تازه خبرونه
جهادي رهبرانو او حکومتي مشرانو د مسعود د شهادت ورځ ونمانځله
اجرائیه رییس عبدالله عبدالله او د هېواد بېلابېلو سیاسي او جهادي څېرو د یکشنې پر سهار(د وږي ۱۸) په کابل کې د ملي اتل احمدشاه مسعود د ۱۷ تلین په مناسبت د نوموړي پر نوم جوړشوي څلي ته د ګلانو ګیډۍ کیښوده او د شهیدانو سپیڅلي روح ته یې خپلې دعاګانې وړاندې کړې.
ویل کیږي، چې احمد شاه مسعو ۱۷ کاله مخکې د وږي پر ۱۸ د تخار ولایت په خواجه بهاوالدین ولسوالۍ کې د القاعده شبکې د ځانمرګي برید پر لامل ساه ورکړې ده.
نوموړی د ډګروال دوست محمد خان زوی دی او د ۱۳۳۲ ل کال د وږي پر ۱۱ د پنجشېر ولایت د جنګلک په اړوند سیمه کې ځېږیدلی دی.
هغه د ماشومتوب پېر له پنجشېره پیل او پېنځه کلن و، چې د بازارک په اړوند ښوونځي کې یې لومړنۍ زدکړې پیل کړې؛ خو کله، چې یې پلار هرات او بیا کابل ته تبدیل شو پاتې زدکړې یې په هرات او کابل کې وکړې او د کابل پلیتخنیک د انجنیرۍ زدکړیال شو.
په ۱۳۵۲ل کال کې د اسلامي نهضت له غړیتوبه برخمن شو او د ۱۳۵۴ کال په اوړي کې یې د حکومت په وړاندې د پنجشېر پاڅون رهبري کړ.
له دې وروسته نوموړي زدکړې پریښودې؛ پاکستان ته مهاجر شو او د هېواد په بېلابېلو برخو کې یې د وخت د شورویانو او بیا طالبانو په وړاندې د جګړې قومنداني تر سره کړه.
د ملي وحدت حکومت اجرائیه رییس عبدالله عبدالله ویلي، چې د هېواد ملي اتل احمدشاه مسعود په بېلابېلو پړاوونو کې له خپل هېواد، خلکو او عقیدې ساتنه کړې ده.
د ملي دفاع وزیر طارق شا بهرامي د احمدشاه مسعود په اړه وايي، چې هغه د ملي وحدت لپاره هڅې کولې.
احمد شاه مسعود د دیارلس سوه اتیایم کال د سنبلې په اتلسمه د تخار په خواجه بهاوالدین ولسوالۍ کې د دوه عرب ځانمرګو په برید کې ووژل شو، چې ځانونه یې خبریالان معرفي کړي وه او بیا په خپل اړوند ولایت( پنجشیر) کې خاورو ته وسپارل شو.
د سنبلې اتلسمه د افغانستان په قانون کې د شهید اوونۍ بلل شوې او هر کال په دغه ورځ په پلازمېنه کابل کې د یادښت مراسم په ځای کیږي.
تازه خبرونه
جاپان د افغانستان له سیلاب ځپلیو سره د بېړنیو مرستو ژمنه وکړه
په افغانستان کې د جاپان سفارت د پنجشنبې پر ورځ په ډاګه کړه، چې د افغانستان د شمال له سیلاب ځپلیو خلکو سره به بېړنۍ مرستې وکړي.
د سفارت د خپرې شوې خبرپاڼې له مخې؛ دا مرستې به د جاپان د نړيوالې همکارۍ ادارې (JICA) له لارې د سره صليب او سرې مياشتې ټولنې (IFRC) او افغاني سرې مياشتې ټولنې (ARCS) پر همکارۍ ترسره شي.
دا مرست خیمې، کمبلې او نور اړین توکي رانغاړي.
په یادې خبرپاڼه کې راغلي؛ جاپان پرېکړه کړې، چې ډېر ژر به د افغانستان د سيلاب ځپلیو خلکو د مرستې لپاره بېړنۍ مرستې وکړي. مونږ تل د افغانستان د خلکو تر څنګ ولاړ یوو.
