تازه خبرونه
اسلامي امارت په افغانستان کې د امریکا پوځي حضور نهغواړي – ایران
د ایران ملي امنیت سلاکار علي لاريجاني د یوې مرکې پر مهال ویلي، چې اسلامي امارت به د افغانستان خاوره امریکا ته ونهسپاري او د امریکا پوځي یا استخباراتي حضور ته به اجازه ورنکړي؛ ځکه دا به د امریکایانو لپاره ګران او تلفات لرونکی وي او له سخت مقاومت سره به مخ شي.
د ایران د ملي امنیت سلاکار ويلي؛ اسلامي امارت حاضر ندي، چې د افغانستان یوه لویشت خاوره هم امریکایانو ته ورکړي.
د ایران ملي امنیت سلاکار علي لاريجاني د یوې مرکې پر مهال ویلي، چې اسلامي امارت به د افغانستان خاوره امریکا ته ونهسپاري او د امریکا پوځي یا استخباراتي حضور ته به اجازه ورنکړي؛ ځکه دا به د امریکایانو لپاره ګران او تلفات لرونکی وي او له سخت مقاومت سره به مخ شي.
نوموړي ویلي؛ امریکا کولی شي د اسرائیلو پر مرسته د سیمې هېوادونه ویجاړ کړي؛ خو د دې وس نلري، چې ویې ساتي.
بل لوري ته یو شمېر شنونکي هم په دې باور دي، چې په افغانستان کې د امریکا بیا ځلي شتون به په افغانستان کې د جګړې،فقر، ناامنیو زیاتوالي او همدارنګه د ستر ناورین لامل شی.
دا په داسې حال کې ده، چې د امریکا ولسمشر په دې ورستیو کې له افغانستان څخه د امریکايي ځواکونو پر وتلو نیوکې کړي او د بګرام هوايي آډي د بېرته نیولو او دې مرکز ته د امریکايي ځواکونو د راتګ غوښتونکی شوي دي.
دا هغه څه دي، چې اسلامي امارت یې په کلکه ردوي او وایي، چې د افغانستان یوه لویشت خاوره به هم هیچا ته د پوځي او استخباراتي حضور لپاره ورنکړي .