لوبی
افغانستان له پاکستان سره د کرکټ لوبو کوربتوب کوي
د افغانستان کرکټ بورډ څرګنده کړې، چې کابل به په ۲۰۲۳ زېږدیز کال کې د څو یو ورځنیو نړیوالو لوبو کوربتوب وکړي.
د افغانستان کرکټ بورډ په په ډاګه کړې: د افغانستان-پاکستان کرکټ بورډ اړوند څانګې او چارواکي په پام کې لري، چې د کرکټ نړیوالې شورا سوپرلیګ راتلونکې درې یو ورځنۍ لوبې د راتلونکي کال د مارچ له میاشتې مخکې د افغانستان پر کوربتوب ترسره، چې بیا به رسنیز هم شي.
ټاکل شوې دغه لوبې د ۲۰۲۳ زېږدیز کال په فبرورۍ او مارچ کې ترسره شي؛ خو کره نېټه یې په ډاګه شوې نده.
ټاکل شوې، چې په دوه راتلونکو کلونو کې افغانستان ۱۱ یوه ورځنۍ، څلور ۲۰ آوریزې او دوه ټیسټ لوبې ترسره کړي.
افغان ملي لوبډله به د ۲۰۲۳ زېږدیز کال د جولای له ۱۵مې څخه د اګست تر لومړۍ نېټې په آسیا جام سیالیو کې ګډون وکړي.
دغه راز به افغان ملي لوبډله له دغو لوبو وروسته د هند پر کوربتوب په نړیوال جام کې، چې ټاکل شوې په اوکتوبر او نومبر میاشتو کې د ۱۰ لوبډلو ترمنځ ترسره شي؛ هم ګډون وکړي.