تازه خبرونه
امریکا او ملګرو یې د سوریې د کیمیاوي وسلو پر مرکزونو کروز توغولي
د امریکا ولسمشر په سپینه ماڼۍ کې رسنیو ته په ډاګه کړې، چې امریکا له برتانیا او فرانسې سره په ګډه د بشار اسد د حکومت د کیمیاوي وسلو پر مرکزونو بریدونه کړي؛ ایران او روسیه یې هم وګواښل، چې د دمشق د حکومت له ملاتړه دې لاس واخلي.
د امریکا ولسمشر دا هم ویلي؛ پر سوریه برید د دې لپاره شوی، چې د کیمیاوي وسلو د کارولو، پراختیا او تولید مخه ونیول شي.
د امریکا دفاع وزارت هم ويلي، چې امريکا د سيوريې په د مشق کې د کيمياوي وسلو پر موخو د کروز توغنديو بريدونه کړي دي.
د امریکا د پوځ لوی درستیز جنرال ژورف دانفورد ویلي، په دغو بریدونو کې درې سیمې په نښه شوي:
د کيمياوي وسلو څېړنيز مرکز، د دغو وسلو زیرمې او حمص ته نږدې د یوې مهمې قومندانۍ مرکز.
امریکا دا هم ویلي، چې څه نا څه سل توغندي پر دمشق توغول شوي دي.
له امريکا سره په دې توغندیز بريد کې بريتانيا او فرانسه نه یوازې همغږي وه، بلکې مرسته يې هم ورسره کړې ده.
دوی سوریه د کیمیاوي وسلو پر کارونه تورنه کړې ده.
د سوریې ولسمشر په هېواد کې د کیمیاوي وسلو پر کارونه مخالفین تورن کړي او وایي، چې امریکا له خپلو ملګرو سره د دغه هېواد پر ځمکني بشپړتیا تېری کړی او له نړیوالو اصولو او قوانینو یې ښکاره سرغړونه کړې ده.
سوريې توغندیز بريدونه تائيد کړي او د چټک غبرگون نیت یې هم څرګند کړی دی.
د سوریې حکومت ویلي؛ امریکا او ملګرو یې له سل ډېر توغندي ورتوغولي، چې۷۱ یې شنډ شوي دي.
د روسیې ولسمشر پوتین دغه برید پر یو خپلواک هېواد یرغل ګڼلی او په سختو ټکو کې یې غندلی دی.
د امریکا لپاره د روسیې سفیر اناتولي انتونوف رسنیو ته په ډاګه کړې: خبرداری مو ور کړی و، چې داسې بریدونه بې ځوابه پاتې کیدلې نشي، د دې ځواب مسوولیت به د واشنګتن، لندن او پاریس په غاړه وي.
د روس دفاع وزارت ویلي، پر سوریه د امریکا او د ملګرو په بریدونو کې د روسیې هوايي او سمندري اډې نه دي په نښه شوي.
د ایران د بهرنیو چارو وزارت د امریکا بریدونه غندلي او څرګنده کړې یې ده، چې د امریکا او ملګرو دا بریدونه به د سیمې او نړۍ په کچه سخت غبرګونونه راپورته کړي.
ویل کېږي، چې د امریکا دفاع وزیر د محدودو بریدونو ملاتړی و؛ خو دونلد ترمپ او د هغه تازه سلاکارجان بولتن د پراخو بریدونو غوښتونکي شول، چې روسیه او ایران ووېروي.
د یادونې وړ ده، چې د ناتو سرمنشي ین ستولتنبرګ هم له دې برید ملاتړ کړی دی.
تازه خبرونه
اسلامي امارت به نړیوالو فشارونو ته تسلیم نشي – مولوي عبدالکبیر
د ریاست الوزراء سیاسي مرستیال مولوي عبدالکبیر د سې شنبې پر ورځ (د غویی یوولسمه) د کابل پولیتخنیک د زدهکړیالانو د فراغت په مراسمو کې څرګنده کړې، چې اسلامي امارت به نړیوالو فشارونو ته تسلیم نشي او نه به د هیچا پر فرمایش کار وکړي.
د کابل پولیتخنیک پوهنتون د زدهکړیالانو د فراغت مراسم د اسلامي امارت د چارواکو په حضور کې ترسره شول؛ خو ډېر پر سیاسي خبرو راڅرخېدل.
نوموړي په دې مراسمو کې زیاته کړې، چې د سیمې ټرانزیټ له افغانستان پرته ناشوني دی او چارسمبالی حکومت ترې ګټه پورته کوي.
د اسلامي امارت دغه لوړپوړي چارواکي ویلي، چې چارسمبالی حکومت له یوې خوا د پروژو پر پلي کېدا او له بلې خوا د کانونو پر استخراج کار کوي.
هغه دغه راز هېواد ته د مهاجرینو د راستنېدو لپاره د شرایطو پر برابرولو هم ټینګار وکړ.
د امربالمعروف او نهی عن المنکر او شکایتونو اورېدو وزارت چارسمبالي محمد خالد حنفي ویلي، اسلامي امارت په هېواد کې د عصري علومو د پراختیا مخالف ندی او غربي هېوادونه د اسلامي امارت پر خلاف په دې اړه منفي تبلیغات کوي.
