ورځ په یوه فضايي بېړۍ کې د نیمګړي فضایي سټیشن د رغولو لپاره یوه بله درې کسیزه شپږمیاشتنۍ کاري ډله د وروستیو پرمختګونو د ترسره کولو لپاره وتوغوي.

د چین د ستورمزلو فضایي ادارې چارواکو ویلي، د یکشنبې پر ورځ به په شمال لویدیځ ولایت ګانسو کې له ځايي وخت سره سم د سهار پر ۱۰:۴۴ دقیقو له شینژو-۱۴ فضايي مرکز څخه جیوکوان نومې سپوږمکۍ د لانګ مارچ- اف ۲ نومی توغندي پر مټ وتوغول شي.

د دغه ماموریت قومندان چن دونګ به له لیو یانګ او کای ژوژ سره په شینزو یا الهي بېړۍ کې سپاره وي.

د ادارې یوه چارواکي لین ژیکیانګ ویلي: د توغولو لپاره ټول چمتووالی نیول شوی دی.

شینزو – ۱۴ به د ۴ ستورمزلو درېیم ماموریت او له ټولو ۱۱ ماموریتونو څخه اووم هغه وي، چې د کال تر پایه د فضایي سټیشن د بشپړولو لپاره په پام کې یول شوي دي.

چین د ۲۰۲۱ په اپریل کې د خپل درېیم ماډل فضایي سټیشن جوړول د تیاني پر مټ پیل او وتوغاوه.

تیانه د میټرو بس څخه یو څه لوی دی، چې د ټي بڼه لرونکي فضایي سټیشن له بشپړیدو وروسته به د ستورمزلو د لیدو لپاره د اوسیدو ځای وي.

دا فضایي سټیشن به یوه  لسیزه عمر ولري او له ۱۸۰ ټنه وزن سره به د روسیې له میر نومي سټیشن څخه لږ څه دروند وي او د نړیوال فضایي سټیشن شاوخوا ۲۰ سلنه ځای نیسي.

ساینس او ​​ټیکنالوژي

د اتومي جګړې ګواښ د ۵ میلیارد انسانانو د وژنې اندېښنه رامنځته کړې – څېړنه

Published

on

(Last Updated On: زمری ۲۶, ۱۴۰۱)

د راتګرز پوهنتون ساینس پوهانو په ډاګه کړې، چې د امریکا او روسیې ترمنځ اتومي جګړه کیدای شي پېنځه میلیارد انسانان ووژني.

څېړونکیو ادعا کړې، چې عصري اتومي جګړه او په پایله کې یې نړیوال قحط کولی شي پېنځه میلیارد خلک ووژني.

د بلومبرګ د څرګندونو له مخې؛ د امریکا د راتګرز پوهنتون ساینس پوهانو د اتومي جګړې د شپږ احتمالي سناریوګانو احتمالي اغېزې تحلیل کړي. دوی په خپلو څېړنو کې څرګنده کړې، چې د امریکا او روسیې تر منځ یوه بشپړه جګړه، چې تر ټولو بده پېښه ده؛ د ځمکې پر مخ به له نیمايي ډېر انسانان له منځه یوسي.

دوی ویلي: په اتومي جګړه کې، ښارونه او صنعتي سیمې په نښه کیږي؛ بمونه به اورونه پیل او د ځمکې اقلیم ګډوډ کړي، چې ځمکني او سمندري خواړه هم ترې اغېزمن کیږي.

د راپور له مخې، حتا یوه نسبتا کوچنۍ جګړه به هم د نړۍ د خواړو تولید لپاره ویجاړونکې پایلې ولري. د هند او پاکستان تر منځ سیمه ییزه جګړه به په پېنځه کلونو کې د تولید سطحه په سلو کې اووه کمه شي. په داسې حال کې، چې د امریکا او روسیې اټومي جګړه به له درې څخه تر څلور کلونو د خواړو په تولید کې ۹۰ سلنه کمښت راولي.

له بلې خوا پر اوکراین د ولادیمیر پوتین له برید وروسته د امریکا او روسیې ترمنځ ترینګلتیا ډېره شوې ده. په دې اړه د روسیې د بهرنیو چارو وزیر سرګي لاوروف د اپریل په میاشت کې خبرداری ورکړ، چې د اتومي جګړې جدي خطر شته دی.

