Connect with us

لوبی

افغانستان د نړیوال جام په څلورمه لوبه کې له سریلانکا سره لوبه کوي

خپور شوی

د

(Last Updated On: لړم ۹, ۱۴۰۱)

افغانستان به د ۲۰۲۲ شل آوریز نړیوال جام په دوه دېرشمه لوبه کې د سې شنبې پر ورځ په بریزبن کې له سریلانکا سره په داسې حال کې مخ شي، چې تېره اوونۍ یې د نیوزیلیند او ایرلیند په وړاندې دوه لوبې له لاسه ورکړې دي.

افغانستان او سریلانکا د نړیوال جام په سوپر ۱۲ پړاو کې ښه پیل نلري. په داسې حال کې، چې افغانستان تر اوسه یوه لوبه هم نه ده ګټلې؛ خو سریلانکا وکولی شول، چې له درې لوبو یوازې یوه هغه وګټي.

سریلانکا خپله وروستۍ لوبه د نیوزیلیند پر وړاندې په ستر توپیر بایللې او افغانستان په وروستیو دوه لوبو کې له خپلو سیالانو سره دوه امتیازه خيل کړي، چې د باران له کبله لغو شوې.

راتلونکې لوبه به د افغانستان د توپ اچوونکیو او د سریلانکا د توپ وهونکیو ترمنځ زړه راکښونکې سیالي وي.

دغه راز په نورو سياليو کې زمبابوی، بنګله دېش ته په درې ویکتو او پاکستان هالیند ته په شپږ ویکتو ماتې ورکړه.

د ۲۰۲۲ شل آوریز نړیوال جام نیمه پایلوبې ته د رسېدو لپاره د پاکستان چانس د یکشنبې پر ورځ د سیالیو په سوپر ۱۲ پړاو کې د سویلي آفریقا لخوا د هند له ماتې وروسته پوره زیان په داسې حال کې ولید، چې پاکستان د ۲۰ آوریز نړیوال جام په لومړیو دوه لوبو کې بایللې وه؛ برخلیک یې د هند ماتې څرګند کړ.

په افغانستان کې د کرکت مینه وال کولی شي د ۲۰۲۲ کال په زړه پورې شل آوریزې زړه راکښونکې سیالۍ هره ورځ د آریانا تلویزیون له لارې، چې د خپراوي حق یې په قانوني او انحصاري بڼه خپل کړی؛ په ژوندۍ بڼه وګوري.

د خپرونې د مهالوېش لپاره، دا کېکاږئ.

لوبی

د افغانستان فوټبال ملي لوبډلې هند ته د ۱ ګول پر توپیر ماتې ورکړه

Published

on

(Last Updated On: وری ۸, ۱۴۰۳)

د افغانستان فوټبال ملي لوبډلې نن سې شنبه ( د وري اوومه) د اسام ایالت په ګواهاتي لوبغالي کې د هند فوټبال ملي لوبډلې ته ۲-۱ ماتې ورکړه.

دا لوبې د فوټبال د ۲۰۲۶ نړیوال جام او د آسیا د ۲۰۲۷ د غوراوي پړاو دي.

افغانستان د دغو سیالیو په جدول کې د کویټ، قطر او هند سره په ګروپ کې دی.

د هند لوبډلمشر سنیل چیتري د لوبې په اووه‌دېرشمه دقیقه کې افغانستان ته یو ګول ورکړ؛ خو د لوبې د دوه‌یمې برخې په اووه‌اویایمه دقیقه کې افغان لوبغاړي رحمت اکبري ګول وواهه او لوبه یې ۱-۱ مساوي کړه.

افغان لوبغاړي شریف محمد د پنالټي پر شوټ ګول ورکړ او افغانستان دا لوبه ۲-۱ وګټله.

 افغانستان او هند ( د وري پر دوه‌یمه) د سعودي عربستان د خمیس ښار د ضمک په لوبغالي کې صفر-صفر لوبه مساوي کړې وه.

د افغانستان په دې لوبه کې اویس عزیزي، اسلام الدین امیري، محبوب حنفي، جبار شرزه، حبیب الله عسکر، مصور احدي، رحمت اکبري، امید پوپلزی، توفی سکندري، ذوالفقار نظري او شریف محمد لوبېدلي دي.

افغانستان له دې مخکې د ۲۰۲۶ د نړیوال جام د غوراوي د دوه‌یم پړاو په سیالیو کې قطر او کویټ ته لوبې بایللې وې او له همدې کبله یې له هند څخه د لوبې ګټلو ته اړتیا ډېره وه.

Continue Reading

لوبی

افغانستان په فوټسال لوبه کې استرالیا ته ۵-۴ ماتې ورکړه

Published

on

(Last Updated On: وری ۷, ۱۴۰۳)

د افغانستان فوټسال ملي لوبډلې د استرالیا پر وړاندې څلور اړخیزه نړیواله سیالي د یو ګول پر توپیر وګټله.

