International Sports
برازیل فوټسال لوبډلې د ۲۰۲۴ کال نړیوال جام خپل کړ
فوټسال نړیوال جام د وږي پر څلیریشتمه پیل شو او د بېلابېلو هېوادونو لوبډلو په ۶ ګروپونو کې سیالۍ وکړې؛ برازیل او ارجنټاین د دغو سیالیو وروستي پړاو ته لار پیدا کړه.
د برازیل فوټسال ملي لوبډلې د ۲۰۲۴ کال د فوټسال نړیوال جام په وروستي پړاو کې ارجنټاین ته پر ماتې ورکولو سره خپله اتلولي وګټله.
فوټسال نړیوال جام د وږي پر څلیریشتمه پیل شو او د بېلابېلو هېوادونو لوبډلو په ۶ ګروپونو کې سیالۍ وکړې؛ برازیل او ارجنټاین د دغو سیالیو وروستي پړاو ته لار پیدا کړه.
دا لوبه پرون (یکشنبه د تلې پېنځلسمه) د کابل پر وخت د ماښام پر ۷:۳۰ د ازبکستان د تاشکند ښار په هومو آرینا لوبغالي کې ترسره شوه، چې په کې برازیل ۲ – ۱ پر توپیر لوبه وګټله او د اتلولۍ جام یې خپل کړ.
د برازیل لوبغاړي فراو او رافا سانتوس ګولونه ووهل او د دې لوبې په بهیر کې د ارجنټاین د ملي لوبډلې یوازینی ګول ماټیو روسا تر سره کړ.
د برازیل لوبډلې ورساتونکی ویلیان د دې سیالۍ غوره ساتونکی وپېژندل شو.
برازیل تر دې دمه د اړوند نړیوال جام شپږ اتلولۍ ګټلي دي.
اوکرایین په دې سیالیو کې فرانسې ته ۷ – ۱پر توپیر ماتې ورکړه او په دې سیالیو کې یې دریم ځای خپل کړ.
افغانستان هم د لومړي ځل لپاره په دې جام کې ګډون کړی و او په ګروپي پړاو کې یې انګولا ته یې ۶- ۴ پر توپیر ماتې ورکړه. دوی د غوره ځلېدنې تر څنګ د ارجنټاین پر وړاندې ۲ – ۱ ماتې وخوړه او د اوکراین پر وړاندې ۴- ۱ یې وکولی شول، چې د دې جام غوره شپاړس لوبډلو ته لار پیدا کړي. دغه راز پاراګوای په اضافي وخت کې ۳- ۱ ماتې ورکړه او له پاتې سیالیو ووت؛ خو د دې سیالیو د تر ټولو د ځوانې لوبډلې لقب یې خپل کړ.
د ۲۰۲۴ کال د فوټسال نړیوال جام غوره لوبغاړی د برازیل دیګو وپېژندل شو. هغه په دې سیالیو کې ښه وځلېده او له همدې کبله یې د غوره لوبغاړي جایزه وګټله.
د یادونې ده، چې د فوټسال نړيوال جام ټولې سيالۍ په ټول هېواد کې په مستقيم او قانوني بڼه له آريانا ټلويزيون څخه خپرې شوې.
International Sports
د مسي غوره ځلېدنه؛ ارجنټاین د بشپړې بریا پر خپلولو د ۲۰۲۶ نړیوال جام حذفي پړاو ته ورسېد
سره له دې، چې د ارجنټاین د بل پړاو لوبېدل مخکې له مخکې یقیني شوي وه؛ د دې لوبډلې روزونکي لېونل سکلوني په لومړني ترکیب کې پراخ بدلونونه راوستل او ۹ نوي لوبغاړي یې ولوبول. مسي لوبه له احتیاطي څوکۍ پیل کړه؛ خو په دوهیمه نیمایي کې میدان ته کښته شو او د ښکلي آزاد ګوزار پر مټ یې د خپلې لوبډلې درېیم ګول وواهه.
لېونل مسي یو ځل بیا په ۲۰۲۶ فوټبال نړیوال جام سیالیو کې غوره وځلېد او پخپل شپږم ګول یې ارجنټاین د اردن پر وړاندې ۳ ـ ۱ نه یوازې بریا ته ورساوه، بلکې لوبډله له ډلهییز پړاو هم بریالۍ ووتله.
