تازه خبرونه
بریتانیا د افغان ماشومانو د پالنې لپاره ۲۸ میلیون دالر مرسته وکړه
یونیسیف ویلي، چې بریتانې په افغانستان کې د ماشومانو او ښځو لپاره د دوه میلیارد دالرو بشري مرستې پرغوښتنې سربېره ۲۴ میلیون پونډه اضافي مرسته هم کړې ده.
یونیسف یا د ملګرو ملتونو د ماشومانو وجهي صندوق ويلي؛ دا پیسې به د څه باندې یو میلیون او شپږ سوه زره هغو کسانو لپاره ولګول شي، چې په افغانستان کې له بشري ناورین څخه اغېزمن شوي دي.
تمه ده، چې د دې پیسو یوه برخه پر خوارځواکۍ د اخته ماشومانو پر درملنه، د څښاک د پاکو اوبو په برابرولو او د ماشومانو د خوندیتوب لپاره ولګول شي.
د یونیسف د معلوماتو له مخې، دغه پیسې کولی شي، چې یو اعشاریه ۳ سلنه افغان ماشومان تر پوښښ لاندې راولي.
د دغه بنسټ په اعلامیه کې راغلي: له دې بودجې سره به یونیسف وکولی شي، چې پر خوارځواکۍ اخته څه باندې ۷۰۰ زره ماشومانو وضعیت ښه کړي، څه باندې ۳۵۰ زره کسانو ته روغتیايي پوهاوی او د څښاک پاکې اوبه برابرې کړي او همدارنګه ۵۰۰ زره کسانو ته د کلیدي حفاظتي خدماتو، د رواني سلامتیا د ملاتړ او د ناچاوده مهماتو په اړه د هغوی پوهاوی لوړ کړي.
د ملګرو ملتونو د ماشومانو د ملاتړ صندوق(یونیسف) د څرګندونو له مخې؛ ټاکل شوې له دغه پیسو څخه ۱۸ زره اومیدواره او ماشومانو ته شیدې ورکوونکې ښځې هم ګټه واخلي.
یونیسف ویلي؛ افغانستان یو له هغو هېوادونو څخه دی، چې ماشومان په کې له زیاتو ستونزو سره مخ دي او له بېلابېلو بریدونو سره مخ شوي دي.
په افغانستان کې د یونیسف استازي محمد اګ ایویا ویلي: اصلي عوامل یې وچکالي، خوارځواکي، د ناروغیو پراخوالی، د جګړې زیانونه، کمزوری اقتصاد او کمزوري خدمات د ماشومانو او ښځو ستونزې سختوي.
محمد اګ ایویا له افغانستان سره د بریتانیې له تازه مرستې مننه کړې او ویلي یې دي، چې دغه پیسې به هغو خلکو ته دا امکانات برابر کړي، چې په دغه هېواد کې د نجونو، هلکانو او ښځو بېړنیو اړتیاوو ته لاسرسی ولري.
په دې وروستیو کې د ملګرو ملتونو د ماشومانو د ملاتړ صندوق د ماشومانو د وضعیت په اړه اندېښنه ښودلې او ویلي یې وه، چې له بېړني ملاتړ پرته نشي کولی دغه ماشومانو ته لاسرسی ومومي.
یونیسف په ډاګه کړې، چې غواړي په ۲۰۲۲ میلادي کال کې ۱۲ اعشاریه ۹ میلیون اړمنو ماشومانو ته لاسرسی رامنځته کړي؛ خو له بېړني ملاتړ پرته یادو ماشومانو ته لاسرسی هم ستونزمن دی.
د ملګرو ملتونو د ماشومانو د ملاتړ صندوق له دې مخکې هم په بېلابېلو برخو کې له افغان ماشومانو او کورنیو لپاره د دوه میلیارد دالرو غوښتنه کړې وه.
تازه خبرونه
افغان او ایراني حکومتي مشرانو د سیاسي، اقتصادي، سوداګریزو او ټرانزیټي اړیکو پر پياوړتیا خبرې وکړې
د ریاستلوزراء اقتصادي مرستیال ملا عبدالغني برادر او د حکومت یو شمېر وزیرانو د ایران د ولسمشر له ځانګړي استازي او په کابل کې د ایران له سفیر حسن کاظمي قُمي سره وکتل.
