تازه خبرونه
اسلامي امارت له ټولو هېوادونو سره مثبتې اړیکې لري – ملا برادر
د رییس الوزرا اقتصادي مرستیال ملا عبدالغني برادر د دوحې تړون د درېیمې کلیزې په مناسبت جوړو شویو مراسمو ته د وینا پرمهال څرګنده کړې؛ اسلامي امارت له ټولو هېوادونو سره مثبتې اړیکي لري.
د دوحې هوکړه لیک د ۱۳۹۸ لمریز لېږدیز کال د کب پر ۱۰ / د ۲۰۲۰ ز. کال د فبرورۍ ۲۹ په قطر کې د افغانستان د سولې لپاره د امریکا ځانګړي استازي زلمي خلیلزاد او په قطر کې د اسلامي امارت د سیاسي دفتر رییس ملا عبدالغني برادر له ۱۱ پړاوونو پیچلو خبرو وروسته لاسلیک کړه.
د کب میاشتې پر لسمه د اسلامي امارت او امریکا ترمنځ د قطر په دوحه کې د نږدې ۶۰ هېوادونو او سازمانونو د استازیو پر وړاندې له افغانستان څخه د ټولو بهرنیو ځواکونو د وتلو تړون لاسلیک شوی دی.
د اسلامي امارت لوړ پوړیو چارواکو په ارګ کې د دوحې د هوکړې درېیمه کلیزه ونمانځله او د رییس الوزرا اقتصادي مرستیال ملا عبدالغني برادر د دې غونډې ګډونوالو ته په ډاګه کړه، چې اسلامي امارت د سیمې او نړۍ له ټولو هېوادونو سره ښې اړیکې غواړي او له ټولو هېوادونو سره مثبتو او رغنده تعاملاتو ته چمتو دی.
په دې اړه د اسلامي امارت چارواکو ویلي: د مجاهدینو او مظلوم ولس سرښندني او د کب لسمه د افغان مجاهد او مظلوم ملت لپاره د سترې فتحې او آزادۍ ګټلو پیلامه شوه او افغانستان له شل کلن اشغال او جګړې خلاص شو.
د رییس الوزرا اقتصادي مرستیال ملا عبدالغني برادر، چې د یادې هوکړې د لاسلیک پر مهال د اسلامي امارت د مذاکراتي ډلې رییس و، وايي؛ اسلامي امارت د تړون ټول مواد پلي کړي، په افغانستان کې بشپړ امنیت خوندي شوی او د افغانستان خاوره هیڅ هېواد ته هم ګواښ نده.
د ښاغلي برادر د څرګندونو له مخې؛ امریکا د دوحې له تړونه سرغړونې کړي او د هوکړې خلاف یې پر اسلامي امارت بندیزونه او فشارونه زیات کړي دي.
ملا عبدالغني برادر وایي: مونږ ټولې هغه ژمنې، چې د دوحې په تړون کې مو له امریکایانو سره کړې وې، د نړیوال امنیت د تامین په ګډون پوره کړې او د افغانستان خاوره د کوم هېواد لپاره ګواښ هم نده. د دوحې د تړون خلاف، امریکایانو د دوحې د غړو نومونه په تور نوملړ کې واچول او د اسلامي امارت رهبري یې ترې نده لرې کړې، د افغانستان پیسې یې کنګل کړې او بندیزونو او اقتصادي فشارونو ته یې دوام ورکړی دی.
ملا برادر وايي، چې اسلامي امارت د سیمې او نړۍ له ټولو هېوادونو سره ښې اړیکې غواړي او مونږ ټولو هېوادونو ته اړتیا لرو؛ که هغه مسلمان وي او که نامسلمان. مونږ غواړو، چې د سیمې له ټولو هېوادونو سره ښې او رغنده تعاملات ولرو.
