تازه خبرونه
امریکا د طالب مشرانو د وژلو ځانګړې استخباراتي ډله جوړه کړې
د امریکا استخباراتي مرکزي ادارې افغانستان ته ځانګړې استخباراتي ډله جوړه کړي، چې له افغان ځواکونو سره په ګډه د طالبانو مشران او قومندانان ووژني.
نيویارک تايمز ورځپاڼي د دوه لوړ پوړیو چارواکو د څرګندونو له مخې په ډاګه کړې، چې د امريکا مرکزي استخباراتي ادارې د طالب مشرانو د ترور او وژنې لپاره خپلې هڅې چټکې کړې دي.
په دې راپور کې، چې یادې ورځپاڼې د یکشنبې په ورځ خپور کړ، د امریکا د جګپوړیو چارواکو په قول ویل شوي، چې سي. ای. اې د تجربه کارو پوځیانو او خصوصي قراردادیانو کوچنۍ ډلې افغانستان ته د طالب قومندانانو او رهبرانو د وژنې لپاره استوي، چې طالبان سولې ته اړکړي.
د دغو ځانګړیو ډلو را لیږل د افغانستان لپاره د امریکا د نوې تګلارې یوه برخه ده.
د راپور له مخې؛ سي. ای. اې په افغانستان کې د دې لپاره پټ عملیات پراخوي، چې طالبان ومومي او ويې وژني.
د ملي دفاع وزارت ویاند دولت وزیري وایي، ناتو او همکاران یې باید پر وسلوالو مخالفینو فشار رامنځته کړي او هغوی و ځپي.
د ورځپاڼي د څرګندونو له مخې؛ هغه ډله، چې د طالب مشرانو د ترور لپاره لاس په کار شوې د افسرانو شمېر يې له ۱۰۰ کسانو لږ ښودل شوی دی.
دا ډله د سي ای اې په جوړښت کې نيمه پوځي (پارا ميلیتري) ډله نومول کيږي، چې د نړۍ په بېلا بيلو سيمو کې ورته ماموريتونه تر سره کوي.
تېره ورځ په افغانستان کې د ناتو عمومي قومندان جنرال جان نیکلسون د یو افغان او بهرني پلاوي پر ملتیا کندهار ولایت ته سفرکړی و او هلته یې د يوې غونډي پر مهال وويل: د افغانستان پر ګاونډ هېوادونو به تر هغې سیاسي فشار ډېر شي، چې د سخت دریځو ډلو له ملاتړه لاس پر سر شوي نه وي.
د ولسي جرګې د کورني امنیت کمیسیون مرستیال عبدالحي اخند زاده وایي، که د طالبانو مشران وځپل شي؛ لیکې به یې ماتې شي؛ خو هیله من دی، چې دا عملیات صادقانه او رښتیني وي.
دا په داسې حال کې ده، چې وسلوالو مخالفینو او سخت دریځو ډلو پر افغان سرتېرو او مذهبي ځایونو خونړي بریدونه پیل کړي دي. یوازې په تېره اوونۍ کې د وسلوالو مخالفینو په بریدونو کې شاو خوا پېنځه سوه کسانو ته مرګ و ژوبله اوښتې ده.
د ویلو ده، چې سې ای اې د طالبانو د مشرانو او قومندانانو په وژلو کې ډېره هڅه کړې؛ خو اوس داسي ښکاري، چې د تېر په پرتله يې ډېره پاملرنه وراوښتې ده.
تازه خبرونه
مونږ له نړۍ سره د سیاسي، اقتصادي او فرهنګي اړیکو پر بنسټ تعامل غواړو
د اسلامي امارت د ریاست الوزراء سیاسي مرستیال ویلي؛ د لوړ پوړیو چارواکو سفرونه د دې څرګندويي کوي ، چې اسلامي امارت د ګاونډ او سیمې هېوادونو په ګډون له نړۍ سره د سیاسي، اقتصادي او فرهنګي اړیکو پر بنسټ تعامل غواړي.
د ارګ په خبرپاڼه کې راغلي: د شنبې پر ورځ د غبرګولي پېنځمه د ریاست الوزراء سیاسي مرستیال مولوي عبدالکبیر په سپیدار ماڼۍ کې د صنعت او سوداګرۍ له سرپرست وزیر نورالدین عزیزي سره وکتل.
د ارګ د خبرپاڼې له مخې؛ په دې کتنه کې، چې تېره ورځ په ارګ کې ترسره شوې؛ نورالدین عزیزي د روسیې او اسلامي نړۍ په پېنځلسمه نړیواله اقتصادي غونډه کې د ګډون لپاره تاتارستان ته د خپل سفر راپور د ریاست الوزراء سیاسي مرستیال ته وړاندې کړ.