په دې لوبه کې، چې نن (دوشنبه) په تایلینډ کې ترسره شوه، د افغانستان له لوري په لومړۍ نیمايي کې څلور ګولونه امید غضنبري، سید مجتبی حسیني، اکبر کاظمي او مهران غلامي ووهل.

اسټرالیا لوبه په دوه‌یمه نیمايي کې مساوي کړه او په وروستۍ دقیقه کې مهدي نوروزي د افغانستان لپاره د بریا ګول ترسره کړ.

په همدې حال کې د افغانستان لومړۍ لوبه د مالیزیا پر وړاندې ۳-۳ مساوي شوې وه.

د افغانستان راتلونکې لوبه د چارشنبې پر ورځ له کوربه لوبډلې تایلینډ سره ده.

Continue Reading

لوبی

آریانا ټلویزیون د هند کرکټ غوره لیګ د خپراوي حق خپل کړ

Published

on

(Last Updated On: وری ۲, ۱۴۰۳)

آریانا نړیوالې ټلویزیوني شبکې په ډاګه کړې، ​​چې په ټلویزیون او اوبپاڼې کې یې د هند کرکټ غوره لیګ (IPL) د خپراوي ځانګړی حق ترلاسه کړي دي.

د هند کرکټ غوره لیګ سیالۍ به سبا جمعه (د وري درېیمه / د مارچ دوه‌ویشتمه ) د ماښام پر ۶:۳۰ بجو پیل شي او دوه میاشتې به روانې او میلیونونو افغان مینه‌والو ته به د لاسرسي وړ وي.

په هند کې د کرکټ د څارنې بورډ (بي بي سي آی) په روانه اوونۍ کې د لیګ د نوي پړاو د ۲۱ لوبو مهالوېش خپور کړ، چې د مارچ له ۲۲ څخه د اپریل ۷ پورې به روانې وي.

د دې سياليو پايلوبه به د مې پر شپږویشتمه ترسره شي.

د هند غوره لیګ وخت به د بي بي سي آی د پلاوي له‌خوا اعلان شي.

د دې سیالیو په لومړۍ لوبه کې به سبا (جمعه) د هند په چینای ښار کې چینا سوپر کینګز او رویال چلېنجرز بنګلور لوبډلې سره مخ کیږي.

د تېر کال په څېر په دې ټورنمنټ کې به ۷۰ لوبې وي او هره لوبډله به ۱۴ لوبې ترسره کوي.

غوره څلور ټیمونه به پلی آف ته ولاړ شي، چې د کوالیفای یو پړاو وي، د یو وتلو له پړاو وروسته د کوالیفای پړاو دوه او بیا پایلوبه ده.

په هغو ورځو کې، چې دوه لوبې وي؛ لومړۍ لوبه به د ماسپښین پر ۲:۳۰ او دوه‌یمه د ماښام پر ۶:۳۰ وي.

هغه لس لوبډلې، چې تېر کال یې په ټورنمنټ کې برخه اخیستې وه، ټول به سږ کال د هند غوره لیګ په دې پړاو کې د ګډون لپاره راستانه شي.

لوبډلې په لاندې ډول دي:

چینای سوپر کینګز (اوسنی اتلان)

ډیلي کپیتنز

ګجرات ټایټنز

کلکته نایټ رایډرز

لکنو سوپر جاینټز

ممبي انډینز

پنجاب کینګز

راجستان رایالز

رویال چلنجرز بنګلور

سنرایزرز حیدرآباد

د هند پریمیر لیګ سیالۍ د هند په لس ښارونو کې ترسره کیږي، چې هره لوبډله یې د کور او بهر د سیالیو کوربه‌توب کوي، مخکې له دې، چې په نرندرا مودي لوبغالي کې ترسره کیږي.

د لومړنیو وړاندوینو له مخې؛ چینای سوپر کینګز کولی شي د خپلې اتلولې نوم وساتي؛ ځکه، چې دې لوبډلې تر دې دمه پېنځه ځله اتلولي خپله کړې ده.

دا سیالۍ به څنګه وګورو؟

دا سیالۍ به پر ژوندۍ، ځانګړې او قانوني بڼه له آریانا ټلویزیون   www.arianatelevision.com  او اوبپاڼې څخه خپرې شي.

کله، چې بي بي سي آی بورډ د دغو سیالیو بشپړ مهالوېش خپور کړ؛ نو د کرکټ مینه‌وال به بیا خبر شي.

سبا (جمعه د وري درېیمه / د مارچ دوه‌ویشتمه) اریانا ټلویزیون به د ماښام پر ۶:۳۰ بجو د هند غوره لیګ سیالي پیل کړي. ورپسې به لومړۍ لوبه د چینای سوپر کینګز او رویال چلینجر بنګلور ترمنځ د ماښام پر ۷:۰۰ بجو پیل شي.

Continue Reading

Trending

Copyright © 2022 Ariana News. All rights reserved!