تازه خبرونه
آلماني پوځونو له افغانستان څخه وتل بشپړ کړل
د آلمان دفاع وزیر تېره شپه ویلي، چې د چارشنبې پر شپه وروستي آلماني سرتېري له افغانستان څخه ووتل او خپل شل کلن پوځي حضور یې پای ته ورساوه.
د جرمني دفاع وزیر انګيرټ کرامپ – کرینباویر څرګنده کړې: زمونږ وروستي سرتېري له شاوخوا شل کلن حضور نن شپه پای ته ورساوه او بېرته خپلو کورونو ته روان شول.
له تېرو شل کلونو راپدیخوا په افغانستان کې آلمان له امریکا وروسته دوه یم هېواد دی، چې ډېر سرتېري یې درلودل. په تېرو دوه لسیزو کې لږ تر لږه ۱۵۰۰۰۰ سرتېري راغلي وه.
په افغانستان کې ۵۹ جرمني عسکرو خپل خوږ ژوند له لاسه ورکړی او ۳۵ یې له طالبانو سره په مخامخ جګړه کې وژل شوي دي.
آلماني چارواکي وايي، چې له دوه یمې نړیوالې جګړې را وروسته په افغانستان کې د دوی ځمکنی پوځي مامویت تر ټولو مرګونی و.
آلمان ویلي، چې دوی به د وتلو له پیل سره سم شاوخوا ۸۰۰ کانټینر تجهیزات لکه زغره لرونکي وسایط، چورلکې، وسلې او مهمات هم له ځان سره ولېږدوي.
د آلمان په مشرۍ څو ملیتي ځواکونو د افغانستان په شمالي ولایت بلخ کې دنده تر سره کړې او د وتلو له وخت راپدیخوا یې د وسلوالو طالبانو د حملو پر وړاندې له خپلې قرارګاه ساتنه کړې ده.
طالبانو د تېرو شل کلونو اوږدې جګړې په بهیر کې د پراخو سیمو له نیولو وروسته د ډونالډ ترمپ په مشرۍ له امریکایي حکومت سره د زلمي خلیزاد پر منځګړیتوب د سولې ۱۸ میاشتنۍ خبرې پیل کړې او د ۲۰ ۲۰ زېږدیز کال د فبرورۍ پر ۲۹ یې له امریکا سره د بهرنیو ځواکونو د وتلو او له حکومت سره د خپلمنځي خبرو پر پیلولو هوکړې ته ورسېدل.
د امریکا ولسمشر جو بایډن او ناټو په دې هوکړه کې لږ څه بدلون راوست او د می په میاشت کې یې د وتلو پر ځای د اپریل نیمایي یا د سپټمبر ۱۱ مې نېټه، چې د نیویارک پر نړیوال سوداګریز مرکز د برید له شلمې کلیزې سره برابره ده؛ له افغانستان څخه د بهرنیو سرتېرو تدریجي وتل ومنل.
تازه خبرونه
شهاب الدین دلاور او ورسره مل پلاوي د مس عینک کان له اړوند سیمو لیدنه وکړه
د کانونو او پټرولیم وزارت چارسمبالي او ور سره مل پلاوي د چارشنبې پر ورځ د غویی نولسمه د مس عینک کان له بېلابېلو سیمو او د عینک سیمې له لرغونو آثارو لیدنه وکړه.
لوګر ولایت ته په دې سفر کې د کانونو او پټرولیم وزارت له چارسمبالي شهاب الدین دلاور سره د اطلاعاتو او کلتور وزارت چارسمبالي ملا خیرالله خیرخواه، په کابل کې د چین هېواد سفیر ژاو شینک، د MCC شرکت چارواکو، والي ضیاءالرحمن مدنی او د انرژۍ او اوبو وزارت مرستیال ملتیا کوله.
د کانونو او پټرولیم وزارت د څرګندونو له مخې؛ په دې اړه یوه ناسته هم تر سره شوه، چې په کې د MCC شرکت چارواکو د مس عینک کان د سړک جوړولو، د لرغونو آثارو ساتنې د پلان د وروستي کېدو او د عملي کار د پیل په اړه هر اړخیز معلومات وړاندې کړل.
د یاد شرکت چارواکو ویلي، چې د مس عینک کان د پروژې له عملي پیل سره به په سیمه کې لرغونو آثارو ته زیان ونه رسیږي.
دغه راز د اطلاعاتو او کلتور وزارت چارسمبالي هم د دغې سيمې د لرغونو آثارو او د هغو د ساتنې په اړه خبرې وکړې او د پروژې د کار د ګړندي کولو لپاره يې د همکارۍ ژمنه وکړه.
د انرژۍ او اوبو وزارت مرستیال هم د مس عینک کان د برښنا او اوبو رسولو په برخه کې د دې وزارت له همکاریو ډاډ څرګند کړ.
ویل کیږي، چې د لوګر مس عینک کان تړون له یوې چینايي کمپنۍ سره ۱۶ کاله پخوا لاسلیګ شوی دی؛ خو د دغه کان استخراج اوس هم ندی پیل شوی.
تازه خبرونه
سعودي عربستان ته د افغان حاجیانو د لېږد بهیر پیل شو
د ارشاد، حج او اوقافو وزارت چارسمبالي نور محمد ثاقب ويلي، چې له افغانستان څخه سعودي عربستان ته د حاجیانو د لېږد بهیر پیل شوی دی.
