تازه خبرونه
اسلامي امارت مونږ ته ویلي، چې په خپله خاوره کې د ناامنۍ ریښه ولټوو او مونږ هم ومنله – کاکړ
د پاکستان د لنډمهالي حکومت لومړي وزیر ویلي؛ اسلامي امارت مشوره ورکړې، چې په خپله خاوره کې د امنیتي ستونزو ریښه ولټوي او مونږ هغه ومنله او د ناقانونه کډوالو د بېرته ستنېدا لپاره مو عملي هڅې تر سره کړې.
انوارالحق کاکړ په یوه مقاله کې، چې د یکشنبې پر ورځ بریتانوي ورځپاڼې ټیلیګراف خپره کړې؛ څرګندوي: د ۲۰۲۱ کال له اګست میاشتې راپدیخوا لږ تر لږه ۱۶ افغان وګړو په پاکستان کې ځانمرګي بریدونه کړي او ۶۵ نور ترهګر له امنیتي ځواکونو سره په نښتو کې وژل شوي، چې ټول افغانان ول.
هغه ویلي؛ هیڅ مسوول حکومت نهشي کولی دا ډول اندېښنې له پامه وغورزوي. هر کله مو، چې دا مسله د افغانستان له چارسمبالي حکومت (اسلامي امارت) سره مطرح کړې؛ هغوی مونږ ته مشوره راکړې، چې خپل کور پخپله سمبال کړو. مونږ په پای کې پرېکړه وکړه، چې د دوی مشورې ته پام وکړو او خپل ځان تر پاملرنې لاندې ونیسو.
د پاکستان لومړي وزیر ویلي، چې په تېرو درې – څلور لسیزو کې له څلور څخه تر پېنځه میلیون پورې کډوال (تقریبا د آیرلینډ نفوس) پاکستان ته راغلي دي.
هغه ویلي: ډېري د پاتې کیدو حق نهلري. سره له دې، چې پاکستان د ۱۹۵۱ کال د کډوالو کنوانسیون او ( د ۱۹۶۷ کال پروتوکول ) لاسلیک کړی نهدی؛ خو مونږ پر پوره سخاوت د مهاجرینو لوی شمېر منلی دی. میلمهپالنه د پاکستان د DNA یوه برخه ده او له همدې کبله به مونږ پخپلو قانوني، اخلاقي او بشري مسوولیتونه عمل کوو.
کاکړ ویلي، چې د مهاجرینو د داوطلبانه ستنېدا لپاره ډېر فرصتونه وکارول؛ خو د بې اسنادو مهاجرینو د راجستر کولو لپاره د پاکستان له پرلهپسې هڅو سره – سره یو لوی شمېر مهاجرینو له نوملیکنې ډډه وکړه.
هغه ټینګار کړی؛ پاکستان د خواریکښو او قانون پلي کوونکیو مهاجرینو څخه ګټه پورته کړې، خو د مهاجرینو د کوربهتوب ټولنیز، اقتصادي او امنیتي لګښتونه هم حیرانوونکي دي.
د پاکستان لومړی وزیر دا هم ویلی؛ له افغانستان څخه د لویدیځو هېوادونو له وتلو وروسته سلګونه زره کسان پاکستان ته رادننه شول، چې ۵۹ زره یې له پاکستان څخه بهر میشت شول او له ۴۲ زره ډېر نور اوس هم لویدیځو هېوادونو ته د لېږدېدو تمه لري.
هغه ویلي، چې پاتې نورو پناغوښتونکيو د پنا غوښتنې لپاره قانع کوونکي دلیل وړاندې کړی نهدی او په غیر قانوني توګه په پاکستان کې پاتې کېدا روانه ساتي.
کاکړ وایي؛ پاکستان نن د تاریخ په څلورلاري کې ولاړ دي. مونږ نور نهشو کولی، چې د دومره لوی شمېر غیرقانوني کسانو پر منلو خپل ملي امنیت له خطر سره مخ کړو. زمونږ وروستی هدف د خوندي پاکستان جوړول، سولهییز او سوکاله پاتې کېدا ده، چې خلکو، سیمې او نړۍ ته ګټه رسوي.
د پاکستان لنډمهالي حکومت شاوخوا دوه نیمې میاشتې مخکې د غیرقانوني کډوالو جبري ایستل پیل کړل، چې اسلامي امارت او د بشري حقونو ټولنې پرې نیوکې وکړې.
پاکستانيو چارواکو تل ادعا کړې، چې تحریک طالبان پاکستان په افغانستان کې پټنځایونه لري او ترې ملاتړ کیږي؛ خو اسلامي امارت دغه ادعاوې ردوي او څرګندوي، چې افغان کډوال د پاکستان په امنیتي ستونزو کې ونډه نهلري او افغانان په پاکستان کې د امنیت رامنځته کولو مسوول هم نهدي.
تازه خبرونه
اسلامي امارت به نړیوالو فشارونو ته تسلیم نشي – مولوي عبدالکبیر
د ریاست الوزراء سیاسي مرستیال مولوي عبدالکبیر د سې شنبې پر ورځ (د غویی یوولسمه) د کابل پولیتخنیک د زدهکړیالانو د فراغت په مراسمو کې څرګنده کړې، چې اسلامي امارت به نړیوالو فشارونو ته تسلیم نشي او نه به د هیچا پر فرمایش کار وکړي.
د کابل پولیتخنیک پوهنتون د زدهکړیالانو د فراغت مراسم د اسلامي امارت د چارواکو په حضور کې ترسره شول؛ خو ډېر پر سیاسي خبرو راڅرخېدل.
نوموړي په دې مراسمو کې زیاته کړې، چې د سیمې ټرانزیټ له افغانستان پرته ناشوني دی او چارسمبالی حکومت ترې ګټه پورته کوي.
