لوبی
افغان کرکت اتل مجیب په نړیوال جام کې د افغانستان بریا زلزله ځپلیو ته وړاندې کړه
د افغانستان کرکت لوبډلې اتل مجیب الرحمن د یکشنبې پر ورځ د کرکت په نړیوال جام کې د انګلستان پر وړاندې د خپلې لوبډلې حیرانونکې بریا د هېواد زلزله ځپلیو ته وقف کړه.
۲۲ کلن مجیب د درې ویکتو او ۲۸ منډو پر ترسره کولو د لوبې غوره لوبغاړی هم اعلان شو.
په دې لوبه کې افغانستان په نوي دیلي کې انګلستان ته د ۶۹ منډو په توپیر حیرانوونکې ماتې ورکړه.
له دې یوه ورځ مخکې په هرات کې د رښتر پر کچه ۶ اعشاریه ۳ درجې زلزلې لږ تر لږه دوه کسان مړه کړل. په دې ولایت کې تېره اوونۍ څو نورو زلزلو له زر ډېر کسان مړه کړي دي.
مجیب الرحمن ویلي: دا (بریا ) د هغو خلکو ده، چې په خپلو کورونو کې د زلزلې له کبله زیانمن شوي دي. د یوه لوبغاړي په توګه او د یوې لوبډلې په توګه غواړم خپله جایزه دوی ته وړاندې کړم.
هغه زیاته کړې: د تېر پړاو اتلانو ته په ماتې ورکولو سره په نړیوال جام کې ګډون د ډېر ویاړ او سرلوړۍ شېبه ده؛ دا د ټول هېواد او لوبډلې لپاره ښه شېبه ده – د توپ وهونکیو او توپاچوونکیو په زړه پورې هڅې.
د یکشنبې پر ورځ، د فرانسې اژانس د څرګندونو له مخې، په ۲۰۱۵ ز. کال کې افغانستان د سکاتلیند پر وړاندې خپله لومړۍ بریا خپله کړې وه.
له دې سیالیو وروسته، هغو په پرلهپسې ډول ۱۴ لوبې بایللي دي.
له دې ماتې څخه دوه یې په روانو سیالیو کې وې، چې د بنګله دیش او هند پر وړاندې په ترتیب د شپږ او اته ویکتو پر توپیر مات شوی دی.
د انګلستان لوبډلمشر جوز بتلر ویلي: دا یوه سخته ماته ده. افغانستان ته دې مبارک وي! دوی نن له مونږ څخه ښه لوبه وکړه. دوی واقعیاً تکړه برید لري؛ په ځانګړي توګه سوپر سپنران.
لوبی
افغانستان پر لومړي ځل د فوټسال نړیوال جام ته لار وموندله
د افغانستان فوټسال ملي لوبډلې په پای لوبه کې قرغزستان ته ۵ پر ۳ ماته ورکړه او د ۲۰۲۴ کال د فوټسال نړیوال جام ته یې لار پیدا کړه.
دا لومړی ځل دی، چې افغانستان د فوټسال نړیوال جام ته لار مومي.
ټاکل شوې، چې د فوټسال نړیوال جام لسم پړاو به د ازبکستان پر کوربتوب د ۲۰۲۴ کال د سپټمبر پر څوارلسمه پیل شي.
په دې سیالیو کې به څوارلس لوبډلې برخه واخلي؛ افغانستان، فرانسه، نیوزیلنډ او تاجکستان هغه لوبډلې دي، چې د لومړي ځل لپاره یې د فوټسال نړیوال جام ته لار وموندله.
لوبی
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل
د شنبې په ورځ په کابل کې د افغانستان اتلانو لیګ په پېنځلسمه لوبه کې موج ساحل لوبډلې سرسبز یاشلر هغې ته ۲ـ۱ او پر همدې ورځ د دغو سیالیو په شپاړلسمه لوبه کې سورخ پوشان لوبډلې میوند ته ۶ـ۰ماتې ورکړې.
د موج ساحل لپاره صنعنان رحیمي او عصمت الله هدفمند دوه ګولونه ووهل.
د سرسبز یاشلر یوازنی ګول محمد ناصر نیازي تر سره کړ.
د میوند لوبډلې پر وړاندې سرخ پوشان لوبډلې ۶ ګولونه وول، چې حبیب الله هوتک ۱، سمیر میرزي ۱، حمیر امیري ۱، امید رجبي ۲ او لوبډلمشر فرهاد عليزاده ۱ ګولونه ترسره کړي دي.
د یکشنبې پر ورځ به استقلال کابل له عدالت فراه سره د غرمې ير ۱:۰۰ او خدیم له جوانان واحدي سره له غرمې وروسته پر ۳:۳۰ بجو لوبیږي.
دغه سیالۍ له آریانا ټلویزیون څخه پر ژوندۍ بڼه خپریږي.
لوبی
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
د افغانستان اتلانو لیګ په نهمه سیالۍ کې د چارشنبې پر ورځ ( د غویی پېنځمه) اټکانرژۍ افسي لوبډلې سرخپوشانخوافي ته یو د صفر پر توپیر ماتې ورکړه.
حسیب احدي د اټکانرژۍ غوره لوبغاړی شو او د لوبډلې لپاره یې ګټونکی ګول وواهه.
دغه راز د دې سیالیو په لسمې لوبه کې استتقلال کابل بریالی شو، چې موج ساحل ته ۲ پر ۱ ماتې ورکړي.
په دې لوبه کې شاداب ملکزاده غوره لوبغاړی ونومول شو.
د پنجشنبې پر ورځ ( د غویی شپږمه ) یوه نیمه بجه د افغانستان اتلانو لیګ د درېیم پړاو په یوولسمه سیالۍ کې خدیم افسي د میوند افسي پر وړاندې لوبیږي او دغه راز په همدې ورځ درې نیمې بجې د دې سیالیو دولسمه لوبه د جوانان واحدي او عدالت فراه لوبډلو تر منځ پیلیږي.
د یادونې ده، چې دا سیالۍ له آریانا تلویزیون څخه پر ژوندۍ بڼه خپریږي.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
تازه خبرونه18 hours ago
د بغلان ولایت د غوري سمنټو تولید زیات شوی
-
سیمه ییز خبرونه1 day ago
په عراق کې به همجنسبازان پر۱۵ کاله بند شي –پارلمان
-
تازه خبرونه1 day ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی1 day ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل
-
تازه خبرونه1 day ago
له پاکستان څخه دې د افغان کډوالو د جبري ایستلو چټکتیا راکمه شي