تازه خبرونه
افغان پلاوی د وارداتي برښنا تړون د غزولو لپاره ازبکستان ته تلی
په هېواد کې د برښنا پرلپسې پرچاوي او د ولس د شکایتونو زیاتوالی د دې لامل شو، چې د اوبو او انرژۍ وزیر د یوه پلاوي پر مشرۍ ازبکستان ته سفر وکړي.
د اوبو او انرژۍ وزارت ویاند غلام جیلاني حقپرست وایي؛ تاسې پوهیږۍ، چې په هېواد کې له تېرو دوه میاشتو راپدیخوا د برښنا ستونزه بیخي زیاته شوې او د همدې ستونزې د اواري او همداراز له ازبکستان سره د برښنا د شوي تړون د غزولو لپاره دې هېواد ته تللی پلاوی به له ازبک لوري سره هېواد ته د راتلونکې برښنا په برخه کې بشپړې خبرې وکړي.
نوموړي ډاډ څرګند کړی، چې د اسلامِي امارت د واکمنۍ د يو نيم کال د برښنا لګښتونو پیسې ازبکستان ته سپارل شوي او خلک دې د برښنا د نشتوالي په اړه اندېښنه نکوي.
نوموړي ويلي؛ د دې پلاوي په مشرۍ به د وارداتي برښنا تړون تر څنګ د برښنا د کمښت د اوسنۍ ستونزې د حل په اړه هم له ازبک چارواکو سره خبرې وشي.
افغانستان دا مهال ۷۰ سلنه برښنا له ازبکستان، ترکمنستان، تاجکستان او ایران څخه واردوي او همدارنګه د خپلې اړتیا وړ یوازې ۳۰ سلنه نوره برښنا له خپلو دا خلي منابعو څخه توليدوي.
هغه دا هم ویلي؛ د افغانستان برښنا شرکت له ازبکستان څخه ۴۶۰ میکاواته برښنا اخلي، چې ۳۰۰ میکاواته یې یوازې د کابل لپاره ځانګړې شوې ده.
د خصوصي سکتورغړي هم د افغانستان د اوبو او انرژۍ وزارت د رهبرۍ سفر ازبکستان ته اړین بولي او وایي، چې په روان کال کې ولس او خصوصي سکتور د نورو کلونو پر پرتله د برښنا د پرچاوۍ له کبله له ګڼو ستونزو سره مخ شوي، چې د شته ستونزې د حل لپاره باید د دواړو هېوادونو استازي یوې هوکړې ته ورسیږي.
د صنایعو او کانونو خونې مرستیال سخي احمد پیمان وایي: د روان کال په ژمي کې د برښنا د کمښت او پرچاوۍ له امله زمونږ یو شمېر کارخونو خپل فعالیتونه بند کړل. د اوبو او انرژۍ له وزارت هیله لرم، چې له ازبک لوري سره د دې ستونزې د اساسي حل لپاره اقدام وکړي.
د اقتصادي چارو کار پوهان هم د اوبو او انرژۍ وزارت د رهبرۍ سفر اړین بولي او زیاتوي، چې له ازبکستان سره دې د تړون د غزولو ترڅنګ د تړون د منظم پلي کیدو لپاره هڅې وکړي. افغانستان باید په اوږد مهال کې په کور د ننه د انرژۍ د تولید لپاره هڅې تر سره کړي.
د اقتصادي چارو شنونکی کمال الدین کاکړ وایي: د اوبو او انرژۍ وزارت رهبري باید ازبکستان په دې قانع کړي، چې که افغانستان ته برښنا ورکوي باید نور په کې ځنډ نه وي او همداراز د اوبو او انرژۍ وزارت باید په کور د ننه د انرژۍ د تولید لپاره جدي اقدامات وکړي؛ ځکه، چې مونږ يي وړتیاوې لرو.
ویل کیږي، چې افغانستان د اوبو، لمر، ګاز، ډبروسکاره او باد څخه د انرژۍ د تولید وړتیاوې لري، چې د پانګونې لپاره ورته زمینه برابره او هېواد د خپلې برښنا لرونکی شي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ5 days ago
د جاپان دوه پوځي چورلکې بحر ته وغورځېدې
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه5 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