په دې مراسمو کې د اقتصاد وزارت سرپرست دین محمد حنیف ویلي، چې د دوحې تړون نه یوازې په سیاسي ډګر کې اسلامي امارت برلاسی کړ، بلکې د جګړې په ډګر کې یې هم د مقابل لوري روحیه کمزورې او دوی یې بریا ته ورسول.
د افغانستان اسلامي امارت د دغې سترې ورځې په مناسبت ټول افغان ولس او د سنګر ستړو مجاهدینوته مبارکي وایي او د جهاد د لارې ټولو شهیدانوته جنتونه، ټپیانو ته کامل صحت او اجرونه، یتیمانو او کونډو ته د دنیا او اخرت سعادتونه غواړي.
اسلامي امارت په داسې حال کې له نړۍ سره پر مثبتو تعامل ټینګار کوي، چې په دې وروستیو کې د کابل او ځینو هېوادونو ترمنځ دیپلوماتیکې اړیکې د پراخېدو په حال کې دي.
تازه خبرونه
د ملي بس شرکت رییس له چینايي هائیر شرکت سره د عصري بسونو پر پېر او تولید خبرې وکړې
د بهار د څرګندونو له مخې، د ملي بس شرکت اجرائیوي رییس عبدالباقي مقیم او ورسره مل پلاوي چین ته د سفر پر مهال په سوژو ولایت کې د هائیر شرکت له کارخونې لیدنه کړې او د دغه شرکت له کاري بهیر او تولیداتو له کیفیت سره یې له نږدې بلدتیا پیدا کړې ده.
د امارتي شرکتونو عمومي ریاست ویاند محمد نبي بهار ويلي، د ملي بس امارتي شرکت مسوولانو له چینايي« هائیر» شرکت سره د عصري بسونو د پېر او تولید په برخه کې د همکاریو د رامنځته کولو په اړه خبرې کړې دي.
د بهار د څرګندونو له مخې، د ملي بس شرکت اجرائیوي رییس عبدالباقي مقیم او ورسره مل پلاوي چین ته د سفر پر مهال په سوژو ولایت کې د هائیر شرکت له کارخونې لیدنه کړې او د دغه شرکت له کاري بهیر او تولیداتو له کیفیت سره یې له نږدې بلدتیا پیدا کړې ده.
د هائیر شرکت مسوولانو هم له افغانستان سره د ښاري او تېزرفتاره بسونو، پر ځانګړي بڼه برښنايي، هایبریډ او ډیزلي بسونو د برابرولو په برخه کې د همکارۍ ډاډ ورکړی دی.
هائیر په چین کې د بسونو له تولیدوونکو شرکتونو څخه دی، چې محصولات یې په یو شمېر هېوادونو کې د مسافرو د لېږد او د ښاري ټرانسپورټ د تنظیم لپاره کارول کېږي.
تازه خبرونه
بایدن له افغانستان څخه د امریکايي ځواکونو د ایستلو له پرېکړې دفاع وکړه
بایدن د خپلو خاطراتو په نوي کتاب کې لیکلي، چې د امریکا د هغه وخت دفاع وزیر لویډ آسټین او د ګډو ځواکونو لوی درستیز جنرال مارک میلي له افغانستان څخه د امریکايي ځواکونو د وتلو د پایلو په اړه اندېښنه څرګنده کړې وه.
د امریکا پخواني ولسمشر جو بایدن له افغانستان څخه د امریکايي ځواکونو د ایستلو په اړه له خپلې پرېکړې دفاع کړې او دا پرېکړه سمه بولي او وایي؛ که ورته شرایط بیا رامنځته شي، یو ځل بیا به همدا پرېکړه وکړي.
بایدن د خپلو خاطراتو په نوي کتاب کې لیکلي، چې د امریکا د هغه وخت دفاع وزیر لویډ آسټین او د ګډو ځواکونو لوی درستیز جنرال مارک میلي له افغانستان څخه د امریکايي ځواکونو د وتلو د پایلو په اړه اندېښنه څرګنده کړې وه.
