ساینس او ټیکنالوژي
اپل په آیفونونو کې امنیتي نیمګړتیا ومنله
اپل په آیفونونو کې د امنیتي نیمګړتیاوو شتون تائیدوي او وایي، چې آیفون ته د هکرانو نفوذ شونتیا ډېره ده.
اپل په ډاګه کړې، چې د دوی انجینرانو په آیفون ګرځند کې، آیپد تابلیتونو او ماک لپتاپونو کې جدي زیان په ګوته کړی. د کشف شوې نیمګړتیا د لوړ خطر له کبله اپل شرکت د ذکر شويو وسیلو ټولو کاروونکیو ته لارښوونه کړې، چې په خپل آیفون، ماک او آیپد کې کارول شوی سافتویر ژر تر ژره تازه کړي.
د موجوده امنیتي نیمګړتیاوو له امله د آی فون تلیفونونو د زیان د شدت په اړه لومړنۍ څیړنې ښیي چې هیکران کولی شي په اسانۍ سره په دې وسایلو کې د امنیتي خلا په کارولو سره د آی فون تلیفونونو بشپړ کنټرول ترلاسه کړي.
اپل ادعا کوي، چې په سافاري براوزر او iOS عملیاتي سیستم کې زیانمنونکي پېژندل شوي. د شرکت انجنیران هڅه کوي، چې دا امنیتي ستونزې حل کړي او د هکرانو مخه ونیسي، چې د آیفون، ماک او آی پد وسیلو ته خپل نفوذ خپور کړي.
د دې خبر له خپرېدو وروسته د معلوماتي تکنالوژۍ او د شبکې د امنیت په برخه کې ځینو کارپوهانو ویلي: اپل له ډېرې مودې راپدیخوا په خپلو تولیداتو کې د امنیتي تشو له شتون خبر و؛ خو د خپلو ګټو له کبله یې هیڅکله خپاره نکړل. په آیفون تیلیفونونو کې له دومره امنیتي نیمګړتیاو سره سره، د دې وسایلو کاروونکي په جدي خطر کې دي او هکران کولی شي په آسانۍ سره د میلیونونو کاروونکیو معلوماتو څخه ناوړه ګټه پورته کړي.
داسې ښکاري، چې د اپل کمپنۍ د کارپوهانو او مدیرانو د مشورې له مخې، د آی فون او آیپد او میک لپ تاپونو ته د هکرانو د نفوذ څخه د مخنیوي غوره لاره دا ده، چې په دې وسایلو کې کارول شوي سافتویر ژر تر ژره تازه شي.
ساینس او ټیکنالوژي
په بیجینګ کې د جي کلاس برقي مرسډیز بینز موټر مخکتنه وشوه
چین د خپلو برښنایي موټرو د تګلارې د ودې لپاره د بیجینګ په مارکیټ کې برښنایي مرسډیز بینز ته د مخکتنې زمینه برابره کړه.
د مرسیډیز ټکنالوجۍ لوی مسوول مارکوس شافر ویلي، چې دا شرکت له چاپېریال سره سم محصولات وړاندې کوي.
هغه د جي کلاس برښنایي موټرو د مخکتنې لپاره چینایي بازار غوره وګڼلو.
شافر ویلي: چین زمونږ ترټولو لوی او خورا مهم بازار دی او دوهیم دا، چې مرسیډیز پرېکړه کړې، چې په راتلونکیو کلونو کې به بشپړ برښنایي شي. دا یې یوه ننداریزه بڼه ده، چې پېرودونکیو ته د تیلي موټرو ترڅنګ جي برښنایي موټرو ته لاسرسی رامنځته کوي. مونږ ډېر خوښ یوو، چې دا پر برښنایي بڼه وړاندې کوو.
د مرسيډيز شرکت د ټکنالوژۍ ریيس ويلي؛ مرسيډيز بينز غواړي، چې د اړینو څېړنو او پرمختيايي هڅو د ترسره کولو لپاره په چين کې خپله پانګونه زياته کړي.
