تازه خبرونه
امریکا افغان ژباړونکيو ته په مرکزي آسیا هېوادونو کې لنډ مهاله پناه غواړي ـ راپور
رویټرز د درې بېلابېلو سرچینو د څرګندونو له مخې په ډاګه کړې؛ د بایډن اداره غواړي، چې د مرکزې آسیا هېوادونو ته د افغان ژباړونکيو لنډماله لېږدونه وڅېړي.
راپور زیاته کړې؛ د بایډن اداره له قزاقستان، تاجکستان او ازبکستان سره خبرې کړي، چې تر ګواښ لاندې افغان ژباړونکیو ته لنډمهاله پناه ورکړي.
سرچینې، چې نه یې غوښتل نوم یې واخیستل شي ویلي؛ تر دې دمه کوم هوکړه نده شوې.
په افغانستان کې په زرګونه افغان ژباړونکي، چې له تېرو ۲۰ کلونو راپدیخوا له امریکایي ځواکونو سره یې کار کړی وایي، چې ژوند یې د بهرنيو سرتېرو له وتلو سره ګواښوونکی شوی دی.
امریکا له دې مخکې ویلي وه؛ افغان ژباړونکي نورو هېوادونو ته لېږدول کیږي، چې د ویزو د ترلاسه کولو چارې بشپړې کړي.
د سپینې ماڼۍ ویاندې جان ساکي هم تائید کړې، چې افغان ژباړونکي به نورو هېوادونو ته ولېږدول شي؛ خو په دې اړه یې له جزئیاتو ورکولو ډډه کړې ده.
ساکي ویلي: د امنیتي اندېښنو له کبله نه غواړم، چې د درېیم هېواد او شمېر په اړه یې معلومات ورکړم؛ خو مونږ په پام کې لرو، چې له وتلو مخکې دوی له افغانستان څخه وباسو.
د امریکا ولسمشر جوبایډن هم ویلي: هغه چا، چې له امریکایي ځواکونو سره مرسته کړې؛ یوازې نه پاتې کیږي.
د بهرنیو چارو وزارت ویلي، چې د بهرنیو چارو وزیر انټوني بلینکن د خپلو تاجک او ازبک سیالانو سره د افغانستان په اړه خبرې کړي؛ خو ډېر څه یې ندي ویلي.
دا په داسې حال کې ده، چې د امنیتي ځواکونو او طالبانو تر منځ نښتې ډېرې شوي او د دواړو لوریو تر منځ د ولسوالیو پر نیولو او خوشې کولو نښتې روانې دي.
تازه خبرونه
ایران کولی شي په افغانستان کې له مهمو اقتصادي فرصتونو ګټه واخلي – عراقچي
دغه راز هغه د ایران او افغانستان ترمنځ روغتیايي ګرځندوی ظرفیتونو ته د نغوتې پر مهال ویلي: د ایران بهرنیو چارو وزارت د افغان وګړو لپاره د ویزو په صادرولو کې کوم خنډ نهلري او چمتو دی، چې د روغتیايي ګرځندوی لپاره د ویزو د ورکړې بهیر آسانه کړي.
د ایران بهرنیو چارو وزیر سید عباس عراقچي ګاونډ هېوادونه د بندیزونو په شرایطو کې د دغه هېواد له مهمو اقتصادي ظرفیتونو څخه بللي او د اقتصادي او سیمهییزو همکاریو پر پراختیا یې ټینګار کړی دی.
عراقچي د رضوي خراسان ولایت د ګرځندوی او لاسي صنایعو د پانګهوالو په ځانګړې غونډه کې ویلي، چې ګاونډ هېوادونه په اوسنیو شرایطو کې د ایران په بهرنۍ تګلارې او اقتصادي همکاریو کې د دغه هېواد «تر ټولو ستر فرصت» بلل کېږي.
دغه راز هغه د ایران او افغانستان ترمنځ روغتیايي ګرځندوی ظرفیتونو ته د نغوتې پر مهال ویلي: د ایران بهرنیو چارو وزارت د افغان وګړو لپاره د ویزو په صادرولو کې کوم خنډ نهلري او چمتو دی، چې د روغتیايي ګرځندوی لپاره د ویزو د ورکړې بهیر آسانه کړي.