نوموړي زیاته کړې، چې ډاډ ورکړ شوی و؛ د امریکايي ځواکونو له وتلو وروسته به د افغانستان حکومت لږ تر لږه شپږ میاشتې خپل دوام وساتي؛ خو دغه حکومت یوازې په څو ورځو کې ړنګ شو.
د یادونې ده، چې د امریکا متحده ایالتونو او اسلامي امارت د ډونالډ ټرمپ د ولسمشرۍ د لومړۍ دورې پر مهال د ۲۰۲۰ز. کال په فبرورۍ کې له افغانستان څخه د امریکايي ځواکونو د وتلو په اړه هوکړهلیک لاسلیک کړی و.
تازه خبرونه
اروپايي هېوادونو روانډا ته د کډوالو پر لېږدولو هوکړه وکړه
تمه ده دغه هوکړه په ویانا کې اعلان شي.
ټاکل شوې، چې د دوشنبې پر ورځ پنځه اروپايي هېوادونه( جرمني، اتریش، یونان، ډنمارک او هالنډ ) رونډا ته د هغو کډوالو د لېږدولو طرحه اعلان کړي، چې د پناه غوښتنې غوښتنلیکونه یې رد شوي دي. د دې طرحې له مخې، دغه کسان به په روانډا کې د کډوالو د بېرته ایستلو یوه مرکز ته ولېږدول شي.
تمه ده دغه هوکړه په ویانا کې اعلان شي.
دا هڅه د اروپايي ټولنې د هغو نویو مقرراتو له تصویب وروسته کېږي، چې د کډوالو د بېرته ایستلو بهیر چټکوي.
د دغو مقرراتو له مخې، د اروپايي ټولنې غړي هېوادونه کولی شي له ټولنې بهر د کډوالو د بېرته ستنولو مرکزونه جوړ کړي.
د دې طرحې ملاتړ کوونکي حکومتونو ویلي، چې بنسټیزه موخه یې د ناقانونه کډوالۍ مخنیوی او د کډوالو د تګ مخه نیول دي؛ خو د بشري حقونو بنسټونو د کډوالو د حقونو له احتمالي سرغړونې او حسابورکولو لپاره د روښانه میکانیزم د نشتوالي په اړه اندېښنه ښودلې ده.
روانډا سره له دې، چې د بشري حقونو د وضعیت او سیاسي آزادیو د محدودیتونو له کبله له نیوکو سره مخ ده؛ ځان یې د هغو کډوالو د منلو لپاره وړاندې کړی، چې لویدیځ هېوادونه یې د بېرته ایستلو هوډ لري.
دا طرحه یوازې هغه کډوال رانغاړي، چې په اروپايي ټولنه کې د پاتې کېدا لپاره یې ټولې قانوني لارې کارولي، خو غوښتنلیکونه یې رد شوي وي.
-
سیمه ییز خبرونه5 days agoد سعودي عربستان په مکه کې د دوه توغندیو د شنډولو پاتې شوني لوېدلي
-
تازه خبرونه4 days agoعراق له کردستان څخه افغانستان ته د تېلو د احتمالي قاچاق څېړنه کوي
-
تازه خبرونه4 days agoافغانستان او ازبکستان د مالدارۍ په برخه کې د همکاریو پر پراختیا هوکړه وکړه
-
سوداگري4 days agoپه کابل کې د اسلامي پانګونې د پراختیا پر لارو چارو خبرې وشوې
-
تحول5 days agoتحول: کابل ته د روسیې د لوړپوړي پلاوي سفر
-
لوبی1 day agoپه آی ال ټي ۲۰ لیګ کې د افغان او اماراتي لوبغاړو ګډون اړین شو
-
تازه خبرونه1 day agoترکیې یونان ته د اوښتو په هڅه کې ۳۵ افغان کډوال ونیول
-
تازه خبرونه4 days agoد ریاستالوزراء اقتصادي مرستیالۍ د سوالګرۍ د مدیریت طرحه نړیوالو بنسټونو ته وړاندې کړه
