Connect with us

تازه خبرونه

افغانستان کرونا واکسین ته د لاسر رسي هڅې پیل کړي

خپور شوی

د

(Last Updated On: ليندۍ ۱۵, ۱۳۹۹)

د آسیا پراختیایي بانک د عامې روغتیا وزارت په همکاري پر یوه پلان کار کوي، چې د کرونا ویروس د واکسین لاسرسي ته زمینه برابره شي.

د افغانستان لپاره د آسیا پراختیایي بانک مشر او د عامه مدیریت اقتصاد پوه له آریانا نیوز سره په ځانګړې مرکه کې ویلي، چې کرونا ویروس د افغانستان اقتصادي وضعیت له ستونزو سره مخ کړی او عادي حالت ته د اقتصاد را ګرزولو لپاره د مرستندویه هېوادونو نورو مرستو ته اړتیا ده.

د افغانستان لپاره د آسیا پراختیایي بانک مشر ویلي، د عامې روغتیا وزارت په همکارۍ د کرونا واکسین د تطبیق لپاره پر یوه پلان کار کوي.

نوموړي آریانا نیوز ته د خبرو پر مهال ویلي؛ له افغان دولت سره د کرونا په وړاندې مبارزه کې د نورو سل میلیون دالرو مرسته کوي.

په افغانستان کې د آسیا پراختیایي بانک مشر نرندرا سینګرو وایي: مونږ له افغان دولت په ځانګړې توګه عامې روغتیا وزارت سره د واکسین پروګرام لپاره پر چمتووالي کار کوو. د دغه ځانګړي پروګرام له مخې، د آسیا پراختیایي بانک به د نورو مرستندویانو تر څنګ د افغان دولت د ملاتړ لپاره د نورو تخنیکي مرستو په برخه کې هم کار وکړي.

د آسیا پراختیایي بانک په افغانستان کې د کرونا د دوه یمې څپې په اړه اندېښنه ښیي او زیاتوي، چې په دې برخه کې د عامه پوهاوي او د ویروس د مخنیوي لپاره نورو مرستو ته هم اړتیا ده، چې دا بانک له افغان دولت سره د سل میلیون ډالرو مرسته کوي.

د عامه مدیریت لوړپوړي اقتصاد پوه سیګدم اکین ویلي؛ ډېر خوشحاله یم، چې له افغان دولت سره د ملاتړ لپاره د سل میلیون دالر مرسته منل اعلانوم، چې د کرونا د مخنیوي په اړه نورې هڅې وکړي.

د آسیا پراختیایي بانک له ۲۰۰۱ کال راپدیخوا په افغانستان کې کار کوي؛ د کرنې، طبیعي

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!