عراقچي زیاته کړې؛ د روغتیايي ګرځندوی لپاره باید ځانګړي سیسټمونه او روښانه بهیرونه رامنځته شي، چې وړ کسان وکولی شي پر ډېرو آسانیو ایران ته ولاړ شي او د بهرنیو چارو وزارت هم په دې برخه کې همکارۍ ته چمتو دی.
د ایران بهرنیو چارو وزیر همداراز د اقتصادي ستونزو د اواري لپاره د ولایتونو پر واکونو د زیاتولو ټینګار کړی او څرګندوي؛ د دغه هېواد ولسمشر هم د ولایتونو د واکونو پر پراخولو ټینګار کوي، چې ستونزې په سیمهییزه کچه په چټکۍ او د ښه پوهاوي له مخې اوارې شي.
عراقچي د«ولایتي ډیپلوماسۍ» تجربې ته په نغوته کې ویلي، چې د ایران او ګاونډ هېوادونو ترمنځ په سرحدي سیمو کې پر ولایتي کچه آسانه او چټکې اوارېدای شي.
هغه زیاته کړې، که د رضوي خراسان او افغانستان ترمنځ پر پوله کومه ستونزه رامنځته شي؛ د دواړو خواوو د سیمهییزو چارواکو له لارې یې اوارول کابل او تهران ته د موضوع له لېږدولو او د دواړو پلازمېنو ترمنځ د خبرو له پیلولو آسانه کېدای شي.
تازه خبرونه
د تورخم له لارې افغانستان ته د بشري مرستو ۷۲۴ موټر راولېږدېدل
د پاکستان« ټوډی» ورځپاڼې د راپور له مخې، په پاکستان کې د ملګرو ملتونو د بشري چارو همغږي کوونکي او استازي محمد یحیی ویلي؛ د مرستو ۷۲۴ موټر له تورخم څخه تېر شوي او په افغانستان کې اړمنو کورنیو ته رسېدلي دي.
د تورخم له لارې افغانستان ته د بشري مرستو هغه ۷۲۴ موټر راولېږدېدل، چې د ملګرو ملتونو او پاکستانيو اړوند چارواکو د څرګندونو له مخې؛ له اړمنو کورنیو سره د حیاتي مرستو د رسولو لپاره رالېږدول شوي دي.
د پاکستان« ټوډی» ورځپاڼې د راپور له مخې، په پاکستان کې د ملګرو ملتونو د بشري چارو همغږي کوونکي او استازي محمد یحیی ویلي؛ د مرستو ۷۲۴ موټر له تورخم څخه تېر شوي او په افغانستان کې اړمنو کورنیو ته رسېدلي دي.
هغه د پاکستان له حکومت او ټولو هغو کسانو مننه کړې، چې د دې بشري لارې په پرانیسته کې یې همکاري کړې ده.
د لارو د تړل کېدا ترڅنګ پرلهپسې نښتو او اقتصادي ستونزو د تورخم دواړه غاړې خلک له سختو شرایطو سره مخ کړي دي.
دغه راز ملګرو ملتونو او مرستندویه ادارو هڅه کړې، چې زیانمنو کورنیو ته خوراکي توکي او نورې حیاتي مرستې ورسوي.
د پاکستان د لومړي وزیر مرستیال او بهرنیو چارو وزیر اسحاق ډار د ملګرو ملتونو د اعلان په غبرګون کې ویلي، چې اسلامآباد له دې بشري هڅې ملاتړ کړی او د افغانستان له اړمنو کورنیو سره یې د مرستو په رسولو کې همکاري کړې ده.
د دغو مرستو لېږد په داسې حال کې ترسره کېږي، چې د افغانستان او پاکستان ترمنځ امنیتي ترینګلتیا اوس هم روانه ده. اسلامآباد څو ځله افغانستان د تحریک طالبان پاکستان او وسلهوالو ډلو پر ملاتړ تورن کړی؛ خو کابل دا تور ردوي او د پاکستان ناامني د دغه هېواد کورنۍ ستونزه بولي.
سره له دې، چې لارې د عادي سوداګرۍ پر مخ تړلي او امنیتي ترینګلتیا روانه ده؛ افغانستان ته د بشري مرستو لېږد آسانه شوی دی.