د دې څېړنې یو لیکوال پروفیسور الان روبک وايي: زمونږ معلومات یو شی ښیي؛ مونږ باید د اتومي جګړې مخه ونیسو.

Continue Reading

ساینس او ​​ټیکنالوژي

ماسک د تسلا شرکت ۷ میلیارد دالرو ونډه وپلورله

Published

on

(Last Updated On: زمری ۲۲, ۱۴۰۱)

ایلان ماسک د ټولنیزې شبکې تویتر د پېر د تړون د لغوه کولو پر سر د ناندرو په بهیر کې د موټر جوړولو تسلا نومي شرکت شاوخوا ۷ میلیارد دالر ونډه وپلورله.

د انګجیت د څرګندونو له مخې، د تسلا شرکت اجرائیوي مدیر ایلان ماسک د  موټرو د دې  شرکت ۶.۹ میلیارد دالر ونډه پلورلې ده.

هغه تویت کړی: دا مهمه وه، چې د تویتر د ۴۴ میلیارد دالرو د پېر د تړون د ناندرو په بهیر کې  د تسلا ونډه وپلورم، چې هغه بېړني پلور مخه ونیول شي.

ماسک د نړۍ تر ټولو بډایه سړی دی؛ د اپریل په میاشت کې کې یې په ​​شرکت کې د ۸.۵ میلیارد دالرو ونډو وپلورله  او هغه مهال یې ویلي وه، چې د تسلا د ونډې د پلورلو هیڅ پلان نلري.

حقوقي کارپوهانو ویلي؛ که ماسک په دې معامله کې اړ شي، نو شونې ده، چې د تسلا بله ونډخه هم وپلوري.

ماسک د تویتر د پېرودلو معامله لغو کړې او دواړه خواوې اوس په یوه قانوني جګړه کې بندې دي، چې اوس هم د نړۍ ترټولو بډایه سړي ته په میلیاردونو دالرو تاوان رسولی شي. دواړه خواوې به د اکتوبر پر ۱۷ عدالت ته ځي.

د یادونې ده، چې ماسک اوس په تسلا کې ۱۵۵.۰۴ میلیون ډالر ونډه لري.

Continue Reading

ساینس او ​​ټیکنالوژي

وآتساپ خپلو کاروونکیو ته د نویو ځانګړتیاوو د وړاندې کولو هڅه پیل کړه

Published

on

(Last Updated On: زمری ۱۸, ۱۴۰۱)

د میتا شرکت مشر مارک زوکربرګ د سې شنبې پر ورځ ډاډ څرګند کړ، چې په وآتساپ کې به ډېر ژر نوې ځانګړتیاوې ښکاره شي.

د مارک زوکربرګ د څرګندونو له مخې؛ درې نوې ځانګړتیاوې به وآتساپ ته زیاتې شي، چې کاروونکي به وکولی شي له یوه ګروپ څخه ووځي او نور کاروونکي پرې پوه نشي او ورسره خپل انلاین سیستم وڅاري. درېیم دا، چې د سکرین شات د اخیستلو مخه به ونیول شي.

د یادو ځانګړتیاوو په مرسته تاسې کولی شئ خپل ګروپ وڅارئ، چې که وغواړئ له یوه ګروپ څخه ځان وباسئ؛ د ګروپ نور ملګري نه پوهیږي.

د اړوند معلوماتو له مخې، یوازې د ګروپ ادمین وکولی شي هغه کاروونکی، چې له ګروپ وځي وګوري.

همداراز د انلاین ښودلو اختیار به هم تاسې کنترول کړئ، چې که وغواړئ څوک مو وګوري انلاین یاست یا ځانونه پټ وښيئ او یا هم ځینې کسانو لپاره یې پټ او ځینو لپاره یې ښکاره کړئ.

پر دغو ځانګړنو سربېره د وآتساپ درېیمه ځانګړتیا د هغو انځورونو ده، چې د یو ځل لیږلو له لارې لیږل شوې وي؛ سکرین شاټ وانخیستل شي.

له دې لارې به د کاروونکیو د وآتساپ پیغامونه به مخامخ خبرو ته ورته خوندي او شخصي شي.

د سکرین شات بلاک کولو وسیله اوسمهال ازمول کیږي او ډېر ژر به کاروونکیو ته وړاندې شي.

Continue Reading

Trending

Copyright © 2022 Ariana News. All rights reserved!