تازه خبرونه
جنرال حمید گل د مغزي سکتې له کبله مړ شوی
د پاکستان مطبوعاتو خبر ورکړی، چې د دغه هېواد د استخباراتو پخوانی مشر جنرال حمید گل د مغزي سکتې له کبله مړشوی دی.
راپورونه وايي؛ حمیدگل له خپلې کورنۍ سره د مري نندارې ته تللی و، چې ناڅاپه ناروغه او یو پوځي روغتون ته ولیږدول شو او هملته بیا ومړ.
د حمیدگل لور د پاکستان ملي تلویزون ته د خپل اتیا کلن پلار د مرگ خبر تائید کړی دی.
د هغه لورعظما گل ویلي، چې پلار یې تېره ورځ په مري کې پوځې روغتون ته لیږدول شوی و؛خو د داکترانو له هلوځلو سره سره د هغه ژوند ونه ژغورل شو.
جنرال حمیدگل د نولس سوه شپږ دېرشم کال د نومبر پرمیاشت په سرگوده کې زیږیدلی و.
جنرال حمید گل له ۱۹۸۷ څخه تر ۱۹۸۹ پورې د پاکستان د استخباراتي ادارې آی اس آی مشر و.
نوموړی د هند، امریکا او افغانستان په وړاندې په ښکاره له سخت دریځو ملاتړ کړی دی.
په نوموړي نیوکه کوونکي وایي،هغه په دسیسه جوړولو کې ډېر تکړه و او په هند او افغانستان کې یې له شرخوښو ملاتړ کاوه.
نوموړي په ۲۰۱۰ کال کې د حامد کري د ولسمشرۍ پر مهال ویلي وه، چې کرزی نور تاریخ ته سپارل شوی او راتلونکی د طالبانو دی.
پوځي کارپوه جنرال عتیق الله امرخېل وایي، هغه په افغانستان کې د بې رحمه وژنو مسوول دی. یو افغان یې باید ونه بښي. که په قبر کې هم کیښودل شي، افغانان یې باید پیدا او له منځه یوسي.
هغه په ۱۹۹۲ کال له دندې گوښه شو؛ خو له دې وروسته هم په افغانستان کې په منفي لاسوهنو یاد او ککړ پاتې شوی دی. ان، چې د طالبانو په ډېرو ستراتیژیکو ناستو کې یې برخه درلوده.
هغه د طالبانو د اصلي جوړوونکي په توگه یاد شوی او حتا ویلي یې ول، چې د افغان لاسپوڅي حکومت په وړاندې د افغانستان د آزادۍ بښونکې جگړې ملاتړی یم.
په پاکستان کې پخوانی دیپلومات احمد سعیدي وایي، حمید گل په تنظیمي نښتو او ورانیو کې نه یوازې بشپړ لاس درلود، بلکې د طالبانو پر جوړولو او رهبرۍ سربېره یې ډېرې نورې ترورستي ډلې هم پاللي او روزلي دي. هیله من یم، چې د حمید گل له مرگ وروسته د افغانستان خلک لږ تر لږه ډاډمنه ساه واخلي.
په فیسبوک او نورو برښنایي او چاپي رسنیو کې نومړی د طالبانو او ترورستي کړیو پلار یاد شوی او حتا په مرگ یې خوښي په ډاگه شوې ده.
خبریال : حمید صدیقی
تازه خبرونه
په سمنګان ولايت کې د يوې ترافيکي پېښې له کبله ۲۹ کسانو ته مرګ او ژوبله اوښتې
د سمنګان ولایت د امنيه قومندانۍ مطبوعاتي دفتر ويلي؛ د دغه ولايت په دره صوف ولسوالۍ کې د يوې ترافيکي پېښې له کبله ۵ کسان مړه شوي او ٢٤ نور ټپيان دي.
د سمنګان امنيه قومندانۍ زياته کړې؛ دا پېښه نن – پنجشنبه د غویی دیارلسمه) له غرمې مخکې يوولس بجې هغه مهال رامنځته شوه، چې یو اینو ډوله موټر د بلخ او دره صوف ولسوالۍ ترمنځ له سرک واوښت.