د صنعت او سوداګرۍ سرپرست وزیر یاد سفر د افغانستان د صادراتو او سوداګرۍ په برخه کې له ډېرو لاسته راوړنو ډک وباله او څرګندوي، چې روسي شرکتونو او بنسټونو په افغانستان کې د پانګونې لېوالتیا وښوده.
نوموړي زیاته کړې، په یاد سفر کې یې د اسلامي امارت ښه استازولي کړې او د غونډې ګډونوالو ته یې ډاډ ورکړ، چې افغانستان کې د پانګونې لپاره ښه زمینه برابره شوې ده.
ویل کیږي، چې د ریاست الوزراء سیاسي مرستیال مولوي عبدالکبیر له نورالدین عزیزي څخه مننه وکړه او د نوموړي دغه سفر یې مثبت وباله.
د روسيې او اسلامي نړۍ پېنځلسمه نړيواله اقتصادي غونډه د ۸۰ هېوادونو د استازو په ګډون په تاتارستان کې تر سره شوې ده.
تازه خبرونه
د کابل- کندهار پر لويه لار د يوې ترافيکي پېښې له کبله ۳۹ کسانو ته مرګ او ژوبله اوښتې
د زابل عامې روغتیا ریاست چارواکو ويلي؛ د کابل – کندهار پر لویه لار د یوه بس د چپه کېدو له کبله د یوې میرمنې په ګډون دوه کسان مړه شوي او ۳۷ نور ټپیان دي.
د زابل ولايت د عامي روغتيا ریيس ميرويس افغان وايي، چې دا پېښه تېره شپه (د غبرګولي پېنځمه) د دې ولايت د شهر صفا ولسوالۍ د کاريزګي په اړوند سيمه کې رامنځته سوې ده.
په ټپيانو کې ٢٦ نرينه او ١١ ښځې دي، چې د درملنې لپاره د شهر صفا ولسوالۍ روغتون ته وړل شوي دي.
تازه خبرونه
له ناقانونه مهاجرینو سره به جګړې ته ورته چلند وشي- د تهران والي مرستیال
د تهران مرستیال والي مهدي باب الحوئجي ګواښ کړی، چې له غیر قانوني مهاجرینو سره به جګړې ته ورته مبارزه وشي.
باب الحوئجي د تهران د ري ښار چارواکو ته په وینا کې ویلي: ” نن په ري ښار کې له ناقانونه وګړو سره مبارزه جنګ ته ورته ده. داسې ده لکه: کله، چې زمونږ اولادونو وسله پورته کړه او لاړل او شهیدان شول.”
نوموړي زیاته کړې: ” زمونږ د کورنيو شاوخوا ماینونه کرل شوي؛ اخلاقي، ټولنيز او اقتصادي ماینونه کرل شوي دي.”
باب الحوئجي ویلي، چې په ري ښار کې ناقانونه وګړي شته او د هغوی شتون یو ګواښ دی.
هغه ويلي؛ يوازې جریمه کافي نده او چارواکي باید له خپلو نورو واکونو کار واخلي.
دې چارواکي د املاکو مشاورینو او د معاملاتو رهنماوو ته هم ګواښ وکړ، چې “غیر مجاز وګړو” ته د کورونو چمتو کولو په صورت کې به محاکمه شي.
دا په داسې حال کې ده، چې د ایران حکومت هره ورځ سلګونه افغانان له قانوني اسنادو پرته خپل هېواد ته جبري راستنوي.
-
لوبی3 days ago
آریانا ټلویزیون د ۲۰ اوریز کرکټ نړیوال جام د خپراوي حق ترلاسه کړ
-
تازه خبرونه5 days ago
د شانګهای همکاریو ټولنې د بهرنیو چارو وزیرانو په افغانستان کې د ثبات پر ټینګښت خبرې وکړې
-
تازه خبرونه3 days ago
فلسطیني دولت باید د خبرو له لارې راجوړ شي – امریکا
-
تازه خبرونه5 days ago
د تېرو لس ورځو په سېلابونو کې ۵۶۰ کسانو ته مرګ او ژوبله اوښتې
-
تازه خبرونه3 days ago
په بامیان ولایت کې د سمڅو اوسېدونکیو ته د استوګنې کورونه جوړیږي
-
تازه خبرونه4 days ago
آریانا او آریانا نیوز ټلویزیوني شبکې د آسیاویژن میاشتنۍ جایزه وګټله
-
تازه خبرونه4 days ago
د شانګهای ټولنې د اړیکو ډله دې د افغانستان لپاره پخپل حال پاتې شي – پاکستان
-
لوبی4 days ago
اټک انرژي د افغانستان فوټبال اتلانو لیګ د درېیم پړاو اتلولي خپله کړه