سیمه ییز خبرونه
افغانستان د سمنتو او كانونو په برخه كې د پانگونې لپاره مناسب بازار دى
په كابل كې د افغانستان او قزاقستان تر منځ د سه شنبې په ورځ(د وږي۲۶) د سوداگرۍ او اقتصاد په برخو كې د همكاريو شپږمه بين الحكومتي غونډه جوړه شوه.
قزاقي چارواكي وايي، چې په دې ناسته كې د افغانستان له حكومت سره مهمو اقتصادي، فرهنگي، كرنيزو او سوداگريزو هوكړې ته رسيدلي او په تېر يوه كال كې له افغان چارواكو سره د پخوانيو هوكړه ليكونو ستره برخه يي عملي شوې ده.
د قزاقستان د بيړنيو حالاتو وزير ولاديمير باشكو وايي:
مونږ په دې ناسته كې خپل راتلونكي كاري خواوې ځانگړې كړې؛ قزاقستان د افغانستان په كانونو كې د پانگونې غوښتنه لري او همدا راز افغانستان د سمنتو لپاره ښه بازار دى، چې په راتلونكي كې به په دې هېواد كې د سمنتو د فابريكې پر جوړولو د پانگې اچولو څېړنه وكړو. قزاقستان هر كال له خپلې اړتيا زيات لس ميليون ټنه غنم توليدوي او افغانستان زمونږ د دې محصول لپاره ښه بازار دى، چې د نوې لارې جوړېدل به د افغانستان او قزاقستان د ترانزيت ستونزه حل كړي او د ليږد په بيه كې به هم زيات كموالى راشي.
د افغانستان د سوداگرۍ او صنايعو وزير انوارالحق احدي وايي:
د افغان لوري يوه مهمه غوښتنه دا ده، چې د افغانستان او قزاقستان همكاري په اقتصادي او سوداگريزو برخو كې زياته شي.
نوموړى وايي، قزاقستان د قره قل پسونو د روزنې په برخه كې د افغانستان له كرنې وزارت سره د همكاريو غوښتنه كړې او همدا راز د اوسپنې نوې پټلۍ جوړوي؛ چې د افغانستان، تركمنستان او قزاقستان هېوادونو ترانزيتي ستونزې حل شي.
د دغې برخې د معلوماتو له مخې، د افغانستان او قزاقستان تر منځ كلنۍ سوداگريزه راكړه وركړه څه باندې دوه سوه ميليون دالرو ته رسيږي.
افغانستان كچالو، تازه او وچه ميوه قزاقستان ته صادروي، خو له دې هېواد څخه بيا تيل، اوړه او اوسپنه واردوي.
سیمه ییز خبرونه
احمدي نژاد د ایران په ولسمشریزو ټاکنو کې د ګډون لپاره نوملیکنه وکړه
د ایران دولتي ټلویزیون د څرګندونو له مخې؛ د دغه هېواد پخواني ولسمشر محمود احمدي نژاد د ولسمشرۍ په ټاکنو کې د ګډون لپاره نوملیکنه کړې ده.
احمدي نژاد له ۲۰۰۵ څخه تر ۲۰۱۳ کال پورې د ایران ولسمشر و.
هغه د ۲۰۱۷ کال په ټاکنو کې شورای نګهبان له سیالۍ کولو منع کړی و.
د ایران ولسمشریزې ټاکنې به د جون پر اتویشتمه ترسره شي.
سیمه ییز خبرونه
نواز شریف یو ځل بیا د پاکستان د واکمن مسلم لیګ ګوند مشري پر غاړه واخیسته
د پاکستان پخوانی لومړی وزیر نواز شریف د شنبې پر ورځ (د زمري اتمه) د واکمن ګوند مسلم لیګ نواز څانګې مشرۍ ته یو ځل بیا غوره شو.
هغه وروستی ځل په ۲۰۱۷ کې د ګوند مشري وکړه؛ خو د فساد پر تور له تورنېدو وروسته استعفا ته اړ شو.
مسلم ليګ ن د روان کال د فبرورۍ پر اتمه نېټه په ملي ټولټاکنو کې واک ته ورسېد. د نواز شریف ورور شهباز شریف اوس د پاکستان د ائتلافي حکومت مشر دی او پخپله د پارلمان غړی دی.