د نورمحمد ثاقب د څرګندونو له مخې؛ تېره شپه (چارشنبه د غویي نولسمه) شاوخوا ۲۳۰ حاجیان په لومړۍ الوتنه کې مدینې منورې ته ولېږدول شول.
نوموړي د افغان حاجيانو د لومړي کاروان د لېږد په مراسمو کې ويلي، چې سږ کال يې حج کوونکیو ته د غوره خدمتونو د وړاندې کولو لپاره د نورو کلونو په پرتله د کاري کمیټې کارکوونکي سعودي عربستان ته مخکې لېږلي دي.
دغه راز د ریاست الوزراء اداري مرستیال عبدالسلام حنفي په دې مراسمو کې حاجیانو ته په خطاب کې ویلي: ګرانو حاجیانو! تاسې په سعودي عربستان کې د افغانانو استازي یاست؛ نو دغه استازیتوب په ښه توګه ترسره کړئ.
عبدالسلام حنفي زیاته کړې؛ د ارشاد، حج او اوقافو وزارت په هلو ځلو تېرو کلونو ته ورته سږ کال هم د حج ټول فعالیتونه په منظم ډول ترسره شوي دي.
له دې مخکې د حج او اوقافو وزارت اعلان کړی و، چې سږ کال سعودي عربستان افغان حاجیانو ته ۳۰ زره سهمیه ورکړې ده.
ویل کیږي، چې آریانا افغان او کام ایر شرکتونو ته سږکال هم د افغان حاجیانو د لېږد او راستنولو مسوولیت سپارل شوی دی.
تازه خبرونه
تېر کال پر زړه د سوريو ۷۰۰ ماشومانو درملنه وشو – سره میاشت
د افغانستان په سویل لویديځ کې سره میاشت ادارې ويلي؛ تېر کال يې پر زړه سوريو ٧٠٠ ماشومانو درملنه کړې او په پام کې ده، چې سږ کال د ١٥ زره اړوند ماشومانو درملنه وکړي.
سره صلیب او سرې میاشتې ټولنې نړیواله ورځ د بشریت ژوندي ساتلو تر سرلیک لاندې ولمانځل شوه. په دې مراسمو کې د رییس الوزار سیاسي مرستیال له نړیوالې ټولنې وغوښتل، چې افغانستان هېر نه کړي، ځکه دا هېواد له اقتصادي ستونزو، زلزلو، طبیعي پېښو او کډوالو جبري شړلو سره مخ دی او اسلامي امارت نشي کولی دا ستونزې په یوازې سر حل کړي.
د رییس الوزرا سیاسي مرستیال مولوي عبدالکبیر ويلي؛ نړیواله ټولنه باید افغانستان له بشري اړخه هېر نکړي؛ ځکه، چې بشري همکارۍ ته اړتیا لري.
هغه وایي؛ بانکي بنديزونو او د مرستو کمېدو د افغانستان اقتصادي وضعيت پېچلى کړى او د اسلامي امارت فعاليتونه يې محدود کړي دي، نو باید د افغانستان شتمنۍ ازادې شي.
د مولوي عبدالکبیر د څرګندونو له مخې؛ د مرستو کمښت او د بانکي بندیزونو دوام د اسلامي امارت پر فعالیتونو منفي اغېز کړی دی.
د اسلامي امارت دغه چارواکي زیاته کړې، چې اسلامي امارت له نړۍ سره د متقابل احترام له مخې دوه اړخیزې اړیکې غواړي.
په افغانستان کې د سره صليب کمیټه هم د افغانستان له خلکو سره د دې بنسټ د فعاليتونو او همکاريو پر دوام ټينګار کوي.
په افغانستان کې د سره صلیب نړیوالې کمیټې رییسه کترینا ریتز ویلي: د سره صليب نړيواله کمیټه او افغاني سرې مياشتې ټولنه په ګډه کار کوي او غواړي، چې له زيانمنو شويو ټولنو سره مرستې وکړي، د دوی اساسي اړتياوې پوره او هغوی ته بنسټیز خدمتونه وړاندې کړي.
افغانني سرې میاشتې ټولنې ویلي، چې د مرستندویه بنسټونو پر وړاندې کومه ستونزه نشته او دوی کولی شي مرستې د هېواد لرې پرتو سیمو ته ورسوي.
-
تازه خبرونه4 days ago
په غور کې د سېلابونو له کبله سلګونه خلک بې ځایه شول
-
نړۍ2 days ago
حماس او اسرائیل کولی شي په غزه کې د اوربند په اړه واټن راکم کړي – امریکا
-
تازه خبرونه5 days ago
اسلامي امارت په بدخشان کې د اعتراضي لاريون د څېړلو لپاره یو پلاوي وټاکه
-
تازه خبرونه1 day ago
د پاکستان خاوره د افغانستان پر ضد کارول کیږي
-
تازه خبرونه4 days ago
په افغانستان کې پر کوکنارو د بندیز له کبله کروندګرو خپل عاید له لاسه ورکړی – نړیوال بانک
-
تازه خبرونه1 day ago
د سې شنبې پر ورځ خراسان او سرخ پوشان لوبډلو لوبه وګټله
-
نړۍ4 days ago
اسرائیلي ځواکونو بیت المقدس ته نږدې د الجزیرې پر رسنیز دفتر چاپه ووهله
-
تازه خبرونه2 days ago
دولتي بنسټونه د برښنا له شرکت څخه یو نیم میلیارډ افغانۍ پوروړي دي