د لوړو زدهکړو وزارت چارسمبالي ندا محمد ندیم ټینګار کوي، چې اسلامي امارت د جګړې په ډګر کې بریالی شوی؛ د اقتصاد، روغتیا او پوهنې په ډګرونو کې به هم بریاوې ترلاسه کړي.
له بلېخوا د لوړو زدهکړو وزارت یو شمېر نورو چارواکو ويلي؛ دغه وزارت هڅه کوي، چې د علمي او تحصیلي پراختیا په برخه کې پرمختګ وکړي او له نړیوالو معیارونو سره برابر شي.
د کابل پولیتخنیک پوهنتون د فراغت له دې پړاو څخه د ۱۷ څانګو ۵۳۷ زدهکړیالان فارغ شول او د اسلامي امارت د چارواکو لهخوا د فراغت سندونه ورکړ شول.
تازه خبرونه
افغان ـ ترکمن چارواکو په هرات کې د نورالجهاد سب سټیشن چارې وارزولې
د افغانستان برښنا شرکت څرګنده کړې، چې د دې شرکت د رهبرۍ او ترکمن پلاوي ترمنځ د هرات نورالجهاد سب سټېشن د پاتې تخنیکي چارو د ژر بشپړېدو، فعالېدو او پرانیستلو په اړه ګډه ناسته ترسره شوه.
د افغانستان برښنا شرکت عملیاتي رییس عبدالرحمن رحماني په دې ناسته کې ویلي؛ اوسمهال د نورالجهاد سب سټیشن چارې د بشپړېدو په حال کې دي او ټاکل شوې د دواړو لوریو ترمنځ د تخنیکي مسایلو له حل کېدلو وروسته نوموړی سب سټیشن فعال او ګټې اخیستنې ته وسپارل شي.
دغه راز د ترکمنستان نړیوالو پروژو رییس مراد آرتیکوف ویلي؛ د نورالجهاد سب سټیشن چارې د دواړو لوریو ترمنځ په ښې همغږۍ ترسره شوي او ډېر ژر به بشپړې شي.
د آرتیکوف د څرګندونو له مخې؛ ټاکل شوې د تجهیزاتو او نورو تخنیکي مسایلو پروتوکول هم په راتلونکیو ورځو کې تائید او وروستی شي.
ویل کیږي، چې د نوموړې پروژې له پرانیستې سره به هرات ته د ترکمنستان وارداتي برښنا کچه لوړه او زرګونه نوي پېرودونکي د برښنا له انرژۍ څخه برخمن شي.
تازه خبرونه
له ترهګرۍ سره په مبارزه کې له اسلامي امارت سره همکارۍ ته چمتو یوو- ایران
په کابل کې د ایران سفارت د دوشنبې پر ورځ ( د غویی لسمه) د هرات ولایت په یوه جوماتن کې له وسلهوال برید وروسته څرګنده کړې، چې له ترهګرۍ سره په مبارزه کې له اسلامي امارت سره همکارۍ ته چمتو دی.
یاد سفارت دا غبرګون په هرات ولایت کې د شیعهګانو پر جومات له وسلهوال برید وروسته څرګند کړی دی.
دا سفارت دا برید “ترهګریزه پېښه” بولي او په کلکه یې غندلې ده.
د دغه سفارت په خبرپاڼه کې راغلې، چې ايران غواړي د دغه «جرم» عاملين وپېژني او سزا ورکړي.
دغه سفارت زیاته کړې؛ ایران له ترهګرۍ سره د مبارزې په برخه کې له اسلامي امارت سره د همکارۍ د پیاوړتیا لپاره خپل چمتووالی اعلانوي.
د کورنیو چارو وزارت ویاند عبدالمتین قانع ويلي؛ تېره شپه (دوشنبه د ثور لسمه) د هرات ولایت د ګذرې ولسوالۍ په شهرک سیمه کې ناڅرګندو وسلهوال پر لمونځ کوونکیو د کلاشینکوف ډزې کړي، چې ۶ ملکي وګړي یې وژلي او یو بل ټپي دی.
قانع زیاته کړې، چې د دې پېښې جزئیات به وروسته وړاتندې شي.
تر اوسه کومې ډلې یا شخص د دې پېښې مسوولیت پر غاړه ندی اخیستی.
-
تازه خبرونه2 days ago
د بغلان ولایت د غوري سمنټو تولید زیات شوی
-
تازه خبرونه2 days ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه2 days ago
په عراق کې به همجنسبازان پر۱۵ کاله بند شي –پارلمان
-
لوبی2 days ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل
-
سیمه ییز خبرونه1 day ago
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
-
تازه خبرونه2 days ago
له پاکستان څخه دې د افغان کډوالو د جبري ایستلو چټکتیا راکمه شي
-
تازه خبرونه1 day ago
تېر کال د ۳۵ میلیون ډالرو پر ارزښت پراختیايي او بشري پروژې ترسره شوي
-
لوبی24 hours ago
اټک انرژي او موج ساحل د دوشنبې د ورځې لوبې وګټلې