نواز شریف په ۲۰۱۷ ز. کال کې د لومړي وزیر په توګه له دندې هغه وخت ګوښه شو، چې سترې محکمې هغه د مالي دارایۍ د پټولو له کبله له هر ډول دولتي کار څخه منع اعلان کړ؛ خو شریف دا تور ردوي.
په ۲۰۲۳ کې د محکومیت او د بند سزا له لغو کېدو سره؛ نواز شریف ته اجازه ورکړ شوه، چې یو ځل بیا حکومتي یا ګوندي چوکیو کې کار وکړي.
شریف د روان کال په اوکټوبر کې د لندن له ځاني تبعید وروسته پاکستان ته راستون شو. نوموړی په ۲۰۱۹ کال کې د عمران خان د واکمنۍ پر مهال د درملنې لپاره لندن ته تللی و.
عمران خان په ۲۰۲۲ کال کې په پارلمان کې د نه باور د رایې له کبله له واکه لرې شو او د بند موده تېروي.
سیمه ییز خبرونه
د هند د لویدیځ په یوه تفریحي مرکز کې اور لګېدنې لږ تر لږه ۲۴ کسان مړه شوي
د شنبې پر ماښام د هند د لویدیځ ګجرات ایالت په یوه کورني تفریحي ځای کې د اورلګېدنې له کبله د ګڼو ماشومانو په ګډون لږ تر لږه ۲۴ کسان مړه شوي دي.
په راجکوټ سیمه کې د ژغورنې هڅې روانې دي او د اړوند سیمې ښاروال رویټرز ته ویلي، چې د مړو د شمېر د لوړېدا شونې ده.
د راجکوټ ولسوالۍ ښاروال نایانا پیدادیا ویلي؛ د ژغورنې په عملیاتو کې مونږ پر ژوند ژغورنې راڅرخو. مونږ غواړو د هغه خلکو پر وړاندې له هڅو ډاډمن شو، چې د دې پېښې مسوول دي.
ټلویزیوني انځورونه پراخه اورلګېدنه ښیي، چې د TRP د لوبې زون یې نیولی او له سیمې څخه لوګي پورته کیږي او ټوله ودانۍ سوځیدلې ده.
د سیمې په ملکي روغتون کې د پوليسو چارواکي وایي؛ يو شمېر مړي پوره سوځېدلي، چې د پېژندلو وړ ندي.
لومړي وزیر نریندرا مودي په ایکس پاڼه کې څرګنده کړې، چې سیمهییزه اداره له زیانمنو خلکو سره د مرستې لپاره کار کوي.
نوموړي لیکلي؛ په راجکوټ کې د اورلګیدنې له کبله خورا ډېر خفه یم. زما فکر له ټولو هغو کسانو سره دی، چې خپل عزیزان یې له لاسه ورکړي دي.
د دې ولسوالۍ د اور وژنې مشر آی وي کهر ویلي، چې اور وژونکیو اور څه نا څه کنټرول کړی دی.
هغه رویټرز ته ویلي: د اور لګیدنې لامل اوس هم معلوم ندی.
د ګجرات وزیر اعلی بھوپنډرا پټیل وایي، چې د پېښې په اړه ځېړنې یوې ځانګړې ډلې (SIT) ته سپارل شوي او ټلویزیوني راپورونه ښیي، چې د پېښې په تړاو د راجکوټ پولیسو دوه کسان نیولي دي.
-
نړۍ5 days ago
په رفح کې پر اسرائيلي بريدونو لسګونه فلسطينيانو ووژل شول
-
نړۍ4 days ago
اسرائیلي ځواکونو د غزې او مصر د پولې کنټرول هم تر لاسه کړ
-
تازه خبرونه5 days ago
له نړۍ سره د اسلامي امارت تعامل وارزول شو
-
تازه خبرونه4 days ago
په کابل کې د نجونو کافي خونه او کتابتون پرانستل شو
-
لوبی4 days ago
د افغانستان او عمان ترمنځ د کرکټ روزنیزه لوبه بې پایلې پای ته ورسېده
-
تازه خبرونه4 days ago
د زدهکوونکیو د خوراکي خوندیتوب لپاره ۱۰ میلیون یورو مرسته کیږي – اروپايي ټولنه
-
تازه خبرونه4 days ago
د اروپايي ټولنې او قطر استازو د افغانستان په اړه خبرې وکړې
-
تازه خبرونه5 days ago
له اسلامي امارت سره د اړیکو ټینګول اړین دي- پوتین