ساینس او ټیکنالوژي
اپل شرکت د نړۍ د تر ټولو د لوی ګرځند پلورونکي دریځ له لاسه ورکړ
د IDC څېړنیز انسټیټیوټ راپور ښیې، چې د ۲۰۲۴ ز.کال په لومړۍ ربع کې د اپل آی فون بازار د انډرایډ ګرځند له تولید سره په سیالۍ کې سوړ شو.
د رویټرز خبري آژانس د راپور له مخې؛ د جنورۍ او مارچ په میاشت کې د نړۍ بازارونو ته ۷ اعشاریه ۸ سلنه وده وکړه، چې شمېر یې ۲۸۹ اعشاریه ۴ میلیون ته ورسېد.
د ګرځند جوړونکي شرکت (سامسونګ) د بازار ونډه ۲۰ اعشاریه ۸ راغله او په دې توګه یاد شرکت له اپل څخه له ټولو د لوی ګرځند پلورونکي مقام خپل کړ.
اپل د ۲۰۲۴ کال په تېرو درې میاشتو کې ۵۰ اعشاریه ۱ میلیون آی فونونه پلور ته وړاندې کړل، چې دا د تېر کال د ورته وخت پر پرتله ۵۵ اعشاریه ۴ میلیون کم دي. همدارنګه د ۲۰۲۳ په وروستیو دریو میاشتو کې هم چین ته د آی فون د وړاندې کولو په کچه کې ۲ اعشاریه ۱ کموالی راغلی و.
ساینس او ټیکنالوژي
د جاپان سپیس ون کایروس توغندی له توغېدو وروسته وچاودېد
د چارشنبې پر ورځ د جاپان سپیس ون کایروس کوچنی تېل سوځوونکی توغندی له توغولو لږ وروسته وچاودېد.
د رویټرز د څرګندونو له مخې؛ دغه ۱۸ مټره توغندی پر ځایي وخت ۱۱:۰۱ له توغولو لږ وروسته وچاودېد، چې لوګی او اور یې د رسنیو په انځورونو کې لیدل کیږي.
سپیس ون ویلي؛ دوی د جاپان د لویدیځ ټاپو په څنډه کې توغېدا لغو کړه او په اړه یې ارزونې هم پیل شوې دي.
د ځایي واکایاما حکومت والي شوهی کیشیموتو خبریالانو ته د سپیس ون له معلوماتو وروسته ویلي، چې یوه ستونزه د دې سیسټم د توغېدو خنډ شوې ده.
هغه په ډاګه نکړه، چې ستونزه څه ده.
کیشیموتو زیاته کړې، چې د توغندي د توغېدا مرکز ته هیڅ زیان نه دی رسیدلی او اور هم مړ شوی دی.
کایروس یوه تجربه لرونکې دولتي سپوږمکۍ لېږدوله، چې کولی یې شول په لنډمهاله توګه معلوماتي او استخباراتي سپوږمکۍ په مدار کې ځای پر ځای کړي.
که څه هم جاپان په فضایي سیالیو کې نسبتا کوچنی لوبغاړی دی؛ خو د توغندیو توغولو لپاره د ارزانه وسایطو د جوړولو هڅې کوي.
-
تازه خبرونه3 days ago
د بغلان ولایت د غوري سمنټو تولید زیات شوی
-
تازه خبرونه4 days ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه4 days ago
په عراق کې به همجنسبازان پر۱۵ کاله بند شي –پارلمان
-
سیمه ییز خبرونه3 days ago
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
-
لوبی3 days ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل
-
تازه خبرونه2 days ago
تېر کال د ۳۵ میلیون ډالرو پر ارزښت پراختیايي او بشري پروژې ترسره شوي
-
تازه خبرونه3 days ago
له پاکستان څخه دې د افغان کډوالو د جبري ایستلو چټکتیا راکمه شي
-
لوبی2 days ago
اټک انرژي او موج ساحل د دوشنبې د ورځې لوبې وګټلې