د دغې سرچنې د څرګندونو له مخې؛ ټپيان د دره صوف ولسوالۍ روغتون ته لېږدول شوي.
دغه راز څرګندوي؛ د درې ټپیانو روغتيايي حالت د اندېښنې وړ دى، چې د بلخ حوزوي روغتون ته لېږدول شوي دي.
د دغې پېښې لامل د موټر تخنیکي ستونزې یادې شوې دي.
تازه خبرونه
داعش له تېرو دوه میاشتو راپدیخوا ۱۵۴ کسانو ته مرګ او ژوبله اړولې ـ راپور
په افغانستان کې د ملګرو ملتونو مرستندویه پلاوي دفتر د “افغانستان د بشري حقونو وضعیت” تر سرلیک لاندې په خپل درې میاشتني راپور کې د ښځو او نجونو، د رسنیو د ازادۍ، خپلسري نیولو، د جسمي مجازاتو او اعدام په اړه اندېښنه څرګنده کړې ده.
یوناما د پنجشنبې پر ورځ – د غویی دیارلسمه – په افغانستان کې د بشري حقونو د وضعیت په اړه د ملګرو ملتونو د امنیت شورا پر سپارښتنه یو راپور خپور کړ، چې په د دغو بریدونو له کبله تر ډېره شیعه افغانان له مرګ او ژوبلې سره مخ شوي دي.
د یوناما په راپور کې راغلي، چې د روان کال له جنورۍ څخه تر مارچ پورې په افغانستان کې د داعش د بریدونو له کبله لږ تر لږه ۳۶ کسان وژل شوي او ۱۱۸ نور ټپیان دي.
د دغه راپور له مخې؛ د جنورۍ له شپږمې څخه تر یوولسمې پورې په کابل ښار کې د لاسي بمونو درې چاودنو لږ تر لږه ۷۹ ملکي وګړو ته مر او ژوبله اړولې ده.
د یوناما د څرګدونو له مخې؛ د جنورۍ پر شپږمه د کابل د دشتبرچي سیمې په یوه مسافر وړونکي بس کې د ماین د چاودنې له کبله پېنځه ملکي وګړي ووژل شول او شل نور ټپیان دي.
دغه راز د جنورۍ پر نهمه د کابل په الوخېل سیمه کې د افغانستان د محبسونو ریاست د کارکوونکیو پر موټر د ځای پر ځای شوي ماین د چاودنې له کبله ۳ تنه وژل شوي او ۱۳ نور پیان شول.
په دې راپور کې راغلي؛ د جنورۍ پر یوولسمه هم د کابل د دشتبرچي اړوند په یوه سوداګریز مارکیټ کې د چاودنې له کبله، چې بڼه یې تر اوسه معلومه نده درې کسان وژل شوي او ۳۵ نور ټپیان دي.
راپور د هم څرګندوي، چې د دغو بریدونو په قربانیانو کې د نرینهوو په ګډون ښځې او ماشومان هم شته.
د یوناما د موندنو له مخې؛ په کندهار کې د کابل بانک د دفتر مخې ته په برید کې ۲۵ کسان ووژل شول او ۵۰ نور ټپیان دي. دا برید د مارچ پر یوویشتمه رامنځته شوی، چې د دې برید پړه هم داعش منلې ده.
باید وویل شي، چې له مارچ راوروسته کابل او هرات د داعش د بریدونو شاهدان ول.
دغه راز په یوه تازه پېښه کې د دوشنبې پر ورځ – د غویی لسمه د داعش وسلهوالو د هرات ګذرې ولسوالۍ د شیعهګانو د جومات پر لمونځ کوونکیو برید وکړ، چې د ښځو او ماشومانو په ګډون یې شپږ کسن ووژل او یو بل ټپي شو.