تېره میاشت هم د تورخم له لارې د خوړو نړیوال پروګرام د مرستو له ۲۶ موټر، څخه ۲۱ موټر افغانستان ته داخل شوي وه.
تازه خبرونه
د افغانستان اقتصاد په تېرو پېنځه کلونو کې د پام وړ وده کړې – امارت اسلامي
د چارواکو د ورکړ شویو معلوماتو له مخې، افغانۍ د بهرنیو اسعارو پر وړاندې خپل ثبات ساتلی او د ځینو اسعارو پر پرتله یې ارزښت هم لوړ شوی دی.
د اسلامي امارت چارواکو ويلي، افغانستان له تېرو پېنځه کلونو راپدېخوا په بېلابېلو اقتصادي برخو کې د پام وړ پرمختګ کړی او د سیاسي ننګونو او د ځینو سوداګریزو لارو پر تړل کېدا سربېره یې سوداګرۍ، صادراتو، کانونو، کورني تولید او بېخبنايي پروژو پراختیا موندلې ده.
د چارواکو د ورکړ شویو معلوماتو له مخې، افغانۍ د بهرنیو اسعارو پر وړاندې خپل ثبات ساتلی او د ځینو اسعارو پر پرتله یې ارزښت هم لوړ شوی دی.
دوی همداراز د سترو ژېخبنايي پروژو د پیل، د کورنیو تولیداتو د زیاتوالي او د کانونو د فعالیتونو له پراختیا خبر ورکوي.
د اسلامي امارت ویاند ذبیحالله مجاهد ويلي، په تېرو پېنځه کلونو کې د کانونو، برښنا تولید، کرنې، ټرانسپورټ او سیمهییزې نښلونې په برخو کې مهم کارونه شوي دي.
د نوموړي د څرګندونو له مخې، د ټاپي، ټاپ او کاسا ـ ۱۰۰۰ پروژو ته ورته د سیمهییزو پروژو چارې هم روانې دي.
مجاهد ویلي:« د ټاپي پروژه سمه ده، چې د افغانستان په خاوره کې روانه ده او انشاءالله په ۲۰۲۶ز.کال کې به تر هراته بشپړه شي؛ خو د هلمند او کندهار د دوه نورو پړاوونو کار پاتې دي او وروسته به له بلوچستان سره ونښلول شي. سیمه دغو پروژو ته اړتیا لري او باید سیاسي نهشي.»
چارواکي وايي، په دې موده کې د افغانستان د صادراتو کچه دوه برابره شوې او د کانونو او عامالمنفعه پروژو په برخو کې د سلګونو زره کسانو لپاره د کار زمینه برابره شوې ده. د ملي عوایدو زیاتوالی، د کورنیو عوایدو له لارې د ملي بودجې برابرول، د لویو لارو بیارغونه او د ټرانزیټ په برخه کې د آسانتیاوو رامنځته کول هم هغه برخې دي، چې حکومت یې له تېرو پېنځه کلونو اقتصادي لاسته راوړنې بولي.
د صنعت او سوداګرۍ وزارت د څرګندونو له مخې؛ تېر کال د افغانستان د ټولې سوداګرۍ ارزښت ۱۳ میلیارډ او ۹۳۲ میلیون ډالرو ته رسېدلی، چې یو میلیارډ او ۸۰۷ میلیون ډالر صادرات او ۱۲ میلیارډ او ۱۲۵ میلیون یې واردات ول.
دا شمېر په داسې حال کې وړاندې کېږي، چې افغانستان د ۲۰۲۵ز.کال په دوهیمه نیمایي کې له پاکستان سره په سوداګریزو اړیکو کې له جدي ستونزو سره مخ شو. د دواړو هېوادونو ترمنځ له نښتو او د تورخم په ګډون د ټرانزیټي لارو له تړل کېدا وروسته د افغانستان او پاکستان ترمنځ سوداګري هم ودرېده.
