تازه خبرونه
ایران په تېره یوه میاشت کې پېنځه افغانان اعدام کړل
دا راپور، چې د یکشنبې پر ورځ (د زمري دولسمه) خپور شوی؛ څرګندوي: ایران د روان کال په جولای کې ۹۶ بندیان اعدام کړل، چې پېنځه یې افغانان ول.
د بشري حقونو څار بنسټ ههنګاو راپور ورکړی، چې په ایران کې تېره میاشت پېنځه افغانان اعدام شوي دي.
دا راپور، چې د یکشنبې پر ورځ (د زمري دولسمه) خپور شوی؛ څرګندوي: ایران د روان کال په جولای کې ۹۶ بندیان اعدام کړل، چې پېنځه یې افغانان ول.
د بشري حقونو څار بنست ههنګاو زیاته کړې، چې دا شمېر د ۲۰۲۴ کال د جولای پر پرتله لږ تر لږه ۴۱ قضیې یا ۷۴.۵٪ زیاتوالی لري.
دغه راز زیاته شوې، چې د تېر کال په همدومره وخت کې ۵۵ بندیان اعدام شوي وه.
په راپور کې راغلي؛ د روان کال په جولای کې ډېری اعدام شوي کسان د مخدره توکو پر اړوند جرمونو تورن ول.
څار بنسټ د دغو اشخاصو د هویت په اړه جزئیات ندي ورکړي او ایراني چارواکو هم تر دې دمه پدې اړه تبصره نده کړې.
د بشري حقونو څار بنسټ له دې مخکې په خپل کلني راپور کې لیکلي وه، چې ایران په ۲۰۲۴ کال کې لږ تر لږه ۸۰ افغان بندیان اعدام کړي دي.