تازه خبرونه
امریکا د افغانستان په ګډون په نورو هېوادونو کې تېروتنې کړي – سعودي چارواکي
د سعودي ولیعهد محمد بن سلمان د جمعې پر ورځ ولسمشر جو بایډن ته په وینا کې څرګنده کړې، چې امریکا په افغانستان، عراق او نورو هېوادونو کې تېروتنې کړي او باید د سعودي پر تېروتنو نیوکې ونشي.
امريکا په سيمه کې د روسي، چين او ايران د ځواکونو د نفوذ د مخنيوي لپاره په منځني ختیځ کې خپل ځواکونه ساتي.
د امریکا ولسمشر ويلي، د هېواد پوځي ځواکونه به یې له منځني ختیځ څخه و نه وځي.
د بایډن په وینا؛ امریکايي ځواکونه په ټول منځني ختیځ کې په خپلو پوځي اډو کې پاتې کېږي او د ترهګرۍ پر ضد جګړې روانه ساتي او ترهګر به ځپي.
د امریکا ولسمشر جو بایدن وایي: مونږ به هېڅکله هغه اووه زره ۵۴ امریکايي سرتېري هیر نکړو، چې له تېرو دوه لسیزو جګړې راپدیخوا په عراق او افغانستان کې وژل شوي دي. د ځمکنیو جګړو دوره اوس پای ته رسېدلې ده؛ خو مونږ په هر ځای کې د ترهګرۍ د ځپلو وړتیا او کلک هوډ ساتو. مونږ د هېوادونو د پراخ ائتلاف له هغې ډلې د دې مېز ترشاه حاضرو هېوادونو پر همکارۍ له ترهګرۍ سره مبارزې ته دوام ورکوو.
داسې ښکاري، چې د بشري حقونو په اړه د بایډن سپارښتنې او د سعودي عربستان د شاهي ماڼۍ مسوولینو تېروتنو ته ګوته نیول پر دوی ښې و نه لګیدې او د سعودي چارواکي یې غصې ته اړ کړي دي.
په بهرنیو چارو کې د سعودي عربستان سلاکار وزیر وايي، امریکا په افغانستان، عراق او نورو هېوادونو کې تېروتنې کړي او باید پر سعودي د تېروتنو له امله نیوکه ونکړي.
په بهرنیو چارو کې د سعودي عربستان سلاکار وزیر عادل جبیر وايي، امریکا په افغانستان کې د خپل حضور په کلونو کې هڅه کړې، چې پر دغه هېواد خپل ارزښتونه مسلط کړي؛ خو برعکس پایله یې ترلاسه کړې ده.
امریکا په عراق او افغانستان کې د جګړې پر مهال پر ولسونو خپلې غوښتنې تپلي دي.
عادل جبیر زیاته کړې؛ دا نظر، چې یو هېواد غواړي خپل ارزښتونه پر نورو هېوادونو تحمیل کړي، کار نه ورکوي. که امریکا وغواړي خپل ارزښتونه او غوښتنې پر افغانستان تحمیل کړي، اغېز به و نکړي. همدارنګه د سیمې پر نورو هېوادونو، لکه عراق.
دا غصه د سعودي عربستان د بهرنیو چارو د وزیر په وینا کې هم څرګنده ده.
د سعودي د بهرنیو چارو وزیر فیصل بن فرحان وایي: امریکا د نورو هېوادونو په څېر تېروتنې کوي. د تېر کال په اګست میاشت کې یې بې پیلوټه الوتکې په کابل کې برید وکړ، چې ګڼ ولسي وګړي په کې ووژل شول.
جو بايډن په سعودي عربستان کې د خپلې استوګنې پر مهال د افغانستان په اړه هم خبرې وکړې. دواړو هېوادونو په دې اړه ګډه اعلاميه خپره کړه او د افغانستان په اړه يې دوه مسايل، يو د ښځو د حقونو ملاتړ او د هغوى د زدکړې او کار پر حق ټينګار او بل يې د ترهګرۍ پر وړاندې ګډه مبارزه مهم ټکي وه.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ5 days ago
د جاپان دوه پوځي چورلکې بحر ته وغورځېدې
-
تازه خبرونه5 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
نړۍ1 day ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