د ریاست الوزراء د مرستیالۍ دفتر ویلي؛ د لیدنې پر مهال د سیاسي، اقتصادي، سوداګریزو او ټرانزیټي اړیکو پر پياوړتیا او په بېلابېلو برخو کې پر دوه اړخیزو همکاریو خبرې وشوې.
د ریاست الوزراء اقتصادي مرستیال د افغانستان او ایران اړیکې ښې او مثبتې وبللې او څرګندوي، چې د اړیکو د پراختیا او پياوړتیا لپاره ګډ کار ته اړتیا ده.
ملا برادر وایي: سږ کال د اورښتونه د ډېروالي له کبله نیمروز ولایت او د ایران سیستان ته د هلمند سیند اوبه ورسېدې، چې دا به د دواړو هېوادونو د ولسونو ډېری ستونزې حل کړي.
دغه راز ملا عبدالغني برادر اخوند د ایران له لارې اروپايي هېوادونو ته د افغانستان تولیداتو ته د ټرانزیټي اسانتیاوې له برابرولو خوښي وښوده او د دواړو هېوادونو ترمنځ یې د ټرانزیټ او سوداګرۍ کچې د زیاتېدو غوښتنه وکړه.
په کابل کې د ایران سفیر سیستان ته د هلمند سیند د اوبو رسېدو په اړه خوښي څرګنده کړه او د دواړو هېوادونو د اقتصادې ودې او پراختیا لپاره اړینه بولي، چې هېواد به یې له افغانستان سره د سوداګرو د بانکي ستونزو د له منځه وړلو، د چاپېریال ساتنې پر وړاندې د ګډې مبارزې، د کرنې سکټور عصري کولو او همدارنګه د ایران له لارې د افغانستان د سوداګرۍ او ټرانزیټ کچې زیاتولو په برخو کې همکاري وکړي.
د ریاست الوزراء اقتصادي مرستیال په ایران کې د میشت افغان کډوالو د ستونزو د یادونې تر څنګ له ایراني لوري وغوښتل، چې په جبري بڼه افغان کډوال را ونهباسي او په دې اړه د دواړو لوریو ترمنځ ښه همغږي رامنځته شي.
ویل کیږي، چې په دې لیدنه کې د اوبو او انرژۍ، کرنې، اوبولګولو او مالدارۍ، د اطلاعاتو او کلتور وزارتونو چارسمبالو او په تهران کې د افغانستان چارسمبالي استازي فضل محمد حقاني هم حضور درلود.
تازه خبرونه
ملا برادر د قزاقستان د لومړي وزیر له مرستیال سره د اوسپنې پټلۍ پر رامنځته کولو خبرې وکړې
د اسلامي امارت د ریاست الوزرا اقتصادي مرستیال او د قزاقستان د لومړي وزیر مرستیال سیرک ژومانګارین د ترکمنستان او افغانستان له لارې پاکستان ته د اوسپنې پټلۍ پر رامنځته کولو خبرې وکړې.
د افغانستان اقتصادي مرستیالۍ په خبربانه کې راغلي، چې په دې لیدنه کې ملا عبدالغنی برادر د دواړو هېوادونو د سوداګرو د بانکي ستونزو د حل، د افغان – قزاق د ګدو شرکتونو رامنځته کولو او سوداګرو ته د ویزو د ورکړې لپاره د هوکړه لیکونو پر لاسلیک ټینګار وکړ.
سیرک ژومنګارین په پام کې لري، چې د قزاقستان د صنعت او سوداګرۍ ګډه خونه او د دواړو هېوادونو د سوداګرۍ او کار ګډه ډله رامنځته کړي او چمتو دی، چې د برښنایي حکومتولۍ، صنعت، لوړو زدهکړو، پوهنې، روغتیا او بانکدارۍ په سکټورونو کې له افغانستان سره همکاري وکړي.
تازه خبرونه
ایران او پاکستان په افغانستان کې پر ترهګرو ډلو اندېښنه څرګنده کړه
ایران او پاکستان په یوه ګډه اعلامیه کې د یو سولهییز، متحد، خپلواک او له ترهګرۍ او نشهیي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.
دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.
دوی دغه راز د سیمې د امنیت او ثبات د ډاډمنولو لپاره د سیمهییزې او نړیوالې همغږۍ د اړتیاوو پر اهمیت خبرې کړې دي.
دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
تازه خبرونه2 days ago
راشد خان د افغان بیسیم سوداګریز سفیر شو
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