سره له دې، چې د ارجنټاین د بل پړاو لوبېدل مخکې له مخکې یقیني شوي وه؛ د دې لوبډلې روزونکي لېونل سکلوني په لومړني ترکیب کې پراخ بدلونونه راوستل او ۹ نوي لوبغاړي یې ولوبول. مسي لوبه له احتیاطي څوکۍ پیل کړه؛ خو په دوهیمه نیمایي کې میدان ته کښته شو او د ښکلي آزاد ګوزار پر مټ یې د خپلې لوبډلې درېیم ګول وواهه.
ارجنټاین د مسي لوبې ته له داخلېدو مخکې هم پر لوبه بشپړ برلاسی و. جیوواني لو سیلسو په نولسمه دقیقه کې د آزاد ګوزار له لارې لومړی ګول وکړ او ورپسې لاوټارو مارټینز د ویډیويي مرستندویه پرېکړې (VAR) له تائید وروسته د پنالټۍ دوهیم ګول هم وواهه.
اردن د دوهیمې نیمایي په پیل کې د موسی التماري پر ګول یو ګول بېرته جبران کړ؛ خو ارجنټاین بیا هم پر لوبه واکمن پاتې شو او مسي د لوبې په وروستیو لس دقیقو کې پخپل ګول د خپلې لوبډلې بریا نوره هم پیاوړې کړه.
له دې بریا سره ارجنټاین له درې لوبو د بشپړو ۹ امتیازونو پخپلولو د خپلې ډلې په سر کې ځای ونیو. مسي د ډلهییز پړاو په ټولو درې لوبو کې ګولونه وهلي او د غوره ګولوهونکي د نوماندانو له مخکښو لوبغاړو ګڼل کېږي.
ارجنټاین به د یوشپاړسم پړاو په سیالۍ کې له کېپ ورډ سره مخامخ شي؛ هغه لوبډله، چې له تمې پورته لوبو پر مټ یې د وروستیو ۳۲ لوبډلو پړاو ته لاره موندلې ده.
International Sports
مسي د نړیوال جام په ګولوهنه کې ریکارډ جوړ کړ؛ ارجنټاین حذفي پړاو ته ولاړ
د ارجنټاین لوبډلمشر په دې حساسه لوبه کې دواړه ګولونه ووهل او خپل ټول ګولونه یې په نړیوال جام کې ۱۸ ته ورسول، چې له دې سره یې د جرمني د میروسلاو کلوزې د ۱۶ ګولونو ریکارډ مات کړ.
لیونل مسي د دوشنبې پر ورځ د اتریش پر وړاندې د ارجنټاین په ۲–۰ بریا کې دوه ګولونه ووهل او د نړیوال جام د تاریخ د تر ټولو ډېرو ګولونو ریکارډ یې جوړ کړ.
د ارجنټاین لوبډلمشر په دې حساسه لوبه کې دواړه ګولونه ووهل او خپل ټول ګولونه یې په نړیوال جام کې ۱۸ ته ورسول، چې له دې سره یې د جرمني د میروسلاو کلوزې د ۱۶ ګولونو ریکارډ مات کړ.
مسي، چې څو ورځې وروسته ۳۹ کلن کېږي. نوموړي سره له دې، چې د لوبې په پیل کې یې یوه پنالټي ضایع کړه؛ خو په مهمو شېبو کې یې ښه لوبه وکړه. د هغه کړنې ارجنټاین ته دا زمینه برابره کړه، چې د نړیوال جام په سیالیو کې خپل قوي پیل وساتي او د ۳۲ غوره لوبډلو پړاو ته ووځي.
مسي اته ځله د طلایيتوپ ګټونکی پاتې شوی، په نړیوال جام کې یې په پرلهپسې شپږو لوبو کې ګولونه وهلي او د دې پړاو د پېنځه ګولونو له لرلو سره د طلایيتوپ د سیالۍ په مخکښو لوبغاړو کې دی.
د افغانستان فوټبال مینهوال کولی شي د نړیوال جام سیالۍ پر ژوندۍ بڼه د آریانا ټلویزیون له لارې وګوري.
International Sports
فرانسې سنګال ته ۳–۱ ماتې ورکړه؛ امباپي د ګولوهنې ملي ریکارډ جوړ کړ
امباپي دوه ګولونه ووهل او له دې سره یې د ملي لوبډلې لپاره د خپلو ګولونو شمېر ۵۸ ته ورساوه.
