تازه خبرونه
اسلامي امارت د تورو ښیښو لرونکیو موټرو پر تګ راتګ بندیز ولګاوه
(Last Updated On: وری ۱۴, ۱۴۰۲)
د کورنیو چارو وزارت ویاند عبدالنافع ټکور څرګنده کړې؛ د اسلامي امارت د مشرتابه د فرمان له مخې د تورو ښیښو او ستیکر لرونکیو موټرو تګ راتګ منع دی.
دغه وزارت د یکشنبې پر ورځ ( د وري پر دیارلسمه ) په ډاګه کړه، چې پر تورو ښیښو او ستیکر لرونکیو موټرو د بندیز پرېکړه د اسلامي امارت د مشرتابه د حکم پر بنسټ د دغه وزارت په نننۍ غونډه کې رامنځته شوې او ټولو امنیه قومندانیو ته سپارښتنه شوې، چې په دې برخه کې بنسټیزې هڅې ترسره کړي.
د اعلامیې پر بنسټ تورې ښیښې او ستیکر لرونکي موټر د خلکو امنیت ګډوډوي؛ خلکو او پولیسو ته د هویت په پېژندلو کې ستونزې جوړوي.