په دغه راپور کې یوناما د ښځو او نجونو، د رسنیو د ازادۍ د وضعیت او په خپل سر نیول او توقیف، د جسمي مجازاتو او اعدام په اړه اندېښنه ښودلې او ویلي یې دي، چې د بښنې له اعلان سره – سره؛ د افغان حکومت د پخوانیو کارکوونکیو پر وړاندې ګواښونه روان دي. د یوناما د دغه راپور په یوه بله برخه کې راغلي چې د مارچ په اتلسمه په خوست ولایت کې د پاکستان په هوايي بریدونو کې یو کس وژل شوی او دوه نور ټپیان دي او دغه راز په پکتیکا ولایت کې اووه ملکي وګړي وژل شوي دي.
اسلامي امارت دغه راپور بې بنسټه بولي او څرګندوي، چې د یوناما راپورونه تکراري، له پروپاګند څخه ډک او له اسنادو پرته دي؛ځکه، چې په هېواد کې د ښځو او نرینهوو حقونه خوندي دي.
د اسلامي امارت ویاند ذبیح الله مجاهد زیاته کړې، چې رسنۍ د هېواد د قوانینو او ملي ارزښتونو په نظر کې نیولو سره فعالیت کوي او د پخوانیو دولتي کارکوونکیو پر وړاندې هیڅ ډول ګواښ نشته.
د ملګرو ملتونو د بشري حقونو شورا په افغانستان کې د بشري حقونو وضعیت کړکېچن بللی او په هېواد کې یې د بشري حقونو په ځانګړي توګه د ښځو د حقونو د خوندیتوب غوښتنه کړې، چې اسلامي امارت یې بې بنسټه بولي.
د داعش د بریدونو د قربانیانو دغه شمېر په داسې حال کې وړاندې کیږي، چې اسلامي امارت په افغانستان کې د داعش ډلې فزیکي شتون رد کړی او څرګندوي، چې دغه ډله ځپل شوې ده.
تازه خبرونه
د دفاع وزارت چارسمبالي د آذربایجان له سفیر سره وکتل
د ملي دفاع وزارت چارسمبالي محمد یعقوب مجاهد د چارشنبې پر ورځ د غویی پر دولسمه په کابل کې د آذربایجان سفارت له چارسمبالي سره د کتنې پرمهال ویلي؛ د سفارت بیا پرانستل د دواړو هېوادونو ترمنځ د اړیکو د ټینګښت لپاره یو مثبت ګام دی.
د ملي دفاع وزارت په خبرپاڼه کې راغلي، چې محمد یعقوب مجاهد ویلي: د دوه مسلمانو هېوادونو ترمنځ دوستي او مشترکات ډېر د ویاړ خبره ده.
محمد یعقوب مجاهد په کابل کې د آذربایجان د سفارت بیا پرانستل یو مثبت ګام یاد کړ او څرګندوي: د دې اوږدمهاله اړیکو د ټینګښت لپاره مونږ غواړو، چې په اقتصادي، سوداګریزو او نورو برخو کې همکارۍ ژر تر ژره پیل کړو.
د آذربایجان سفیر الهام محمدوف هم ویلي؛ مونږ چمتو یو، چې د اسلامي امارت او د دغه هېواد له خلکو سره د اړیکو د ټینګښت په برخه کې همکارۍ پراخې کړو.
-
سیمه ییز خبرونه3 days ago
په هر حال پر رفح برید شونی دی – نتانیاهو
-
سیمه ییز خبرونه5 days ago
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
-
لوبی3 days ago
افغانستان د ۲۰۲۴ کال ۲۰ اوریز نړیوال جام ته لوبډله اعلان کړه
-
تازه خبرونه3 days ago
نړیوال بانک له افغانستان سره ۸۴ میلیون ډالر مرسته ومنله
-
تازه خبرونه5 days ago
تېر کال د ۳۵ میلیون ډالرو پر ارزښت پراختیايي او بشري پروژې ترسره شوي
-
لوبی5 days ago
اټک انرژي او موج ساحل د دوشنبې د ورځې لوبې وګټلې
-
نړۍ5 days ago
د امریکا بهرنیو چارو وزیر د غزې او اسرائیلو د اړیکو عادي کولو لپاره سعودي عربستان ته رسېدلی
-
ساینس او ټیکنالوژي5 days ago
په بیجینګ کې د جي کلاس برقي مرسډیز بینز موټر مخکتنه وشوه