فرانسې په ۲۰۲۶ فوټبال نړیوال جام سیالۍ کې سنګال ته ۳ د ۱ پر توپیر له ماتې ورکولو سره سیالي پیل کړه او لوبډلمشر کیلیان امباپه نوی ریکارډ جوړ کړ.
امباپي دوه ګولونه ووهل او له دې سره یې د ملي لوبډلې لپاره د خپلو ګولونو شمېر ۵۸ ته ورساوه.
هغه د فرانسې د تاریخ د تر ټولو ډېرو ګول وهونکو د پخواني ریکارډ څښتن له شمېرې واوښت.
د ریال مادریډ دې ستوري د لوبې په دوهیمه نیمايي کې لومړی ګول وکړ او وروسته یې د لوبې په وروستیو شېبو کې پر یوه ښکلي ګوزار د خپلې لوبډلې بریا پخه کړه. د فرانسې بل ګول بدیل لوبغاړي براډلي بارکولا وواهه.
سره له دې، چې فرانسې پر څرګند توپیر بریا خپله کړه؛ خو په لومړۍ نیمايي کې یې ښه لوبه ونهکړه او د لوبې د بهیر په موندلو کې له ستونزو سره مخ وه. سنګال څو خطرناک فرصتونه رامنځته کړل او د ګول وهلو تر پولې ورسېد؛ خو نیکولاس جکسن او اسماعیل سار ونهتوانېدل له دغو فرصتونو ګټه واخلي.
فرانسه د لوبې په دوهیمه نیمايي کې بشپړه بدله لوبډله ښکارېده. مایکل اولیس په دې بدلون کې مهم رول ولوباوه او د خپلو نوښتګرو لوبو پر مټ یې د فرانسې بریدونو ته تازه ساه ورکړه. امباپي پخپل رسا ګوزار د سیالې لوبډلې دروازه پرانیسته او بارکولا میدان ته له دننهکېدا وروسته د دواړو لوبډلو ترمنځ د ګولونو واټن زیات کړ.
سنګال په اضافي وخت کې د ابراهیم مبایه پر ګول د بېرته راګرځېدا هیله پیدا کړه؛ خو امباپي څو شېبې وروسته له لرې واټنه پر یوه ښکلي ګوزار بیا ګول وکړ او خپله یادګاري شپه یې نوره هم بشپړه کړه.
دې بریا فرانسې ته په I ګروپ کې درې اړینې نمرې ورکړې او د اتلولۍ د یوه مخکښ مدعي دریځ یې نور هم پیاوړی کړ. که څه هم د ډیډیه ډيشان لوبډلې په لومړۍ نیمايي کې ځینې کمزورۍ وښودې؛ خو په دوهیمه نیمايي کې یې بریدیز ځواک د لوبې برخلیک وټاکه.
-
International Sports23 hours agoد مسي غوره ځلېدنه؛ ارجنټاین د بشپړې بریا پر خپلولو د ۲۰۲۶ نړیوال جام حذفي پړاو ته ورسېد
-
څار2 days agoڅار: له اروپایي هېوادونو د افغان پناه غوښتونکو د ایستلو بهیر ته اندېښنې
-
تازه خبرونه2 days agoافغانستان له ۴۷ کلونو وروسته د امنیت، یووالي او پرمختګ پړاو ته رسېدلی – شهاب الدین دلاور
-
سیمه ییز خبرونه1 day agoپه فارس خلیج کې د ایران او امریکا کړکېچ سخت شوی؛ متقابل بریدونه، نوې تورونه او د سولې د هوکړې د ماتېدا اندېښنې
-
تازه خبرونه2 days agoد ریښتر پر کچه ۶.۱ درجې زلزلې د افغانستان ځینې سیمې ولړزولې
-
لوبی1 day agoافغانستان او ازبکستان په خوست کې دوستانه شلآوریزه لوبه کوي
-
تازه خبرونه22 hours agoله ملګرو ملتونو سره په پراختیايي پروژو کې خپلې همکارۍ روانې ساتو – امیرخان متقي
-
تازه خبرونه20 hours agoپه نیویارک کې شانګهای همکاریو ټولنه او ملګري ملتونه پر افغانستان راوڅرخېدل
