سیمه ییز خبرونه
امریکا د ایران د وسلو له پروګرام سره تړلي کسان او بنسټونه تحریم کړل
د امریکا د خزانې وزارت ویلي، ۹ کسانو او شرکتونو په چین او هانګ کانګ کې د ایران د پوځي ځواکونو لپاره د تجهیزاتو او وسلو د پېرلو زمینه برابره کړې ده. همدارنګه د هانګ کانګ یو شرکت، چې د ایران د پټو بانکي شبکو له لارې یې فعالیت کاوه، هم د دغو بندیزونو په نوملړ کې راغلي دي.
امریکا په چین او هانګ کانګ کې ۱۱ کسان او بنسټونو د ایران سپاه پاسداران او پوځ ته د وسلو پر برابرولو تورن کړي دي.
د امریکا د خزانې وزارت ویلي، ۹ کسانو او شرکتونو په چین او هانګ کانګ کې د ایران د پوځي ځواکونو لپاره د تجهیزاتو او وسلو د پېرلو زمینه برابره کړې ده. همدارنګه د هانګ کانګ یو شرکت، چې د ایران د پټو بانکي شبکو له لارې یې فعالیت کاوه، هم د دغو بندیزونو په نوملړ کې راغلي دي.
دغه راز د امریکا بهرنیو چارو وزارت په ایران او بلاروس کې مېشت دوه شرکتونه او څو کسان هم د ایران د دودیزو وسلو له فعالیتونو سره د تړاو له کبله تحریم کړي دي.
واشنګټن وايي، دا اقدامات د دې لپاره دي، چې د ایران د پوځي تجهیزاتو د برابرولو وړتیا محدوده او د دې هېواد د وسلو اړوند فعالیتونه وځپل شي.