دغه راز د ملګرو ملتونو د بشري چارو د همغږۍ دفتر (OCHA) ویلي، چې په بغلان، بدخشان او تخار ولایتونو کې د سختو بارانونو او سیلابونو له کبله ۸ زره ۹۷۵ کورونه ویجاړ شوي او یا هم زیانمن شوي دي.
روسیې هم د اړتیا په صورت کې د مرستې ژمنه کړې ده.
دا په داسې حال کې، چې د اسلامي همکاریو ټولنې (OIC) هم له اسلامي هېوادونو او مرستندویه ټولونو غوښتي، چې د افغانستان له سیلاب ځپلیو سره مرسته وکړي.
تازه خبرونه
د ترکیې سفیر د افغانستان سیلاب ځپلیو ته د ۶۷۰ ټنو مرستې اعلان وکړ
په کابل کې د ترکیې سفیر د اقتصاد وزارت له چارسمبالي سره په کتنه کې څرګنده کړې، چې سبا (جمعه د غویی ۲۸ ) ته به د افغانستان د وروستیو سیلاب ځپلیو لپاره د لومړنیو توکو څه باندې۲۰ ټنه مرسته راولېږدول شي.
د اقتصاد وزارت د خبرپاڼې له مخې؛ جنګ اونال له دین محمد حنیف سره په کتنه کې له ترکیې څخه د ۶۵۰ ټنو نورو بشري مرستو له رالېدولو هم خبر ورکړی، چې په کې خیمې، خوراکي توکي، درمل، جامې او نور توکي شامل دي.
هغه دا ډاډ هم ورکړی، چې افغانستان ته به دا مرستې د اوسپنېپټلۍ له لارې د هرات تورغنډۍ بندر ته رادننه شي.
په دې کتنه کې دین محمد حنیف له دغو مرستو څخه د هرکلي تر څنګ ویلي، چې د ترکیې هېواد د تاریخ په اوږدو کې د افغانستان یو ښه دوست او همکار پاتې شوی دی.
تازه خبرونه
ملګري ملتونه غواړي په افغانستان کې د ځمکو خړبولو لپاره سولري پمپونه ولګوي
د ریاست الوزراء اداري مرستیال عبدالسلام حنفي د سې شنبې پر ورځ ( د غویی پېنځهویشتمه ) د ملګرو ملتونو د پروژې خدمتونو د دفتر (UNOPS) له اجرائیوي رییس جورج موریرا داسیلوا سره وکتل.
په دې کتنه کې جورج موریرا داسیلوا اداري مرستيال ته د خپلو تېرو هڅو او لاسته راوړنو په اړه معلومات ورکړل او څرګندوي؛ دا اداره غواړي، چې په افغانستان کې د سولري پمپونو پر لګولو د کرنيزو ځمکو د خړوبولو يوه نوې پروژه پيل کړي.
عبدالسلام حنفي د دې ادارې د فعالیتونو او لاسته راوړنو د ستاینې ترڅنګ ویلي، چې اسلامي امارت په افغانستان کې د (UNOPS) ادارې له هڅو ملاتړ کوي او د پروژو د پلي کولو لپاره یې لازمې اسانتیاوې برابروي.
ویل کیږي، چې عبدالسلام حنفي له ټولو نړیوالو مرستندویه بنسټونو وغوښتل، چې کروندګرو ته د کوکنارو د بدیل کښت او افغان ځوانانو ته د کار د زمینې په برابرولو کې همکاري وکړي.
-
لوبی3 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه5 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
تازه خبرونه4 days ago
د یوناما استازې د ایران له بهرنیو چارو وزیر سره وکتل
-
تازه خبرونه3 days ago
په ننګرهار کې د ناکامورا کانال پروژه بشپړه شوه
-
تازه خبرونه4 days ago
ملګرو ملتونو د دې ټولنې په عمومي ناسته کې د افغانستان د رایې حق وځنډاوه
-
د هوا حالاتو بدلونونه3 days ago
په تېرو ۲ زره کلونو کې د تېر کال اوړی له ټولو تود و – څېړنه
-
نړۍ4 days ago
انټوني بلینکن اوکراین ته رسېدلی
-
سوداگري2 days ago
د صنایعو او سوداګرۍ وزارت چارسمبالي د تاتارستان له ولسمر سره وکتل