د اسلامي امارت دغه لوړپوړي چارواکي ویلي، چې چارسمبالی حکومت له یوې خوا د پروژو پر پلي کېدا او له بلې خوا د کانونو پر استخراج کار کوي.
هغه دغه راز هېواد ته د مهاجرینو د راستنېدو لپاره د شرایطو پر برابرولو هم ټینګار وکړ.
د امربالمعروف او نهی عن المنکر او شکایتونو اورېدو وزارت چارسمبالي محمد خالد حنفي ویلي، اسلامي امارت په هېواد کې د عصري علومو د پراختیا مخالف ندی او غربي هېوادونه د اسلامي امارت پر خلاف په دې اړه منفي تبلیغات کوي.
د لوړو زدهکړو وزارت چارسمبالي ندا محمد ندیم ټینګار کوي، چې اسلامي امارت د جګړې په ډګر کې بریالی شوی؛ د اقتصاد، روغتیا او پوهنې په ډګرونو کې به هم بریاوې ترلاسه کړي.
له بلېخوا د لوړو زدهکړو وزارت یو شمېر نورو چارواکو ويلي؛ دغه وزارت هڅه کوي، چې د علمي او تحصیلي پراختیا په برخه کې پرمختګ وکړي او له نړیوالو معیارونو سره برابر شي.
د کابل پولیتخنیک پوهنتون د فراغت له دې پړاو څخه د ۱۷ څانګو ۵۳۷ زدهکړیالان فارغ شول او د اسلامي امارت د چارواکو لهخوا د فراغت سندونه ورکړ شول.
تازه خبرونه
افغان ـ ترکمن چارواکو په هرات کې د نورالجهاد سب سټیشن چارې وارزولې
د افغانستان برښنا شرکت څرګنده کړې، چې د دې شرکت د رهبرۍ او ترکمن پلاوي ترمنځ د هرات نورالجهاد سب سټېشن د پاتې تخنیکي چارو د ژر بشپړېدو، فعالېدو او پرانیستلو په اړه ګډه ناسته ترسره شوه.
د افغانستان برښنا شرکت عملیاتي رییس عبدالرحمن رحماني په دې ناسته کې ویلي؛ اوسمهال د نورالجهاد سب سټیشن چارې د بشپړېدو په حال کې دي او ټاکل شوې د دواړو لوریو ترمنځ د تخنیکي مسایلو له حل کېدلو وروسته نوموړی سب سټیشن فعال او ګټې اخیستنې ته وسپارل شي.
دغه راز د ترکمنستان نړیوالو پروژو رییس مراد آرتیکوف ویلي؛ د نورالجهاد سب سټیشن چارې د دواړو لوریو ترمنځ په ښې همغږۍ ترسره شوي او ډېر ژر به بشپړې شي.
د آرتیکوف د څرګندونو له مخې؛ ټاکل شوې د تجهیزاتو او نورو تخنیکي مسایلو پروتوکول هم په راتلونکیو ورځو کې تائید او وروستی شي.
ویل کیږي، چې د نوموړې پروژې له پرانیستې سره به هرات ته د ترکمنستان وارداتي برښنا کچه لوړه او زرګونه نوي پېرودونکي د برښنا له انرژۍ څخه برخمن شي.
تازه خبرونه
له ترهګرۍ سره په مبارزه کې له اسلامي امارت سره همکارۍ ته چمتو یوو- ایران
په کابل کې د ایران سفارت د دوشنبې پر ورځ ( د غویی لسمه) د هرات ولایت په یوه جوماتن کې له وسلهوال برید وروسته څرګنده کړې، چې له ترهګرۍ سره په مبارزه کې له اسلامي امارت سره همکارۍ ته چمتو دی.
یاد سفارت دا غبرګون په هرات ولایت کې د شیعهګانو پر جومات له وسلهوال برید وروسته څرګند کړی دی.
دا سفارت دا برید “ترهګریزه پېښه” بولي او په کلکه یې غندلې ده.
د دغه سفارت په خبرپاڼه کې راغلې، چې ايران غواړي د دغه «جرم» عاملين وپېژني او سزا ورکړي.
دغه سفارت زیاته کړې؛ ایران له ترهګرۍ سره د مبارزې په برخه کې له اسلامي امارت سره د همکارۍ د پیاوړتیا لپاره خپل چمتووالی اعلانوي.
د کورنیو چارو وزارت ویاند عبدالمتین قانع ويلي؛ تېره شپه (دوشنبه د ثور لسمه) د هرات ولایت د ګذرې ولسوالۍ په شهرک سیمه کې ناڅرګندو وسلهوال پر لمونځ کوونکیو د کلاشینکوف ډزې کړي، چې ۶ ملکي وګړي یې وژلي او یو بل ټپي دی.
قانع زیاته کړې، چې د دې پېښې جزئیات به وروسته وړاتندې شي.
تر اوسه کومې ډلې یا شخص د دې پېښې مسوولیت پر غاړه ندی اخیستی.
-
تازه خبرونه2 days ago
د بغلان ولایت د غوري سمنټو تولید زیات شوی
-
تازه خبرونه2 days ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه2 days ago
په عراق کې به همجنسبازان پر۱۵ کاله بند شي –پارلمان
-
لوبی2 days ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل
-
سیمه ییز خبرونه1 day ago
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
-
تازه خبرونه2 days ago
له پاکستان څخه دې د افغان کډوالو د جبري ایستلو چټکتیا راکمه شي
-
تازه خبرونه1 day ago
تېر کال د ۳۵ میلیون ډالرو پر ارزښت پراختیايي او بشري پروژې ترسره شوي
-
لوبی23 hours ago
اټک انرژي او موج ساحل د دوشنبې د ورځې لوبې وګټلې