Connect with us

تازه خبرونه

اسلامي امارت د دوحې غونډې ته بلل شوی ندی – ملګري ملتونه

خپور شوی

د

(Last Updated On: غویی ۹, ۱۴۰۲)

د ملګرو ملتونو ویاند د جمعې پر ورځ ویلي، چې د دې ټولنې عمومي منشي انتونیو ګوترش اسلامي امارت ته په دوحه کې د افغانستان په اړه د بېلابېلو هېوادونو له ځانګړيو استازیو سره په ناسته کې بلنه ورکړشوې نه‌ده.

د رویترز د څرګندونو له مخې؛ د ملګرو ملتونو ویاند ستیفن دوجاریک ویلي: عمومي منشي چارواکو ته بالفعل بلنه نه‌ده ورکړې.

تېره اوونۍ د دغه سازمان د سرمنشي د مرستیال له څرګندونو وروسته، چې ناندریزې شوې؛ ملګرو ملتونو ټینګار وکړ، چې غونډه به د اسلامي امارت د احتمالي پېژندګلوۍ په اړه راونه‌څرخیږي.

دوجاریک ویلي؛ د دوشنبې او سې شنبې پر ورځو به په قطر کې د افغانستان په اړه غونډه جوړه شي. دا ناسته به د الپاتې لارې د ګډو اهدافو په اړه د نړیوالو د ښکېلتیا او تعامل پر پیاوړتیا راوڅرخیږي.

د ګوترس مرستیالې امینه محمد ویلي وه، چې د دوحې غونډه هغه کوچني ګامونه موندلی شي، چې مونږ بېرته د پېژندلو لارې ته راوګرزوي.

د ملګرو ملتونو امنیت شورا هم د پنجشنبې پر ورځ په متفقه توګه په افغانستان کې د ملګرو ملتونو لپاره د افغان ښځو پر کار کولو بندیز وغانده او د اسلامي امارت پر مشرانو یې غږ وکړ، چې ژر تر ژره خپله د بندیزونو پرېکړه بېرته واخلي.

اسلامي امارت ويلي؛ د شریعت له مخې د ښځو حقونو ته درناوی کوي.

د بهرنیو چارو وزارت د جمعې پر ورځ د مبلګرو ملتونو د امنیت شورا د پرېکړې په غبرګون کې ویلي، چې د ملګرو ملتونو په دفترونو کې د افغان میرمنو د نه کار کولو پرېکړه یوه کورنۍ ټولنیزه مسله ده او بهرنیان دې د دې موضوع له سیاسي کولو ډډه وکړي.

تازه خبرونه

د ازبکستان بشري مرستې بلخ ته راورسېدې

Published

on

(Last Updated On: غویی ۶, ۱۴۰۳)

نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.

د سیمه‌ییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخان‌دریا د والي له‌خوا د بلخ  چارسمبالي والي ته سپارل شوې ده.

د سرخان‌دریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.

په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.

کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.

Continue Reading

تازه خبرونه

په سیمه او هېواد کې امنیتي پېښې وارداتي دي – امیر خان متقي

Published

on

(Last Updated On: غویی ۶, ۱۴۰۳)

نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان‌-قزاق نندارتون د پرانیستې په مراسمو کې  د افغانستان او سیمې امنیتي پېښې وارداتي یادې کړې دي.

نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.

بل هېواد د هغې لارې پر سر پروت دی، چې امن خرابوونکي افراد ترې راتېریږي.

او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.

ویل کیږي، چې بد امني پر ګډه همکارۍ او همغږۍ له منځه وړل کیږي.

Continue Reading

تازه خبرونه

له اسلامي امارت سره  نړیوالې اړیکې ورځ تر بلې پراخیږي – ذبیح الله مجاهد

Published

on

(Last Updated On: غویی ۶, ۱۴۰۳)

د اسلامي امارت ویاند ذبیح الله مجاهد افغانستان ته د ګڼ‌شمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.

ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.

د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.

د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.

Continue Reading

Trending

Copyright © 2022 Ariana News. All rights reserved!