د ریاستالوزراء اقتصادي مرستیالۍ له دې مخکې پاکستان تورن کړی و، چې په تېرو کلونو کې یې د ټرانزیټي لارو تړل له افغانستان سره د فشار د وسیلې په توګه کارولي دي. د ریاستالوزراء اقتصادي مرستیال ملا عبدالغني برادر هم د ترینګلتیا له زیاتېدا وروسته له پاکستان سره د سوداګرۍ د درولو او د افغانستان د مالونو د لېږد لپاره د بدیلو لارو د موندلو غوښتنه کړې وه.
د صنعت او سوداګرۍ وزارت د معلوماتو له مخې؛ هند، پاکستان، متحده عربي امارات، ازبکستان، قزاقستان، ایران، ترکیه، چین، عراق او تاجکستان د افغانستان له مهمو صادراتي بازارونو څخه دي.
انځر، ممیز، انجه او د هغې تخم، د ډبرو سکاره، پنبه، پسته، بادام، زعفران، زردالو، زېره، مڼې، انګور، شات، نوشابې، معدني ډبرې، غالۍ، انار او جلغوزي د افغانستان له مهمو صادراتي توکو څخه بلل شوي دي.
د اسلامي امارت چارواکي ویلي؛ د کورنیو تولیداتو د زیاتولو او پر وارداتو د اتکا د کمولو لپاره هڅې روانې دي او افغانستان کولی شي په راتلونکو کلونو کې د کرنې، کانونو، صنعت او ټرانزیټ د برخو له پراختیا سره په سیمهییزه سوداګرۍ کې خپل ځای پیاوړی کړي.
ایران کولی شي په افغانستان کې له مهمو اقتصادي فرصتونو ګټه واخلي – عراقچي
د تورخم له لارې افغانستان ته د بشري مرستو ۷۲۴ موټر راولېږدېدل
افغانستان، ازبکستان او چین د سوداګرۍ او پانګونې د پراختیا پر نویو لارو خبرې وکړې
ایراني پیلوټان مو نهدي نیولي؛ د یوه هغه مړی موندل شوی دی- قطر
د اسرائیلو په بریدونو کې د جنوبي لبنان ۳۰ کسانو ته مرګ او ژوبله اوښتې
د افغانستان پر وړاندې د ملګرو ملتونو بندیزونه نور اغېزمن نهدي – هند
د افغانستان ټرانزیټي سوداګري د پاکستان له لارې ټیټې تاریخي کچې ته رسېدلې
د نورستان په پارون کې د مرګونو سېلابونو له کبله ۲۰ کسان مړه او له ۱۰۰ ډېر ورک دي
فیفا د نړۍ تازه نوملړ خپور کړ؛ اسپانیا لومړۍ شوه او افغانستان یو سلو یو اویاوم شو
خلیل الحیه د حماس نوی مشر شو
د صنعت او سوداګرۍ له وزیر نورالدین عزیزي سره مناظره
څار: په افغانستان کې د زمري له څلیریشتمې نمانځنه
تحول: د افغانستان او ایران ترمنځ سوداګریزې همکارۍ
تحول: په نړیوالو رسنیو کې د افغانستان راتلونکی
څار: د اسلامي امارت د واکمنۍ پېنځه کلن بهیر
-
تازه خبرونه3 days agoد افغانستان بانک ویزهکارت او نوی«حسابپی » کاریال نندارې ته وړاندې کړ
-
سیمه ییز خبرونه4 days agoپر بېړیو تازه بریدونه؛ د ایران او امریکا خبرې بیا له خنډ سره مخ شوې
-
تازه خبرونه4 days agoپه بغلان کې د اوبو پر سر شخړه؛ څلور کسان ووژل شول
-
تازه خبرونه4 days agoد اوبو کمښت او بېسارې تودوخې پر کرنې فشار زیات کړی – افایاو
-
تازه خبرونه3 days agoمولانا فضل الرحمن په اسلامآباد کې د افغانستان سفارت جوړېدونکو مراسمو ته وبلل شو
-
لوبی3 days agoافغان کرکټ لوبډلې د نوې ریکارډ پر ثبتولو له ایرلینډ څخه د یو ورځنۍ سیالیو لړۍ وګټله
-
تازه خبرونه2 days agoتاجکستان له هوايي حریم څخه د سرغړونې له کبله افغانستان ته اعتراضي یادښت واستاوه
-
څار5 days agoڅار: د پېنځمې کلیزې لپاره د اسلامي امارت چمتووالی