تازه خبرونه
ایران به له امریکا سره په احتمالي جګړه کې بریالی شي – ذبیحالله مجاهد
هغه له «ایران راډیو» سره په مرکه کې ټینګار کړی، چې اسلامي امارت د جګړې پلوی ندی؛ خو د هغه په باور «د ایران اسلامي جمهوریت پخوا هم د برید پر مهال په پای کې بریالی شوی او دا ځل به هم د خپل وس او د ځان د مشروع دفاع د حق له کبله لاس بری وي.»
د اسلامي امارت ویاند ذبیحالله مجاهد ويلي؛ که د ایران او امریکا ترمنځ نښته رامنځته شي، ایران به د بریا وس ولري.
هغه له «ایران راډیو» سره په مرکه کې ټینګار کړی، چې اسلامي امارت د جګړې پلوی ندی؛ خو د هغه په باور «د ایران اسلامي جمهوریت پخوا هم د برید پر مهال په پای کې بریالی شوی او دا ځل به هم د خپل وس او د ځان د مشروع دفاع د حق له کبله لاس بری وي.»
مجاهد زیاته کړې، چې که ایران غوښتنه وکړي؛ افغانان تر خپلې وسې چمتو دي، چې د احتمالي جګړې د پایلو پر وړاندې د هغه هېواد له خلکو سره همکاري وکړي.
ایراني چارواکو خبرداری ورکړی، چې که برید پرې وشي؛ تهران به په سیمه کې د امریکا پوځي اډې پر نښه او خپل غچ به واخلي.
ویل کېږي، چې له اټومي هوکړې د ترلاسه کولو له امکان سره – سره د ارزونې لپاره خبرې روانې دي او واشنګټن سیمې ته پوځي تجهیزات د لېږلو په حال کې دي.